එසැණ පුවත්

නවසීලන්ත නියෝජ්‍ය අගමැති මෙරට සංචාරයක

නවසීලන්තයේ විදේශ කටයුතු අමාත්‍යවරයා සහ නියෝජ්‍ය අගමැතිවරයා වන වින්ස්ටන් පීටර්ස් මහතා එළඹෙන 24 සිට 28 වැනිදා දක්වා මෙරට නිල සංචාරයක නිරත වන බව විදේශ කටයුතු අමාත්‍යාංශය ප්‍රකාශ කළේය.

20 May 2025

රන් ආලේපිත අවියක් කතකගේ කාරයේ ඩිකියෙන් මතුවේ

වැල්ලවත්ත හැව්ලොක් සිටි නිවාස සංකීර්ණයේ නිවසක් තුළ තිබි අඩක් රන් ආලේපිත ටි 56 වර්ගයේ ගිණි අවියක් සහ මැගසිනයක් සොයා ගත් බව වැල්ලවත්ත පොලිසිය කියයි.

20 May 2025

රෝමයේ විනීත හිමි ලියෝ පාප්තුමා මුණ ගැසෙති

ඉතාලියේ රෝමය ප්‍රීමා පෝර්තා ශ්‍රී බෝධි විහාරාධිපති බණ්ඩිරිප්පුවේ විනීත තිස්ස හිමියෝ 14 වෙනි ලියෝ පාප්තුමා සිය පෙට්රීන් අමාත්‍යයාංශයේදී 19 දා මුණ ගැසුනහ.

20 May 2025

ජනතාවට කොලේ වහලා විදුලි බිල වැඩි කරන්න සහය දෙන්නේ නෑ

ජනතාවට කොලේ වහලා සීයට දහ අටකින් විදුලි බිල වැඩි කරන්න ආණ්ඩුවට හැකියාවක් නැතැයි සමගි ජන බලවේගයේ කොළඹ දිස්ත්‍රික් මන්ත්‍රී ආචාර්ය හර්ෂද සිල්වා මහතා පාර්ලිමේන්තුවේදී පැවසීය.

20 May 2025

EPF සේවා සීමාකරයි

කම්කරු දෙපාර්තමේන්තුව සේවා සපයන සේවක අර්ථසාධක අරමුදල් පරිගණක දත්ත පද්ධතියේ හදිසි සහ අත්‍යවශ්‍ය නඩත්තු කටයුත්තක් හේතුවෙන් දිවයින පුරා කම්කරු කාර්යාලවල කකටයුතු හෙට (21) සිට මේ මස 23 වැනිදා දක්වා සේවා සීමා කර ඇති බව කම්කරු කොමසාරිස් ජනරාල්වරයා නිවේදනයක් නිකුත් කරමින් පවසයි.

20 May 2025

හිටපු කාන්තා සහ ළමා කටයුතු අමාත්‍යවරියට නඩු

නිසි ක්‍රියා පටිපාටිය අනුගමනය කිරීමකින් තොරව වියළි කළාප සංවර්ධන ව්‍යාපෘතියේ අධ්‍යක්‍ෂ ජනරාල්ධුරයට පුද්ගලයකු පත් කිරීම සහ නීතී්‍යානුකූල නොවන ආකාරයට එහි ව්‍යාපෘති වලට සිය හිතවතුන් පත් කිරීමට අමාත්‍යාංශ ලේකම්වරයා පෙළඹවීම මඟින් දඬුවම් ලැබිය යුතු වැරදි කළ බවට චෝදනා කරමින් හිටපු කාන්තා සහ ළමා කටයුතු අමාත්‍යවරිය සහ වියළි කළාප සංවර්ධන අමාත්‍යවරිය ලෙස කටයුතු කළ චන්දාණී බණ්ඩාර මහත්මියට එරෙහිව අල්ලස් කොමිසම කොළඹ මහාධිකරණය හමුවේ අද (20) නඩු පැවරීය.

