එසැණ පුවත්

පස් කන්දට යට වූ අයෙක් පැයක මෙහෙයුමකින් පසු රෝහලට

බදුල්ල හාලිඇල, බෝගහමඩිත්ත ප්‍රදේශයේ නිවසක් අසල වූ බැම්මක් අවහිරවන ලෙස වැටී තිබූ පස් කන්දක් ඉවත් කරමින් සිටි පුද්ගලයෙකු අද (26) උදෑසන එම පස් කන්දට යටවී තුවාල ලබා රෝහල්ගත කර ඇතැයි පොලීසිය කියයි.

කොටහේනේ වෙඩි තැබීමට තිදෙනකු අල්ලයි

කොටහේන බ්ලූ මැන්ඩල් රේල් පාර අසල වෙළඳ සැලක සිටි පුද්ගලයෙකුට වෙඩි තබා බරපතල තුවාල සිදු කිරීමේ සිද්ධියේ වෙඩික්කරු පැමිණි යතුරු පැදියේ පැදිකරු ඇතුළු තිදෙනකු අත්අඩංගුවට ගත් බව කොටහේන පොලිසිය කියයි.

රුවන් චීන සංවාදයකට

චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ දෙදින සංවාදයකට සහභාගී වීම සඳහා එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා චීනයට ගියේය.

ලෝක ප්‍රජාතන්ත්‍රවාදී තරුණ සම්මේලනයේ උප සභාපති ධූරය ලංකාවට

ලෝක ප්‍රජාතන්ත්‍රවාදී තරුණ සම්මේලනයේ (WFDY) උප සභාපති ධූරය සඳහා ජනතා විමුක්ති පෙරමුණේ සමාජවාදී ශිෂ්‍ය සංගමය නියෝජනය කරමින් මහේල අමරසූරිය තේරී පත්වී තිබේ.

මහින්දානන්දට ඇප

චීනයෙන් ආනයනය කරන ලද ව්‍යාධි ජනක බැක්ටීරියා අඩංගු කාබනික පොහොර නැව සඳහා ශාක නිරෝධායන පරිසර තත්ත්ව වාර්තාව ලැබීමට දින දහයකට පෙර ණයවර ලිපි නිකුත් කිරීමට බල කරමින් රජයට රුපියල් කෝටි 130 පාඩුවක් සිදු කළේ යැයි රක්ෂිතය බන්ධනාගාර ගතව සිටි මහින්දානන්ද අලුත්ගමගේ මහතා ඇප මත මුදා හැරීමට කොළඹ ප්‍රධාන මහේස්ත්‍රාත් අධිකරණය අද නියෝග කළේය .

පුටින් පිස්සෙක් - ට්‍රම්ප් කියයි

රුසියන් ජනාධිපති ව්ලැදිමීර් පුටින් ‘උම්මත්තකයකු’ යැයි ඇමෙරිකන් ජනාධිපති ඩොලන්ඩ් ට්‍රම්ප් චෝදනා කරයි.

පාර්ලිමේන්තුවට වෙනම නීති අංශයක්

පාර්ලිමේන්තුවේ වෙනම නීති අංශයක් පිහිටුවීමට එහි කාර්යමණ්ඩල උපදේශ කාරක සභාවේදී අනුමැතිය ලැබී ඇත.

දුමින්ද බන්ධනාගාර රෝහලට

රත්රන් ගිනි අවිය සම්බන්ධයෙන් අත්අඩංගුවට රිමාන්ඩ් භාරයට පත් කෙරුණු හිටපු අමාත්‍ය දුමින්ද දිසානායක මහතා බන්ධනාගාර රෝහලට ඇතුළත් කර ඇත.

දුම්රිය ප්‍රමාදයෙන් මගීහූ අපහසුතාවට

ධාවනය කිරීමට නියමිතව තිබූ දුම්රිය ගමන්වාර 15 කට ආසන්න සංඛ්‍යාවක් දුම්රිය රියදුරු හිඟය හේතුවෙන් අද (26) පෙරවරුවේ අවලංගු කිරීමට සිදුවූ බව දුම්රිය දෙපාර්තමේන්තුවේ උසස් නිලධාරියෙක් පැවසීය.

