එසැණ පුවත්

එජාප සංවත්සරයේදී අගමැති විශේෂ ප්‍රකාශයකට සැරසෙයි

එක්සත් ජාතික පක්ෂය ඉදිරියේ දී කරන්නට යන වැඩ ගැන පක්ෂ සංවත්සර උත්සවයේ දී විශේෂ ප්‍රකාශයක් කරන බව අග්‍රාමාත්‍ය රනිල් වික්‍රමසිංහ මහතා පිටකෝට්ටේ සිරිකොත පක්ෂ මූලස්ථානයේ දී අද(6) පැවසීය.

06 September 2017

අර්ජුන් ඇලෝසියස්ගෙන් තොරතුරක් නෑ

ඇලෝසියස් මහතාගෙන් ප්‍රකාශයක් ගැනීමට කොමිසමේ විමර්ශන නිලධාරීන් දින කිහිපයක සිට උත්සහ ගත් බවත් ඔහුගේ කාර්යාලයට සහ නිවසට ගියත් ඔහු සම්බන්ධ කරගැනීමට හැකියාවක් ලැබී නැති බවත් අතිරේක සොලිස්ටර් ජනාරාල් ජනාධිපති නීතීඥ යසන්ත කෝඳාගොඩ මහතා බැඳුම්කර කොමිසමට අද (06) දැනුම් දුන්නේය.

06 September 2017

පර්පචුවල් ප්‍රධාන ගැණූම්කරුට විශේෂ ආරක්ෂාවක්

පර්පචුවල් ට්‍රෙෂරීස් ආයතනයේ ප්‍රධාන ගැණුම්කාර කසුන් පළිසේන මහතාට විශේෂ ආරක්ෂාවක් සලසන ලෙස කොමිසම අද (06) නියම කළේය.

06 September 2017

ඉන්දීය ක්‍රීඩකයෙක් පමුණුගම හෝටලයකදී මරුට

අවුරුදු 17 පහළ පාසල් කි‍්‍රකට් තරඟාවලියකට සහභාගි වීම සදහා ශ්‍රී ලංකාවට පැමිණි සිටි 12 හැවිරිදි ඉන්දීය කී‍්‍රඩකයකු පමුණුගම ප‍්‍රදේශයේ හෝටලයක පිහිණුම් තටාකයක ගිලී මියගොස් ඇති බව පමුණුව පොලිසිය කියයි.

06 September 2017

පල්ලියෙදි පහර දුන් හමුදා සාමාජිකයන් සොයයි

රතුපස්වල පිරිසිදු පානීය ජලය ඉල්ලූ ගම්වාසීන්ට වෙඩි තැබීමේ සිද්ධියේ දී වැලිවේරිය කිතුණු දේවස්ථානය තුළදී නිලන්ත පුෂ්පකුමාර නම් තරුණයාට පහර දී මරා දැමූ බව කියන යුද හමුදා සාමාජිකයන් සඳුනාගැනීම සඳහා විමර්ශනයක් ක්‍රියාම්තක වන බව අපරාධ පරීක්ෂණ දෙපාර්තමේන්තුව අද අධිකරණයට දැන්වීය.

06 September 2017

බැඳුම්කර සිද්ධියට හිටපු මන්ත්‍රීවරියකගේ පුතාත් පැටළෙයි

බැඳුම්කර සිද්ධිය සම්බන්ධයෙන් සොයාබැලීමට පත් කළ පළමු කෝප් කමිටුවේදී දුන් සාක්කිවල පිටපත් එහි සාමාජිකාවක වූ හිටපු එජාප පාර්ලිමේන්තු මන්ත්‍රීවරියකගේ පුත් කණිෂ්ක සේනානායක මහතා විසින් පර්පචුවල් ට්‍රෙෂරීස් ආයතනයට ලබා දෙනු ලැබ ඇතැයි බැඳුම්කර කොමිසම හමුවේ හෙළිවිය.

