එසැණ පුවත්

බොරු පොරොන්දු දී මුදල් ගැරූ දෙකක් අල්ලයි

අන්තර්ජාලය ඔස්සේ ඒ ඇපල් සමාගමෙන් දුරකථන සහ පරිගණක ඇනවුම් කර ලබා දෙන බවට පවසා පුද්ගලයන්ගෙන් රුපියල් කෝටියකට අධික මුදලක් වංචා කළ සැකකරුවන් දෙදෙනකු අත් අඩංගුවට ගත් බව කොල්ලුපිටිය පොලිසිය කියයි.

20 May 2021

වැස්ස වැඩි වෙයි

දිවයිනේ නිරිතදිග කොටසේ එනම්, බස්නාහිර, මධ්‍යම, සබරගමුව සහ දකුණු පළාත්වල වැසි තත්වයේ වැඩිවීමක් ඉදිරි දිනවලදී අපේක්ෂා කළ හැකිබව කාලගුණ විද්‍යා දෙපාර්තමේන්තුව පවසයි.

20 May 2021

දිස්ත්‍රික්ක හයක වසම් 38 හුදකලා බවින් නිදහස් කරයි

දිස්ත්‍රික්ක හයක ග්‍රාම සේවා වසම් 38 හුදකලා බවින් නිදහස් කිරීමට පියවර ගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසයි. මෙයට පොලිස් වසම් තුනක් ද ඇතුළත් ව ඇත.

20 May 2021

නිරෝධායනය කැඩූ 493ක් අල්ලයි

නිරෝධායන නීති උල්ලංඝනය කිරීම ,මුහුණු ආවරණ නොපැලදීම හා ,දුරස්ථභාවය තබා නොගැනීම සම්බන්ධයෙන් පුද්ගලයන් 493 ඊයේ දින අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි

20 May 2021

කොරෝනා ආසාදිතයන් සහ මරණ සංඛ්‍යාව ඉහළ යයි

කොරෝනා වයිරසය ආසාදිතය වූ මෙරට මුළු ගණන 15,0000 සීමාව ඉක්ම යද්දී මුළු මරණ සංඛ්‍යාව 1051 දක්වා ඉහළ ගියේය.

19 May 2021

කම්කරු කොමසාරිස් ජනරාල්, ආයෝජන ප්‍රවර්ධන මණ්ඩලයේ සභාපතිවරයාට ලියයි

‘කොවිඩ්’ වයිරසය පැතිර යෑම පිළිබඳව අවදානය යොමු කර රාජ්‍ය සේවයේ ගර්භණී මව්වරුන්ට ලබාදුන් සහනය ආයෝජන ප්‍රවර්ධන කළාපවල සේවය කරන ගර්භණී මව්වරුන්ට ද ලබාදිය හැකි නම් අගය කරන බව කම්කරු කොමසාරිස් ජනරාල් බී. කේ. ප්‍රභාත් චන්ද්‍රකීර්ති මහතා ශ්‍රී ලංකා ආයෝජන ප්‍රවර්ධන මණ්ඩලයේ සභාපතිවරයාට ලිපියක් මගින් දැනුම්දී තිබේ.

19 May 2021

‘‘රනිල් බලයේ සිටියා නම් ජනගහනයෙන් අඩකටවත් මේ වන විට කොරෝනා එන්නත‘‘

ලොවම පිළිගත් රාජ්‍ය තාන්ත්‍රිකයකු වන හිටපු අග්‍රාමාත්‍ය රනිල් වික්‍රමසිංහ මහතා බලයේ සිටියේ නම් සියලු රටවල් සමඟ තිබෙන සම්බන්ධතා ප්‍රයෝජනයට ගෙන අඩුම තරමින් මේ වන විට මෙරට ජනගහනයෙන් අඩකටවත් කොරෝනා එන්නත දීමට පියවර ගනු ඇතැයි‘‘ එක්සත් ජාතික පක්ෂ සභාපති වජිර අබේවර්ධන මහතා සඳහන් කළේය.

