එසැණ පුවත්

හරක් කටාගේ ගෝලයෙක් තංගල්ලෙන් අල්ලයි

සංවිධානාත්මක අපරාධ කල්ලි නායකයකු වන මිදිගම නඳුන් චින්තක නොහොත් ‘‘හරක් කටා’’ නමැත්තාගේ ප‍්‍රධාන ගෝලයෙක් වන ‘‘පපී’’ නමැත්තා පොලිස් මත්ද්‍රව්‍ය කාර්යාංශය විසින් තංගල්ල ප‍්‍රදේශයේදී අද අත්අඩංගුවට ගනු ලැබීය.

14 July 2021

හමුදාව එන්නත්කරණය තවත් වේගවත් කරයි

යුදහමුදාවේ එන්නත්කරණ වැඩපිළිවෙළ සඳහා කොළඹ විහාර මහා දේවී උද්‍යානය සහ දියත උයනද යොදා ගැනීමට තීරණය කර ඇතැයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පවසයි.

14 July 2021

යුරියා ටොන් 9795ක් වරායට

යූරියා පොහොර ටොන් 9795 ක් රැගෙන ඉන්දුනීසියාවේ සිට කොළඹ වරායට පැමිණි භාණ්ඩ ප්‍රවාහන නෞකාව රේගු බාරයේ පවතින බව රේගු මාධ්‍ය ප්‍රකාශක, නියෝජ්‍ය රේගු අධ්‍යක්‍ෂ (නීති කටයුතු) සුදත්ත සිල්වා මහතා පවසයි.

14 July 2021

කොරෝනා ආසාදිතයන් 988ක් වාර්තා වෙයි

කොවිඩ් ආසාදිත රෝගීන් තවත් 988 දෙනෙක් අද (14) හඳුනාගත් බව සෞඛ්‍ය අංශ පවසයි.

14 July 2021

බඩුමිලට එරෙහි තැන තැන අදත් විරෝධයතා

බඩු මිල, පොහොර අර්බුදයට විසැඳම් ඉල්ලා දිවයින පුරා ස්ථාන කීපයකදී අදත් විරෝධා කීපයකදී අද පැවැත්විණි. මහනුවර, මහරගම දී මෙසේ විරෝධතා පැවැත්විණි.

14 July 2021

නව සෞඛ්‍ය මාර්ගෝපදේශවලට එරෙහිව ලංකා ගුරු සංගමයෙන් පෙත්සමක්

කොවිඩ් ව්‍යාප්තිය මර්දනය කිරීම සඳහා සෞඛ්‍ය සේවා අධ්‍යක්ෂ ජනරාල්වරයා ඉකුත් දා නිකුත් කළ සෞඛ්‍ය මාර්ගෝපදේශ මාලාව තුළින් සිය මූලික අයිතිවාසිකම් උල්ලංඝනය වන බවට තීන්දුවක් දෙන්නැයි ඉල්ලා ලංකා ගුරු සේවා සංගමයේ සභාපති සහ එහි සාමාජිකයෝ කිහිපදෙනෙක් ශ්‍රේෂ්ඨාධිකරණය හමුවේ අද (14) වෙන වෙනම මුලික අයිතිවාසිකම් පෙත්සම් ගොනු කළහ.

14 July 2021

ජනපති නීතිඥවරුන් අලුතින් හතක් පත් කරයි

නීතිපති දෙපාර්තමේන්තුවේ අතිරේක සොලිසිටර් ජෙනරාල්වරුන් හත්දෙනකු ජනාධිපති නීතිඥවරුන් ලෙස පත් කර තිබේ.

14 July 2021

දිනේෂ් චන්දිමාල් ක්‍රිකට් ආයතනයට ලියයි

ශ්‍රී ලංකා ක්‍රිකට් පිලේ හිටපු නායකයකු වන දිනේෂ් චන්දිමාල් සිය ක්‍රිකට් අනාගතය පිළිබඳව තීරණයක් ගැනීම සඳහා ශ්‍රී ලංකා ක්‍රිකට් ආයතනයේ නිලධාරීන් හමුවීමට අවස්ථාවක් ලබාදෙන ලෙස ලිඛිතව ඉල්ලීමක් කර තිබේ.

14 July 2021

මුදල් ඇමැති රටවල් හතක තානාපතිවරුන් හමුවෙයි

මුදල් අමාත්‍ය බැසිල් රාජපක්‍ෂ මහතා විදෙස් රටවල් 7ක මෙරට තානාපතිවරු සහ මහ කොමසාරිස්වරුන් අද (14) හමුවී සාකච්ඡා පැවැත්වීය.

14 July 2021

කොරෝනා මරණ 37ක් වාර්තා වෙයි

කොවිඩ් ආසාදිතවූ තවත් 37 දෙනකු ඊයේ (13) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (14) තහවුරු කළේය.