06 September 2017

දියණිය දූෂණය කළ පියාට ඇප නොදෙන්නයි උද්ඝෝෂණයක්

තම 14 හැවිරිදි දියණිය දූෂණය කළ බව කියන මීගමුව දාගොන්නේ පියාට ඇප ලබානොදෙන ලෙස ඉල්ලමින් ගම්වාසීහු අද(6) මීගමුව අධිකරණය ඉදිරිපිට නිහඬ උද්ඝෝෂණයක් කරති.

06 September 2017

හදිසි කැබිනට් රැස්වීමක්

කැබිනට් මණ්ඩලයේ හදිසි රැස්වීමක් ජනාධිපති මෛත‍්‍රීපාල සිරිසේන මහතාගේ ප‍්‍රධානත්වයෙන් ජනාධිපති කාර්යාලයේදී අද (06) දහවල් 12.00ට පැවැත්වේ.

06 September 2017

කලකිරුණු ශ්‍රිලනිප මැති ඇමැති 12 ක් අද ජනපති හමුවට

ආණ්ඩුවෙන් ඉවත්වන බව කියන ශ්‍රී ලංකා නිදහස් පක්‍ෂයේ මැති ඇමැතිවරුන් හා ජනාධිපති මෛත‍්‍රීපාල සිරිසේන මහතා අතර තීරණාත්මක සාකච්ඡාවක් අද (6) සවස ජනාධිපති නිල නිවසේදී පැවැත්වේ.

06 September 2017

බැඳුම්කර කොමිසමට පොලිසියෙන් ආරක්ෂාවක්

බැඳුම්කර කොමිසමේ ආරක්ෂාව සඳහා පොලිස් විශේෂ කාර්ය බළකාය යොදවා ඇත.

06 September 2017

ෆොන්සේකාට එරෙහිව උද්ඝෝෂණ රැල්ලක්

ප්‍රාදේශීය සංවර්ධන අමාත්‍ය ෆීල්ඩ් මාර්ෂල් සරත් ෆොන්සේකා මහතාට එරෙහිව ඒකාබද්ධ විපක්ෂය විසින් රටපුරා උද්ඝෝෂණ මාලාවක් පැවැත්වීමට සැලසුම්කර තිබේ.

05 September 2017

කේට් කුමරියගේ උඩුකය නිරුවත් ඡායාරූ පළකළ සඟරාවට දඩ

බ්‍රිතාන්‍යයේ කේට් කුමරියගේ උඩුකය නිරුවත් ඡායාරූප පළ කිරීම හේතුවෙන් ඇයටත් බ්‍රිතාන්‍යයේ විලියම් කුමරුටත් සිදු වූ හානිය වෙනුවෙන් යුරෝ 100,000ක මුදලක් ගෙවන්නැයි ප්‍රංශ අධිකරණයක් ප්‍රංශ ප්‍රකට සඟරාවකට අද (5) නියෝග කළේය.

05 September 2017

වැලිකඩ සිද්ධියේ සාක්කිකරුවන් ආරක්ෂා කරන්නැයි කැෆේ ඉල්ලයි

වැලිකඩ ඝාතනයේ සාක්කිකරුවන්ට වහාම ආරක්ෂාව ලබාදෙන ලෙසත් ඝාතන වලට සම්බන්ධ පිරිස් වලට එරෙහිව වහාම නීතිය ක‍්‍රියාත්මක කරන ලෙසත් රජයට බලකර සිටින බව කැෆේ සංවිධානයේ විධායක අධ්‍යක්ෂ කීර්ති තෙන්නකෝන් මහතා අද (5) පැවසීය.

05 September 2017

සේවක අ.සා.අ. බදු අයකළොත් බලාගෙනයි

සේවා නියුක්තියන් ගේ භාර අරමුදලෙන් හා සේවක අර්ථසාධක අරමුදලෙන් බදු අය කිරීම නැවැත්වීමට ආණ්ඩුව පියවර නොගතහොත් ජනාධිපති මන්දිරය වෙත ලබන විසි එක් වැනිදා දැවැන්ත පා ගමනක් සුදානම් කරන බව අන්තර් සමාගම් සේවක සංගමය කියයි.

