එසැණ පුවත්

විශ්වාස භංගය නිසා දෙමළ සන්ධානය දෙකඩ වන ලකුණු

උතුරු මහ ඇමතිට එරෙහි විශ්වාස භංගය ඉල්ලා අස්කර ගැනීමට ඉලංගයි තමිල් අරසු කච්චි පක්ෂය පියවර නොගන්නේ නම් දෙමළ ජාතික සන්ධානයේ පක්ෂ ඉතිරි පක්ෂ ත්‍රිත්වයම සන්ධානයෙන් ඉවත් වී වෙනම කටයුතු කිරීමට තීරණය කර ඇතැයි එම සන්ධානයේ හිටපු පාර්ලිමේන්තු මන්ත්‍රී ඊ.පී.ආර්.එල්.එෆ් පක්ෂයේ නායක සුරේෂ් ප්‍රේමචන්ද්‍රන් මහතා ලංකාදීපයට පැවසීය.

ඕමාන් ගිය ලාංකික කතට වසර 13කට පසු වැටුප්

වසර 13කුත් මාස 9 ක් තිස්සේ හාම්පුතුගෙන් කිසිදු වැටුපක් නොලැබ ඕමානයේ ගෘහසේවයේ යෙදුණු ශ්‍රී ලාංකික කාන්තාවකට හිමි විය යුතුව තිබූ රුපියල් ලක්ෂ 36කට ආසන්න හිඟ වැටුප් අදාළ හාම්පුතුගෙන් අය කර ගැනීමට ඕමානයේ මස්කට් නුවර ශ්‍රී ලංකා තානාපති කාර්යාලය සමත් වී ඇත.

අයිලිය රක්ෂිතය වනසා ඉඩම් අල්ලා ගනිති

විල්පත්තුව ජාතික වනෝද්‍යානය ආසන්නයේ පිහිටි වනාතවිල්ලුව පරණ එළුවන්කුලම ආසන්නයේ පිහිටි අයිලිය රජයේ රක්ෂිතය යාබද රජය සතු කැලෑව ජාවාරම් කරුවන් පිරිසක් රහසිගතව එළි පෙහෙළි කර ගිනි තබා ඉඩම් අත් පත් කර ගැනිමේ කූට ජාවාරමක නිරත වන බව ප්‍රදේශවාසීහු චෝදනා කරති.

දුම්රිය රියදුරු-නියාමක වැඩවර්ජනයක් අනිද්දා

ඉල්ලීම් කිහිපයක් මුල්කරගනිමින් දුම්රිය රියදුරන් සහ නියාමකරවරුන් ලබන අඟහරුවාදා (20) මධ්‍යම රාත්‍රියේ සිට අඛණ්ඩ වැඩවර්ජනයක යෙදෙන බව රියදුරු හා නියාමක සංගම් පවසයි.

ජාතීවාදය පැතිරවු 14 දෙනෙක් අත්අඩංගුවට

ජාතීන් හා ආගම් අතර විරසකය ඇති කරන සිද්ධීන් සම්බන්ධව මැයි මාසයේ සිට මේ දක්වා 14 දෙනකු අත්අඩංගුවට ගෙන ඇතැයි පොලිස් මාධ්‍ය ප‍්‍රකාශක නියෝජ්‍ය පොලිස්පති ප‍්‍රියන්ත ජයකොඩි මහතා පවසයි.

ඇෆ්ගනිස්තානයේ පොලිස් මූලස්ථානයකට ප්‍රහාරයක්

නැගෙනහිර ඇෆ්ගනිස්තානයේ පොලිස් මූලස්ථානයකට අද (18) එල්ල වූ මරාගෙන මැරෙන බෝම්බ ප්‍රහාර පහකින් පස් දෙනකු මියගොස් තවත් විශාල පිරිසක් තුවාල ලැබූ බව වාර්තා වෙයි.

