එසැණ පුවත්

රටේ තත්වය ගැන විවාදයක් 21

රටේ වර්තමාන තත්වය පිළිබඳව සභාවේ කල් තබන අවස්ථාවේ විවාදයක් ලබන 21 වැනිදා පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය තීරණය කළ බව පාර්ලිමේන්තුවේ නියෝජ්‍ය මහ ලේකම් නීතිඥ චමින්ද කුලරත්න මහතා පැවසීය.

විරෝධයට හෝරා ස්ථම්භයට නැඟ වහලෙත් කඩන් වැටිලා

තමන්ට පුද්ගලයකු පහර දුන්නැයි පවසමින් එයට විරෝධය පා පොල් කැඩිමේ නිරත පුද්ගලයකු අද(16 ) මාදම්පේ නගයේ පිහිටි හෝරා ස්ථම්භයට නැග විරෝධය නිරත වද්දි වහලය කඩාගෙන එම ගොඩ නැගිල්ල ඇතුලට වැටිමේන් තුවාල ලබා රෝහල් ගත කල බව මාදම්පේ පොලිසිය පවසයි.

කෙහෙළියට-ජයම්පතිට එරෙහි අල්ලස් නඩුවේ විරෝධතාවේ තීන්දුව මාර්තු 7

නිත්‍යානුකූලව හිමිව තිබූ ජංගම දුරකතන ගාස්තු සීමාව ඉක්මවමින් භාවිතා කොට රුපියල් ලක්‍ෂ 2 1/4කට අධික මුදලක් රාජ්‍ය මුද්‍රණ නීතීගත සංස්ථාව මඟින් පියවා අල්ලස් පනතේ ‘දූෂණය’ වරද සිදුකළ බවට චෝදනා ලැබූ සෞඛ්‍ය අමාත්‍ය කෙහෙළිය රඹුක්වැල්ල සහ රාජ්‍ය මුද්‍රණ නීතීගත සංස්ථාවේ හිටපු සභාපති ජයම්පති බණ්ඩාර හීන්කෙන්ද මහත්වරුන්ට එරෙහි නඩුව පවත්වාගෙන යෑමට නොහැකි බවට විත්තියේ නීතීඥවරු ඉදිරිපත් කළ මුලික විරෝධතාවය සම්බන්ධයෙන් තීන්දුව මාර්තු 07 වැනිදා ප්‍රකාශයට පත් කරන බ

සිසුවියක සමූහ දූෂණය කළැයි පිය - පුතු අල්ලයි

මීගොඩ ගල්වලමුල්ල ප්‍රදේශයේ පදිංචි 12 හැවරිදි පාසල් ශිෂ්‍යාවක් අපයෝජනයට ලක් කිරීම සම්බන්ධයෙන් එම දැරියගේ ළඟම ඥාතී වන පිය පුතු දෙපළක් සහ අසල්වැසි තරුණයකු අත් අඩංගුවට ගත් බව මීගොඩ පොලිසිය පවසයි.

එල්.පී.එල් 2024ට දින නියම කරයි

ලංකා ප්‍රීමියර් ලීග් (එල්.පී.එල්.) විස්සයි20 ක්‍රිකට් තරගාවලියේ පස්වැනි අදියර ලබන ජූලි මස 1 වැනිදා සිට 21 වැනිදා දක්වා පැවැත්වෙන බව ශ්‍රී ලංකා ක්‍රිකට් ආයතනය පැවසීය.

සුළු සේවකයෝ වෛද්‍ය බෙල්ලනගේ කාර්යාලය වට කරති

කොළඹ ජාතික රෝහලේ නියෝජ්‍ය අධ්‍යක්‍ෂ වෛද්‍ය රුක්‍ෂාන් බෙල්ලන මහතාගේ කාර්යාලය පිහිටි ස්ථානයට වටකරගෙන එම රෝහලේ සේවකයන් පිරිසක් මේ වන විට විරෝධතාවක නිරතව සිටිති.

වැලි ගේන්න ගිය සෙබළා මල්වතු ඔයට බිලි

වව්නියාව පරයනාලන්කුලම පෙරිය කට්ටු යුද හමුදා කඳවුරේ අලුත් වැඩියාවක් සදහා වැලි ගෙන ඒමට ගිය යුද හමුදා සෙබළෙකු මල්වතු ඔයේ ගිලී මිය ගොස් ඇතැයි පරයනාලන්කුලම පොලිසිය පවසයි.

යතුරුපැදියෙන් කුඩු බෙදූ අඹුසැමියන් මාට්ටු

විදේශයක සිටින මත්ද්‍රව්‍ය ජාවාරම්කරුවකුගේ දැනුම්දීම්ලට අනුව යතුරුපැදියෙන් ගොස් පැල්මඩුල්ල සහ බලංගොඩ ප්‍රදේශවලට මත්ද්‍රව්‍ය ප්‍රවාහන කළ අඹුසැමි යුවළක් කහවත්ත පොලිස් ස්ථානයේ නිලධාරී කණ්ඩායමක් අත්අඩංගුවට ගත් බව පොලිස් දෙපාර්තමේන්තුව පැවසීය.

