එසැණ පුවත්

තරුණයෙක් මුහුදට බිලි

බෙන්තොට මුහුදු තිරයේ දියනාමින් විනෝදවූ පිරිසක් අතරින් තරුණයන් දෙදෙනෙක් මුහුදේ දිය රළකට හසුව ගසාගෙන යාමෙන් එක් අයෙකු මියගොස් අනෙකා රෝහල් ගතකල බව බෙන්තොට පොලිසිය කියයි.

12 December 2023

එල්ලුනේ දිව්‍යලෝකේ යන්න:යන්න වුනේ රෝහලට

මෑතක දී ඉතා ප්‍රසිද්ධියට පත් අග්බෝ නැමැති හස්තියා තිරප්පනේ උල ගල්ල වැව් ඉස්මත්තේ රැඳී සිටිය දී ඒ අසලට පැමිණි පුද්ගලයකු හස්තියගේ සිරුරට ගොඩවීමට දැරූ උත්සාහයේ දී හස්තියාගේ පහර දීමෙන් තුවාලලබා රෝහල්ගත කර ඇතැයි තිරප්පනේ පොලිසිය කියයි .

12 December 2023

දිස්ත්‍රික්ක 9කට නාය අනතුරු ඇඟවීම්

දිවයිනේ බොහෝ ප්‍රදේශයවල තව දුරටත් පවතින අධික වැසි හේතුවෙන් ජාතික ගොඩනැගිලි පර්යේෂණ සංවිධානය විසින් දිස්ත්‍රික්ක නවයක ප්‍රාදේශිය ලේකම් කොට්ඨාස 38 නිකුත් කළ නාය යෑමේ අනතුරු ඇඟවීමේ නිවේදනය අද (12 ) සවස දක්වා බල පැවැත්වෙන බව එම සංවිධානය කියයි

12 December 2023

මාවතගම දෙපිරිසක් අතර ගැටුමක්:තරුණයෙක් මරුට

මාවතගම පොලිස් බළ ප්‍රදේශයට අයත් පිලැස්ස ප්‍රදේශයේ තරුණ දෙපිරිසක් අතර ඇතිවූ ගැටුමකින් එක් අයෙකු මරණයට පත්ව තිදෙනෙකු තුවාල ලබා ඇතැයි පොලීසිය කියයි.

12 December 2023

පොහොට්ටු ව්‍යවස්ථාව වෙනස් වෙයි

පොදුජන පෙරමුණේ සම්මේලනයේදී පක්ෂ ව්‍යස්ථාවේ යම් වෙනසක් කරන නමුත් පක්ෂයේ ප්‍රධන පරිපාලන තනතුරු වල වෙනසක් නොවන බව හම්බන්තොට දිස්ත්‍රික් මන්ත්‍රී නාමල් රාජපක්ෂ මහතා පැවසීය.

12 December 2023

වැස්ස අදත් නොනවතින හැඩ

නැගෙනහිරට,ඌවට උතුර මැද පළාත්වලටත් නුවරඑළිය දිස්ත්‍රික්කයටත් විටින් විට අදත් වැසි ඇති වන බව කාලගුණ විද්‍යා දෙපාර්තෙමේන්තුව කියයි.

12 December 2023

කන්දකාඩුවෙන් පැනගිය 23 ක් භාරවෙති

වැලිකන්ද කන්දකාඩු පුනුරුත්ථාපන කඳවුරෙන් අද පස්වරුවේ පැනගිය රැඳවියන් 23 ක් පුලස්තිපුර ප්‍රදේශයේදී පොලිසියට භාර වූ බව පොළොන්නරුව ජ්‍යෙෂ්ඨ පොලිස් අධිකාරී නිශාන් ද සිල්වා මහතා අද (11) රාත්‍රී පැවසීය.