05 September 2017

එස්ටීඑෆ් ගිලන් රථය දකුණු අධිවේගයේදී අනතුරක

දක්ෂිණ අධිවේගී මාර්ගයේ පෝද්දල කාසිදෙනිය ප්‍රදේශයේදී අද(5) විශේෂකාර්ය බලකායට අයත් ගිලන් රථයක් පෙරළීයාමෙන් විශේෂ කාර්ය බලකා භටයින් සිව්දෙනෙකු තුවාල ලබා ගාල්ල කරාපිටිය රෝහලට ඇතුළත් කරනු ලැබ සිටිති.

05 September 2017

බීමත් රියදුරන් අල්ලන නල 90,000ක් රට වටා බෙදයි

පොලිස් ස්ථානවල මෙතෙක් අඩුපාඩුවක්ව පැවති බීමත් රියදුරන් පරික්ෂා කරන නල 90,000 ක් අද (5) දිවයින පුරා පොලිස් ස්ථාන වෙත බෙදා හැරිය බව පොලිස් මුලස්ථානය කියයි.

05 September 2017

අධිවේගී මාර්ගයේ වේගය අඩුකරන්න උපදෙස්

අධික වැසි පවතින අවස්ථාවලදී අධිවේගී මාර්ගවල ගමන් ගන්නා විට පැයට කිලෝමීටර 60ත් 80ත් අතර වේගයක් පවත්වා ගන්නැයි මාර්ග සංවර්ධන අධිකාරිය දැනුම් දෙයි.

05 September 2017

ඉදිරි දින දෙකේදිත් අධික වැසි

නිරිත දිග මෝසම නිසා දැනට පවතින අධික වැසි සහිත කාලගුණය ඉදිරි දින දෙකේ දී ද පැවැතීමට ඉඩ ඇතැයි කාලගුණ විද්‍යා දෙපාර්තමේන්තුව පවසයි.

05 September 2017

බස් ප්‍රමුඛතා මංතීරුව පාසල් සිසුන් ප්‍රවාහන රථවලටත්

බස් රථ වෙනුවෙන් ප‍්‍රමුඛතා මංතීරු ක‍්‍රියාත්මක කර ඇති මාර්ගවල ගමන් ගන්නා පාසල් සිසුන් ප‍්‍රවාහනය කරන බස්රථ සහ වෑන් රථ සඳහා ද එම මංතීරුව භාවිත කිරීමට අවසර දෙන බව මහානගර හා බස්නාහිර සංවර්ධන අමාත්‍යාංශය පවසයි.

05 September 2017

මත්පෙති විකිණූ දෙන්නෙක් දැලේ

කිරිඳිවැල හා ඒ අවට ප්‍රදේශවල පාසල් සිසුන්ට හා තවත් අයට මත්පෙති අලෙවි කළැයි තරුණයින් දෙදෙනකු අද(5) අත්අඩංගුවට ගනු ලැබූ බව පොලිසිය කියයි.

05 September 2017

ගාල්ලට මහ වැසි - මාර්ග රැසක් යටවෙයි

ගාල්ල දිස්ත්‍රික්කයට අද (5) අලුයම සිට දහවල් දක්වා ඇද හැළුණු ධාරානිපාත වර්ෂාව හේතුවෙන් මාර්ග ගණනාවක් ජලයෙන් යටවී ජන ජීවිතය අඩාල වී ඇතැයි ජාතික ආපදා කළමනාකරණ මධ්‍යස්ථානයේ ගාල්ල දිස්ත්‍රික් කාර්යාලය පවසයි.