තලෙයිමන්නාරමේ දැරියක් අපයෝජනය කර මරා දාලා ? ප්‍රදේශය නොසන්සුන්

තලෙයිමන්නාරම, උ‍ෟරුමලෙයි ප්‍රදේශයේ දස හැවිරිදි ගැහැණු දරුවකු අපයෝජනය කර ඝාතනය කළැයි කියන සිද්ධියක් සම්බන්ධයෙන් පුද්ගලයකු සැකපිට අද(16) උදෑසන අත්අඩංගුවට ගත් බව තලෙයිමන්නාරම පොලිය කියයි.

සිස්ටම් චේන්ජ් පුළුවන් රනිල්ට විතරයි

රට ඉල්ලූ සිස්ටම් චේන්ජ් එක කළ හැකි එකම නායකයා ජනාධිපති රනිල් වික්‍රමසිංහ මහතා බව ආණ්ඩු පක්ෂ ප්‍රධාන සංවිධායක නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය.

සිසුවා කසිප්පු බී පාසල් ඇවිත්

පස්සර ප්‍රදේශයේ පාසලක ශිෂ්‍යයෙක් කසිප්පු පානය කිරීමෙන් පසු ඇති වූ ආසද්මිකතාවක් හේතුවෙන් බදුල්ල ශික්ෂණ රෝහලට ඇතුළත් කරනු ලැබ සිටී.

කතරගම ඩිපෝවේ වර්ජනය අවසන්

ඉකුත් ජනවාරි මාසයට අදාල වැටුප් ලබාදෙන ලෙස ඉල්ලා කතරගම බස් ඩිපෝවෙි රියදුරු, කොන්දොස්තර වරුන් ඇතුළු සේවකයින් ඊයේ (15) අළුයම කාලයේ සිට ආරම්භ කල වැඩ වර්ජනය එදිනම හැන්දෑ කාලයේ අවසන් කල බව සේවකයෝ පවසති.

දෙහිවල සත්වෝද්‍යානයේ ආදායම ඉහළට

දෙහිවල සත්වෝද්‍යානයට ජනවාරි මාසයේ සිට දින හතලිහකදී ලැබුණු ටිකට්පත් ආදායම මිලියන පනස්දෙකක් දෙහිවල සත්වෝද්‍යාන ගිණුම් වාර්ථා සඳහන්කර සිටී.

අම්පාර ලංගම ඩිපෝ ඉන්ජිනේරුවා සේවයෙන් ඉවතට

ලංගම බස් රථ අලුත්වැඩියා කිරිමේ වැඩ සටහන යටතේ අම්පාර ඩිපෝවේ අංක 5430 බස් රථය අලුත්වැඩියා නොකර ඒ වෙනුවට එම අංකය 5432 බස් රථයට දමා කොළඹට යැවිම පිලිබදව සිදුකරන ලද වංචාවට අම්පාර ඩිපෝ ඉන්ජිනේරුවා සේවයෙන් පහකල බව ලංගම සභාපති ලලිත් ද අල්විස් මහතා පැවසිය.

ජනපති -ඊශ්‍රායල ඇමති හමුවක්

ජනාධිපති රනිල් වික්‍රමසිංහ මහතා සහ ඊශ්‍රායලයේ ප්‍රවාහන හා මාර්ග ආරක්ෂාව පිළිබඳ අමාත්‍ය බ්‍රිගේඩියර් ජෙනරල් මිරි රෙගෙව් (Brig. Gen. Miri Regev) මහත්මිය අතර හමුවක් ජනාධිපති කාර්යාලයේ දී සිදුවිය.

කැති මිටෙන් පහරදී බිරිය මරලා

කැති මිටකින් පහරදි අද(16) සිය බිරිද ඝාතනය කළ සැමියා අත්අඩංගුවට ගත් බව මිහින්තලය පොලිසිය කියයි.

වස කිරි සිද්ධියේ ප්‍රධාන සැකකරු අල්ලයි

ආදුරුප්පු වීදිය පොලිසියේ සිර මැදිරියේ රඳවා සිටි ඝාතන සිද්ධියක සැකකරුවන් දෙදෙනකුට වස මිශ්‍ර කිරි තේ ලබාදුන් ප්‍රධාන සැකකරු සහ හිටපු ෆාමසි සේවකයෙක් අත්අඩංගුවට ගත් බව කොළඹ අපරාධ කොට්ඨාසය කියයි

මහකනදරා වතුර බෙදන හැටි ඇමති පහදයි

වර්ෂාව අඩු වී හෝ කෘෂිකර්මයන්තයට ජලය අවශ්‍ය වුවහොත් ජල ව්‍යපෘතිය සඳහා මහකනදරා වැවෙන් ජලය ලබා ගන්නේ නැතැයි වාරිමාර්ග හා ජල සම්පාදන රාජ්‍ය අමාත්‍ය ශෂේන්ද්‍ර රාජපක්ෂ මහතා ගොවි ජනතාව හමුවේ පැවසීය.

