එසැණ පුවත්

එජාප ව්‍යවස්ථාව සංශෝධනය කරයි

එක්සත් ජාතික පක්ෂ ව්‍යවස්ථා සංශෝධනය එජාප විශේෂ මහා සම්මේලනයේදී අද ඒකමතිකව සම්මත විය.

ලබන වසරේ ජනපතිවරණය පවත්වනවා

ආණ්ඩුක්‍රම ව්‍යවස්ථාව අනුව ලබන වසරේදී ජනාධිපතිවරණය පවත්වන බව ජනාධිපති රනිල් වික්‍රමසිංහ මහතා පැවසීය.

ශ්‍රී ලංකාව කඩුලු 5 කින් නෙදර්ලන්තය පරදවයි

ලෝක කුසලාන එක්දින ක්‍රිකට් තරගාවලියේ පළමු වටයේ 19 වැනි තරඟය ලෙස ලක්නව් එකානා ක්‍රිකට් ක්‍රීඩාංගණයේදී අද (21) පැවැති තරගයේදී ශ්‍රී ලංකා ක්‍රීඩකයෝ කඩුලු 5 කින් නෙදර්ලන්තය පරාජය කිරීමට සමත් වූහ.

නාය යාමෙන් නතර වූ බදුල්ල - කොළඹ මාර්ගයේ ගමන් ඉබි ගමනේ

අධික වර්ෂාව සමග අද 21දහවල් නාය ගොස් අවහිර වූ කොළඹ බදුල්ල ප්‍රධාන මාර්ගය මේ වන විට වාහන යා හැකි වන පරිදි එක් මං තීරුවක් පමණක් විවෘත කළ බව පොලිසිය කියයි.

හපුතලේ තැන් තැන්වල ණාය යයි

කොළඹ - බදුල්ල ප්‍රධාන මාර්ගයේ හපුතලේ බෙරගල අතර උඩ විහාරගල ප්‍රදේශයේ දී පස්කඳු සහ ගල් පර්වත කඩා වැටීමෙන් සම්පූර්ණයෙන් අවහිර වූ මර්ගයේ එක් මන්ත්‍රිරුවක් විවෘත කළ බව බදුල්ල ආපදා කළමනාකරණ මධ්‍යස්ථානයේ සහකාර අධ්‍යක්ෂ ඊ. එම්. එල්. උදයකුමාර මහතා පැවසීය.

ස්ථාන 66කට නාය අනතුරු

දිවයින පුරා තව දුරටත් පවතින අධික වර්ෂාව සහිත කාල ගුණ තත්වය හේතුවෙන් දිස්ත්‍රික්ක නවයක ප්‍රාදේශිය ලේකම් කොට්ඨාස 66 කට නාය යෑමේ අවදානම් අනතුරු ඇඟවිමේ නිවේදනය අද 20 සවස සිට ජාතික ගොඩනැගිලි පර්යේෂණ සංවිධානය විසින් නිකුත් කරනු ලැබ තිබේ.

මීරියබැද්ද යළි අවදානම්

ශ්‍රී ලංකාවේ විශාලතම නාය යාමක් ලෙස වාර්තා වූ කොස්ලන්ද මීරියබැද්ද පැරණි නාය යාම දෙපස විශාල භූමි ප්‍රදේශයක් නැවතත් නාය යාමේ අවදානමක් පවතින බැවින් එහි නිවාස පේළි දෙකක් පාසලක ගොඩනැගිලි හා ළමා සුරුකුම් මධ්‍යස්ථානයක් වහාම ක්‍රියාත්මක වන පරිදි ස්ථිරවම භාවිතයෙන් ඉවත් කරන බව හල්දුම්මුල්ල ප්‍රාදේශීය ලේකම් කේ. ඒ. ජේ. ප්‍රියංගනී මහත්මිය අද 21 කීවාය.

ගාසා වැසියන්ට මානුෂීය ආධාර

ඊශ්‍රායල ගුවන් ප්‍රහාරවලින් බැටකන ගාසා පලස්තීන වැසියන්ට මානුෂීය ආධාර රැගත් ට්‍රක් රථ 20 ක්, ඊජිප්තු ගාසා රෆා දේශසීමා පිවිසුම ඔස්සේ ගාසා තීරයට ඇතුළු වුණු බව රතු අඩකව සංවිධානය පවසයි.

එජාප විශේෂ මහා සම්මේලනය ඇරැඹෙයි

ජාතික පක්ෂයේ විශේෂ මහා සම්මේලනය ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ සුගතදාස ගෘහස්ථ ගෘහස්ත ක්‍රීඩාංගනයේදී මීට සුළු සුළු මොහොතකට පෙර ඇරැඹිණි.

