එසැණ පුවත්

අද කාලගුණය

සබරගමුව, මධ්‍යම පළාත්වල අද (12) දිනයේදී විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

12 July 2021

නිරෝධායනය කැඩූ 190ක් පොලිස් දැලේ

නිරෝධායන නීති උල්ලංඝනය කිරීම සම්බන්ධයෙන් ගතවූ පැය 24 තුළ පුද්ගලයන් 190 දෙදෙනකු අත්අඩංගුවට ගත් බව පොලිසිය කියයි.

12 July 2021

ෆයිසර් එන්නත් තොගයක් කටුනායකට

ඇමෙරිකා එක්සත් ජනපදයේ නිෂ්පාදිත ’’ ෆයිසර් ’’ එන්නත් මාත්‍රා තොගයක් අද අලුයම අවස්ථා දෙකකදී කටුනායක ගුවන් තොටුපළ වෙත රැගෙන ආ බව ගුවන් තොටුපළ කාර්යය භාර නිලධාරීවරයා පැවසීය .

12 July 2021

වැරදි වැඩක් කළ ජේලර් ගෙදර

සලාක භාරගැනීමේ බඳුනක ට දුම්කොළ සහ සුරුට්ටු විස්සක් දමා නීති විරෝධී ලෙස රැඳවියකුට යැවීමට තැත් කළැයි අගුණුකොලපැලැස්ස බන්ධනාගාරයේ ජේලර්වරයකු වහාම ක්‍රියාත්මක වන පරිදි වැඩ තහනමට ලක් කළ බව බන්ධනාගාර මුලස්ථානය පවසයි.

12 July 2021

ලාල් කාන්ත අනතුරු ඇඟවයි

නිරෝධායනයට යොමු කර සිටින ලංකා ගුරු සංගමයේ ප්‍රධාන ලේකම් ජෝශප් ස්ටාලින් සහ පෙරටුගාමී සමාජවාදී පක්‍ෂයේ දුමින්ද නාගමුව යන මහත්වරුන් පී.සී.ආර් පරීක්‍ෂණයකට ලක්කර නිදහස් නොකළහොත් ඉදිරියේදී මෙරට වෘත්තීය සමිති ඒකාබද්ධව මහා වැඩවර්ජනයකට එළඹෙන බව ජනතා විමුක්ති පෙරමුණේ දේශපාලන මණ්ඩල සභික සහ ජාතික වෘත්තීය සමිති මධ්‍යස්ථානයේ කැඳවුම්කරු කේ.ඩී ලාල්කාන්ත මහතා පවසයි.

11 July 2021

තවත් ආසාදිතයන් 506ක්

කොරෝනා ආසාදිත තවත් රෝගීන් 506 දෙනෙක් අද (11) පස්වරුවේ වාර්තා වූ බව සෞඛ්‍ය අංශ පවසයි.

11 July 2021

සිසුන්ට හෙට සිට ඔන්ලයින් නෑ

රටපුරා රජයේ පාසල්වල සේවය කරන ගුරුවරුන් හා විදුහල්පතිවරුන් හෙට (12) සිට සිසුනට මාර්ගගත (ඔන්ලයින්) අධ්‍යාපනය ලබාදීමේ වැඩසටහනින් ඉවත් වෙති.

11 July 2021

ලෝක මූල්‍ය අරමුදලෙන් ශ්‍රී ලංකාවට කෝටි 16,000ක්

රටේ ආර්ථික ශක්තිය වර්ධනය කර ගැනීම සඳහා ජාත්‍යන්තර මූල්‍ය අරමුදල(I.M.F) ඇමරිකානු ඩොලර් මිලියන 800ක මුදලක් (රුපියල් කෝටි 16,000) ලබන අගෝස්තු මාසයේදී පිරිනැමීමට තීරණය කර ඇතැයි මුදල්,ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා පවසයි.

11 July 2021

‘‘එන්නත් සම්පූර්ණ කළාම ඩිජිටල් කාඩ් පතක්‘‘

ශ්‍රී ලාංකික පුරවැසියකු ‘කොවිඩ්’ මර්දන එන්නත් මාත්‍රා දෙකම ලබාගත් බවට සනාථ කෙරෙන ජාත්‍යන්තර පිළිගැනීමක් ඇති ‘කොවිඩ් එන්නත්කරණ ඩිජිටල් කාඩ්පත’ හදුන්වා දෙමින් පළමු කාඩ්පත ටෝකියෝ ඔලිම්පික් ක්‍රීඩා උළෙලට සහභාගි වන ජ්‍යෙෂ්ඨ ජිම්නාස්ටික් පුහුණුකරු කපිල ජීවන්ත මහතාට පිරිනැමීය.

11 July 2021

නිරෝධායන පනත වෙනස් කිරීමට යෝජනා ගලයි

නිරෝධායන පනත වෙනස් කිරීමට අදාළව විවිධ පාර්ශ්වයන්ගෙන් යෝජනා පන්සියයකට ආසන්න සංඛ්‍යාවක් සෞඛ්‍ය අමාත්‍යාංශයට ලැබී ඇතැයි එම අමාත්‍යාංශ ආරංචි මාර්ගවලින් පැවසේ.