20 May 2025

’’අපට රණ විරුවා හැමදාම වීරයෙක්’’

’’ආණ්ඩුවට රණ විරුවා සාමාන්‍ය සෙබළෙක් ලෙස දැනුනත් අපට රණවිරුවා හැමදාම වීරයෙක්’’ යැයි පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැවසීය.

20 May 2025

’’රනිල් ඉන්නේ ලෝකෙ කාලා වතුර බීලා’’

මාස දෙකක් මට තරගෙට නඩු පැවරුවා.නඩු දැම්මට කමක් නෑ.හොරු අල්ලන්නත් ඕන. හැබැයි ගාගන්නෙ නැතුව, එළියේ ජරා කරන්නේ නැතුව බාත් රූම් එකේ ජරා කරන්නැයි බදුල්ල දිස්ත්‍රික් මන්ත්‍රී චාමර සම්පත් දසනායක මහතා:-(න.ප්‍ර.පෙ) පාර්ලිමේන්තුවේදී පැවසීය.

20 May 2025

ප්‍රචණ්ඩත්වය උසිගන්වන අයට තදින් නීතිය

ප්‍රචණ්ඩත්වය උසිගන්වන අයට නීතිය ක්‍රියාත්මක කරන බව කොළඹ දිස්ත්‍රික් මන්ත්‍රිනී ආචාර්ය කෞශල්‍යා ආරියරත්න මෙනවිය:-(ජා.ජ.බ) පාර්ලිමේන්තුවේදී පැවසුවාය.

20 May 2025

පොඩි වාහන වල යන්න හිටපු මිනිස්සු දැන් පයින් යනවා

පොඩි වාහන වල යන්න බලාපොරොත්තු වූ ජනතාවට මේ ආණ්ඩුව පයින් යන්න ඉඩ සලස්වා තිබෙන බව ගම්පහ දිස්ත්‍රික් මන්ත්‍රී අමිල ප්‍රසාද් මහතා:-(ස.ජ.බ) පාර්ලිමේන්තුවේදී පැවසීය.

20 May 2025

ආබාධිත සෙබළුන්ට ජනාධිපති කාර්යාලයෙන් වාහන

රණක්ෂිතයට පත් සෙබළුන්ගේ ප්‍රතිකාර සහ පුනරුත්ථාපන කටයුතු වෙනුවෙන් පවත්වාගෙන යන සුවසහන නිකේතන සඳහා අඩුපාඩුවක්ව පැවැති වාහන 5ක් පිරිනැමීම ජනාධිපති කාර්යාලයට අයත් ශ්‍රාවස්ති පරිශ්‍රයේදී අද (20) පස්වරුවේ සිදු විණි.

20 May 2025

දිස්ත්‍රික්ක 6කට නාය අවධානම්

අධික වැසි සහිත කාලගුණය හේතුවෙන් දිස්ත්‍රික්ක 6 ක් සඳහා ජාතික ගොඩනැගිලි පර්යේෂණ සංවිධානය විසින් නාය යෑමේ අනතුරු ඇඟවීමේ නිවේදනය කර තිබේ.

20 May 2025

ලංකා ආර්ථිකය ස්ථාවර තැනකට ඇවිත්

මේ වන විට ලංකා ආර්ථිකය ඉතා හොඳ ස්ථාවර තැනකට පැමිණ තිබෙන බව මුදල් සහ ක්‍රම සම්පාදන නියෝජ්‍ය අමාත්‍ය ආචාර්ය හර්ෂණ සූරියප්පෙරුම මහතා පාර්ලිමේන්තුවේදී පැවසීය. ’’ආර්ථිකය ගොඩ නගන්න අවශ්‍ය කරන තල්ලුව ගැනීම සඳහා වාහන ආනයනයෙන් ලැබෙන ආදායම යොදා ගන්නවා.

20 May 2025

කටුනායක ඇඟළුම් කම්හලක් හදිසියේ වසා දමලා

කටුනායක නිදහස් වෙළෙද කළාපයේ තුළ පවත්වාගෙන ගිය නෙක්ස්ට් ( NEXT ) ඇගලුම් නිෂ්පාදන කර්මාන්තශාලාව අද දින සිට දින නියමයක් නොමැතිව වසා දමා තිබේ .

