එසැණ පුවත්

පර්පෙචුවෙල් ටෙෂරීස් සමූහයේ තවත් අධ්‍යක්ෂවරයකුට වරෙන්තු

ශ්‍රී ලංකා මහ බැංකුවේ බැඳුම්කර වෙන්දේසි දෙකකදි රුපියල් බිලියන 52ක් සාවද්‍ය පරිහරණය කළැයි කියන සිද්ධියට අදාළ නව පැමිණිල්ලක් සම්බන්ධයෙන් හිටපු මහ බැංකු අධිපති ලක්ෂ්මන් අර්ජුන් මහේන්ද්‍රන් සහ පර්පෙචුවෙල් ටෙෂරීස් සමාගම් සමූහයේ අධ්‍යක්ෂවරයකු වූ අජාන් ගාර්දියෙ පුංචිහේවා යන අය වහාම අත්අඩංගුවට ගෙන අධිකරණය වෙත ඉදිරිපත් කරන ලෙස නියම කරමින් කොළඹ කොටුව මහේස්ත්‍රාත් රංග දිසානායක මහතා අද (17) වරෙන්තු නිකුත් කළේය.

17 June 2020

හිරුණිකාට සිතාසි

දෙමටගොඩ ප්‍රදේශයේ වෙළඳ සැලක සේවය කළ තරුණයෙකු පැහැරගෙන ගොස් පහර දී සාපරාධී ලෙස බිය ගන්වන ලද බවට පාර්ලිමෙන්තු මන්ත්‍රී හිරුණිකා ප්‍රේමචන්ද්‍ර මහත්මියට එරෙහි නඩුව සඳහා ලබන ජුලි මස 10 වැනිදා අධිකරණයේ පෙනී සිටින ලෙස ඇයට කොළඹ මහාධිකරණ විනිසුරු චම්පා ජානකී රාජරත්න මහත්මිය අද (17) නියම කළාය.

17 June 2020

ආර්ථිකය නඟා සිටුවීමට ශ්‍රී ලංකා මහ බැංකුවෙන් නව ණය වැඩසටහන්

ආර්ථිකය නඟාසිටුවීමේ රජයේ ප්‍රයන්තවලට සහාය දීමක් වශයෙන් නව ණය වැඩසටහන් හඳුන්වාදීමට ශ්‍රී ලංකා මහ බැංකුව තීරණය කර ඇත.

17 June 2020

සිරිකොතේ දොර වසාගෙන නව තනතුරුවලට පත්කරලා

ලංකා ජාතික වතු කම්කරු සංගමයේ නව තනතුරු සිරිකොතේ දොර වසාගෙන පත් කර ඇතැයි එම සංගමයේ හිටපු මහ ලේකම් බදුල්ල දිස්ත්‍රික් හිටපු පාර්ලිමේන්තු මන්ත්‍රී වඩිවෙල් සුරේෂ් මහතා පැවසීය.

17 June 2020

තිදෙනකුට පහරදුන් කාන්තාවන් සිව්දෙනා අධිකරණයට

හුංගම පොලිස් වසමේ රන්න වාඩිගල ප්‍රදේශයේ දී ඉකුත් 15 දින නිවසකට පැන අලාභ හානි කර කාන්තාවකට හා පිරිමි පුද්ගලයින් දෙදෙනෙකුට පහර දී බරපතල තුවාල සිදු කිරීමට සම්බන්ධ වූ බවට සැකපිට අත් අඩංගුවට පත් කාන්තාවන් සිව් දෙනා අද (17) අගුණකොලපෑලස්ස මහේස්ත්‍රාත් අධිකරණයට ඉදිරිපත් කරනු ලැබීය.

17 June 2020

ලංකා කම්කරු කොංග්‍රසයේ මහලේකම් ධුරය ජීවන් තොණ්ඩමන්ට

ලංකා කම්කරු කොංග්‍රසයේ මහ ලේකම් ධුරය දිවංගත ආරුමුගන් තොණ්ඩමන් මහතාගේ පුත් ජිවන් තොණ්ඩමන් මහතා වෙත පිරි නැමීමට එම පක්ෂයේ දේශපාලන මණ්ඩලය අද (17) දින තීරණය කර ඇත.

