එසැණ පුවත්

විශේෂඥ වෛද්‍යවරු 120 ක් රටින් පැන යති

පසුගිය වසර එකහාමාරක කාළය තුල විදේශගතව පුහුණුව ලැබ මෙරටට පැමිණි විශේෂඥ වෛද්‍යවරුන් 263 ක් අතුරින් නිර්වින්දන විශේෂඥ වෛද්‍යවරුන් 11 දෙනකු ඇතුලුව විශේෂඥ වෛද්‍යවරුන් 120 දෙනකු කිසිවකුට නොදන්වා විදේශගතව ඇතැයි සෞඛ්‍ය අමාත්‍යාංශයේ තෘතීය සේවා පිළිබදව අධ්‍යක්ෂක විශේෂඥ වෛද්‍ය ප්‍රියන්ත අතපත්තු පවසයි.

13 August 2023

කෝටි 6500ක ව්‍යාපෘති 26ක් කොට උඩ

නාගරික සංවර්ධන අධිකාරියේ රුපියල් කෝටි හය දහස් පන්සිය අසූ හතක් වටිනා ව්‍යාපෘති 26 ක් විවිධ හේතු මත අතරමඟ නැවතීමෙන් ලක්ෂ සංඛ්‍යාත පිරිසකට ප්‍රතිලාභ අහිමි වී ඇතැයි ගම්පහ දිස්ත්‍රික් පාර්ලිමේන්තු මන්ත්‍රී අජිත් මාන්නප්පෙරුම මහතාගේ ප්‍රධානත්වයෙන් යුතු පරිසර, ස්වභාවික සම්පත් හා තිරසර සංවර්ධන ආංශික අධීක්ෂණ පාර්ලිමේන්තු කාරක සභාවේදී තොරතුරු අනාවරණය විය.

13 August 2023

පාපන්දු පිටියේ ගුටි කෙළියෙන් පසු රිටර්න් දෙන්න ආ 20 ක් දැලේ

වැල්ලවත්ත කුරේ ක්‍රීඩාංගනයේ ඉකුත් (7) දැනි පැවති පාපන්දු තරඟයක් අතරතුර ඇති සිසු ගැටුමකට සම්බන්ධ සිසුන් පිරිසකට ප්‍රතිප්රයහාර එල්ල කිරිමේ අරමුනින් බොරුල්ල බන්ධනාගාර අසල රැක සිටි පාසල් සිසුන් 19 ඇතුළු විසි දෙනකු අත්අඩංගුවට ගත් බව බොරැල්ල පොලිසිය පවසයි

13 August 2023

රට ගිය සරසවි ඇදුරෝ 122ක් පොලු තබති

විදේශීය විශ්වවිද්‍යාලවලට ගොස් ගිවිසුම් කඩ කර රාජකාරියට වාර්තා කිරීම පැහැර හැරි බව කියන පේරාදෙණිය විශ්වවිද්‍යාලයේ ආචාර්යවරුන් 122 දෙනකු සම්බන්ධයෙන් පොදු ව්‍යාපාර පිළිබඳ පාර්ලිමේන්තු කාරක සභාව ( කෝප් කමිටුව) විමර්ශනයක් අරඹා ඇත.

13 August 2023

බැරක්කයෙ නිදා සිටි සෙබළාගේ රන් මාලයට විදලා

කටුනායක ගුවන් තොටුපොළ ගුවන් හමුදා කඳවුරේ බැරැක්කය තුළ නිදා සිටි ගුවන් හමුදා භටයකුගේ රන් මාලයක් සොරා ගැනීමේ සිද්ධියක් සම්බන්ධයෙන් කටුනායක ගුවන්තොටුපල පොලිසිය විමර්ශන ආරම්භ කර ඇත.

13 August 2023

බලමැන උතුම් ඇත් පන්තිය පිනට ලැදී

ශ්‍රී දළදා මාලිගාවේ වාර්ෂික ඇසළ පෙරහර මංගල්‍යයේදී සධාතුක කරඬුව වැඩම වීම සඳහා ඇතුන් සිවු දෙනකු තෝරා ගනු ලැබ ඇත.