14 July 2021

ස්ටාලින්ලා නෙගෙටිව්ලු

මුලතිව් ගුවන් හමුදා කඳවුරේ නිරෝධායන මධ්‍යස්ථානයේ රඳවා සිටින ගුරු සංගම් හා සමාජ ක්‍රියාකාරකයන් 16 දෙනාටම කෝවිඩ් වයිරසය ආසාදනය වී නැතැයි සෞඛ්‍ය අංශ සඳහන් කරයි.

14 July 2021

‘‘කොරෝනා නීති කාටත් සමානයි‘‘

සෞඛ්‍ය මාර්ගෝපදේශ පනවන්නේ ජෝපස් ස්ටාලින්,වී.අයි.ලෙනින්,කාල්මාක්ස් හෝ පියුමි හංසමාලිලා වෙනුවෙන් නොවන බව ද සැමට සමානව නීතිය ක්‍රියාත්මක කිරීමට පොලිසියට සිදුවන බව ද සෞඛ්‍ය ඇමැතිනි පවිත්‍රා වන්නිආරච්චි මහත්මිය කීවාය.

14 July 2021

මහියංගන ප්‍රා.සභාවේ බල පෙරලියක්

මහියංගනය ප්‍රාදේශීය සභාවට නව සභාපතිවරයකු තෝරා ගැනීම සඳහා පැවැති රහස් ඡන්ද විමසීමේදී පාලක එක්සත් ජාතික පක්ෂ සභාපති අපේක්ෂක හිටපු සභාපති කරූ වීරරත්න මහතා පරාජයට පත් කරමින් ශ්‍රී ලංකා නිදහස් පක්ෂයෙන් සභාපති තරගයට ඉදිරිපත් වූ කේ.පී. ගුණවර්ධන මහතා නව සභාපති ලෙස තේරී පත්විය.

14 July 2021

සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් නිරෝධායනයට

සෞඛ්‍ය අමාත්‍යාංශයේ මාධ්‍ය ප්‍රකාශක සහ නියෝජ්‍ය අධ්‍යක්ෂ ජනරාල් වෛද්‍ය හේමන්ත හේරත් මහතා නිවෙස් නිරෝධායනයට යොමු කර ඇතැයි වාර්තා වේ.

14 July 2021

ජාතික භික්ෂු පෙරමුණේ මාධ්‍ය ලේකම් හිමි අධිකරණයට ඉදිරිපත් කරන්නැයි පෙත්සමක්

කොතලාවල ජාතික ආරක්ෂක විශ්ව විද්‍යාල පනතට එරෙහිව බත්තරමුල්ල පාර්ලිමේන්තු මං සන්ධියේ පැවති උද්ඝෝෂණයකට සහභාගි වෙමින් සිටියදී අත්අඩංගු වට ගෙන දැනට මුලතිව් ගුවන් හමුදා මූලස්ථානයේ රඳවා සිටින ජාතික භික්‍ෂු පෙරමුණේ මාධ්‍ය ලේකම් කොස්වත්තේ මහානාම හිමියන් වහා අධිකරණය හමුවට ඉදිරිපත් කරන ලෙස නියෝගයක් නිකුත් කරන්නැයි ඉල්ලා තවත් භික්ෂුවක විසින් අභියාචනාධිකරණය හමුවේ අද (14) හබයාස්කෝපුස් පෙත්සමක් ගොනු කරනු ලැබූහ.

14 July 2021

ඇස්ට්‍රාසෙනිකා එන්නත් ලක්ෂ 17ක් ලබන සතියේ ශ්‍රී ලංකාවට

ඇස්ට්‍රාසෙනිකා එන්නත් මාත්‍රා ලක්ෂ දාහතක් ලබන 22 වැනිදා මෙරටට ලැබෙන බව කොවිඩ් 19 පැතිරීම වැළැක්වීමේ ජාතික ක්‍රියාත්මක මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පැවැසීය.

14 July 2021

යල කන්නයේ වී මිලදී ගැනීම හෙට සිට අරඹයි

යල කන්නය සඳහා වී මිල දී ගැනීමට රුපියල් මිලියන 500ක මුදල් ප්‍රතිපාදන ලැබුණු බැවින් වී මිල දී ගැනීමේ කටයුතු හෙට (15) සිට ආරම්භ කරන බව වී අලෙවි මණ්ඩලයේ සභාපති ආචාර්ය ජටාල් මාන්නප්පෙරුම මහතා පැවසීය.

14 July 2021

‘ගොවීන්ට අවශ්‍ය සියලු පොහොර දින තුනක් ඇතුළත නිකුත් කළ යුතුයි‘

ජනතාවට අවශ්‍ය සියලු පොහොර දින තුනක් ඇතුළත නිකුත් කළ යුතු යැයිද එසේ නොමැති වුවහොත් පොහොර බෙදා හැරිම රාජ්‍ය පොහොර සමාගම් හරහා සිදුකරන බවද කෘෂිකර්ම අමාත්‍ය මහින්දානන්ද අලුත්ගමගේ මහතා පෞද්ගලික පොහොර සමාගම් නිලධරයන් අමතමින් අද (14) පැවසීය.

