දෙයියෝ සාක්කි

සැමියා විදුලි පහන දල්වද්දී මිතුරා බිරිය ළඟ සිට පැන ගිහින්

ස්වාමිපුරුෂාත් බිරියත් නිදියහනේ නිදන අවස්ථාවේ දී නුහුරු නුපුරුදු සිරුරක් බිරියගේ ඇඟේ ස්පර්ෂවීමෙන් කලබලයට පත් බිරිය මහ හයියෙන් කෑගසද්දී ස්වාමිපුරුෂයා කාමරයේ විදුලි ලාම්පුව දල්වනවාත් සමඟම තමාගේ යහළුවා නිදියහනේ සිට පැන යෑමේ සිද්ධියක් අම්බලන්තොට නගරයට නුදුරු ගමකින් අම්බලන්තොට පොලිසියට වාර්තා විය.

ඡන්ද ඔට්ටුව පැරදී වාරික ලෙස ගෙවන්න ඉල්ලලා

ජනාධිපතිරවණ ප්‍රතිඵල සම්බන්ධයෙන් ඇති කර ගත් ඡන්ද ඔට්ටුවක් පරාද වූ පුද්ගලයෙකු පරාද වූ රුපියල් පන් දහසක මුදල මාසික වාරික වශයෙන් ගෙවීමට අවස්ථාව ඉල්ලීමේ පුවතක් මීරිගමට නුදුරු පෙදෙසකින් වාර්තා විය.

ඡන්ද ඔට්ටුව පැරදී අවන්හල් හිමියා කොත්තු බාස්වෙලා කොත්තු බාස් කැෂියර් වෙලා

ඉකුත් ජනාධිපතිවරණය සඳහා ඔට්ටු ඇල්ලූ බොහෝ දෙනා මේ දිනවල තමන්ගේ ඡන්ද ඔට්ටු ඉටු කරති. හේවාහැටට නුදුරු නගරයක අවන්හල් හිමියකු හා ඔහුගේ අවන්හලේම කොත්තු බාස් සමග ඇල්ලූ ඔට්ටුවකින් අවන්හල් හිමියා පැරැදී මේ දිනවල සිය අවන්හලේ කුස්සියට වී කොත්තු රොටී ගසනු දක්නට ලැබෙන අතර කොත්තු රොටී බාස් කැෂියර් කූඩුවට වී මුදල් ගනුදෙනු කරනු දැකිය හැකිවිය.

තොවිලය නටද්දී කට්ටඬියාගේ ඉනේ තිබූ කොඩිවිනේ එළියට පැනලා

තොවිල් නැටීමට කොඩිවින කැපීමට දක්ෂයකු බවට රටතොට පතල ඇදුරකු මෑත කාලයේ කළ හපන්කමක් පිළිබඳව බස්නාහිර පළාතේ පස්දුන් කෝරළයෙන් වාර්තාවෙයි. ඕනෑම තොවිලයක දිස්ටි මන්තර කියා පරලවන්නේද ඔහුය. යම් කෙනෙකුට කොඩිවිනයක් කර වත්තේ කොතනක හෝ වළ දමා තිබුණත් පරල වී දිවගොස් ඔහු එය රැගෙන එන්නේ බලා සිටිනවුන් මවිත කරවමිණි.

පලතුරු මුදලාලිගේ පතල කරුණාවෙන් පාපැදිකරුවන්ට පොළොව පලාගෙන යන්න හිතිලා

පලතුරු කඩය පිහිටියේ ප්‍රධාන මාර්ගයේය. දිනපතා පුහුණුවීම් කටයුතුවල යෙදුණ පාපැදිකරුවෝ පලතුරු කඩෙන් පලතුරු මිලදී ගත්හ. අතේ තිබෙන මුදලට ඒවා මිලදී ගන්නා ඔවුහු කඩය අයිනේ වාඩිවී පළතුරු අනුභව කර නැවත පුහුණුවීම් වල යෙදෙති. පාපැදිකරුවන්ට මුදලට අමතරව නොමිලේ ආනමාලු කෝලිකුට්ටු කෑමට දීම මුදලාලිගේ සිරිතය. නොමිලේ දෙන සෑම කෙසෙල් ගෙඩියක්ම මුදුන කපා දමා ඇති අතර ඔහු පවසන්නේ ඉදිලා වැඩි උනාම උඩ කලුපාට වෙනවානේ ඒ නිසයි කපලා තියෙන්නේ යනුවෙනි. මුදලාලි හොඳ මනුස්සයා ඒකනේ අපි