11 December 2023

ක්‍රිකට් තේරීම් කමිටුවට ඉන්දික ද සේරම් එයි

උපුල් තරංගගේ සභාපතිත්වයෙන් යුත් නව ජාතික ක්‍රිකට් තේරීම් කමිටුවට හිටපු ප්‍රබල පිතිකරුවෙක් වන ඉන්දික ද සේරම් මහතා ඇතුළත් කර තිබේ.

11 December 2023

වැට් බද්දට හසුවන භාණ්ඩ මෙන්න

වැට් බදු සංශෝධන පනත් කෙටුම්පත සංශෝධන සහිතව වැඩි ඡන්දයෙන් අද (11) සම්මත වූ අතර ඒ අනුව මෙතෙක් වැට් බද්දෙන් නිදහස් කර තිබූ අයිතම 138 න් 97 කට ලබන වසරේ ජනවාරි පළමු වෙනිදා සිට නැවතත් වැට් බද්ද පැනවීමට නියමිතය.

11 December 2023

කන්දකාඩු කඳවුරෙන් රැඳවියෝ පිරිසක් පැන යති

වැලිකන්ද කන්දකාඩු පුනුරුත්ථාපන කඳවුරෙන් රැඳවියන් 136කට ආසන්න පිරිසක් අද (11) පස්වරුවේ පැනගොස් ඇති බවත් ඔවුන් සොයා මෙහෙයුමක් ආරම්භ කළ බවත් පොලිසිය අද රාත්‍රී පැවසීය.

11 December 2023

රවී කටු පොල් තහනම ඉවත් කර දෙන්න සැරසෙයි

තහනමට ලක් කළ කටුපොල් වගාව යළි ආරම්භ කිරීම සඳහා ක්‍රියාමාර්ග ගනිමින් සිටින බව හිටපු මුදල් අමාත්‍ය රවී කරුණානායක මහතා පැවසීය.

11 December 2023

බෙන්තට මුහුදේ දිය නෑමට ගිය අයකු අතුරුදහන්

බෙන්තොට මුහුදේ දිය නෑමට ගිය පුද්ගලයන් දෙදෙනෙකුගෙන් අයෙකු බේරාගෙන මීට සුළු වේලාවකට පෙර රෝහල් ගතකර ඇති අතර අනිත් පුද්ගලයා රළ පාරට ගසාගෙන ගොස් ඇතැයි බෙන්තට පොලිසිය කියයි.

11 December 2023

නීතිඥවරුන් පිරිසකට පොලිසියේ - හමුදාවේ කණගාටුව

ගාලු මුව දොර අරගලයේ පැවති සමයේ දී හිටපු ජනාධිපති ගෝඨාභය රාජපක්ෂ මහතාගේ රජයට එරෙහිව කොටුව අසල විරෝධතාවයක් සිදුකළ නීතිඥවරුන් පිරිසක්හට බාධා කිරීමේ සිද්ධිය සම්බන්ධයෙන් පොලිසිය හා හමුදාව සිය කණගාටුව ප්‍රකාශ කරන බව නීතිපතිවරයා ශ්‍රේෂ්ඨාධිකරණයට දැනුම් දුන්නේය.

11 December 2023

නොරොච්චෝලේ තුන්වැනි ජනන යන්ත්‍රය සක්‍රීය කරයි

නොරොච්චෝලේ ලක්විජය තාප බලාගාරයේ තුන්වැනි ජනන යන්ත්‍රය නැවතත් ජාතික විදුලි පද්ධතියට අද (11) එක්ක කළ බව ලංකා විදුලිබල මණ්ඩලයේ උසස් නිලධාරියෙක් පැවසීය.

11 December 2023

ජනවාරියේ පෙට්‍රල් - ඩීසල්වලට වෙන දේ දැන්ම කියයි

නව වැට් බදු පනත සමගින් ලබන ජනවාරි මස 1 වැනිදා සිට පෙට්‍රල් ලීටරයක් රුපියල් 62.37 කින් ඩීසල් ලීටරයක් රුපියල් 59.22 කින් ඉහළ යන බවත් ඒ අනුව පෙට්‍රල් ලීටරයක් රුපියල් 400 ට වැඩි මිලකට ද, ඩීසල් ලීටරයක් රුපියල් 400 ට ආසන්න මිලකට ද, පත්වන බවත් සමඟි ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත මහතා අද (11) පැවසීය.