11 July 2021

ලීටර් 18 ගෑස් සිලින්ඩර්වලට උපරිම මිලක් දෙන්න යයි

ගෑස් සමාගම් වෙළඳපොළට අලුතින් හඳුන්වා දී ඇති ලීටර් 18 ගෑස් සිලින්ඩර සඳහා රුපියල් 1150ක උපරිම සිල්ලර මිලක් නියම කිරීම කෙරෙහි වෙළෙඳ අමාත්‍යාංශය අවධානය යොමු වී ඇත.

11 July 2021

ප්‍රදේශ කීපයකට තද සුළං තත්ත්වයක්

දිවයිනේ ප්‍රදේශ රැසකට බලපා ඇති තද සුළං සහිත කාලගුණ තත්වය හෙට (12) දහවල තෙක් පවතිනු ඇතැයි කාලගුණ විද්‍යා දෙපාර්තමේන්තුව පවසයි.

11 July 2021

‘‘මේ විදියට සල්ලි අච්චු ගැසුවොත් පාන් ගෙඩියක් ගන්න විල්බැරෝවකින් සල්ලි ගෙනියන්න වෙයි‘‘

ආර්ථිකය අර්බුදය වසා ගන්නට අසීමාන්තිකව මුදල් අච්චු ගැසුවොත් පාන් ගෙඩියක් ගන්නට විල්බැරෝවකින් සල්ලි ගෙනියන්නට වන දවස වැඩි ඈතක නොවෙි යැයි එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා පවසයි.

11 July 2021

ඇමැතිගෙන් ලිට්‍රෝ සමාගමට දෝස් මුරයක්

ලිට්‍රෝ ගෑස් සමාගම අත්තනෝමතිකව අඩු බර ගෘහස්ථ ගෑස් සිලින්ඩර අඛණ්ඩව වෙළෙඳපොලට නිකුත් කරන්නේ යැයි සමූපකාර සේවා, අළෙවි සංවර්ධන සහ පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතා පවසයි.

11 July 2021

කළුතර පුතෙක් ලොකුම පව කර ගනියි

මත් ද්‍රව්‍යවලට අබ්බැහි වූ පුතා එල්ල කළ පොරෝ පහරකින් බරපතල තුවාල ලබා කොළඹ ජාතික රෝහලේ ප්‍රතිකාර ලැබූ මවක අද දහවල් මියගිය බව දකුණු කළුතර පොලිසිය කියයි.

11 July 2021

රැදවියන් තිදෙනකුගෙන් මුදල් ගත් බන්ධනාගාර නියාමකගේ වැඩ තහනම්

රැඳවියන් තිදෙනකුගෙන් විද්‍යුත් ක‍්‍රමයට මුදල් ලබා ගත් බව කියන බෝගම්බර බන්ධනාගාරයේ නියාමකවරයකු වහාම ක්‍රියාත්මක වන පරිදි වැඩ තහනමට ලක් කළ බව බන්ධනාගාර මූලස්ථානය පවසයි.

11 July 2021

කොවිඩ් මරණ 3,500 ඉක්මවයි

කොවිඩ් ආසාදිතවූ තවත් 35 දෙනකු ඊයේ (10) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (11) තහවුරු කළේය.

11 July 2021

15 හැවිරිදි දැරියට හදි කළ එස්.අයි සහ හිටපු බැංකු කළමනාකරු රිමාන්ඩ්

අන්තර්ජාලය ඔස්සේ අළෙවි වූ බාලවයස්කාර දැරිය අපයෝජනය කිරීමේ සිද්ධිය සම්බන්ධයෙන් ළමා හා කාන්තා කාර්යාංශය විසින් අත්අඩංගුවට ගනු ලැබූ පොලිස් ක්‍රිඩා කොට්ඨාසයේ උප පොලිස් පරීක්ෂකවරයා සහ රජයේ ප‍්‍රධාන පෙළේ බැංකුවක හිටපු කළමණාකාරවරයා හදුනාගැනීමේ පෙරට්ටුවක් සදහා ලබන 20 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත‍්‍රාත් පි‍‍රයන්ත ලියනගේ මහතා අද (11) නියෝග කළේය.

11 July 2021

බුලත්සිංහල දරුවෝ ඔන්ලයින් දුක කියති

බුලත්සිංහල ප‍්‍රාදේශීය ලේකම් කොට්ඨසයේ පරගොඩ ගම් දෙකක දරුවන්ට ඔන්ලයින් හරහා අකුරු කරන්නට සංඥා නොමැතිකමින් දැඩි පීඩාවට ලක්ව ඇතැයි ඔවුන්ගේ මවුපියෝ කියති.

11 July 2021

ඩෙල්ටාව මට්ටු කරන්න සයිනොෆාම් සුපිරියිලු

ඩෙල්ටා සැර කොරෝනා වයිරස ප්‍රභේදයට සයිනොපාම් එන්නතෙන් ඉහළ රැකවරණයක් සැලසෙන බව දේශීය පරීක්ෂණයකින් තහවුරු වී ඇතැයි ඖෂධ නිෂ්පාදන , සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පවසයි.