20 May 2025

පොලිස් යුවළකගෙන් හිටපු පෙර පාසල් ගුරු උපදේශකවරියට තර්ජන

පොලිස් පරීක්ෂකවරියකට එරෙහිව කොළඹ ප්‍රධාන මහේස්ත්‍රාත් අධිකරණයේ පවරා ඇති නඩුවට ඉදිරිපත් නොවන ලෙස එම පොලිස් පරීක්ෂකවරිය ප්‍රධාන පොලිස් පරීක්ෂකවරයෙකු වන සැමියා සමඟ පැමිණිලිකාරියගේ නිවසට ගොස් මරණීය තර්ජන සිදු කළ බවට පැමිණිල්ලක් ලැබී ඇතැයි කොට්ටාව පොලිසිය කියයි.

20 May 2025

කොළඹ-මඩකලපුව දුම්රිය ධාවනය යථා තත්ත්වයට

මීනගයා නගරාන්තර සීග්‍රගාමී දුම්රිය අද(20) පීලි පැනීම හේතුවෙන් ඇනහිට තිබූ කොළඹ-මඩකලපුව මාර්ගයේ දුම්රිය ධාවනය දහවල් 12 ට පමණ යථාතත්වයට පත් කළ බව දුම්රිය පාලක මැදිරි කාර්යාලය පවසයි.

20 May 2025

අපරාධ නඩු පනතට ඉදිරිපත්වූ පෙත්සම විසි කරයි

අපරාධ නඩු විධාන සංග්‍රහය (සංශෝධන) නැමැති පනත් කෙටුම්පත සම්බන්ධයෙන් ඉදිරිපත්වූ පෙත්සම නිෂ්ප්‍රභ කළ බව ශ්‍රේෂ්ඨාධිකරණය දැනුම් දී ඇතැයි කතානායක වෛද්‍ය ජගත් වික්‍රමරත්න මහතා පාර්ලිමේන්තුවේදී අද (20) පැවසීය.

20 May 2025

විගණකාධිපති තේරීම අද

නව විගණකාධිපති කවුදැයි ආණ්ඩුක්‍රම ව්‍යවස්ථා සභාව අද රැස්වී තීරණය කරන බව කතානායක වෛද්‍ය ජගත් වික්‍රමරත්න මහතා පාර්ලිමේන්තුවේදී අද (20)පැවසීය.

20 May 2025

මුජිබුර්- දායාසිරි කෝප් සභාවට

පොදු ව්‍යාපාර පිළිබඳ කාරක සභාව සඳහා තවත් සාමාජික මන්ත්‍රීවරුන් දෙදෙනෙකු නම් කරන බව කථානායක වෛද්‍ය ජගත් වික්‍රමරත්න මහතා පාර්ලිමේන්තුවට අද නිවේදනය කළේය.

20 May 2025

නීතිඥ සංගමය අල්ලස් කොමිසමට එරෙහිව අධිකරණයට යයි

නීතිඥවරයකු කරන ලද රාජකාරිමය කටයුත්තක් සම්බන්ධයෙන් ප්‍රකාශයත් ලබාදීම සඳහා නීතිඥවරයකු අල්ලස් කොමිසමට කැඳවීම පිළිබඳව ලබන 03 දින අධිකරණය හමුවේ කරුණු දක්වන්නැයි කොළඹ ප්‍රධාන මහේස්ත්‍රාත් තනූජා ලක්මාලී මහත්මිය අල්ලස් කොමිසමට අද නියෝග කළාය.

20 May 2025

අපරාධ නඩු විධාන කෙටුම්පත ගැන ශ්‍රේෂ්ඨාධිකරණ මතය මැතිසබේට

අපරාධ නඩු විධාන සංග්‍රහය (සංශෝධන)” නැමැති පනත් කෙටුම්පතේ කිසිදු විධිවිධානයක් ආණ්ඩුක්‍රම ව්‍යවස්ථාවේ කිසිදු ප්‍රතිපාදනයකට පටහැනි බවට නිගමනය කිරීමට කිසිදු කරුණක් නොමැති බව ශ්‍රේෂ්ඨාධිකරණය තීන්දු කර ඇතැයි කථානායක වෛද්‍ය ජගත් වික්‍රමරත්න මහතා පාර්ලිමේන්තුවට අද(20) දැනුම් දුන්නේය.

