එසැණ පුවත්

උද්ධමනය අඩු වෙලා

උද්ධමනය වැඩි වෙන වේගය සියයට 50 ක් දක්වා අඩු වී තිබෙන බව ජනාධිපති රනිල් වික්‍රමසිංහ මහතා පාර්ලිමේන්තුවේ විශේෂ ප්‍රකාශයක් කරමින් පැවසීය. ආහාර උද්ධමනය ද සියයට 54% ක් දක්වා අඩු වී තිබෙන බවද ජනාධිපතිවරයා කීය.

07 March 2023

රාජ්‍ය ආයතන රැසක් හිතේ හැටියට මඩිය තර කරගෙන

ලංකා විදුලිබල මණ්ඩලයේ සේවකයන්ට වර්ෂ 2020දී 60% කින් වැටුප් වැඩි කර තිබීම පිළිබඳව සහ රජයේ විවිධ ආයතන වල නීත්‍යානුකූල නොවන ආකාරයට අතිකාල ගෙවීම පිළිබඳව වහාම විමර්ශනයක් කරන ලෙස ආර්ථික උපදේශකවරු මුදල් අමාත්‍යාංශයට පෙන්වා දී ඇත.

07 March 2023

වී සහල් යන මුදල වැඩි කරයි

විදුලි ගාස්තු සංශෝධනයත් සමග වී තොග සහල් කිරීමේදී දැරීමට සිදු වන නිෂ්පාදන පිරිවැය ඉහළ යාම සලකා බලා වී තොග සහල් කිරීමේදී වැය කරන මුදල වැඩි කිරීමට භාණ්ඩාගාර ලේකම් සිරිවර්ධන මහතා තීරණය කර ඇත.

07 March 2023

මුදල් කාරක සභාවේ වැඩ බලන්න වජිර

මහජන මුදල් පිළිබඳ පාර්ලිමේන්තු කාරක සභාවේ සභාපති ධූරයේ වැඩ බැලීමට පාර්ලිමේන්තු මන්ත්‍රී වජිර අබේවර්ධන මහතා පත්කරගෙන ඇතැයි වාර්තා වේ.

07 March 2023

ලොව වඩාත් නොමේරූ දරු දෙදෙනා කැනඩාවේ

ලොව වඩාත් නොමේරූ නිවුන් දරුවන් ලෙස, කැනඩාවේ සිඟිති පුතකු සහ දියණියක ගිනස් ලෝක වාර්තා අතරට එක් වී ඇතැයි බීබීසී පුවත් සේවය වාර්තා කරයි.

07 March 2023

ජනපතිගෙන් විශේෂ ප්‍රකාශයක්

ජනාධිපති රනිල් වික්‍රමසිංහ මහතා අද පෙරවරුවේ පාර්ලිමේන්තුවේ දී විශේෂ ප්‍රකාශයක් කිරීමට නියමිතය.

07 March 2023

මැති සබේ නොසන්සුන්

මුදල් කාරක සභාවේ සභාපති ධූරය තාවකාලිකව වජිර අබේවර්ධන මහතාට ලබා දී ඇතැයිද එය ස්ථාවර නියෝග වලට පටහැනි යැයි ද කියමින් විපක්ෂ මන්ත්‍රීවරු අදහස් පළ කිරීම නිසා සභාව නොසන්සුන් විය.

07 March 2023

මුලතිව් ගව රෝගය හඳුනාගනී

මුලතිව් දිස්ත්‍රික්කයේ ගවයින් අතර ව්‍යාප්ත වන රෝග තත්ත්වය වෛරසයක් හේතුවෙන් හට ගන්නා රෝගයක් බව ( Lumpy Skin Disease (LSD) කෘෂිකර්ම අමාත්‍යාංශයේ පශු සම්පත් අංශය පවසයි .