17 June 2020

ෂැංග්‍රිලා හෝටලයේදී පුපුරුවා ගත්තේ අමුතු රසායනික යෙදූ බෝම්බයක්

පාස්කු ඉරුදින කොළඹ ෂැංග්‍රිලා හෝටලයට එල්ල කළ මරාගෙන මැරෙන ප්‍රහාර දෙක සඳහා යූරියා නයිට්ට්‍රේට් නම් මෙතෙක් මෙරටින් වාර්තා නොවු රසායනික ද්‍රව්‍ය යොදා සෑදු බෝම්බ ​යොදාගෙන ඇති බව විශ්‍රාමික රජයේ රස පරීක්ෂක ඒ. වැලිඅංගේ මහතා පාස්කු ඉරුදින බෝම්බ ප්‍රහාර මාලාව සම්බන්ධයෙන් විමර්ශනය කරන ජනාධිපති කොමිසම හමුවේ සාක්ෂි ලබා දෙමින් ඊයේ (16) ප්‍රකාශ කළේය.

17 June 2020

ඡන්ද දූෂණ ගැන මැකෝගේ කතාව අද ගළපාගැනීම

කාන්තාවක සමූහ දූෂණයට ලක් කිරීමත් ඡන්ද මධ්‍යස්ථානවලට කඩාපැන ඡන්ද පෙට්ටි පිරවීමත් අතර වෙනසක් නැතැයි මැතිවරණ කොමිසමේ සභාපති මහින්ද දේශප්‍රිය මහතා පසුගිය දිනක කියා තිබිණි. රූපවාහිනී නාළිකාවක සාකච්ඡාවකට සහභාගි වෙමින් ඔහු කළ මේ ප්‍රකාශය එම වැඩසටහන නැරඹූ බොහෝදෙනාගේ ප්‍රබල අවධානයක් දිනාගැනීමට සමත්විය. ඒ සමඟ දේශප්‍රිය මහතා ප්‍රකාශ කළේ මැතිවරණ නොපැවැත්වීමද ඒ හා සමාන වැරුද්දක්, දූෂණයක් බවය.

17 June 2020

ව්‍යාජ චැසි හා එන්ජින් අංක කොටන ස්ථානයක් හොරණින් අල්ලයි

හොරණ ගොඩැල්ල ප්‍රදේශීය පවත්වාගෙන ගිය යතුරු පැදි වලට ව්‍යාජ අයුරින් චැසි හා එන්ජින් අංක කොටන ස්ථානයක් වටලා එන්ජින්,චැසි, අමතර කොටස් මෙන්ම එම අංක කෙටීමට උපයෝගී කර ගත් උපකරණ සමග පුද්ගලයින් සිව් දෙනෙකු අත්අඩංගුවට ගත් බව පිළියන්දල පොලිසිය කියයි .

17 June 2020

අත්අඩංගුවට ගත් පාතාල සාමාජිකයා රිමාන්ඩ්

ජීව අත් බෝම්බයක් සමග වැරැල්ලැන වෙරළ තීරයේදි සැකපිට ප්‍රශ්න කිරීම සදහා අත අඩංගුවට ගෙන අධීකරණයට ඉදිරිපත් කළ මිනි මැරුම්, ගෙවල් ගිනි තැබීම් හා මත් පෙති ජාවාරම් කිරීම් ඇතුලු දරුණු ගනයේ අපරාධ රැසක් සම්බන්ධයෙන් චෝදනා ලැබ සිටින ගාලු දිසාවේ ප්‍රබල පාතාල කණ්ඩායම් නායකයකු ලෙස හංවඩු ගැසී ඇති මෝල් අමියා නමැති පාතාල කණඩායම් සාමාජිකයා ජුනි 25 දක්වා රක්ෂිත බන්ධනාගාරගත කරන ලෙස බලපිටිය මහේස්ත්‍රාත් සම්පත් ගමගේ මහතා නියෝග කලේය.

17 June 2020

ඉන්දියාවේ සිටි ශ්‍රී ලාංකිකයන් පිරිසක් කටුනායකට

තම රටට පැමිණීමට නොහැකිව ඉන්දියාවේ තමිල්නාඩු ප්‍රාන්තයේ රැදී සිටි ශ්‍රී ලාංකිකයන් 53 දෙනෙකු අද17 දින අලුයම , ශ්‍රී ලන්කන් ගුවන් සේවයේ විශේෂ ගුවන් යානයක් මගින් කටුනායක ගුවන් තොටුපළ වෙත රැගෙන විත් තිබේ .

