එසැණ පුවත්

ප්‍රදේශ රැසකට අද තද වැසි

දිවයිනේ බොහෝ ප්‍රදේශවලට අද (28) සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

28 April 2022

රට පුරා අදත් උද්ඝෝෂණ

ආණ්ඩුවට සහ ජනාධිපතිවරයාට වහාම ඉවත්වන ලෙස බලකරමින් අද (27) දිනයේ ද රට පුරා උද්ඝෝෂණ පැවැත්විණි.

27 April 2022

සජබ පා ගමන මාවනැල්ලෙන් ගලිගමුවට

ඉන්ධන මිල ඉහළ දැමීම, විදුලි කප්පාදුව, ජීවන බර ඉහළ යාම, ආන්ඩුවේ මර්දනකාරී වැඩ පිළිවෙළ ඇතුළු ජනතාව මුහුණ දෙන අර්බුදවලට එරෙහිව මහනුවරින් ආරම්භ කළ පා ගමනේ දෙවැනි දිනය මාවනැල්ල නගරයේ ප්‍රධාන බස් නැවතුම්පලින් ආරම්භ වී ගලිගමුවෙන් අද අවසන් කෙරිණි.

27 April 2022

නඩු භාණ්ඩ කාමරයෙන් කුඩු ඉස්සූ කොස්තාපල් රිමාන්ඩ්

කොළඹ ප්‍රධාන මහෙස්ත්‍රාත් අධිකරණයේ නඩු භාණ්ඩ කාමරයේ ගබඩා කොට තිබූ හෙරොයින් මත්ද්‍රව්‍ය ග්‍රෑම් 750 ක් සන්තකයේ තබාගෙන සිටි බව කියන ගොතටුව පොලීසියේ කොස්තාපල්වරයා ලබන 12 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් ටී. එන්. එල්. මහවත්ත මහත්මිය අද (27) නියෝග කළාය.

27 April 2022

අස්වෙන්න කිව්වේ නෑ - කියන්නෙත් නෑ

ජනාධිපති ගෝඨාභය රාජපක්‍ෂ මහතා කිසිවිටක තමන්ට අගමැති ධූරයෙන් ඉල්ලා අස්වන ලෙස ප්‍රකාශ කර නොමැති බව අග්‍රාමාත්‍ය මහින්ද රාජපක්‍ෂ මහතා අද (27) පස්වරුවේ පැවසීය. අග්‍රාමාත්‍ය මහින්ද රාජපක්‍ෂ මහතා ඒ පිළිබඳව මෙසේ පැවසීය.

27 April 2022

සර්වපාක්ෂික ආණ්ඩුවක පළමු පියවර ජනපති කියයි

රට මුහුණ දී තිබෙන අරබුදයට පිළියමක් ලෙස, පාර්ලිමේන්තුව නියෝජනය කරන සියලු පක්ෂ නියෝජිතයන්ගෙන් යුත් සර්වපාක්ෂික ආණ්ඩුවක් පිහිටුවීමට විධායක ජනාධිපතිවරයා වශයෙන් තමා එකඟ වන බව ජනාධිපති ගෝඨාභය රාජපක්ෂ මහතා සියලුම පක්ෂ නායකයන්ට දැනුම් දී ඇත.

27 April 2022

කිරාලගල රක්ෂිතයට කැලෑ පාළුවෝ පනිති

හොරොව්පොතාන කිරලාගල ඉපැරණි පුරාවිද්‍යා රක්ෂිතයට මායිම්ව පිහිටි අක්කර දහයකට කට ආසන්න රක්ෂිතයේ යාන්ත්‍රික කියත් උපයෝගි කර ගනිමින් කිසියම් පිරිසක් විනාශ කර දමා ඇතැයි ප්‍රදේශවාසීහු පවසති.

27 April 2022

හෙට බස් දුවයිද?

රාජ්‍ය සේවක වෘත්තීය සමිති හෙට දිනයේ ක්‍රියාත්මක කරන වර්ජනයට සහයෝගය පළ කරමින් සියලුම සේවා වලින් ඉවත් වන බව සමස්ථ ලංකා ප්‍රවාහන සේවක සංගමයේ ප්‍රධාන ලේකම් සේපාල ලියනගේ මහතා ප්‍රකාශ කළේය.

27 April 2022

ලොක්කාට එරෙහිව භූ විද්‍යාවේ පිරිසක් වහළට නගිති

භූ විද්‍යා සමීක්ෂණ සහ පතල් කාර්යාංශයේ වැඩබලන අධ්‍යක්ෂක ජෙනරාල්වරයාට සහ එහි සිදු කරන බව කියන අසාධාරණ සම්මුඛ පරීක්ෂණ වහා නවතන ලෙස ඉල්ලමින් එහි නිලධාරීහු පිරිසක් කාර්යාංශයේ වහලය මතට නැග අද විරෝධතාවක නිරත වූහ.