07 March 2023

ණය ප්‍රතිව්‍යුහ කරන්න චීනය එකඟ වෙයි

ශ්‍රී ලංකාව ලබාගෙන ඇති ණය ප්‍රතිව්‍යුහ කිරීමට චීනය එකඟතාවය දක්වා ඇත.

07 March 2023

පැහැරගත් වෑන් රිය සුසාන භූමියක් අසළ

යාපනය කයිතඩි බටහිර ප්‍රදේශයේදී දින දෙකකට පෙරදී පැහැරගෙන ගිය සුඛෝපභෝගී වෑන් රථයක් යාපනය මීසාලෙයි පොදු සුසාන භූමිය අසල දමාගොස් තිබියදී සොයාගත් බව චාවකච්චේරි පොලීසිය පවසයි.

07 March 2023

සුනඛ බේත් ශරිර ගත වූ දරුවාගේ මව්පියන් ගත් තීරණය

සුනඛයින්ට දෙන ඖෂධයක් කුඩුකර සේරුනුවර ප්‍රදේශයේ පිහිටි පාසලක හත්වැනි වසරේ ඉගෙනුම ලබන සිසුවකුගේ දිවා ආහාරයට මුසු කර කෑමට සහ පානය කිරීමට දුන් බව කියන සිසුන් හය දෙනාට එරෙහිව නීතිමය ක්‍රියාමාර්ග නොගන්නා ලෙස රෝගාතුරව සිටින සිසුවාගේ මවුපියන් ඉල්ලීමක් කර ඇතැයි සේරුනුවර පොලීසිය පවසයි.

07 March 2023

සබරගමු සිසුන් 10 අත්අඩංගුවට

සබරගමු විශ්ව විද්‍යාලයේ පළමු වසරේ සිසුන් පිරිසක් සහ විනයාරක්ෂක ආචාර්යවරුන් දෙදෙනකු විශ්ව විද්‍යාලයේ ආපන ශාලාව තුළ අයුතු ලෙස සිරකර තබා ගත්තේ යැයි කියන එම විශ්ව විද්‍යාලයේ සිසුන් දස දෙනෙක් සමනල වැව පොලිසිය විසින් පෙරේදා පස්වෙනිදා සැකපිට අත්අඩංගුවට ගනු ලැබූහ.

07 March 2023

පළාත් රැසකට සවස් කාලයේ තද වැසි

බස්නාහිර, සබරගමුව පළාත්වලත්, ගාල්ල, මාතර දිස්ත්‍රික්කවලත් අද (7) සවස් කාලයේ හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව සඳහන් කරයි. ඇතැම් ස්ථානවලට මිලිමීටර 50 ට වැඩි වැසි ඇතිවන බව ද එම දෙපාර්තමේන්තුව නිකුත් කළ නිවේදනයක දැක්වේ.

07 March 2023

හෝමගම රෝහලෙන් අලුත් සත්කාරයක්

රෝගී මවක ප්‍රතිකාර සඳහා රෝහලට පැමිණීමෙන් පසුව ඇයගේ රෝගී තත්ත්වය උත්සන්න වීම නිසා නේවාසිකව ප්‍රතිකාර ලැබීමට වෛද්‍යවරුන් නිර්දේශ කිරීමත් සමඟ ඇය සමඟ පැමිණ සිටි දොළොස් හැවිරිදි පුතකු සහ තුන් හැවිරිදි දියණිය භාරදීමට භාරකරුවකු නොවීම හේතුවෙන් දින තුනක් තිස්සේ රෝහලේ නවත්වාගෙන ඔවුන් දෙදෙනාට ආහාරපාන ඇඳුම් පැළඳුම් සෙල්ලම් බඩු ලබාදෙමින් රැකබලා ගැනීමේ ආදර්ශවත් සිද්ධියක් හෝමාගම මූලික රෝහලෙන් වාර්තා වේ.

06 March 2023

හරක් කටා අත්අඩංගුවට ?