ගණේමුල්ල සංජීවගේ ගොලයෝ 2ක් අල්ලයි

හක් බෙල්ලන් තොගයක් සමග අයෙක් මාට්ටු

නීති විරෝධිව හක් බෙල්ලන් 3621 ක් ගබඩා කර සිටි බව කියන පුද්ගලයෙක් මන්නාරම, නායතුවේලි ප්‍රදේශයේදී නාවික හමුදාව විසින් ඊයේ (15) අත්අඩංගුවට ගනු ලැබීය.

ඓතිහාසික සිද්ධස්ථාන 11ක් පූජා භූමි කරයි

ජාතික භෞතික සැලසුම් දෙපාර්තමේන්තුව විසින් රජයේ ගැසට් පත්‍රය මඟින් ප්‍රකාශයට පත් කරන ලද පුරාවිද්‍යාත්මක, ඓතිහාසික සහ පූජනීය වටිනාකමකින් යුත් විහාරස්ථාන 11ක් රජය පූජා භූමි ලෙස ප්‍රකාශයට පත් කළේය.

ක්ලාන්තයවූ තරුණිය කොත්මලේ ජලාශයට වැටිලා

තලවකැලේ, ඉහළ කොත්මලා ජලාශයට වැටුණු තරුණියක් තලවකැලේ නගර වැසියන් හා පොලීසිය එක්ව මහත් පරිශ්‍රමයක් දරා බේරා ගෙන තිබිණි.

අනාරක්ෂිත දුම්රිය මඟට විසඳුම් ඉල්ලා උද්ඝෝෂණයක්

යාපනය ඉනුවිල් ප්‍රදේශයේදී සිදුවූ දුම්රිය අනතුර සිදුවු ස්ථානයේදී විරෝධතාවක් යාපනයේදී පැවැත්විණි.

කිරි කපන්නෝ NVQ-3 සහතික ලබති

රබර් කිරි කපන්නෝ 169 දෙනෙක් අගලවත්ත රබර් පර්යේෂණායතනයේදී ජාතික වෘත්තීය නිපුණතා සහතික (NVQ-3)සහතික පත් ලැබූහ.

තැනින් තැනට පොඩි පොඩි වැහි

නැගෙනහිර සහ ඌව පළාත්වලත් පොලොන්නරුව,මාතලේ සහ නුවරඑළිය දිස්ත්‍රික්කවලත් වැසි වාර කිපයක් ඇති විය හැකිය බව කලගුණ විද්‍යාදෙපාර්තමේන්තුව කියයි.

පාර්ලිමේන්තු නිලධාරිනියක් තනතුරින් දොට්ට

පාර්ලිමේන්තුවේ ඉහළ නිලයකට උසස් කෙරුණු නිලධාරිනියක එම උසස්වීමදී පැය 24ක් යන්නටත් පෙර ඉන් ඉවත් කිරීමේ සිද්ධියක් වාර්තාවේ.

ට්‍රම්ප්ට වඩා බයිඩන් හොඳයි - පුටින්

ඩොනල්ඩ් ට්‍රම්ප්ට වඩා තමන් ජෝ බයිඩන් ප්‍රිය කරන බව රුසියන් ජනාධිපති ව්ලැදිමීර් පුටින් පවසයි. රුසියන් ජනාධිපති පුටින් මෙසේ පැවැසුවත්, ක්‍රෙම්ලීනය නිකුත් කළ නිවේදනයක දැක්වෙන්නේ, ලබන නොවැම්බරයේ පැවැත්වෙන ඇමෙරිකන් ජනාධිපතිවරණයෙන් කවුරු ජයග්‍රහණය කළත්, එම තැනැත්තා සමඟ සහයෝගයෙන් කටයුතු කිරීමට ක්‍රෙම්ලීනය සූදානම් බවය.

හිස්බුල්ලා ඊශ්‍රායලයට පහර දෙයි

ලෙබනනයේ, හිස්බුල්ලා සටන්කාමීන් ඊශ්‍රායලයට රොකට් ප්‍රහාර මාලාවක් එල්ල කළේය. ප්‍රහාර එල්ල වූයේ උතුරුදිග ඊශ්‍රායලයටය. එම රොකට් ප්‍රහාර, ප්‍රති ප්‍රහාර එල්ල කරමින් සාර්ථකව ව්‍යර්ථ කිරීමට ඊශ්‍රායල හමුදාව සමත් විය.