රිය අනතුරින් අයෙක් මරුට: තිදෙනකු රෝහලේ

යාපනය නුවර ඒ නවය මාර්ගයේ වවුනියාව, ඕමන්ත ප්‍රදේශයේදී මෝටර් රථයක් අද (26) උදෑසන ටිපර් රථයක ගැටී සිදුවූ අනතුරකින් පුද්ගලයකු මියගොස් තවත් තිදෙනකු බරපතල තුවාල ලබා රෝහල්ගතකොට ඇතැයි ඕමන්ත පොලිසිය කියයි.

අතුරුදන් කන්ටේනර් තොරතුරු ඉල්ලා දයාසිරි අධිකරණයට

කොළඹ වරායෙන් නිදහස් කෙරුණු ආන්දෝලනාත්මක කන්ටේනර් 323 සම්බන්ධයෙන් තොරතුරු ලබා ගැනීමට අධිකරණයට යොමුවන බව සමගි ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී නීතිඥ දයාසිරි ජයසේකර මහතා පැවසීය.

මාලනීගේ හිස්තැන පුරවන්න කාටවත් බෑ

මාලනි ෆොන්සේකා මහත්මිය අභාවයට පත්වීමෙන් සිනමා ක්ෂේත්‍රයේ ඇති වූ හිස්තැන පිරවීමට තවත් කිසිවකුටත් හැකිවේ යැයි තමා නොසිතන බව හිටපු ජනාධිපති මහින්ද රාජපක්ෂ මහතා පැවසීය.

ජනපතිගෙන් පුංචි ආණ්ඩු මන්ත්‍රීන්ට පාඩමක්

මහජන ප්‍රශ්නයක් රැගෙන එන පුරවැසියකුට හිතේ කලකිරීමෙන් යුතුව ආපසු යාමට ඉඩ නොතබන ලෙස ජනාධිපති අනුර කුමාර දිසානායක මහතා පළාත් පාලන ආයතන වලට ජාතික ජන බලවේගයෙන් තේරී පත්වූ නවක මන්ත්‍රීවරුන් අමතමින් කොළඹදී පැවසීය.

අපනයනයේ 162කට හොර පාරේ දීමනා: වියදම කෝටියක්

අපනයන සංවර්ධන මණ්ඩලයේ ප්‍රවාහන දීමනා හිමිකම් නොමැති සේවකයන් එකසිය හැට දෙදෙනෙකුට ප්‍රවාහන දීමනා වශයෙන් එක්කෝටි තිස්නව ලක්ෂයක් 2023 වසරේ දී ගෙවා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

තැනින් තැනට අදත් වැසි

බස්නාහිර, සබරගමුව සහ වයඹ පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව කියයි.

ජනපති මාලිනියට අවසන් ගෞරව දක්වයි

අභාවප්‍රාප්ත ප්‍රවීණ රංගවේදිනී මාලිනී ෆොන්සේකා මහත්මියගේ දේහයට ජනාධිපති අනුර කුමාර දිසානායක මහතා අවසන් ගෞරව දැක්විය.

තුසිත හල්ලොලුවට වෙඩි තැබූසිද්ධියට තුනක් කූඩුව

ජාතික ලොතරැයි මණ්ඩලයේ හිටපු අධ්‍යක්ෂවරයෙකු වන තුසිත හල්ලොලුව මහතාගේ වාහනයට පහරදී සහ වෙඩි තැබුවේ යැයි අත්අඩංගුවට ගත් කාන්තාවක ඇතුළු සැකකරුවන් තිදෙනා ලබන 29 දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් හර්ෂන කැකුණවෙල මහතා නියෝග කළේය .

පානදුරේ නිවෙසකට වෙඩි වරුෂාවක්

යතුරු පැදියකින් පැමිණි නාදුනන තුවක්කු කරුවකු පානදුර මාදුපිට්ය ප්‍රදේශයේ නිවසකට වෙඩි ප්‍රහාරයක් එල්ලකර පලාගොස් ඇති බව පින්වත්ත පොලිසිය පවසයි .

මාලිනී බලන්න කොළඹට ජන ගගක්

ගුරු සිසුවියගේ සිරුර විදුලි පංකාවේ එල්ලේ

බිංගිරිය වයඹ ජාතික අධ්‍යාපන විද්‍යා පිඨයෙ දෙවන වසරේ අධ්‍යාපනය ලැබූ සිසුවියකගේ සිරුර එහි විදුලි පංකාවක එල්ලෙමින් තිබියදී සොයාගත් බව බිංගිරිය පොලිසිය කියයි.