27 April 2022

චමුදිතගේ පරීක්ෂණ සී.අයි.ඩීයට

මාධ්‍යවේදී චමුදිත සමරවික්‍රම මහතාගේ නිවසට නාදුනන පිරිසක් විසින් එල්ලකරනු ලැබූ ප්‍රහාරයට අදාළ සිද්ධිය සම්බන්ධයෙන් වන විමර්ශන පිළියන්දල පොලීසියෙන් ඉවත් කොට අපරාධ පරික්ෂණ දෙපාර්තමේන්තුවට භාරදෙන ලෙස කැස්බෑව මහේස්ත්‍රාත් දමින්ද රාමණායක වැලිගොඩපිටිය මහතා අද පොලිස්පතිවරයාට නියෝග කළේය.

27 April 2022

සරසවි ආචාර්යවරුත් හෙට පාරට

විශ්ව විද්‍යාල ආචාර්යවරුන් හෙට රටපුරා විශ්ව විද්‍යාල ඉදිරිපිට උද්ඝෝෂණ මාලාවක් සංවිධානය කර ඇත.

27 April 2022

රත්මලාන දුම්රිය අංගන වැඩ බිමේ පිරිසක් ගාලු මුවදොර විරෝධයට යති

රත්මලාන දුම්රිය අංගන වැඩ බිමේ වෘතිය සමිති රැසක එකමුතුවෙන් සංවිධානය කල විරෝධතාවක් අද රත්මලානෙන් ගමන් අරඹා කොළඹ කොටුව දුම්රියපොළ දක්වා පැමින එහිද විරෝධතාවයක නිරත පසුව ගෝඨා ගම දක්වා ගොස් එම විරෝධතාවට සහය පළකරමින් විරෝධයක් කළහ.

27 April 2022

ආණ්ඩු විරෝධී වර්ජනයට වෘත්තීය සමිති 1000ක්

ආණ්ඩුවට විරෝධය පා රාජ්‍ය, අර්ධ රාජ්‍ය හා පෞද්ගලික අංශ සේවකයන් හෙට (28) දිනයේදී දැවැන්ත සංකේත වැඩවර්ජනයක නිරත වන බව ඒකාබද්ධ වෘත්තීය සමිති හා බහුජන සංවිධාන එකමුතුව සඳහන් කරයි.

27 April 2022

සතෝස වෙළෙඳහල් හිස්

රටපුරා ලංකා සතොස ශාඛාවල අද දිනයේදීත් සහල් ඇතුළු අත්‍යවාශ්‍ය ද්‍රව්‍ය හිඟව තිබූ බව පාරිභෝගිකයෝ පවසති.

27 April 2022

දිනකට පැය 3 ක විදුලි කප්පාදුවක්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (28) සිට 30 වැනිදා දක්වා දින තුනේ දිනකට පැය 3 යි විනාඩි 20 ක් බැගින් විදුලිය කප්පාදු කරන බව මහජන උපයෝගීතා කොමිසම පවසයි.

27 April 2022

දැව සංස්ථාවෙන් භාණ්ඩාගාරයට කෝටි 140ක පොල්ලක්

රාජ්‍ය දැව සංස්ථාව පසුගිය වර්ෂයේදී රුපියල් කෝටි 150 කට ආසන්න ලාභයක් උපයා ඇතත් ඉන් රාජ්‍ය භාණ්ඩාගාරයට යොමු කර ඇත්තේ රුපියල් කෝටි දහයක් පමණක් බව පොදු ව්‍යාපාර පිළිබඳ පාර්ලිමේන්තු කාරක සභාවේදී ( කෝප් කමිටුව ) තොරතුරු අනාවරණයවී ඇත.

27 April 2022

‘මාස තුනකට සිමෙන්ති වැඩ නවත්වන්න‘

සිමෙන්ති ආනයනකරුවන් සිමෙන්ති මිල ඉහළ දැමීමට විරෝධය දැක්වීමක් ලෙස පෞද්ගලිකව ක්‍රියාත්මක කරන ඉදිකිරීම් මාස තුනකට තාවකාලිකව අත්හිටුව ලෙස ජාතික ඉදිකිරීම් සංගමයේ සභාපති සුසන්ත ලියනාරච්චි මහතා ජනතාවගෙන් ඉල්ලා සිටියි.

27 April 2022

ගෑස් මිලට සාපේක්ෂව ආහාර මිල ඉහළට?

ගෑස් මිල ඉහළ යෑමට සාපේක්‍ෂව තේ එකේ සිට සියලුම ආහාරවල මිල ඉහළ යන බවත් එම මිල ඉහළ දැමීමේ තීරණය ආපනශාලා හිමියන්ට පැවරෙන බවත් සමස්ත ලංකා ආපනශාලා හිමියන්ගේ සංගමයේ සභාපති අසේල සම්පත් මහතා පැවසීය.