තාරකා ඉබ්බන් 2089ක් සමග දෙදෙනෙක් අත්අඩංගුවට

ඉන්දියාවේ සිට මෙරටට මුහුදු මගින් ප්‍රවාහනය කරමින් තිබූ තාරකා ඉබ්බන් 2089ක් සහිත ගමන් මලු හතරක් සමග සැකකරුවකු සහ යාත්‍රාවක් කල්පිටිය ඉප්පන්තිවු දූපත ආසන්න මුහුදේ දී අද(18) අත්අඩංගුවට ගත් බව කල්පිටිය විජය නාවුක නාවික කඳවුර පවසයි. ඔහුගෙන් කළ ප්‍රශ්න කිරීම්වලින් අනතුරුව තවත් අයෙකු අත්අඩංගුවට ගෙන තිබේ.

උසස් පෙළ සිසුහු 700 ක් පැදුරේ උගනිති

හෝමාගම පිටිපන මහින්ද රාජපක්ෂ විද්‍යාලයට උසස් පෙළ හැදෑරීමට මෙම වසරේදී ඇතුළු වූ සිසුන් 700කට පමණ ඉගෙනුමට අවශ්‍ය බංකු සහ පුටු නොමැති වීමෙන් පැදුරු මත හිඳ අධ්‍යාපන කටයුතු කිරීමට සිදු වීමෙන් සිසුන් දැඩි අසීරුතාවකට පත්ව ඇතැයි එම සිසුන්ෙග් දෙමාපියෝ පවසති.

මට විරුද්ධව කුමන්ත්‍රණය ක්‍රියාත්මක වෙන්නේ කොළඹින් - විග්නේශ්වරන්

තමන්ට එරෙහිව කොළඹ සිට කුමන්ත්‍රණයක් ක්‍රියාත්මක වන බව උතුරු පළාත් ප්‍රධාන අමාත්‍ය සී.වී. විග්නේෂ්වරන් මහතා පවසයි.

ලන්ඩන් ගින්නෙන් 58ක් අතුරුදන්

දැනට ලැබී ඇති තොරතුරු අනුව බටහිර ලන්ඩනයේ උතුරු ග්‍රැන්ෆෙල් ටවර් නිවාස සංකීර්ණයේ ඇති වූ ගින්නෙන් පසු 58 දෙනකු අතුරුදන් වී ඇතැයි පොලිසිය ප්‍රකාශ කරයි.ඔවුන් මිය යන්නට ඇතැයි ද පොලිසිය අනුමාන කරයි.

පළමු කිලෝමීටරයේ ත්‍රීරෝද රථ ගාස්තුව ඉහළට

ත්‍රීරෝද රථ පළමුවන කිලෝමීටරයකට අය කරන ගාස්තුව ලබන 10 වැනි දා සිට රුපියල් දහයකින් වැඩි කිරීමට තීරණය කර ඇතැයි ලංකා ස්වයං රැකියා වෘත්තිකයන්ගේ ජාතික ත්‍රී රෝද රථ සංගමයේ සභාපති සුනිල් ජයවර්ධන මහතා පවසයි.

ආපදාවට ලක්වූ නිවාසවලට අත්තිකාරම් දෙන්න රජයෙන් කෝටි 15ක්

ගංවතුර,නාය යෑම් හා අනෙකුත් ආපදාවන් හේතුවෙන් හානියට පත් නිවාස සහ ගෘහ උපකරණවලට ගෙවීම සඳහා දිස්ත්‍රික් ලේකම්වරුන්ට රුපියල් කෝටි 15ක මුදලක් ලබා දී ඇතැයි ආපදා කළමනාකරණ අමාත්‍යංශය පවසයි.

හිතවතාගේ බිරිඳට කවටකම් කළාට මන්නා පහරින් මරුට

තම බිරිඳට නිතර විහිළු කරමින් ඇය කෝපයට පත් කිරිමෙ පුරුද්ද අත් හරින ලෙසට දි ඇති අවවාද නොපිළිගත් පුද්ගලයකුගේ හිසට කොටා ඝාතනය කර පලා ගිය බව කියන පුද්ගලයකු අද(18) අත්අඩංගුවට ගත් බව හලාවත පොලිසිය කියයි.

