එසැණ පුවත්

ඉන්දුනීසියා ජනපතිවරණයෙන් සුබියැන්තෝ ජය ගනී

ඉන්දුනීසියා ජනාධිපතිවරණය ජය ගැනීමට 72 හැවිරිදි ප්‍රබෝවෝ සුබියැන්තෝ සමත් විය. ප්‍රබෝවෝ සුබියැන්තෝ ජයග්‍රහණය කළේ සියයට 58 ක ඡන්ද ප්‍රතිශතයක් හිමි කර ගනිමිනි.

15 February 2024

වතුර හබයකට ගම්මු-පොලීසිය ගැටෙති

මහකනදරාව උතුරුජල ව්‍යාපෘතිය විවෘත කිරීමට එරෙහිව ගොවීන් පිරිසක් මේ වන විට උද්ඝෝෂණයක් අරඹා තිබේ.

15 February 2024

ඇමෙරිකාවේ වෙඩි තැබීමක්

ඇමෙරිකාවේ වෙඩි තැබීමකින් එක් අයෙකු ජීවිතක්ෂයට පත්වුණු බවත් 21 දෙනකු තුවාල ලැබූ බවත් පැවැසෙයි. වෙඩි තැබීම සිදුවූයේ මිසෝරි ජනපදයේ, ‘කැස්සාස් සිටී චීෆ්’ පාපන්දු කණ්ඩායමේ ජය සමරමින් පෙරහරක් පැවැත්වෙද්දීය.

15 February 2024

රේගුව අකුරට වැඩ

වෘත්තිය ගැටලු කීපයක් මුල්කරගනිමින් රේගු නිලධාරීන් අද (15) පෙරවරු 9.00 සිට අකුරට වැඩකිරීමේ වෘත්තිය ක්‍රියාමාර්ගයකට එළඹෙන බව රේගු වෘත්තීය සමිති පවසයි.

15 February 2024

බදුල්ලේ දූවිලි අංශු සාන්ද්‍රණය ඉහළට

බදුල්ල දිස්ත්‍රික්කයේ වායුගෝලයේ දූවිලි අංශු සාන්ද්‍රනය පැවතිය යුතු මට්ටමට වඩා ඉහළ ගොස් ඇති බවට වාර්තා වන බව බදුල්ල ආපදා කළමනාකරන මධ්‍යස්ථානයේ නියෝජ්‍ය අධ්‍යක්ෂ ඊ එම් එල් උදය කුමාර මහතා පැවසීය.

15 February 2024

‘කුඩු සළිදුගේ’ ප්‍රධාන ගෝලයා ඩුබායිවලදී කොටුවෙයි

දැනට අපරාධ පරීක්ෂණ දෙපාර්තමේන්තු අත් අඩංගුවේ පසුවන සළිදු මල්ෂික කුඩු සළිදු නැමැති සංවිධානාත්මක අපරාධ කල්ලි නායකයාගේ ප්‍රධානතම ගෝලයා ලෙස හැදින්වෙන පියුම් හස්තික නොහොත් ’’පියුමා ’’ නැමැති අපරාධ කල්ලි සාමාජිකයෙකු ඩුබායි හී දී විශේෂ අපරාධ පරීක්ෂණ දෙපාර්තමේන්තු නිලධාරීන් කණ්ඩායමක් විසින් අත් අඩංගුවට ගෙන අද(15) අලුයම කටුනායක ගුවන් තොටුපොළ වෙත රැගෙන විත් තිබේ .

15 February 2024

නවගමුව පත්තිනි දේවාලය තෙදිනකට වහයි

නවගමුව පත්තිනි දේවාල භූමියේ පවත්වාගෙන යන සියලුම දේවාල අද (15) දින සිට 17 වන දින දක්වා වසා දැමීමට කටයුතු කල බව දේවාලයේ භාරකාරත්වය දරණ කල්‍යාණි සාමග්‍රී ධර්ම මහා සංඝ සභාවේ කල්‍යාණි පාර්ශවයේ මහා නායක මල්වානේ පඤ්ඤාසාර හිමියන් පැවසූහ

15 February 2024

මත්ද්‍රව්‍ය ජාවාරම්කරුවන්ගේ තවත් ගෝලයෙක් දැලේ

මහාපරිමාණ මත්ද්‍රව්‍ය ජාවාරම්කරුවන් මෙන්ම සංවිධානාත්මක අපරාධකරුවන් වන මෝදර රොහාන් සහ ඩුබායි නිපුනගේ මෙරට මත්ද්‍රව්‍ය ජාලය මෙහෙයවන ප්‍රධාන ගොලයෙකු හෙරොයින් සහ අයිස් ඉතා සූක්ෂම ලෙස රැගෙන යමින් සිටියදී අත්අඩංගුවට ගත් බව පොලිස් විශේෂ කාර්ය බලකාය පවසයි.