19 May 2021

එජාප ප්‍රතිසංවිධාන යෝජනා ජුනියේ සිට

කොරෝනා වසංගත තත්ත්වය යටතේ ක්‍රියාත්මක කළ හැකි එක්සත් ජාතික පක්ෂ ප්‍රතිසංවිධාන යෝජනා සියල්ලක්ම ජුනි මාසයේ ආරඹන ලෙස එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා අද උපදෙස් දුන්නේය.

19 May 2021

‘ජාතික රණවිරු සැමරුම් උත්සවය’ චාම් හා අභිමානවත්ව

තිස් වසරක් පුරා රටත් ජනතාවත් පීඩාවට පත් කළ කුරිරු, බියකරු එල්.ටී.ටී.ඊ ත්‍රස්තවාදය පරාජයට පත්කර වසර 12ක් සපිරීම නිමිත්තෙන් සංවිධානය කෙරුණු ‘ජාතික රණවිරු සැමරුම් උත්සවය’ බත්තරමුල්ල පාර්ලිමේන්තු ක්‍රීඩාංගණයේ පිහිටි රණවිරු ස්මාරකය අභියසලදී සෞඛ්‍යාරක්‍ෂිත, චාම් හා අභිමානවත් අයුරින් අද පස්වරුවේ පැවැත්විණි.

19 May 2021

හැත්තෑ හැවිරිදි සැමියා බිරියත් ලේලියත් කපා මරයි

හුංගම ඇත්බටුව ප්‍රදේශයේ හැත්තෑ හැවිරිදි සැමියා සිය බිරිඳ සහ බාල පුතුගේ බිරිය (ලේලියට) කැත්තකින් කොටා සිය නිවස ඉදිරිපිට මිදුලේ ඝාතනය කර ඇති බව හුංගම පොලීසිය කියයි.

19 May 2021

උලපනේ සුමංගල හිමිගෙන් බැසිල්ට හා උදයංග එරෙහිව පෙත්සමක්

යුක්රේන ජාතිකයින් සහ කොවිඩ් ආසාදිත ඉන්දියානුවන් මෙරටට ගෙන්වීම තුළින් කොවිඩ් රෝගය ව්‍යාප්ත කිරීමට කටයුතු කිරීම සම්බන්ධයන් හිටපු අමාත්‍ය හා පාර්ලිමේන්තු මන්ත්‍රීවරයෙකු වන බැසිල් රාජපක්ෂ සහ රැසියාවේ හිටපු ශ්‍රී ලංකා තානාපති උදයංග වීරතුංග මහතා වගකිවයුතු බව සදහන් කරමින් , ඔවුන්ට එරෙහි නඩු පැවරීමට නියෝග කරන්නැයි ඉල්ලා ශ්‍රේෂ්ඨාධිකරණය හමුවේ ඊයේ (19) මූලික අයිතිවාසිකම් පෙත්සමක් ගොනු කෙරිණි.

19 May 2021

‘‘වරාය පනත කල් දමන්න‘‘

‘කොවිඞ්’ වසංගතය හමුවේ කොළඹ වරාය නගර පනත හදිසියේ සම්මත නොකර කල්දමන ලෙස ඇල්ලේ ගුණවංශ ස්වාමීන් වහන්සේ සහ අතිඋතුම් මැල්කම් කාදිනල් රංජිත් කොළඹ අගරදගුරු හිමිපාණන් රජයෙන් ඉල්ලා සිටිති.

19 May 2021

ගුවන් යානා පැමිණීම දින 10කට නවතයි

මෙරටට පැමිණෙන සියලු මගී ගුවන් යානා අනිද්දා (21) සිට දින 10 ක කාලයකට තාවකාලිකව අත්හිටුවීමට රජය තීරණය කර ඇතැයි සිවිල් ගුවන් සේවා අධිකාරිය කියයි.

19 May 2021

අවුරුදු අටේ දරුවාට දසවද දුන් පියා අත් අඩංගුවට

අවුරුදු අටක පුතාට කෘර ලෙස වධ හිංසා කළ බව කියන පියකු අත් අඩංගුවට ගත් බව පොල්පිතිගම පොලිසිය කියයි.