සමාජ සේවකගේ උපකාරය ඔළුවට කඩා වැටිලා

මිනිහගෙ ඔට්ටුව මැද්දට ගෑනි පැනලා ජංජාලයක්

කටගහන්න ගිය ගොවිරාළ වගා හානි වන්දිය කපාගෙන

වැඩි පණ්ඩිතකම් කිරීමට ගොස් තමාට හිමි කුඹුරු වගා හානි වන්දිය අහිමි කර ගත් ගොවි මහතකු පිළිබඳව පසුගිය දා අසන්නට ලැබුණේ දකුණු පළාතේ උප නගරයක් ආශ්‍රිත ගොවි ජන සේවා කාර්යාලයකිනි.

මිනිහ ගෑනිගේ ඡන්දය කැලේ යවන්න ‘අන්දකයිප්පු’ කවලා

තමා ඡන්දය දීමට අපේක්ෂාවෙන් සිටින ජනපතිවරණ අපේක්ෂකයාට බිරිඳ ඡන්දය නොදෙන බව දැනගත් සැමියකු ඇගේ තැපැල් ඡන්ද ඉල්ලුම් පත්‍රයට සාවද්‍ය තොරතුරු ඇතුළත් කොට තැපැල් ඡන්දය හිමිකම ප්‍රතික්ෂේප කරවූ සිද්ධියක් ගල්ගමුව ප්‍රදේශයේ ගමකින් දැන ගැනීමට ලැබිණි.

මැතිවරණ ජය සමරා කෙසෙල් කැන් කඩයකටත් රිංගලා

ජනාධිපති ගෝඨාභය රාජපක්ෂ මහතාගේ ජයග්‍රහණය සනිටුහන් වීමත් සමගම දකුණේ තැන් තැන්වල පාර අයිනේ තිබූ අයිතිකරුවකු නොසිටි තාවකාලික කෙසෙල් කැන් කඩයක් දුටු කොලු රැලක් ජය සැමරුම් පොළක් යැයි සිතා කෙසෙල් ගෙඩි ඇති පදම් කඩාගෙන ගිල දමා අමාරුවේ වැටුණු පුවතක් දකුණේ දොඩම්වලට සම්බන්ධ ප්‍රදේශයකින් වාර්තා විය.

උත්සවයකට ගිහින් බීලා යතුරුපැදිය හොරකුට දන්දීලා

මීරිගම නගරයේ දංඕවිට හන්දියේ පසුගියදා (18) පැවැති උත්සව අවස්ථාවට එක් වූ පුද්ගලයෙකු හොඳ හැටි සප්පායම් වීමෙන් පසු ඔහු පැමිණි යතුරුපැදිය එතැන දමා කුලී ත්‍රිරෝද රියකින් නිවසට ගොස් පෙරේදා (19) උදේ පැමිණ බලද්දී යතුරුපැදිය අතුරුදන් වී තිබීමේ පුවතක් මීරිගම පොලිසියෙන් වාර්තා වෙයි.

ලූනු ඉල්ලා වඬේ මුදලාලිට යකා නැගලා

වඩෙත් එක්ක ලූනු ඉල්ලුවාට මුදලාලිට යකා නැග පාරිභෝගිකයකුට බැණ වැදුණ කතා පුවතක් පඬුවස්නුවර ප්‍රදේශයේ පොළකින් වාර්තා විය.