13 August 2023

පුංචි ශ්‍රිපාද කන්දනේ විදේශීකයෙක් ඇදවැටෙයි

ඇල්ල සංචාරක කළාපයේ පුංචි ශ්‍රීපාදය කන්දෙන් අද( 13) අඩි 100 ක පමණ ප්‍රපාතකට ඇද වැටුන වි‍දේශිකයෙක් ප්‍ර දේශවාසීන්ගේ සහාය ඇතිව ඇල්ල සංචාරක පොලිසිය විසින් මහත් පරිශ්‍රමයක් යොදා දියතලාව මූලික රෝහලට ඇතුළත් කළ බව බණ්ඩාරවෙල ජ්‍යෙෂ්ඨ පොලිස් අධිකාරි ප්‍රදීප් කළුපහන මහතා පැවසීය .

13 August 2023

මවුපිය දැසට වැලි ගැසුවත් පොලිසිය රවටන්න බැරි වේ

පාසල් යන බව මාපියන්ට පවසා නිවසින් පිටත්ව පාසල් නොගොස් පාසල් නිල ඇඳුම් සඟවා මුහුණු පොතෙන් පමණක් හඳුනාගත් පෙම්වතුන් හමුවීම සඳහා කුරුණෑගල නගරයට පැමිණ සිටි 16 හැවිරිදි ලාබාල පාසල් සිසුවියන් දෙදෙනකු පොලිස් බාරයට ගෙන මාපියන්ට බාර දුන් බව කුරුණෑගල පොලිසිය කියයි.

13 August 2023

අඩි 410 පොළව යට ඉදි කළ ආපන ශාලාව

ලංකාවේ පළමු වරට මීටර් 124 ක් (අඩි 410) පොළොයට බෝගල මිනිරන් පතලේ පවත්වාගෙන යන භූගත ආපන ශාලාවට අවසර ලත් නරඹන්නන් වෙනුවෙන් සහභාගී වීමට අවස්ථාව දෙන බව බෝගල මිනිරන් පතලේ ප්‍රධාන විධායක නිලධාරි අමිල ජයසිංහ මහතා පැවසීය.

13 August 2023

නියඟයෙන් දිස්ත්‍රික්ක 13 කට දැඩි බලපෑම්

දැඩි නියඟය හේතුවෙන් සබරගමුව, නැගෙනහිර, වයඹ, උතුර, ඌව සහ දකුණ යන පළාත් හයක පවුල් 51641 කට අයත් 171781 පීඩාවට පත්ව ඇතැයි ආපදා කළමනාකරණ මධ්‍යස්ථානය ප්‍රකාශ කරයි.

13 August 2023

ඖෂධ කාණ්ඩ 40 ක් අත්හිටුවයි ?

සෞඛ්‍ය අමාත්‍යාංශය මෙම වසරේ මේ දක්වා ගෙවුණු කාලය තුළ රෝහල් වෙත සැපයූ ඖෂධ රෝගීන්ට දීම අවස්ථා 69 කදී අත්හිටුවා ඇති බවත් එහිදී අත්හිටුවූ ඖෂධ කාණ්ඩ අතරින් කාණ්ඩ 40 ක් රාජ්‍ය ඖෂධ නිෂ්පාදන නීතිගත සංස්ථාව සැපයූ ඖෂධ බවත් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේෂ් මහතා පැවසීය.

13 August 2023

නූලෙන් මඟ හැරුණු යාංගල් මෝදර අනතුර

යාංගල්මෝදර දුම්රිය හරස් මාර්ගයේදී සිදුවන්නට ගිය මාරාන්තික අනතුරක් වළක්වාගැනීමට දුම්රිය ගේට්ටුකරු සහ සහායක ගේට්ටුකරුගේ දක්ෂතාවමය මත වළක්වා ගැනීමට සමත් වූහ.

13 August 2023

හොරෙන් ලංකාවට ආ විදේශිකයා පිටුවහල් කරයි

කූඨ ලෙස සකස් කළ ව්‍යාජ කැනේඩියානු ගුවන් ගමන් බලපත්‍රයකින් ශ්‍රී ලංකාවට ඇතුළු වී , එංගලන්තය බලා පැන යාමට පැමිණි චැඩ් ජාතික ගුරුවරයෙකු කටුනායක ගුවන් තොටුපොළ පැමිණීමේ පර්යන්තයේ දී ආගමන විගමන නිලධාරීන් විසින් අත් අඩංගුවට ගෙන ආපසු ඔහු පැමිණි කටාර් රාජ්‍යයේ දෝහා වෙත පිටුවහල් කර තිබේ .