20 May 2025

හිටපු ජනාධිපති මහින්ද රණවිරුවන්ට උපහාර දක්වයි

හිටපු ජනාධිපති මහින්ද රාජපක්‍ෂ මහතා ප්‍රමුඛ ශ්‍රී ලංකා පොදුජන පෙරමුණේ සාමාජිකයෝ එල්.ටී.ටී.ඊ. ත්‍රස්තවාදයෙන් රට සමුදාගැනීමේ යුද ජයග්‍රහණයේ 16 වැනි සමරුව වෙනුවෙන් පාර්ලිමේන්තුව අසළ පිහිටි රණවිරු ස්මාරකායට අද (20) පෙරවරුවේ උපහාර දැක්වූහ.

20 May 2025

රණවිරු උළලේ කලබල කළ පියකු - දරු දෙදෙනකු අත්අඩංගුවට

රණවිරු උත්සවය අවස්ථාවේදී ජනාධිපති අනුර කුමාර දිසානායක මහතා හමුවීමට අවශ්‍ය බව පවසා කලහකාරී ලෙස හැසිරුණු පියෙකු සහ දරුවන් දෙදෙනෙකු පොලිස් භාරයට ගත් බව තලංගම පොලිසිය පවසයි.

20 May 2025

රාජ්‍ය තාන්ත්‍රික පුහුණුවට බ්‍රසීලය එක්ක ගිවිසුමක්

බණ්ඩාරනායක ජාත්‍යන්තර රාජ්‍යතාන්ත්‍රික පුහුණු ආයතනය සහ බ්‍රසීල ෆෙඩරේටිව් ජන රජයේ විදේශ කටයුතු අමාත්‍යාංශයේ රියෝ බ්‍රැන්කෝ ආයතනය අතර සහයෝගීතාව පිළිබඳ අවබෝධතා ගිවිසුම අත්සන් කිරීම සඳහා කැබිනට් අනුමැතිය ලැබී ඇත.

20 May 2025

ටක්කෙටම අනාවැකි කියන්න ’’කාලගුණේට’’ හයියක් දෙයි

දේශගුණික ඔරොත්තු දීමේ බහු - අදියර වැඩසටහන් ප්‍රවේශ ව්‍යාපෘතිය යටතේ කාලගුණ විද්‍යා දෙපාර්තමේන්තු මූලස්ථානයේ සහ ප්‍රාදේශීය මධ්‍යස්ථාන වල යටිතල පහසුකම් වැඩි දියුණු කිරීම පිණිස උපදේශන සමාගමක සේවය ලබා ගැනීමට කැබිනට් අනුමැතිය ලැබී ඇත.

20 May 2025

අපරාධ නඩු විධාන සංග්‍රහය පනත වෙනස් කරන්න යයි

අපරාධ නඩු විධාන සංග්‍රහය පනත සංශෝධනය කිරීමට (මරණ පරීක්ෂණ) කැබිනට් අනුමැතිය ලැබී ඇත.

20 May 2025

’’සුරැකෙමු මගතොට’’ ව්‍යාපෘතියට අනුමැතිය

’’සුරැකෙමු මගතොට’’ ව්‍යාපෘතිය ක්‍රියාත්මක කිරීමට කැබිනට් අනුමැතිය ලැබී ඇත.

20 May 2025

රූපවාහිනිය චීනය සමඟ ගිවිසුමක්

මහජන චීන සමූහාණ්ඩුවේ චොං විං විකාශන සමූහය සහ ශ්‍රී ලංකා රූපවාහිනී සංස්ථාව අතර අවබෝධතා ගිවිසුමක් අත්සන් කිරීමට කැබිනට් අනුමැතිය ලැබී ඇත.

20 May 2025