පාතාල ලෝකයේ නායකයකු සහ ප්‍රධාන පෙළේ මත්ද්‍රව්‍ය ජාවාරම්කරුවකු ලෙස සැලකෙන නදුන් චින්තක වික්‍රමරත්න හෙවත් හරක්කටා සහ තවත් පාතාල නායකයකු බව කියන සලිදු මල්ශිත ඇතුළු පාතාල ක්‍රියාකාරකයන් පස්දෙනකු මැඩගස්කරයේ දී අත්අඩංගුවට පත්ව ඇති බව එරට වෙබ් අඩවියක් විසින් වාර්තා කර ඇතැයි නිල නොවන ආරංචි මාර්ග වලින් දැන ගැනීමට ඇත.

06 March 2023

මවක් දරු දෙදෙනා සමඟ ප්‍රා.ලේ කාර්යාලයට

දරු දෙදෙනා හදා ගැනීමට ක්‍රමයක් නැතැයි කියමින් 31 හැවිරිදි දෙදරු මවක සෙවණගල ප්‍රාදේශීය ලේකම් කාර්යාලය ඉදිරිපිටට පැමිණ හඬා වැටුණු සිද්ධියක් වාර්තා වේ.

06 March 2023

වීරකැටියේ ලොකු ගැටුමක්

වීරකැටිය පොලීසියේ නිළධාරීන් කිහිප දෙනෙකු හා වීරකැටිය අත්තනයායේ පවුලක සාමාජිකයන් පිරිසක් අතර අද සවස ඇති ව තිබූ ගැටුමකින් අනතුරුව ගැටුමට මැදි වූ අයකු සපා කෑමෙන් උප පොලිස් පරීක්ෂකවරයකුගේ කන් දෙකම අහිමි වී ඇතැයි වීරකැටිය පොලීසිය පවසයි.

06 March 2023

නිදහස් පක්ෂයට වැඩබලන මහලේකම්වරයෙක්

ශ්‍රී ලංකා නිදහස් පක්ෂයේ වැඩ බලන ප්‍රධාන ලේකම්වරයා ලෙස එහි නියෝජ්‍ය මහලේකම් සරත් ඒකනායක මහතා පත්කරනු ලැබ ඇත.

06 March 2023

හික්කඩුවට පෙම් බඳින ලොව සුපිරි නළුවා

තමාගේ රංගන ජිවිතයේ ප්‍රියතම චිත්‍රපට දර්ශන තලය ශ්‍රී ලංකාවේ හික්කඩුව බව සුපිරි හොලිවුඩ් නළු රයන් රෙනොල්ඩ්ස් ප්‍රකාශ කර ඇත.

06 March 2023

ජනතාව නුදුරේදීම රනිල්ගේ කට වහයි

පාර්ලිමේන්තුවේදී පසුගියදා ‘කටවහගෙන වාඩි වෙන්න’ ( you shut up sit down) යනුවෙන් විපක්ෂයට අණදුන් ජනාධිපතිවරයාට, නුදුරේදීම මහජන නියෝගයෙන් කටවසාගෙන වාඩිවීමට සිදුවනු ඇතැයි නිදහස ජනතා සභාවේ නායක, පාර්ලිමේන්තු මන්ත්‍රී ඩලස් අලහප්පෙරුම මහතා පැවසීය.

06 March 2023

රූගත කරද්දී බච්චන් ඇඳ වැටේ

සුපිරි බොලිවුඩ් නළු අමිතාබ් බච්චන් චිත්‍රපටයක රූගත කිරීමක් අතරතුර තුවාල ලබා ඇතැයි ඉන්දීය මාධ්‍ය වාර්තා කර ඇත.