17 June 2020

දේශසීමාවේ චීන හමුදා සමඟ ගැටුමෙන් ඉන්දීය සෙබළු 20ක් මරුට

මතභේදාත්මක හිමාලයානු දේශසීමාවේදී චීන හමුදා සමඟ ඇති වූ ගැටුමකින් ඉන්දීය සෙබළුන් 20 දෙනකු ජීවිතක්ෂයට පත්වූයේ යැයි එරට හමුදා අද (16) ප්‍රකාශ කළේය.

17 June 2020

බීජිං නුවර පාසල් වසයි

නව කොරෝනා ආසාදිතයන් වාර්තා වීමත් සමඟ චීනයේ බීජිං අගනුවර පාසල් වසා දැමීමට නගර බලධාරීහු අද (16) පියවර ගත්හ.

16 June 2020

ෂැංග්‍රිලා ප්‍රහාරයට ලංකාවෙන් සොයා නොගත් රසායනික ද්‍රව්‍ය යොදා ගෙන ඇතැයි කොමිසමට කියයි

පාස්කු ඉරුදින බෝම්බ ප්‍රහාර මාලාවේ ෂැංග්‍රිලා හෝටලයට එල්ල කළ මරාගෙන මැරෙන බෝම්බ ප්‍රහාරය සඳහා මෙතෙක් ලංකාවෙන් සොයා නොගත් යූරියා නයිට්‍රේට් නැමැති රසායනික ද්‍රව්‍ය අඩංගු බෝම්බ නිෂ්පාදනය කර තිබෙන බව හිටපු රජයේ රස පරීක්ෂක ඒ.වැලිඅංගේ මහතා පාස්කු ප්‍රහාරය සම්බන්ධයෙන් පවත්වන ජනාධිපති විමර්ශන කොමිසම හමුවේ අද(16) සාක්ෂි ලබාදෙමින් ප්‍රකාශ කළේය.

16 June 2020

අබුඩාබියේදී ගැබිනියන් වූ 100ක් හෙට උදෑසන ලංකාවට එති

අබුඩාබියේ රැකියා සදහා ගොස් සිටි 275 දෙනෙකු හෙට (17) පෙරවරුවේ ශ්‍රී ලංකාවට පැමිණීමට නියමිතය. එම පිරිස අතරේ ගැබිණි කාන්තාවන් සියදෙනෙකු හා රෝගී තත්ත්වයෙන් පසුවන කාන්තාවක ද සිටින බව විදේශ කටයුතු අමාත්‍යංශ ආරංචි මාර්ග සඳහන් කරයි.

16 June 2020

පුතා-මව ඝාතනය කළ අයෙකුට 17 වසරකට පසු මරණ දඬුවම

නිට්ටබුව අත්තනගල්ල පාරේ පදිංචිව සිටි 30 හැවිරිදි මවක් සහ ඇයගේ සිව් හැවිරිදි පුතුව ගෙල සිර කර ඝාතනය කිරිමේ චෝදනාවට වරදකරු වු විත්තිකරුට වසර 17 කට පසු මරණීය දණ්ඩනය ගම්පහ පුර්වගාමි මහාධිකරණ විනිසුරු ප්‍රශාන්ත ද සිල්වා මහතා අද (16) නියම කළේය .

16 June 2020

එක්සත් රාජධානියේ ලක්ෂ 6කට රැකියා අහිමි වෙයි

නව කොරෝනා වයිරසය හෙවත් ‘කොවිඩ්-19’ ගෝලීය වසංගතය හේතුවෙන් එක්සත් රාජධානියේ 600,000කට වැඩි පිරිසකට රැකියා අහිමි වී ඇත.

16 June 2020

බණ්ඩාරගම මාධ්‍යවේදියාට පහර දීමේ සිද්ධිය විමර්ශනය එම පොලිසියෙන් ඉවතට

බණ්ඩාරගම අටුළුගම ප්‍රදේශයේ ජනතාව රාමසාන් උත්සවය සමරන ආකාරය වාර්තා කිරීමට ගිය බණ්ඩාරගම ප්‍රාදේශීය වාර්තාකරු බිමල් ශ්‍යාමන් ජයසිංහ මහතාගේ වාහනයට අලාභහානි කොට , මැර ප්‍රහාරයක් එල්ල කිරීමේ සිද්ධියට අදාල පැමිණිල්ල සම්බන්ධයෙන්, බණ්ඩාරගම පොලීසිය අපක්ෂපාතී පරීක්ෂණයක් නොකිරීම හේතුවෙන් , ඉන් ඉවත් කොට ඉදිරි පරීක්ෂණ බස්නාහිර පළාත් දකුණ දිශාව බාර අපරාධ කොට්ඨාසයට පැවරිමට, බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා අද (16) පියවර