පැරණි පෙම්වතාගේ පිහිපහරින් එක්දරු මව මරුට

කලින් පෙම්වතා බව කියන තරුණයකුගේ පිහිපහරට ලක්වූ එක්දරු නුගේගොඩ දෙල්කඳ පරණ කැස්බෑව මාර්ගයේ සූරියමල් මාවතෙ දී මියගොස් සිටියදී සොයාගත් බව පොලිසිය කියයි.

වෙඩි වැදීමකින් නාවික සෙබළුන් දෙදෙනෙක් රෝහලේ

වෙඩි වැදීමකින් ලත් තුවාල සහිතව නාවික සෙබළුන් දෙදෙනෙකු සහ තවත් එක් පුද්ගලයෙකු ගාල්ල කරාපිටිය රෝහලේ දැඩි සත්කාර ඒකකයට ඇතුලත්කර ඇත.

කසළ ඉවත් කිරීමෙි කටයුතුවලට ත්‍රිවිධ හමුදා සහාය - ඇමති රාජිත

ඩෙංගු රෝගීන් වැඩි වශයෙන් වාර්තාවීමත් සමග කසළ ඉවත් කිරීමෙි කටයුතු සදහා ත්‍රිවිධ හමුදා සහාය ලබාගැනීමට පියවර ගන්නා බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා ප්‍රකාශ කරයි.

කෝටි 3 ක කේරළ ගංජා කිලිනොච්චියෙන් අල්ලයි

ධීවර බෝට්ටු ඔස්සේ රැගෙනවිත් මෝටර් රථවලින් කොළඹට ප්‍රවාහනය කිරීමට සූදානම් කර තිබූ රුපියල් කෝටි තුනකට අධික වටිනාකමින් යුත් කේරළ ගංජා කිලෝ 260 ක් සමඟ පුද්ගලයකු අද(17) කිලිනොච්චිය සංගුපිට්ටි ප්‍රදේශයේදී අත්අඩංගුවටගත් බව පූනරීන් පොලිසිය කියයි.

සම්බන්ධන්ගෙන් විග්නේශ්වරන්ට අවවාදාත්මක ලිපියක්

ඩෙංගු මදුරු මර්දනයට බැක්ටීරියාවක්

ඩෙංගු මදුරුවන් විනාශ කිරීම සදහා සොයාගෙන ඇති නව බැක්ටිීරියාවක් ශ්‍රී ලංකාවෙි ද යොදා ගැනීමට ඇති හැකියාව පිළිබද පරීක්ෂණ පවත්වන බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

අයිස් මත්කුඩු සමග තරුණයෝ දෙදෙනෙක් සැකපිට

අයිස් නමැති මත්ද්‍රව්‍ය ග්‍රෑම් 50ක් සමග තරුණයින් දෙදෙනකු කොටහේනේදි අත්අඩංගුවට ගත් බව පොලිස් මත්ද්‍රව්‍ය නාශක අංශය කියයි.

රුසියාවට සහ ඉරානයට ඇමෙරිකාවෙන් සම්බාධක

රුසියාවට සහ ඉරානයට සම්බාධක පැනවීම සඳහා ඇමෙරිකා සෙනට් සභාව නව යෝජනාවක් සම්මත කරගෙන තිබේ. ඇමෙරිකා ජනාධිපති ඩොනල්ඞ් ට්‍රම්ප් රුසියාවට දැනට පනවා තිබෙන සම්බාධක ලිහිල් කිරීමට පෙර යෝජනාව සම්මත කරගැනීමට සෙනට් සභාව කටයුතු කර ඇතැයි වාර්තා විය.