11 December 2023

චෙක් නඩුවෙන් තිළිණි නිදොස් කොට නිදහස්

මුදල් නොමැති ගිණුමකින් චෙක්පතක් ලබාදී රුපියල් ලක්ෂ අසූවක මුදලක් සාවද්‍ය පරිහරණය කිරීමේ නඩුවෙන් තිළිණි ප්‍රියමාලි නිදහස් කිරීමට කොළඹ මහාධිකරණ විනිසුරු ආදිත්‍ය පටබැඳිගේ මහතා ඉයෙ නියම කළේය.

11 December 2023

තැපැල් වර්ජනයෙන් ලිපි සහ පාර්සල් ලක්ෂ හතක් සිරවෙයි

තැපැල් සේවකයන් ආරම්භ කළ වැඩවර්ජනය හේතුවෙන් මධ්‍යම තැපැල් හුවමාරුව ඇතුලු අනෙකුත් තැපැල් කාර්්‍යාල වල ලිපි සහ පාර්සල් ලක්ෂ හතක් පමණ සිරවී ඇතැයි තැපැල් වෘත්තිය සමිති ප්‍රකාශ කරයි.

11 December 2023

තුර්කි - ශ්‍රී ලංකා සබඳතා සමරන්න මුද්දරයක්

ශ්‍රී ලංකාව සහ තුර්කිය අතර රාජ තාන්ත්‍රික සබඳතාවලට වසර 75 පිරීම නිමිත්තෙන් එය සැමරීම සඳහා විශේෂ සමරු මුද්දරයක් තුර්කියේ අන්කාරා නුවර ශ්‍රී ලංකා තානාපතිනි හසන්ති දිසානායක මහත්මියගේ නිල නිවසේදී පසුගිය 8 වැනිදා එළි දක්වීය.

11 December 2023

වැට් බද්ධ සම්මතයි

භාණ්ඩ අනූ හතකට ලබන ජනවාරියේ සිට සියයට දහඅටක වැට් බදු අය කිරීම සඳහා ප්‍රතිපාදන ඇතුළත් එකතු කළ අගය මත බදු සංශෝධන පනත් කෙටුම්පත (වැට්) පාර්ලිමේන්තුවේදී අද (11) පස්වරුවේ වැඩි ඡන්ද 45 කින් සංශෝධන සහිතව සම්මතවිය.

11 December 2023

නාමල් රජපක්‍ක්‍ෂ වැට් බද්දට විරුද්ධයි

පාර්ලිමේන්තුවට ඉදිරිපත් කර ඇති වැට් බදු පනතට විරුද්ධ නිසා ඒ සඳහා ඡන්ද විමසන අවස්ථාවට සහභාගි නොවන බවත් බැට් බද්ද පැහැදිලිවම ජනතාවට දරාගත නොහැකි තරම් ඉහළ බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්‍ෂ මහතා අද (11) පැවසීය.

11 December 2023

සරසවි දැනුමට ලබන වසරේ අලුත් අගයක්

විශ්වවිද්‍යාල අධ්‍යාපනය සහ වෘත්තීය පුහුණු අධ්‍යාපනය රටේ දියුණුවට යොදා ගැනීමේ වැඩපිළිවෙළ ලබන වසරේ ආරම්භ කරන බව ජනාධිපති රනිල් වික්‍රමසිංහ මහතා පැවසීය.