13 August 2023

ඩිජිටල් හැදුනුම්පත හදන්න ගිවිසුම්ගත වෙයි

ඉන්දියා ආධාර යටතේ මෙරටට හදුන්වා දෙන නව ඩිජිටල් හැදුනුම්පත හෙවත් සුවිශේෂි ඩිජිටල් හැදුනුම්පත (Unique Digital Identity) සකස් කරන ආයතනය හා ශ්‍රී ලංකා රජය ලබන ඔක්තෝම්බර් මාසයේදී ගිවිසුම්ගත වීමට නියමිතය.

13 August 2023

යතුරුපැදි-ලොරි අනතුරින් සිසුවා මරුට

යාපනය නුවර ඒ නවය මාර්ගයේ යාපනය , චාවකච්චේරි වෛරව කෝවිල අසලදී යතුරු පැදියක් ලොරි රථයක ගැටී සිදුවූ අනතුරකින් 19 හැවිරිදි පාසල් සිසුවකු අද (13) මියගොස් ඇතැයි චාවකච්චේරි පොලිසිය කියයි.

13 August 2023

ජල ව්‍යාපෘති 20 ක ජල සැපයුම අත්හිටුවයි

ජාතික ජලම්පාදන මණ්ඩලය ක්‍රියාත්මක කරන ජලසම්පාදන ව්‍යාපෘති 344 න් ව්‍යාපෘති 20 ක අඛණ්ඩ ජල සැපයුම අත්හිටුවා මුර ක්‍රමයට ජලය නිකුත් කරන බව එම මණ්ඩලය පවසයි.

13 August 2023

සාම සාධක සේවයට අපේ අය යවන්න සාකච්ඡා

මාලි රාජ්‍යයට ගොස් එක්සත් ජාතීන්ගේ සාම සාධක කටයුතුවල නිරත ශ්‍රී ලාංකික ත්‍රිවිධ හමුදා හා පොලිස් නිලධාරීන් එම රාජ්‍යයෙන් ඉවත් කර ගැනීමට ගෙන ඇති තීන්දුවත් සමඟ සාම සාධක හමුදා සේවයෙ ඇතිවන හිඩැස පිරවීම වෙනුවෙන් එක්සත් ජාතීන්ගේ සංවිධානය සමඟ සාකච්ඡා කිරීමට රජය තීන්දු කර ඇත.

13 August 2023

ජනපති මැණික් වලින් ඩොලර් හොයන ක්‍රම ඉල්ලයි

මැණික් හා ස්වර්ණාභරණ කර්මාන්තය ආශ්‍රිත අපනයන හා ප්‍රති අපනයන වැඩි දියුණු කිරීම සඳහා ගත යුතු ඉදිරි ක්‍රියාමාර්ග සහ සැලසුම් කඩිනමින් ඉදිරිපත් කරන ලෙස ජනාධිපති රනිල් වික්‍රමසිංහ මහතා නිලධාරීන්ට උපදෙස් දුන්නේය.

13 August 2023

ලංකාව එන චීන නැවක් ගැන ඉන්දියා මාධ්‍ය කතා කරයි

චීන පර්යේෂණ නෞකාවක් වන ෂී යාන් 6 එළඹෙන ඔක්තෝම්බර් මස අගදී කොළඹ සහ හම්බන්තොට වරායන්හි නැංගුරම් ලෑමට සූදානම් වීම සම්බන්ධයෙන් දැඩි අවධානයක් යොමු කරන බව ඉන්දීය රජය ශ්‍රී ලංකාවට දැනුම් දී ඇතැයි හින්දුස්ථාන් ටයිම්ස් පුවත්පත වාර්තා කර ඇත.

13 August 2023

අ’පුර-මිහින්තලයට ද්විත්ව දුම්රිය මාර්ගයක්

අනුරාධපුරයේ සිට මිහින්තලය දක්වා ද්විත්ව දුම්රිය මාර්ගයක් ඉදිකිරීමට සැළසුම් කර ඇති බව ප්‍රවාහන අමාත්‍ය බන්දුල ගුණවර්ධන මහතා පැවසීය.

13 August 2023

අ.සා.පෙ. විභාගය10 වැනි ශ්‍රේණියේදී ?

අපොස සාමාන්‍ය පෙළ විභාගය 10 වැනි ශ්‍රේණියේදී පැවැත්වීම පිළිබඳ අධ්‍යනය කරමින් සිටින්නේ යැයි අධ්‍යාපන අමාත්‍ය සුසිල් ප්‍රේමජයන්ත මහතා පැවසීය.