විග්නේෂ්වරන් වැරදිකරුවන් ආරක්ෂා කළ බව සුමන්තිරන් කියයි

උතුරු මහ ඇමති සී.වී.විග්නේෂ්වරන් මහතාට එරෙහි විශ්වාසභංගයක් ගෙන ඒමට ප්‍රධානතම හේතුව දූෂණ චෝදනා සනාථ වූ සිය සමීප අමාත්‍යවරුන් දෙදෙනා බේරා ගැනීමේ අරමුණින් නිර්දෝෂී යැයි සනාථ වූ අමාත්‍යවරුන් දෙදෙනෙකුගේ අමාත්‍යධූර අත්හිටුවීම බව දෙමළ ජාතික සන්ධාන මාධ්‍ය ප්‍රකාශක පාර්ලිමේන්තු මන්ත්‍රි එම්.ඒ.සුමන්තිරන් මහතා සදහන් කළේය.

රාජකාරිය හරියට කරන බව විග්නේෂ්වරන් කියයි

‘මම මාගේ රාජකාරිය නියමාකාරව ඉටු කරනවා. මගේ සේවය දිගටම ජනතාවට ලබා දෙනවා. ‘ යැයි විශ්වාස භාගං යෝජනාවක් ඉදිරිපත් වී ඇති උතුරු පළාත් ප්‍රධාන අමාත්‍ය සී වී විග්නේෂ්වරන් මහතා පැවසීය.

දැරිය අපයෝජනය කළැයි ලාංකික සරණාගතයා හිරේට

තමිල්නාඩුවේ සරණාගත කඳවුරක සිටින හය හැවිරිදි ලාංකික දැරියකට ලිංගික බලහත්කාරකම් සිදු කිරීමට තැත් කිරීමේ චෝදනාවකට එම කඳවුරේ සිටි තවත් ලාංකිකයකුට ඉන්දියාවේ අධිකරණයක් වසර තුනක සිර දඬුවම් පමුණුවා ඇතැයි චෙන්නායි හි තානාපති ආරංචි මාර්ග සඳහන් කරයි.

අකුණු සන්නායක කොල්ල කෑවාට පොලිසියේ 5 ක් ඇතුළු 4 ක් යළි රිමාන්ඩ්

අකුණු සන්නායකයක් සහ රුපියල් 55000ක රත්‍රන් භාණ්ඩ කොල්ල කෑමේ සිද්ධියට සැකපිට අත්අඩංගුවට ගෙන රිමානඩ් භාරයේ සිටින නව දෙනා ජුනි 30 වැනි දා දක්වා යළි රිමාන්ඩ් කිරිමට කොළඹ අතිරේක මහේස්ත්‍රාත් ලාල් රණසිංහ බණ්ඩාර මහතා අද (15) නියෝග කළේය.

පිළියන්දල වෙඩිතැබීමේ ප්‍රධාන සැකකරු රඳවාගැනීමට අවසර

පොලිස් මත්ද්‍රව්‍ය නාශක කාර්යාංශයේ පොලිස් කණ්ඩායමකට පිළියන්දල නගරයේදි වෙඩි තැබිමේ සිද්ධියේ ප්‍රධාන සැකකරු දින 7ක් රඳවාගෙන ප්‍රශ්න කිරීම සඳහා මතුගම අතිරේක මහේස්ත්‍රාත් තරංගා මහවත්ත මහත්මිය අද(16) අවසර දුන්නාය.

ගෝනපොල කාන්තාවක් ඝාතනය කරයි

ගෝනපොල කුඹුකවත්ත ප්‍රදේශයේ දී කාන්තාවක් (55) පිහියෙන් ඇන ඝාතනය කර ඇතැයි පොලිසිය කියයි.

මාධ්‍යවේදීන්ට බැන වැදීම ගැන ඇමැති ජෝන් කණගාටුව පළ කරයි

සංචාරක සංවර්ධන හා ක්‍රිස්තියානි කටයුතු පිළිබද අමාත්‍ය ජෝන් අමරතුංග මහතාගේ කදානේ සිය නිවසේදී මාධ්‍යවේදීයකුට බැන වැදීමේ සිද්ධිය සබන්ධයෙන් තමා කණගාටු වන බව අමාත්‍යවරයා අද (16) සිරිකොත පක්ෂ මුලස්ථානයේ පැවති මාධ්‍ය හමුවට එක් වෙමින් කීවේ.