14 July 2021

ජපානයෙන් ශ්‍රී ලංකාවට වෛද්‍ය උපකරණ

ජපානය ශ්‍රී ලංකාවට ඇමෙරිකානු ඩොලර් මිලියන 16.2ක් වටිනා සෞඛ්‍ය උපකරණ තොගයක් පිරිනමා ඇතැයි ශ්‍රී ලංකාවේ ජපාන තානාපති කාර්යාලය කියයි.

14 July 2021

පිට පළාත්වල සිට 2983 දෙනෙක් දුම්රියෙන් කොළඹට එති

අන්තර් පළාත් දුම්රිය හතෙන් දුම්රිය මගීන් 2983 දෙනකු කොළඹට පැමිණ ඇතැයි දුම්රිය දෙපාර්තමේන්තුව කියයි.

14 July 2021

මන්නාරමේ සුරුවම් තුනකට හානි කරලා

මන්නාරමේ පිහිටි කතෝලික සුරුවම් 03 කට අද අලුයම කිසියම් නාදුනන පිරිසක් පහර දී අලාභ හානි සිදුකොට පලා ගොස් ඇතැයි මන්නාරම පොලීසිය පවසයි.

14 July 2021

ජවිපෙ නායකයාත් කොවිඩ් එන්නත විද ගනී

ජනතා විමුක්ති පෙරමුණේ නායක අනුර කුමාර දිසානායක මහතාද කොවිඩ් මර්දන එන්නත අද (14) ලබාගෙන ඇත.

14 July 2021

මධ්‍යම අධිවේගයේ කඩවත සිට මීරිගම කොටසේ වැඩ කඩිනම් කරයි

මධ්‍යම අධිවේගී මාර්ගයේ කඩවත සිට මීරිගම දක්වා කොටසේ ඉදිකිරීම් කඩිනම් කරන්නැයි මහාමාර්ග අමාත්‍ය ජොන්ස්ටන් ප්‍රනාන්දු මහතා උපදෙස් දුන්නේය.

14 July 2021

අන්තරේ නියෝජිතයින් සහ විපක්ෂ නායක අතර සාකච්ඡාවක්

යෝජිත කොතලාවල ආරක්ෂක විශ්ව විද්‍යාල පනත සම්බන්ධයෙන් අන්තර් විශ්වවිද්‍යාලයීය ශිෂ්‍ය බලමණ්ඩලයේ නියෝජිතයන් සහ විපක්ෂ නායක සජිත් ප්‍රේමදාස මහතා අතර සාකච්ඡාවක් කොළඹදී පැවැත්විණි.

14 July 2021

අලිවැට නඩත්තු කිරීම ස්වේච්ඡා බලකායකට

අලිවැට නඩත්තු කිරීම ප්‍රජා දායකත්වය සහ ප්‍රාදේශීය පාර්ශවකරුවන්ගේ දායකත්වය සහිත ස්වේච්ඡා බළකායකට පැවරීමේ නියමු ව්‍යාපෘතියක් කුරුණෑගල සහ අනුරාධපුර දිස්ත්‍රික්කවලින් ආරම්භ කරන ලෙස අග්‍රාමාත්‍ය මහින්ද රාජපක්ෂ මහතා අදාළ බලධාරීන්ට දැනුම් දුන්නේය.

14 July 2021

තරුණයන්ගේ ඉතාලි සිහිනය බොඳ කළ තිදරු මවක අල්ලයි

ඉතාලි රැකියාවලට යවන බව පවසා වංචනිකව මුදල් රැස්කර සැඟව සිටි කාන්තාවක් හලාවත මයික්කුලම ගොඩකඹුර ප්‍රදේශයේ දෙමහල් නිවසක සැඟව සිටිය දි තරුණයන් පිරිසක් ඇය අල්ලා හලාවත පොලිසියට අද බාර දි ඇත.

14 July 2021

නැවේ ගින්නෙන් සිදුවූ හානියට කෝටි 72ක වන්දියක්

‘එක්ස්ප්‍රස් පර්ල්’ නෞකාව ගිනිගැනීමේ සිද්ධියෙන් ශ්‍රී ලංකාවට සිදුවූ පරිසර හානියට වන්දි ලෙස ඩොලර් මිලියන 3.6 ක් හෙවත් රුපියල් කෝටි 72 ක මුදලක් රජයට ලැබුණු බව සමුද්‍රිය පරිසර ආරක්‍ෂණ අධිකාරියේ සභාපතිනී නීතිඥා දර්ශනී ලහඳපුර මහත්මිය පැසුවාය.

14 July 2021

සතුන්ටත් කොරෝනා ඇත්දැයි සොයයි

රටේ සතුන්ට කොරෝනා වැළඳී ඇත්දැයි සොයා බැලීම සඳහා පශු වෛද්‍ය විශේෂ කණ්ඩායමක් පත්කළ බව සත්ව නිෂ්පාදන සහ සෞඛ්‍ය දෙපාර්තමේන්තුවේ අධ්‍යක්ෂ ජනරාල් ආචාර්ය හේමාලි කොතලාවල මහත්මිය ලංකාදීපයට පැවසුවාය.

14 July 2021