11 July 2021

‘‘මුතුරාජවෙලට අත නොතබණු‘‘

(ඩයනා උදයංගනී) මුතුරාජවෙල තෙත් බිමෙහි අක්කර 100කට වැඩි ප්‍රමාණයක් ගොඩකර එහි ද්‍රවීකෘත ස්වභාවික වායු (එල්.එන්.ජී) බලාගාරයක් ඉදිකිරීම සඳහා රජය ගෙන ඇති තීරණයට විරෝධය පා බෝපිටිය, පමුණුගම සහ උස්වැටකෙයියාව ප්‍රදේශයන්හි පදිංචි ජනතාව අද (11) තම නිවෙස් ඉදිරිපිටට පැමිණ නිහඬ විරෝධතාවයක යෙදුණහ.

11 July 2021

‘‘උසස් පෙළ ගැන මැදහත් තීරණයක් ගන්නවා‘‘

උසස් පෙළ විභාගය පැවැත්වීම පිළිබඳව මත දෙකක් තිබීම නිසා තාක්ෂණික උපදෙස් අනුව නම්‍යශීලී සහ වඩාත් ප්‍රායෝගික තීරණය ගන්නා බව අධ්‍යාපන අමාත්‍ය මහාචාර්ය ජී. එල්. පීරිස් මහතා පවසයි.

11 July 2021

ඡන්ද නීති හදන්න මන්ත්‍රීවරියන්ගෙනුත් යෝජනා

පාර්ලිමේන්තු මන්ත්‍රීවරියන්ගේ සංසදයද ඡන්ද නීති සංශෝධනය සඳහා නිර්දේශ ඉදිරිපත් කිරීමට පත් කෙරුණු පාර්ලිමේන්තු විශේෂ කාරක සභාවට යෝජනා විස්සක් පමණ ඉදිරිපත් කිරීමට තීරණය කර ඇත .

11 July 2021

‘එකමුතුකම රාජපක්ෂලාගෙන් ඉගෙන ගන්න‘

රාජපක්ෂ සහෝදරයන්ගේ එකමුතුකම දෙස බලා හෝ විපක්ෂයේ පක්ෂ එකතු විය යුතුව ඇතැයි එක්සත් ජාතික පක්ෂයේ හිටපු ජාතික සංවිධායක නවීන් දිසානායක මහතා පැවසීය.

11 July 2021

වරාය නැ‘හිර පර්යන්තයේ ඉදිකිරීම් කඩිනමින්

ආන්දෝලනයට තුඩුදුන් කොළඹ වරායේ නැගෙනහිර පර්යන්තය ඉදිකිරීම සඳහා ටෙන්ඩර් කැඳවීම ඇතුළු මූලික කටයුතු සඳහා ප්‍රමුඛතාව ලබාදෙන්නේ යැයි ශ්‍රී ලංකා වරාය අධිකාරියේ සභාපති කපිතාන් නිහාල් කැප්පෙටිපොළ මහතා පවසයි.

11 July 2021

15 දැරිය අපයෝජනයට එස්.අයි සහ බැංකු හිටපු කළමනාකාරවරයෙක් දැලේ

අන්තර්ජාලය ඔස්සේ අළෙවි වූ බාලවයස්කාර දැරිය අපයෝජනය කිරීමේ සිද්ධිය සම්බන්ධයෙන් පොලිස් ක්‍රීඩා කොට්ඨාසයේ උප පොලිස් පරීක්ෂකවරයකු සහ රජයේ ප‍්‍රධාන පෙළේ බැංකුවක හිටපු කළමණාකාරවරයකු ළමා හා කාන්තා කාර්යාංශය විසින් අද (11) අත්අඩංගුවට ගනු ලැබ තිබේ.

11 July 2021

ලෝක සෞඛ්‍ය සංවිධානයෙන් ජ‘පුර වෛද්‍ය පීඨයේ කොරෝනා අංශයට විශේෂ පරීක්ෂණ කට්ටල

කොරෝනා ජාන විශ්ලේෂණ පරීක්ෂණ සඳහා උපකරණ කට්ටල පරිත්‍යාග කිරීමට තෝරාගත් ලෝකයේ රටවල් පහක ආයතන පහක් අතරට ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ආසාත්මිකතා ප්‍රතිශක්තිවේද සහ සෛල ජෛව විද්‍යා අධ්‍යයන අංශයද ඇතුළත්ව ඇත.

11 July 2021

වෛද්‍යවරියට නොහොබිනා වැඩක් කළ වෛද්‍යවරයා අත්අඩංගුවට

සිය නේවාසිකාගාරය තුළ ඇදුම් මාරු කරමින් සිටි වෛද්‍යවරියකගේ ජායාරූප ගත් බව කියන තවත් වෛදවරයකු අත් අඩගුවට ගත් බව රාගම පොලීසිය පවසයි.

11 July 2021