හෝටලයේ තේ බොන්න කෝප්ප හිස්වන තුරු පෝලිමේ ඉන්න වෙලා

ප්‍රධාන පෙළේ යයි කියන හෝටලයකට තේ බීමට ගිය පුද්ගලයකුට විනාඩි 20ක් පමණ කෝප්ප හිස් වනතුරු බලා සිටීමට සිදුවූ බව කියන පුවතක් වාරියපොළ ආසන්න ප්‍රදේශයකින් වාර්තා විය.

පෙම්වතියගේ සිහියෙන් ලොක්කාගේ උගුලක හිරවෙයි

අගනුවර කාර්යාලයක සුබසාධක වෙළෙඳසලේ තරාදිය කාර්මික දෝෂයක් නිසා අලුත්වැඩියා කිරීමට දී තිබු ස්ථානයෙන් නැවත කාර්යාලයට රැගෙන ඒමට ගිය එහි සේවකයෙක් තම පෙම්වතිය හමුවීමට තිබු හදිසිය නිසා තරාදිය වෙනුවට එය බහාලන පෙට්ටිය පමණක් කාර්යාලයට රැගෙන ආ පුවතක් අගනුවරින් වාර්තාවේ.

හීනෙන් සුලෝචනා සෙවූ සැමියා දමා බිරිඳ මහ රෑ ගෙදරින් ගිහින්

විවාහ මංගල්‍යය උත්සවයකට ගොස් මත්පැන් පානය කර පැමිණ නිදාගෙන සිටියදී අනියම් පෙම්වතිය පිළිබඳ හීනෙන් දොඩවමින් සිටි සැමියාගේ බිරිඳ දරුවන් සමග මහ රෑ මහ ගෙදර බලා යාමේ පුවතක් කෑගල්ල ප්‍රදේශයේ ගමකින් වාර්තා වේ.

දවසක හොර මඟුලෙන් හෝටලේට රිංගුවාට ලක්ෂ 2 ක කප්පමක්

කොටහළුව සොයා ගිහින් ගුටි නොකා බේරිලා

අධික බීමතින් සිය මිතුරාගේ මගුල් ගෙදර යාමට ගොස් අවසානයේ මගුල් ගේ සොයාගැනීමට නොහැකිව අමාරුවේ වැටුණු පුද්ගලයකු පිළිබඳව වාර්තා වේ.

මළගමේ සාජ්ජෙට සුදු කොඩිය හරස්වෙලා

වාහනයේ ගසා තිබූ සුදු කොඩිය ගලවා දමා ගී ගයමින් මළ ගෙදරක ගිය පිරිසක් පිළිබඳව පුවතක් පසුගියදා අගනුවරට ආසන්න ප්‍රදේශයකින් අසන්නට ලැබිණි.

ගෑනුන්ට බඩු විකුණන්න ඇවිඳින් ආච්චිගෙ හැඹිලියට විදලා

කාන්තාවන් සඳහා වූ නිෂ්පාදන ප්‍රචාරයේ නිරත වූ තරුණයින් දෙදෙනකු පසුගිය දා කඹුරුපිටිය නගරා සන්නයේ නිවසකට ගියේ එහි ඉස්තෝප්පුවේ වියපත් කාන්තාවක් සිටින බව දුටු නිසාය. මෙම කාන්තව වාඩි වී සිටියේ තම කකුලක වූ දදයක් අතගාමින් වේදනාවෙනි.

වැස්සට තෙමිලා බිරියගෙනුත් අම්බානක බැණුම් අහලා

කුඩය බෑගයේ තබාගෙන මහ වැස්සේ තෙමෙමින් දුම්රියට ගිය ඉහළ තනතුරක් දරන නිලධාරියකු බිරියගේ දෝස්මුරයකට ලක්වීමේ පුවතක් පසුගියදා කොළඹ කොටුව දුම්රිය පොළේදී අසන්නට ලැබුණි.