15 February 2024

පළාත් කිහිපයකට සවස් කාලයේදී වැසි

නැගෙනහිර සහ ඌව පළාත්වලත් පොළොන්නරුව, මාතලේ, නුවරඑළිය සහ හම්බන්තොට දිස්ත්‍රික්කවලත් වැසි වාර කිහිපයක් ඇති වනවබ කාලගුණවිද්‍යා දෙපාර්තමේන්තුව කියයි..

15 February 2024

තාත්තයි සිඟිති දියණියයි දුම්රියට බිලි

යාපනය ඉනුවිල් ප්‍රදේශයේ ප්‍රධාන මාර්ගයක පිහිටි දුම්රිය හරස්මාර්ගයක් හරහා ධාවනය වූ වෑන් රථයක් දුම්රියේ ගැටීමෙන් පියා සහ මාස 06 ක බිළිඳිය මිය ගොස් ඇතැයි යාපනය පොලීසිය පවසයි.

15 February 2024

වැලන්ටයින් දා පැරණි පෙම්වතාට ලැබුණු තෑග්ග

කාන්තාවක තම සැමියා ලබා පැරැණි පෙම්වතා නිරුවත් කර ඔහුගේ කකුල් දෙකම කාඩා දැමිමේ සිද්ධියක් ගාල්ල පොලිසියෙන් පෙම්වතුන්ගේ දිනය යෙදුණු ඊයේ දින වාර්තා විය.

15 February 2024

ශ්‍රී ලංකාවට 3-0 ක එක්දින තරගාවලි ජයක්

සංචාරක ඇෆ්ගනිස්තාන් පිලට එරෙහිව පැවැති තරග තුනකින් සමන්විත එක්දින ක්‍රිකට් තරගාවලිය 3-0 කින් ජය ලැබීමට ශ්‍රී ලංකා පිල අද (14) රාත්‍රී සමත් විය.

14 February 2024

වස ශරීර ගත වී පිය පුතු මරුට

වස ශරීරගත වූ පියකු සහ පුතකු මියගොස් ඇතැයි අඟුණකොලපෑලැස්ස පොලිසිය කියයි.සිය පුතුට වස පොවා පියා ද වස පානය කොට මිය යන්නට ඇතැයි පොලිසිය සැකකරයි.

14 February 2024

හිටපු ජනපතිනියගෙන් ජනපතිවරණය ගැන ප්‍රකාශයක්

පොදුජන එක්සත් පෙරමුණේ නායකත්ව මණ්ඩලයේ නායකත්වය බාර ගැනීම සම්බන්ධයෙන් මෙතෙක් කිසිදු තීරණයක් ගෙන නැතැයි හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මියගේ කාර්යාලය සඳහන් කරයි.

14 February 2024

කාට දෙන්නද මේ මල් තෝරන්නේ

ප්‍රේමවන්තයින්ගේ දිනය යෙදුණු අද (14) දවස පුරා දහස් සංඛ්‍යාත තරුණ තරුණියෝ රතු රෝස මල් මිලදී ගැනීමට උත්සුක වූහ.

14 February 2024

හුංගම නිවෙසකට හැත්තෑපන්දහසක ජලබිලක් ලැබිලා

මසකර රුපියල් දහසකට ආසන්න වතුර බිලක් ආ හුංගම අහිංසක පවුලකට ඉකුත් මාසයේ ජලබිල රුපියල් 75,000ක බිලක් පැමිණ ඇතැයි ඩබ්ලිව්.එච් කරුණාවතී නම් කාන්තාවක පවසයි.

14 February 2024

විධායක ජනාධිපති නැති කිරීමේ යෝජනාව තක්කඩිකමක්

විධායක ජනාධිපති ක්‍රමය අහෝසි කිරීමේ වර්තමාන යෝජනාව දේශපාලන තක්කඩිකමක් බවත් විධායක ජනතාපති ධූරය අත්තොනෝමතික යැයි මීට පෙර සිටි සියලුම නායකයන්ට වඩා වර්තමාන ජනාධිපතිවරයා ඔප්පු කර ඇති බවත් පාර්ලිමේන්තු මන්ත්‍රී ඩලස් අලහප්පෙරුම මහතා අද (14) පැවසීය.

14 February 2024

නාකොලාගම අලි වැටට අධිකරණයෙන් නියෝගයක්

කුරුණෑගල නාකොලාගම රක්ෂිතයේ ඉදිකර ඇති අලි වැට වහාම ඉවත් කිරීමට පියවර ගන්නා ලෙස ශ්‍රේෂ්ඨාධිකරණය වනජීවී අධ්‍යක්ෂ ජනරාල්වරයාට සහ ලංකා විදුලිබල මණ්ඩලයට නියෝග කළේය.

14 February 2024

උප්පාරු කලපුවේ ඔරුවක් පෙරලී දෙකක් මරුට

මහවැලි ගඟ මුහුදට වැටෙන කින්නියා උප්පාරු කලපුවේ ධිවර කටයුතුවල යෙදුන දෙදෙනෙකු ඔරුව පෙරලි මියගොස් සිරුරු පාවෙමින් තිබියදි අද (14) සොයා ගැනිමට හැකිවු බව කින්නියා පොලිසිය කියයි.