19 May 2021

මුල් වටයේදීම ආසාදිතයින් 3000 පනී

කොවිඩ් 19 වයිරස ආසාදිතයන් තවත් 3051 දෙනෙක් අද (19) දිනයේ වාර්තාවූහ.

19 May 2021

ලේ දෙන්න තැන් මෙන්න

ලේ බැංකුවේ පවතින ලේ හිඟය පියවීම සඳහා ඉදිරි සතියේ සියලූම ජාතික යොවුන් සේනාංක මධ්‍යස්ථානවලට පැමිණ ලේ පරිත්‍යාග කරන්නැයි තරුණ හා ක‍්‍රීඩා අමාත්‍ය නාමල් රාජපක්ෂ මහතා ඉල්ලා සිටියි.

19 May 2021

අම්මා බලා ගන්නවාට පොරොන්දු මුදල නොදුන්නැයි පුතා පොලිසියට

80 හැවිරිදි මව රැක ලබා ගන්නවාට රුපියල් ලක්ෂයක් දෙන බවට අක්කා පොරොන්දු වුවත් එම මුදල නොදුන් නිසා මව තවදුරටත් රැක ගැනීමට නොහැකි බව කියමින් අම්පාර පුද්ගලයකු අම්පාර කොට්ඨාස ළමා හා කාන්තා කර්යංශයට පැමිණිල්ලක් ඉදිරිපත් කළ බව පොලිසිය කියයි.

19 May 2021

විශ්වවිද්‍යාවලට ඇතුළත් කර ගැනීමේ අයදුම්පත් බාරගැනීම 21 සිට

උසස්පෙළ විභාගයට පසුගිය වසරේ පෙනී සිටි සිසුන්ගෙන් විශ්වවිද්‍යාවලට ඇතුළත් කර ගැනීමේ අයදුම්පත් බාරගැනීම අනිද්දා (21) සිට ආරම්භ කරන බව විශ්ව විද්‍යාල ප්‍රතිපාදන කොමිෂන් සභාවේ සභාපති, ජ්‍යෙෂ්ඨ මහාචාර්ය සම්පත් අමරතුංග මහතා පවසයි.

19 May 2021

චීනය එන්නත් ලක්ෂ පහක් ප්‍රදානය කරයි

සයිනොපාම් එන්නත් මාත්‍රා පන් ලක්ෂයක් ප්‍රදානය කිරීමට චීන රජය එකඟවී ඇතැයි ඖෂධ නිෂ්පාදනය සැපයුම සහ නියාමන රාජ්‍ය අමාත්‍ය මහාචාර්ය චන්න ජයසුමන මහතා පවසයි.

19 May 2021

කොවිඩ් නියුමෝනියා තත්වයට පත්වූ 1000 රෝහල්වල

කොවිඩ් නියුමෝනියා තත්වයට පත්වූ රෝගීන් 1000 කට වැඩි ප්‍රමාණයක් මේ වන විට දිවයින පුරා රෝහල්වල ප්‍රතිකාර ලබමින් සිටින බව ජාතික බෝ වන රෝග විද්‍යායතනයේ අධ්‍යක්‍ෂ, කායික රෝග විශේෂඥ වෛද්‍ය ආනන්ද විජේවික්‍රම මහතා පවසයි.

19 May 2021

පී.සී.ආර්.වලට බාධා කළ ගමක් හුදකලා කරයි

කෑගල්ල සියඹලාපිටිය ග්‍රාම නිලධාරී කොට්ඨාසයේ කොරෝනා ආශ්‍රිතයන් පිිසකට පී.සී.ආර් පරීක්ෂණ කිරීමට සෞඛ්‍ය අංශ ගිය අවස්ථාවේ දී දෙපිරිසක් ගැටුමක් නිර්මාණය කර ගැනීම හෙතුවෙන් පී.සි.ආර් පරීක්ෂණ සිදු නොකොට මුළු ගම්මානයම හුදෙකලා කිරීමට පියවර ගත් බව කෑගල්ල දිස්ත්‍රික් සෞඛ්‍ය සේවා අධ්‍යක්ෂ විශේෂඥ වෛද්‍ය කුමාර් වික්‍රමසිංහ මහතා පවසයි.