අමුතු ඡන්ද ඔට්ටුවක් අල්ලා සැමියාත් - මිතුරාත් ගෙදරින් පිටුවහල් කරලා

බමන මතින් තම මිතුරෙකු සමඟ ජනාධිපතිවරණ ඡන්ද ඔට්ටුවක් ඇල්ලීමට උත්සාහ කළ පුද්ගලයකු, බිරිදගේ නියෝගය මත නිවෙසින් පන්නා දැමීමේ සිද්ධියක් බදුල්ලෙන් වාර්තාවේ .

මත්ලෝලි තරුණයා රොටියක් සෝදා පිඟන් රාක්කයේ තබලා

මව රාත්‍රී කෑමට පුළුස්සා තබා තිබූ රොටී දෙකෙන් එකක් කා අනෙක පිඟන් රාක්කයේ තැබූ තරුණයකු පිළිබඳව කෑගල්ල ප්‍රදේශයේ ගම්මානයකින් වාර්තා විය.

බස්රිය නතර නොකළැයි උරණ වූ මගියා කොන්දොස්තරට පහර දීලා

බලන්ගොඩ නගරයේ සිට වේළිඔය නගරය දක්වා ධාවන වූ ශ්‍රී ලංගම බස්රථයක් නියමිත නැවැතුමේ නතර කොකළැයි උරණ වූ මගියකු කොන්දොස්තරවරයාට පහරදීමේ සිද්ධියක් බළංගොඩ ප්‍රදේශයෙන් වාර්තා වෙයි.

ගේමක් ගසා කොස් කඩන්න ගිහින් තරු පෙනිලා

කඹුරුපිටිය මහ රෝහල අසල වූ සරු සාර ගමකි. කොස්ගසක අවාරයේ ගෙඩි හැදී ඇති බව දුටු තරුණයින් දෙදෙනකු ගෙවතු හිමියා හමුවට ආවේ පන්සලේ දානය සඳහා කොස් ගෙඩි දෙකක් ලබා දෙන ලෙස ඉල්ලමිනි.

බස්රියේ සිටි සැමියාට බිරියගේ දුරකතන ඇමැතුමෙන් රතු ඉර පැනලා

තොර තෝංචියක් නැතිව බිරියගෙන් එන දුරකතන ඇමතුම් නිසා උන්හිටි තැන් අමතක වූ සැමියකු බස් රථයක් තුළදී බිරිඳට කෑ ගැසූ පුවතක් රාජගිරිය ප්‍රදේශයෙන් වාර්තාවිය.

හොරාගේ අම්මාගෙන් හොරාගැන පොලිසියට ඔත්තුවක්

හම්බන්තොට දිස්ත්‍රික්කයේ මුහුදට ආසන්න නගරයක සතිපොළක සිදුවූ අර්තාපල් ගෝනි සොරකමක් සම්බන්ධයෙන් හොරාගේ අම්මාගෙන්ම පොලිසියට ඔත්තුවක් ලැබුණු පුවතක් වාර්තා විය.

හොරා සමාව ඉල්ලා ලිපියක් ලියා හොරබඩු යළි අයිතිකරුටම එවලා

රාත්‍රියේ ව්‍යාපාරික ස්ථානයක් බිඳ භාණ්ඩ සොරාගත් සොරෙකු පසුව සී.සී.ටී.වී. කැමරාවලට බියෙන් සොරාගත් එම බඩු, සමාව ගැනීමේ ලිපියක්ද සමග ව්‍යාපාරිකයාට එවීමේ පුවතක් කුරුණෑගල දිස්ත්‍රික්කයේ එක්තරා නගරයකින් වාර්තා විය.

පුතාගේ දුරකතනයෙන් ආ ගැහැනු හඩින් මවුපියෝ හොල්මන් වෙලා

දුර බැහැර පෙදෙසක රැකියාවට ගිය ගමේ තරුණයකුගේ විසන්ධි කළ ජංගම දුරකතනය ඇමතූ විට ලැබෙන පිළිතුර කාන්තා කටහඬකින් වීම ගැන කුපිත වූ පියකු පුතා ආපසු කැඳවාගෙන ඒමට යෑමේ පුවතක් කුරුණෑගල දිස්ත්‍රික්කයේ දුෂ්කර ගමකින් වාර්තා විය.