14 February 2024

ගුවන් හමුදාවෙන් උතුරට මිලියන 125ක්

ගුවන් හමුදාවට වසර 73 ක් සපිරීම නිමිත්තෙන් මිලියන 125 ක ප්‍රජා සත්කාර වැඩසටහන් රැසක් ක්‍රියාත්මක කිරීමට සැලසුම්කර ඇති බව ගුවන් හමුදාපති එයාර් මාෂල් උදේනි රාජපක්ෂ මහතා පැවැසීය.

14 February 2024

බඩු මිල අඩු කරන්න කැබිනට් සාකච්ඡාවක්

සිංහල හා හින්දු අලුත් අවුරුදු උත්සවයට පෙර සියලුම අත්‍යවශ්‍ය පාරිභෝගික භාණ්ඩ මිල ගණන් අඩු කර ජනතාවට සහන සැලසීම සම්බන්ධව ජනාධිපති රනිල් වික්‍රමසිංහ මහතා ප්‍රමුඛ කැබිනට් මණ්ඩලය සාකච්ඡා කළ බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පැවසීය.

14 February 2024

මූල්‍ය ප්‍රතිපත්ති අධ්‍යක්ෂ ජනරාල් මුදල් කමිටුවට කැඳවයි

කැසිනෝ නියාමන ආයතනයක් පිහිටුවීම ප්‍රමාද කිරීම සම්බන්ධයෙන් රජයේ මුදල් පිළිබඳ පාර්ලිමේන්තු කාරක සභාව මුදල් අමාත්‍යාංශයේ මූල්‍ය ප්‍රතිපත්ති අධ්‍යක්ෂ ජනරාල්වරයා කැඳවා ප්‍රශ්න කර ඇත.

14 February 2024

රාජ්‍ය ඔසුසල්වල දිගු පෝලිම්

රජයේ රෝහල්වල කාර්ය මණ්ඩලය වැඩවර්ජනය හේතුවෙන් බෙහෙත් කවුළුවලින් ඖෂධ නිකුත් නොකිරීම නිසා රාජ්‍ය ඖෂධ නීතිගත සංස්ථාවට අයත් රටපුරා ඔසුසල්වල දිගු පෝලිම් අද (14) පෙරවරුවේ සිට දැකිය හැකිය.

14 February 2024

නිවසක් කොල්ලකෑ 7ක් අල්ලයි

සිද්ධමුල්ල සුමග මාවතේ නිවසකට බලහත්කාරයෙන් ඇතුළු වී නිවැසියන්ට සහ දේපළවලට පහරදී ඔවුන් පලවා හැරීමට උත්සාහ දරා රුපියල් ලක්ෂ පහකට ආසන්නව රන් භාණ්ඩ සහ මුදල් කොල්ලකෑ හත්දෙනෙකුගෙන් යුත් පිරිසක් අත්අඩංගුවට ගත් බව කැස්බෑව පොලිසිය කියයි.

14 February 2024

ජලසම්පාදන මණ්ඩලයට කෝටි 1450 ක පොල්ලක්

රට පුරා ජල පාරිභෝගිකයන් ජාතික ජල සම්පාදන හා ජලාපවහන මණ්ඩලයට කෝටි 1450ක හිඟ මුදලක් ගෙවීම පැහැර හැර ඇතැයි එම මණ්ඩල ආරංචි මාර්ග සදහන් කළේය.

14 February 2024

ආණ්ඩුවේ වැඩට ඉන්දියාවෙන් තල්ලුවක්

ඉන්දු-ලංකා හවුල්කාරීත්වයක් මගින් මෙරට රාජ්‍ය අංශයේ ධාරිතාව ඉහල නැංවීමේ වැඩපිළිවෙලක් ක්‍රියාවට නංවා ඇතැයි ජනාධිපති කාර්යාලය පවසයි.

14 February 2024

ජනාධිපති අරමුදලට යන්න ’’අලුත් පාරක්’’

ජනාධිපති අරමුදලේ නව වෙබ් අඩවිය (https://www.presidentsfund.gov.lk) ජනාධිපති ලේකම් සමන් ඒකනායක මහතා අතින් ජනාධිපති ලේකම් කාර්යාලයේදී නිල වශයෙන් විවෘත කෙරිණි.

14 February 2024

උසස් පෙළ ප්‍රායෝගික පරීක්ෂණ 20 දා ඇරැඹෙයි

2023(2024) අ.පොස. (උසස් පෙළ) විභාගයට පෙනී සිටි සිසුන් සදහා ප්‍රායෝගික පරීක්ෂණ එළ‍‍ඹෙන 20 වනදා ආරම්භ වීමට නියමිත බව විභාග දෙපාර්තමේන්තුව නිවේදනය කරයි.

14 February 2024