13 August 2023

පාර්ලිමේන්තු ගෘහ පාලන අංශයට මාරුවක්

රූමත් තරුණ ඇතැම් සේවිකාවන්ට ලිංගික හිංසන කරන ලදැයි කියන සිද්ධිය මුල්කරගෙන පාර්ලිමේන්තුවේ ගෘහ පාලන අංශය ආපනශාලා අංශයෙන් වෙන්කර වෙනම පරිපාලන අංශයකට සම්බන්ධ කිරීමට පාර්ලිමේන්තු ප්‍රධානීන්ගේ දැඩි අවධානය යොමුවී ඇත.

13 August 2023

දිගාමඩුල්ලට බොන වතුර ප්‍රශ්නයක්

අම්පාර දිස්ත්‍රික්කයේ ප්‍රාදේශීය ලේකම් කොට්ඨාස හතක පවුල් 7739 ක අයත් 25891 ක පිරිසක් පිරිසිදු ජලය සපයා ගැනිමේ ගැටළුවකට මුහුණ දී සිටින බව, අම්පාර දිස්ත්‍රික් අපදා කළමනාකරණ කාර්යාලය පවසයි.

13 August 2023

යතුරුපැදි රේස් ගිය 8ක් අල්ලයි

මුහුණු පොත හරහා සංවිධානය වී හොරණ කොළඹ මාර්ගයේ කුඹුක ප්‍රදේශයේ තරඟයට යතුරුපැදි ධාවනය කළ තරුණයන් අට දෙනකු අත්අඩංගුවට ගත් බව මොරගහහෙන පොලිසිය කියයි.

13 August 2023

දඩයමේ ගිය 5ක් මාට්ටු

නකල්ස් රක්ෂිතයේගැවසුණු ගෝනකු දඩයම් කරමස් කිලෝ ග්‍රෑම් 110 ක තොගයක් වෑන් රථයකින් ප්‍රවාහනය කරමින් සිටි බව කියන පුද්ගලයින් පස්දෙනෙකු පස් දෙනෙකු අද (13) සැකපිට අත්අඩංගුවට ගත් බව පන්විල පොලීසිය පවසයි.

13 August 2023

කඳුකර ද්‍රවිඩ ජනතාවට සළකන්න ජනපති අත ගසයි

සියවස් දෙකක් තිස්සේ රටට විදෙස් විනිමය උපයා දෙමින් ශ්‍රමය වැගිරූ කඳුකර ද්‍රවිඩ ජනතාව තවදුරටත් වෙනම ජන කොටසක් ලෙස නොව ශ්‍රී ලාංකික පොදුජන සමාජයට එක් කිරීමේ අභියෝගය ජයගැනීම සඳහා වැඩපිළිවෙලක් සකසන බව ජනාධිපති රනිල් වික්‍රමසිංහ මහතා අවධාරණය කළේය.

13 August 2023

මේද ආශ්‍රිත ආහාර නිෂ්පාදන තොගයකට සීල් :ආයතනය වහයි

පමුණුගම නුගපේ පවත්වා ගෙන ගිය තෙල් හා මේද ආශ්‍රිත ආහාර නිෂ්පාදන කර්මාන්තශාලාවක අපනයනය කිරීම සදහා ගබඩා කොට තිබු කල් ඉකුත්වු බටර් කිලෝ 10,000 සහ දේශීය වෙළෙද පොලට බෙදා හැරීමට සුදානමි කොට තිබු තෙල් හා මේද ආශ්‍රිත විවිධ වර්ගයේ කල් ඉක්තු වු ආහාර ද්‍රව්‍ය තොගයක් අත්අඩංගුවට ගත් බව වත්තල සෞඛ්‍ය වෛද්‍ය නිලධාරි කාර්යාලය පවසයි.

13 August 2023

තෝරාගත් වාහන කිහිපයක ආනයන සීමා ලිහිල් කරන්න යයි

පොදු ප්‍රවාහන සේවා සහ භාණ්ඩ ප්‍රවාහන සේවා සඳහා යොදා ගන්නා තෝරා ගත් වාහන සඳහා ආනයන සීමා මෙම සතිය තුළදී ලිහිල් කිරීමට බලාපොරොත්තු වන බව මුදල් රාජ්‍ය අමාත්‍ය රංජිත් සියඹලාපිටිය මහතා රුවන්වැල්ල ප්‍රදේශයේදී ප්‍රකාශ කළේය.

13 August 2023