අරගලයට රට පුරා සැකකරුවන් තුන්දාහක්

අරගලයට සම්බන්ධ නඩු සඳහා දිවයින පුරා තුන් දහසකට අධික පිරිසක් සැකකරුවන් ලෙස නම් කර ඇතැයි 2022 අරගලය හා සම්බන්ධය සිදුවීම් වලට අදාළ නඩු කටයුතු කරන නීතිඥවරුන් හා සමාජ ක්‍රියාකාරීන් පිරිසක් සහ මහජන ආරක්ෂක හා පාර්ලිමේන්තු කටයුතු නියෝජ්‍ය අමාත්‍ය සුනිල් වටගල මහතා අතර පැවති සාකච්ඡාවකදී අනාවරණය විය.

ජනපති ප්‍රසංග කලාකරුවන් හමුවෙයි

රටේ ජනතාවට ජනතාවට අහිමි වී ගිය සංස්කෘතික ජීවිතය නැවත සමීප කරවීම වෙනුවෙන් එළිමහන් ප්‍රසංග පවත්වන කලාකරුවන් සිදු කරන මෙහෙය ඇගයීමට ලක් කළ යුතු බව ජනාධිපති අනුර කුමාර දිසානායක මහතා පැවසීය.

විෂ දුම සොයන්න පොලිසියේ තෙවන ඇස RMVය ගනී

වාහන විෂ දුම නිසා දිනෙන් දින ඉහළ යන සෞඛ්‍ය, පාරිසරික සහ දේශගුණික ගැටලු කළමනාකරණය ක්‍රමෝපාය යටතේ අධික විෂ දුම පිට කරන වාහන හදුනාගැනීම සඳහා පොලිස් සීසීටීවී කැමරා පද්ධතිය යොදා ගැනීමට මෝටර් රථ ප්‍රවාහන කොමසාරිස් ජනරාල් කමල් අමරසිංහ මහතා සැළසුම් කර තිබේ.

හරිනි මාලිනියට අවසන් ගෞරව දක්වයි

අග්‍රන්‍ය සිනමා වේදනී මාලනී ෆොන්සේකා මහත්මියගේ දේහයට අග්‍රාමාත්‍ය ආචාර්ය හරිනි අමරසූරිය මෙනවිය අද අවසන් ගෞරව දැක්වූවාය.

එජාප අම්බලන්ගොඩ සංවිධායක අස්වේ

ජනතා ප්‍රසාදයක් නොමැතිව දේශපාලනය කර පළක් නැති බැවින් තමා සංවිධායක ධුරයෙන් ඉල්ලා අස්වන බව එක්සත් ජාතික පක්ෂයේ අම්බලන්ගොඩ ප්‍රධාන සංවිධායක ජනිත් වික්‍රමතිලක මහතා අද පැවසීය.

මාලනී ෆොන්සේකාගේ වර්ණ ඡායාරූපයක් හෙට පත්‍රය සමග

සිංහල සිනමාවේ නිළි රැජින වූ හෙළ සිනමාවෙන් සමුගත් මාලනී ෆොන්සේකා මහත්මියගේ වර්ණ ඡායාරූපයක් ලංකාදීප පුවත්පත සමග හෙට රසික රසිකාවන් අතට පත් කෙරේ.

සමගියේ හයකට සංවිධායක කම් එපා වේ

පක්ෂ නායකත්වය හා ඉහළ තනතුරු දරන නිලධාරීන්ගේ අකටයුතුකම් හේතුවෙන් සමගි ජනබලවේගය පක්ෂයේ ආසන සංවිධායකවරුන් පස් දෙනකු එම තනතුරින් ඉල්ලා අස්වීමේ ලිපි පක්ෂයේ මහ ලේකම් රංජිත් මද්දුම බණ්ඩාර වෙත භාරදී ඇතැයි එම පක්ෂ අභ්‍යාන්තර කටයුතු ආරංචි මාර්ග කියයි.

මතුගම පුංචි මන්ත්‍රිවරු හතරක සජිත් සමග එක් වෙති

මතුගම ප්‍රාදේශීය සභාවට තේරු පත් වූ මන්ත්‍රීවරු පිරිසක් විපක්ෂ නායක සජිත් ප්‍රේමදාස මහතා හමුවී සමගි ජන බලවේගයට සහාය පළ කළහ.