(ටී.කේ .ජී.කපිල )

ශ්‍රී ලංකන් ගුවන් සමාගම නඩත්තු , ඉන්ධන සහ සේවා සැපයීම් අංශ වලින් ලබන අලාභය අවම කරගනිමින් කළමනාකාරිත්වය සමග සාකච්ඡා කර යළි සැලසුම් ගොඩනැගිය යුතු බවත් මෙම ක්‍රියාමාර්ගය ආයතනය විකුණනවා යන වැරදි මතය නොවන බවත් රාජ්‍ය ව්‍යවසාය සංවර්ධන නියෝජ්‍ය අමාත්‍ය ලක්ෂ්මන් යාපා අබේවර්ධන මහතා පැවසීය.

කටුනායක බණ්ඩාරනායක ජාත්‍යන්තර ගුවන් තොටුපොළේ ශ්‍රී ලන්කන් ගුවන් සේවා පරිශ්‍රයේ සිය ප්‍රථම නිරීක්ෂණ චාරිකාවට අද (12) එක් වෙමින් ඒ මහතා මේ බව කීය .

“පසුගිය 2016 වසරේ ශ්‍රී ලන්කන් ගුවන් සමාගම මිලියන 12 ක් අලාභ ලබා තිබෙනවා. මෙයට හේතුව මේ ආයතනයේ වියදම්.මේ වියදම් අතර මෙහෙයුම් වියදම 27% ක්.  ඉන්ධන සදහා 25% ක්. ලබා ගෙන ඇති ගුවන් යානා සදහා ලීසිං වාරික ගෙවීමට 20% ක්. සේවා කටයුතු සදහා 13% ක්. නඩත්තු කටයුතු වියදම් සදහා 12% ක් සහ ආපනශාලා සේවා සැපයීම සදහා 03% ක් වියදම් ලෙස වැයකර තිබෙනවා .

මේ අතරින් ගුවන් සේවා කටයුතු , ගුවන් ප්‍රවේශ පත්‍ර, ගුවන් තොටුපොළ මෙහෙයුම් පාලන කටයුතු සහ ආපනශාලා සේවා සැපයීම් අංශ වලින් ශ්‍රී ලන්කන් ගුවන් සේවය ලාභ ලබා තිබෙනවා‘‘ යැයි ද ඒ මහතා ප්‍රකාශ කළේය.