19 May 2021

’’වරාය නගර පනත සම්මත වුනොත් එක රටක නීති දෙකක් ඇති වෙනවා’’

කොළඹ වරාය නගර කොමිෂන් සභා පනත සම්මත වීමෙන් පසු එක රටක නීති දෙකක් ඇති වන බව කුරුණෑගල දිස්ත්‍රික් මන්ත්‍රී ජේ සී අලවතුවල මහතා පාර්ලිමේන්තුවේ දී අද (19 )පැවසීය.

19 May 2021

’’පාස්කු ප්‍රහාරයේ මහ මොළකරු ඇමරිකා රාජ්‍ය බුද්ධි සේවය හඳුනාගෙන’’

පාස්කු ඉරුදින ප්‍රහාරයේ මහ මොළකරු නවුෆර් මවුලවි බව ඇමරිකානු රාජ්‍ය බුද්ධි සේවය ද තහවුරු කර ඇතැයි මහජන ආරක්ෂක අමාත්‍ය විශ්‍රාමික රියර් අද්මිරාල් සරත් වීරසේකර මහතා පාර්ලිමේන්තුවේ දී අද (19) පැවැසීය .

19 May 2021

පාර්ලිමේන්තු මන්ත්‍රීවරයකුට කොරෝනා

ලංකා කම්කරු කොන්ග්‍රසයේ භාණ්ඩාගාරික සහ නුවරඑලිය දිස්ත්‍රික් පාර්ලිමේන්තු මන්ත්‍රී මරුදපාණ්ඩි රමේෂ්වරන් මහතාට කොවිඩ් 19 වයිරසය අසාදනය වි ඇති බවට තහවුරු වී ඇතැයි දික්ඔය රෝහල්ප්‍රකාශකයෙක් කීය.

19 May 2021

සෙල්ෆියෙන් ආ මරුවා

මැදගම කරමැටිය මොරගොල්ල කන්ද තරණය කර එහි ගලක් මතට නැඟ මිතුරන් සමග සෙල්ෆි ජායාරූපයක් ගැනීමට ගිය තරුණයකු ගල ලිස්සා අඩි සීයක පමණ ප්‍රපාතයකට වැටී මරණයට පත්ව ඇතැයි මැදගම පොලිසිය පවසයි.

19 May 2021

ශ්‍රී ලංකා රුපවාහිනී සංස්ථාවේ සභාපති ලෙස රෙජිනෝල්ඩ් කුරේ පත්කරයි

ශ්‍රී ලංකා රුපවාහිනී සංස්ථාවේ සභාපතිවරයා ලෙස උතුරු පළාතේ හිටපු ආණ්ඩුකාර රෙජිනෝල්ඩ් කුරේ මහතා පත්කර තිබේ.

19 May 2021

සමෘද්ධි හා කෘෂිකර්ම සංවර්ධන නිලධාරීහු කොරෝනා එන්නත ඉල්ලති

සමෘද්ධි හා කෘෂිකර්ම සංවර්ධන නිලධාරීන්ට ඉදිරි දෙසතිය තුළ කොවිඩ් මර්දන එන්නත් ලබානොදුන්නොත් ජනතාව හා සමීපව සිදුකරන රාජකාරීවලින් ඉවත්වීමට ඔවුන්ට සිදුවන බව සමස්ත ලංකා සමෘද්ධි හා කෘෂි නිලධාරීන්ගේ සංගමයේ ලේකම් පාර්ලිමේන්තු මන්ත්‍රී ජගත් කුමාර මහතා පැවසීය.

19 May 2021

සංචාරණ සීමා සමයේ ආර්ථික මාධ්‍යස්ථානත් වසයි

සංචාරණ සීමා ක්‍රියාත්මක වන ලබන 21 වැනිදා රාත්‍රී 11.00 සිට දින හයක් සියලුම විශේෂ ආර්ථික මාධ්‍යස්ථාන වසා තැබීමට රජය තීරණය කර ඇති බව කෘෂිකර්ම අමාත්‍යාංශය පවසීයි.

19 May 2021