11 December 2023

ගාල්ලේදී පස් කන්දට යටවු තවත් අයෙක් මරුට

ගාල්ල කරාපිටිය ප්‍රදේශයේ අලුතින් ඉදිකරගෙන යනු ලබන සිව්මහල් ගොඩනැගිල්ලක පිටුපස පැතිබැම්මක් ඉදිකරමින් සිටියදි පස්කන්දක් කඩාවැටිමෙන් බරපතල තුවාල ලබා ගාල්ල කරාපිටිය ශික්ෂණ රෝහලේ දැඩිසත්කාර ඒකකයේ ප්‍රථිකාර ලබමින් සිටි තවත් අයෙකු අද (11) මියගොස් ඇති බැව් ගාල්ල කරාපිටිය රෝහල් පොලිසිය පවසයි.

11 December 2023

අලි මැරුවොත් මනුෂ්‍ය ඝාතන දඬුවම දෙන්න

අලි ඝාතන කරන අයට මිනිස් ඝාතනයට සමාන දඬුවමක් දිය යුතු යැයි සමගි ජන බලවේගයේ ගම්පහ දිස්ත්‍රික් මන්ත්‍රී ෆීල්ඩ් මාර්ෂල් සරත් ෆොන්සේකා මහතා පාර්ලිමේන්තුවේ දී පැවසීය.

11 December 2023

අ'පුර මෙත්සිරි සෙවන වාට්ටු සංකීර්ණයේ ගින්නක්

අනුරාධපුර ශික්ෂණ රෝහලට අනුයුක්තව ප්‍රතිකාර කටයුතු සිදු කෙරෙන අනුරාධපුර වලිසිංහ හරිශ්චන්ද්‍ර මාවතේ පිහිටා ඇති ’’මෙත් සිරි සෙවණ’’ වාට්ටු සංකීර්ණයේ අද (11) දහවල් ඇති වූ හදිසි ගිනි ගැනීම් තත්ත්වයක් පාලනය කර නිවා දැමීමට අනුරාධපුර මහා නගර සභාවේ සහ යුද හමුදාවේ ගිනි නිවීම ඒකකයේ සාමාජිකයන් , රෝහල් කාර්ය මණ්ඩලය සහ පොලිසිය, මහජනතාව, එක්ව කටයුතු කළහ.

11 December 2023

හාල්මැස්සන් ගේන්න අවුරුද්දකට කෝටි 995ක් වැය කරලා

මේ රටේ මුහුදේ හාල්මැස්සන් ඕනතරම් සිටියදී හාල්මැස්සන් කරවල ගෙන්වීමට වසරකට රුපියල් කෝටි 995ක් වැය කරන බව ගම්පහ දිස්ත්‍රික් මන්ත්‍රී අජිත් මාන්නප්පෙරුම මහතා පාර්ලිමේන්තුවේදී අද (11) පැවසීය.

11 December 2023

හල්දුම්මුල්ලේ පාසල් තුනක් වහයි

වැසි සහිත කාලගුණයෙහි බලපෑමෙන් හල්දුම්මුල්ල කොට්ඨාසයේ පාසල් තුනක් වසා දමා ඇතැයි හල්දුම්මුල්ල කොට්ඨාස අධ්‍යාපන අධ්‍යක්ෂක නිලානි ධම්මිකා මහත්මිය අද (11) පැවසුවාය.

11 December 2023

අම්පාර බඩඉරිඟු වගාවට ‘සේනා’ගෙන් හානි

බඩ ඉරිගුවගාවට යළි සේනා දළඹුවන් පැමිණ හානි කිරීම නිසා අම්පාර දිස්ත්‍රික්කයේ බඩ ඉරිගු ගොවීහු දැඩි අසීරුතාවට පත්ව සිටිති.

11 December 2023

ඩොලර් රුපියල් කිරීමේදී නැව් සංස්ථාවට කෝටි 932ක පාඩුවක්

ලංකා නැව් සංස්ථාව 2022 වසරේදී රුපියල් කෝටි 932 කට වැඩි පාඩුවක් ලබා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

11 December 2023