05 September 2017

‘ඔක්සො දිරාපත්වන ප්ලාස්ටික්‘ හානිකරයි

දැනට තහනම් කර ඇති පොලිතින් හා ප්ලාස්ටික් වර්ග වෙනුවට ඔක්සෝ- වර්ගයේ දිරාපත්වන ප්ලාස්ටික් භාවිතය සඳහා අනුමැතිය ලබා ගැනීමට ප්ලාස්ටික් පොලිතින් නිෂ්පාදකයින් උත්සාහ දරන බව පරිසර යුක්ති කේන්ද්‍රය කියයි.

05 September 2017

හමුදා ට්‍රක් රථයක් හා බස් රියක් ගැටී 17 කට තුවාල

හෝමාගම කැන්දලන්ද ප‍්‍රදේශයේදී යුද හමුදා සාමාජිකයින් රැගත් හමුදා ට‍්‍රක් රථයක් හා ඇගලුම් සේවකයින් ප‍්‍රවාහනය කරමින් සිටි බස් රථයක ගැටීමෙන් අද (05) හමුදා සෙබලුන් 17 දෙනෙක් තුවාල ලබා හෝමාගම මූලික රෝහලට ඇතුලත් කළ බව පොලිසිය පවසයි.

05 September 2017

වගා වැටෙන් විදුලි සැර වැදී අයෙක් මරුට

මාවනැල්ල ඉහල මාවේල ප‍්‍රදේශයේ වගා ඉඩමක් වටා ඇද තිබුණු අනවසර විදුලි රැහැන් වැටකින් විදුලි සැර වැදී තරුණයකු (25) එම ස්ථානයේම මිය ගොස් ඇත.

05 September 2017

කුලී රථ නැවතුමේ මළ සිරුරක්

දඹුල්ල නගර මධ්‍යයේ කුලී රථ නැවතුම්පොළේ තිබී ඝාතනය කරන ලද තරුණයකුගේ මළසිරුරක් අද (05) අලුයම සොයාගත් බව දඹුල්ල පොලිසිය කියයි.

05 September 2017

‘හමුදාව යාපන බලකොටුවට ගියොත් හොඳයි‘- ආණ්ඩුකාරවරයා කියයි

යාපනයේ සාමාන්‍ය ජනතාවගේ ඉඩම්වල තැනින් තැන රැඳී සිටින යුද හමුදාව අක්කර 45 කින් සමන්විත යාපනය බලකොටුවට යාම සාධාරණ බව උතුරු ආණ්ඩුකාර රෙජිනොල්ඩ්කුරේ මහතා පවසයි.

05 September 2017

අගමැති ආරක්ෂක නිලධාරියා ඡායාරූප ශිල්පීන් එලවයි

මල්කඩුවාව, කුරුණෑගල නව ජාතික පාසලට මුල්ගල තැබීමේ උත්සවය අග්‍රමාත්‍ය රනිල් වික්‍රමසිංහ මහතාගේ ප්‍රධානත්වයෙන් පැවැත්වූ අවස්ථාවේදී එහි මාධ්‍ය ආවරණය සඳහා එහි ගිය ඡායාරූප මාධ්‍යවේදීන්ට අග්‍රාමාත්‍ය ආරක්ෂක අංශයේ නිලධාරියෙක් දිගින් දිගටම බධා කරන්නට විය. ඔහුගේ මූලික අරමුණ වූයේ වේදිකාවේ සිට විශාල දුර ප්‍රමාණයකට ඡායාරූප මාධ්‍යවේදීන් එලවා දැමීමයි.

05 September 2017

ගාල්ලට මිලිමීටර් 200ක තද වැසි

අද අලුයම සිට උදැසන 6.00 දක්වා ගාල්ල දිස්ත්‍රික්කයේ නාගොඩ,යටලමත්ත ප්‍රදේශවලට මි.මි.180 සිට 200 දක්වා වර්ෂාපතනයක් ලැබී ඇතැයි ගාල්ල දිස්ත්‍රික් ආපදා කළමනාකරණ ඒකකයේ සහකාර අධ්‍යක්‍ෂ කර්නල් දම්පත් රත්නායක මහතා පවසයි.

05 September 2017