16 June 2020

පාස්කු ප්‍රහාරයෙන් තුවාල ලැබූ 39 කට සෞඛ්‍ය අරමුදලේ වියදමින් ප්‍රතිකාර

පාස්කු ඉරිදා දින එල්ල වූ ත්‍රස්ත ප්‍රහාරයෙන් තුවාල ලැබූ 139 දෙනකු තවමත් වෛද්‍ය ප්‍රතිකාර ලබාගන්නා අතර ඔවුන්අතුරින් දීර්ඝ කාලීනව විශේෂ ප්‍රතිකාර ලැබිය යුතු 39 දෙනකුට ප්‍රතිකාර සඳහා අවශ්‍ය වියදම් සෞඛ්‍යඅමාත්‍යාංශයේ සෞඛ්‍ය සංවර්ධන අරමුදලින් ලබාදීමට සෞඛ්‍ය හා දේශීය වෛද්‍ය සේවා අමාත්‍ය පවිත්‍රා වන්නිආරච්චි මහත්මිය තීරණය කර තිබේ.

16 June 2020

වත්තේගම නාගරික මන්ත්‍රී රැස්වීම මැදදී අවසන් හුස්ම හෙළයි

වත්තේගම නගර සභාවේ මාසික මහ සභා රැස්වීම අද 16 වනදා පෙරවරුවේ පැවැත්වෙමින් තිබියදී එයට සහභාගී වෙමින් සිටි ශ්‍රී ලංකා පොදු ජන පෙරමුණේ නාගරික මන්ත්‍රී ඩී.එම්.රණවීර බණ්ඩාර මහතා හදිසියේ රෝගාතුර වීම හේතුවෙන් වත්තේගම ප්‍රාදේශිය රෝහලට ඇතුලත් කළද එහිදී මිය ගොස් තිබේ .

16 June 2020

‘’එක රටක් එක නීතියක් කියා බලයට පත්වූ ආණ්ඩුවෙන් ප්‍රභූන්ට වෙනම නීතියක්’’

එක රටක් එක නීතියක් යනුවෙන් පවසා බලයට පත් වූ වත්මන් ආණ්ඩුව ප්‍රභූන්ට එක නීතියකුත් රටේ සාමාන්‍ය ජනතාවට තවත් නීතියක් ක්‍රියාත්මක කරමින් සිටින බව හිටපු අමාත්‍ය ලක්ෂ්මන් කිරිඇල්ල මහතා කොළඹදී පැවසීය.

16 June 2020

පාලිත තෙවරප්පෙරුමට හදිසි හදවත් සැත්කමක්

එක්සත් ජාතික පක්ෂයේ කළුතර දිස්ත්‍රික් අපේක්ෂකයෙකු සහ හිටපු නියෝජ්‍ය අමාත්‍යවරයකු වන පාලිත තෙවරප්පෙරුම මහතා හදිසි අසනීප තත්ත්වයක් හේතුවෙන් කොළඹ පෞද්ගලික රෝහලකට ඇතුලත් කර තිබේ.

16 June 2020

තේ කොළ වලට සීනි කවලම් කරන අය ගැන විමර්ශන

තේ කොළ වලට සීනි කවලම් කර වෙළඳ පොළට එවනු ලබන කම්හල් පිළිබඳව විමර්ශන කටයුතු තවදුරටත් දැඩි කිරීමට පියවර ගත් බව ශ්‍රී ලංකා තේ මණ්ඩලයේ සභාපති ජයම්පතී මොල්ලිගොඩ මහතා පැවැසීය.