06 March 2023

හැත්තෑහය කතගේ මාලය කොල්ල කාලා

යාපනය මාදගල් ශිවන් කෝවිලේ වන්දනාමාන කරමින් සිටි 76 හැවිරිදි වයෝවෘද්ධ කාන්තාවකගේ ගෙල බැද සිටි තැල්ල සහිත රුපියල් ලක්ෂ 10ට ආසන්න වටිනා රන් මාලය කොල්ලා කෑ කාන්තාවක් සහ සැකකරුවෙක් අත්අඩංගුවට ගත් බව මාදගල් පොලිසිය කියයි.

06 March 2023

‘‘ඉන්දු - ශ්‍රී ලංකා සබඳතා ඉහළම තැනක තියෙනවා‘‘

ඉන්දියාව සහ ශ්‍රී ලංකාව අතර ද්විපාර්ශ්වික සබඳතා ඉහළම සහ ගැඹුරු තත්වයක පවතින බවත් එම සම්බන්ධතාව මුල් බැසගැනීමට හේතුව පුද්ගලයන්ට ආරෝපණය කිරීම බවත් ශ්‍රී ලංකාවේ ඉන්දීය නියෝජ්‍ය මහ කොමසාරිස් විනෝද් කේ ජේකබ් මහතා පැවසීය.

06 March 2023

පාන් ගෙඩියක් 100 දක්වා අඩු විය යුතුයි

පාන් බනිස් ඇතුළු බේකරි නිෂ්පාදනවල මිල අඩු කරනවා මිස තවත් වැඩි කිරීමට සූදානමක් නැතැයි ද අඩුම තරමින් පාන් ගෙඩියක් රුපියල් 100ක් දක්වා අඩු කිරීමට බලාපොරොත්තු වන බව ද සමස්ත ලංකා බේකරි හිමියන්ගේ සංගමයේ සභාපති එන්.කේ.ජයවර්ධන මහතා පවසයි.

06 March 2023

පළාත් පාලන මැතිවරණයේදී ආණ්ඩුව සියයට 8ට වැටෙනවා

පළාත් පාලන මැතිවරණය පිළිබඳව කර ඇති තාක්ෂණික පර්යේෂණවල ප්‍රතිඵල අනුව ආණ්ඩුවට සියයට 10 ක පමණ ඡන්ද ප්‍රතිශතකයක් ලැබෙනු ඇති බවත් මැතිවරණයේ අවසන් ප්‍රතිඵලයේදී ආණ්ඩුව නියෝජනය කරන පක්ෂ දෙකටම සියයට 8 ක පමණ සුළු ඡන්ද ප්‍රතිශතකයක් ලැබෙන බවත් නිදහස් ජනතා සන්ධානයේ විධායක සභික, පාර්ලිමේන්තු මන්ත්‍රී මහාචාර්ය ජී. එල්. පීරිස් මහතා අද (6) පැවසීය.

06 March 2023

බස් රථවලින් සියයට 50 ක් වායු දූෂණය කරයි

බස්නාහිර පළාතේ ධාවනය වන මගී ප්‍රවාහන බස් රථවලින් සියයට 50 කින් වායු දූෂණය වන බව මෝටර් රථ ප්‍රවාහන දෙපාර්තුමේන්තුව පවසයි.

06 March 2023

එක්ස්ෆෝ ප්‍රදර්ශනයෙන් කෝටියක් වතුරේ ගිහින්

චීනයේ පැවැති ජාත්‍යන්තර එක්ස්ෆෝ ප්‍රදර්ශනය ශ්‍රී ලංකාව නියෝජනය නොකිරීම හේතුවෙන් රුපියල් කෝටියකට ආසන්න මුදලක් 2021 වර්ෂයේදී අපතේ ගොස් ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

06 March 2023

ඉන්දියාන් සාගරය සෙලවෙයි

ඉන්දියානු සාගරයේ නිකොබාර් දූපත් ආශ්‍රිත ප්‍රදේශයේ රික්ටර් මාපකයේ ඒකක 5 ක අගයක් ගත් භූකම්පනයක් අද(06) උදෑසන 5.07 හටගෙන තිබේ.

06 March 2023