27 April 2022

රඹුක්කන විරෝධයට වෙඩි තියන්න අණ දුන් නිලධාරීන් අල්ලන්න

රඹුක්කන වෙඩි තැබීමේ සිද්ධියට අදාලව අණ දුන් සියලු පොලිස් නිලධාරීන් අත්අඩංගුවට ගෙන අධිකරණයට ඉදිරිපත් කරන්නැයි කෑගල්ල මහේස්ත්‍රාත් අධිකරණය පොලිස් පතිවරයාට නියෝග කර ඇත.

27 April 2022

විශේෂ පක්ෂ නායක රැස්වීමක් හෙට පාර්ලිමේන්තුවේදී

පාර්ලිමේන්තු කටයුතු පිළිබඳ කාරක සභාවේ විශේෂ රැස්වීමක් ( පක්ෂ නායක ) කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී හෙට (28) පස්වරු 2.00ට පැවැත්වීමට නියමිතය.

27 April 2022

‘විශ්වාස භංගයෙන් ජනතා අරමුණු ඉටු වෙනවා දැයි සිතිය යුතුයි‘

විශ්වාස භංගයකින් අගමැතිවරයාගේ සහ කැබිනට් මණ්ඩලයේ ධුර අවසන් වුවහොත් ජනාධිපතිවරයාගේ බලතල වඩාත් ශක්තිමත් වන හෙයින් ආණ්ඩුවට විශ්වාස භංග යෝජනාවක් ගෙන ඒමෙන් ජනතාව බලාපොරොත්තු වන පරමාර්ථ ඉටු වෙනවා දැයි සූක්ෂම සිතා බැලිය යුතු බව එක්සත් ජාතික පක්ෂ උපනායක අකිල විරාජ් කාරියවසම් මහතා පැවසීය.

27 April 2022

රජයේ සියලුම ඉදිකිරීම් ව්‍යාපෘති අත්හිටුවයි

රජ්‍ය ආයතන දැන ක්‍රියාත්මක කරමින් සිටින සහ ඉදිරියේ ආරම්භ කිරීමට නියමිත සියලුම ඉදිකිරීම් ව්‍යාපෘති තාවකාලිකව අත්හිටුවමින් මහා භාණ්ඩාගාරයේ ලෙක්ම්වරයා චක්‍රලේඛයක් නිකුත් කරමින් සියලුම රාජ්‍ය ආයතනවල ප්‍රධානීන්ට දැනුම්දී තිබේ.

27 April 2022

මරදාන ශාන්ත ජෝසෆ් විදුහලේ ගින්නක්

මරදාන ශාන්ත ජෝසෆ් විද්‍යාලයේ ප්‍රධාන ශාලාවේ ගින්නක් හටගෙන ඇති බව ගිනි නිවන හමුදාව කියයි.

27 April 2022

කොටස් වෙළෙදපොලට යළි පණ එයි

කොළඹ කොටස් වෙළෙදපොල යථා තත්වයට පත්වෙමින් තිබෙන බව විනිමය වෙළෙඳපොල ආරංචි මාර්ග සදහන් කරයි.

27 April 2022

රුපියල තවත් බාල්දුවෙයි

ප්‍රධාන පෙළේ වාණිජ බැංකු වල සහ රාජ්‍ය බැංකු කිහිපයක ඇමෙරිකා එක්සත් ජනපද ඩොලරයක විකුණුම් මිල රුපියල් 355-360 ලෙස අද (27) සටහන් විය.

27 April 2022

රුධිරය එකතු කරන ‘බෑග්’වල හිගයක්

ජාතික රුධිර පාරවිලයන මධ්‍යස්ථානය රුධිරය එකතු කරන ‘බෑග්’වල හිගයකට මුහණ දී සිටින බවත් එසේ වුවද හදිසි ශල්‍යකර්ම සහ ප්‍රතිකාර සඳහා රුධිර සංචිත පවතින බවත් ජාතික රුධිර පාරවිලයන මධ්‍යස්ථානයේ අධ්‍යක්ෂ වෛද්‍ය ලක්ෂ්මන් එදිරිසිංහ මහතා ‘ලංකාදීප’යට පැවසීය.

27 April 2022

ජනපතිගෙන් සර්ව පාක්ෂික ආණ්ඩුවකට ඇරයුම්

සර්ව පාක්ෂික ආණ්ඩුවක් පිහිටුවීම සඳහා එකතුවන්නැයි ජනාධිපති ගෝඨාභය රාජපක්ෂ මහතා පාර්ලිමේන්තුව නියෝජනය කරන සියලු පක්ෂවලට ආරාධනා කර ඇත.

27 April 2022

වරායට ගෙවීම් ඩොලර්වලින් පමණයි

වරායට ගෙවන සියලු ගෙවීම් ලබන ජූනි මස 1 වැනිදා සිට ඩොලර්වලින් ලබාගත යුතු යැයි වරාය හා නාවික අමාත්‍ය ප්‍රමිත බණ්ඩාර තෙන්නකෝන් මහතා වරාය අධිකාරියට දැනුම්දී තිබේ.

27 April 2022