16 June 2020

සිනමන් ප්‍රණාම වෙතින් සුවවිරුවන්ට සත්කාර

නව කොරෝනා වයිරසය හෙවත් ‘කොවිඩ්-19’ ගෝලීය වසංගතය රටතුළ පරාජය කිරීමේ සටනේ ඉදිරිපෙළ සිටි මෙරට වෛද්‍යවරුන්, හෙද හෙදියන් ඇතුළු සෞඛ්‍ය කාර්යමණ්ඩලවලට ස්තුතිය පිරිනැමීමේ අරමුණින් සිය හෝටල්වල සියලු පහසුකම් සහතිව රාත්‍රී දෙකක් නොමිලේ ගත කිරීම සඳහා ‘සිනමන් හොටෙල්ස් ඇන්ඩ් රිසෝට්ස්’ සමාගම පියවර ගෙන ඇත.

16 June 2020

නිස්සංක - පාලිත දෙදෙනාගේ ප්‍රතිශෝධන පෙත්සම සලකා බැලීම ජූලි 8

තමන්ට එරෙහිව අල්ලස් හෝ දූෂණ විමර්ශන කොමිෂන් සභාව විසින් කොළඹ මහාධිකරණය හමුවේ පවරා තිබූ නඩුව සම්බන්ධයෙන් සිය නීතීඥවරුන් ඉදිරිපත් කළ මූලික විරෝධතාවය ප්‍රතික්ෂේප කරමින් , එම නඩුව විභාගයට ගැනීමට ගත් තීන්දුව අත්හිටුවන නියෝගයක් නිකුත් කරන්නැයි ඉල්ලා “ඇවන්ට් ගාඞ්” සභාපති නිශ්ශංක සේනාධිපති මහතාට සහ “රක්නා ලංකා” සභාපති විශ්‍රාමික මේජර් ජනරාල් පාලිත ප්‍රනාන්දු මහත්වරුන් ගොනු කළ ප්‍රතිශෝධන පෙත්සම ලබන ජූලි 08 වැනිදා සලකා බැලීමට අභියාචනාධිකරණය අද (16) තීන්දු

16 June 2020

’’පී සී ආර් පරික්ෂණ 80,000 න් 10,000 ක් සිදුකරේ ජපුර සරසවියේ’’

කොවිඞ් 19 වයිරසය පිළිබඳව මෙතෙක් මෙරට සිදුව ඇති පී සී ආර් පරික්ෂණ 80,000 න් 10,000ක් සිදුකර ඇත්තේ ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ දී යැයි එම විශ්ව විද්‍යාලයේ වැඩ බලන උපකුලපති මහාචාර්ය සුදන්ත ලියනගේ මහතා පැවැසීය.

16 June 2020

සමගි ජනබලවේගයේ පැමිණිල්ලේ නියෝගය 22 වැනිදා

තමන් ඇතුළු එක්සත් ජාතික පක්ෂයේ සාමාජිකයින් 99 දෙනෙකු පක්ෂයෙන් නෙරපීමට එම පක්ෂයේ කෘත්‍යාධිකාරී මණ්ඩලය ගත් තීරණය ක්‍රියාත්මක වීම වළක්වලන වාරණ නියෝගයක් නිකුත් කරන්නැයි ඉල්ලා සමගි ජන බලවේගයේ මහලේකම් හා එක්සත් ජාතික පක්ෂයේ හිටපු පාර් ලිමේන්තු මන්ත්‍රී රංජිත් මද්දුම බණ්ඩාර මහතා ගොනු කළ පැමිණිල්ල පිළිබඳ නියෝගය ලබන සදුදා (22) ප්‍රකාශයට පත් කිරීමට කොළඹ ප්‍රධාන දිසා විනිසුරු අමාලි රණවීර මහත්මිය නියෝග කළාය.

16 June 2020

පාතාල කණ්ඩායම් නායකයෙක් ජීව අත් බෝම්බයක් සමඟ අත්අඩංගුවට

මිනි මැරුම්, ගෙවල් ගිනි තැබීම් හා මත් පෙති ජාවාරම් කිරීම් ඇතුලු දරුණු ගනයේ අපරාධ රැසක් සම්බන්ධයෙන් චෝදනා ලැබ සිටින ගාලු දිසාවේ ප්‍රබල පාතාල කණ්ඩායම් නායකයකු ලෙස හංවඩු ගැසී ඇති මෝල් අමියා නමැති පාතාලයා ජීව අත් බෝම්බයක් සමග අද (16 ) වැරැල්ලැන ප්‍රදේශයේදී සැකපිට ප්‍රශ්න කිරීම සදහා අත් අඩංගුවට ගත් බව මීටියාගොඩ පොලීසිය කියයි.

16 June 2020