නෙදර්ලන්තය ලකුණු 262 ක් රැස් කරයි

ලෝක කුසලාන එක්දින ක්‍රිකට් තරගාවලියේ පළමු වටයේ 19 වැනි තරඟය ලෙස ශ්‍රී ලංකාව සහ නෙදර්ලන්තය අතර ලක්නව් එකානා ක්‍රිකට් ක්‍රීඩාංගණයේ දැන් පැවැත්වෙන තරගයේ පළමුව පන්දුවට පහරදුන් නෙදර්ලන්ත පිල ඕවර 49.4 කදී සියලු දෙනාදැවී ලකුණු 262 ක් රැස් කළේය.

මැතිසබා විශේෂ කමිටු දුන් නියෝග 200ක් විසිකරලා

විවිධ අරමුණු වෙනුවෙන් පසුගිය කාලයේදී පත් කෙරුණු පාර්ලිමේන්තු විශේෂ කාරක සභාවලින්දී ඇති නිර්දේශ 200 කට වැඩි සංඛ්‍යාවක් මෙතෙක් ක්‍රියාත්මකවී නැතැයි පාර්ලිමේන්තු ආරංචි මාර්ගවලින් පැවසේ.

ඩයනා ගෙදර යයි

පාර්ලිමේන්තු පරිශ්‍රයේදී පහරදීමේ සිද්ධියෙන් පසු ශ්‍රී ජයවර්ධනපුර රෝහලට ඇතුළත්වූ ඩයනා ගමගේ රාජ්‍ය අමාත්‍යවරිය ප්‍රතිකාර ලබා අද(21) උදේ ඉන් පිටව ගියාය.

බීඩි සෙස් බද්ද ඉවතට

මෙරට බීඩි කර්මාන්තය විධිමත්ව පවත්වාගෙන යාම වෙනුවෙන් නව ප්‍රතිපත්තියක් හදුන්වා දෙන්නට රජය තීරණය කර තිබේ.

කර්මාන්ත 2000 වැසී:ලක්ෂ පහක් මහ පාරේ

විවිධ කර්මාන්ත ශාලා සහ සේවා ස්ථාන දෙදහසකට ආසන්න සංඛ්‍යාවක් වැසීම යෑම හේතුවෙන් පන්ලක්ෂ තිස් තුන් දහස් අටසිය පනස් අටකට ( 533858) ගිය වසරේදී රැකියා අහිමිවී ඇතැයි ජන හා සංඛ්‍යාලේඛන දෙපාර්තමේන්තු වාර්තා ඇතුළු විවිධ තොරතුරු වාර්තාවල දැක්වෙන බව පේරාදෙණිය විශ්වවිද්‍යාලයේ ආර්ථික විද්‍යා සහ සංඛ්‍යාන අධ්‍යයන අංශයේ මහාචාර්ය වසන්ත අතුකෝරළ මහතා පැවසීය.

නෙදර්ලන්තය ලකුණු රැස්කිරීම තෝරා ගනී

ලෝක කුසලාන එක්දින ක්‍රිකට් තරගාවලියේ පළමු වටයේ 19 වැනි තරඟය ලෙස ශ්‍රී ලංකාව සහ නෙදර්ලන්තය අතර ලක්නව් එකානා ක්‍රිකට් ක්‍රීඩාංගණයේ දැන් පැවැත්වෙන තරගයේ කාසියේ වාසිය දිනූ නෙදර්ලන්තය පිලේ නායක ස්කොට් එඩ්වඩ්ස් පළමුව ලකුණු රැස් කිරීම තෝරා ගත්තේය.

‘‘පොලිස්පතිට යළිත් සේවා දිගු නෑ‘‘

පොලිස්පති ධුරය සඳහා ජ්‍යෙෂ්ඨත්වයෙන් ඉහළින්ම සිටින ජ්‍යෙෂ්ඨ නියෝජ්‍ය පොලිස්පතිවරුන් තිදෙනකු අතර ලොකු සටනක් අලුත් වටයකින් ආරම්භවී ඇතැයි පොලිස් ආරංචි මාර්ගවලින් පැවසේ.

අදත් සවස තද වැසි

දිවයිනේ බොහෝ ප්‍රදේශවලට පස්වරු 1.00 පමණ පසු වැසි හෝ ගිගුරුම් සහති වැසි ඇති වන බව කාලගුණ විද්‍යා දෙපාර්තමේන්තුව කියයි.

’’කෝච්චියේ රස්තියාදුව’’ විගණනයෙන් එළියට

පසුගිය වසරේදී දුම්රියන් එක් ලක්ෂ විසි දහස් නවසිය අනූ තුනක් (120993) ( වාර) ධාවනයට යොදවා ඇතත් ඉන් නියමිත වේලාවට ධාවනයවී ඇත්තේ දුම්රියන් 32,844 ක් පමණක් බව ජාතික විගණන කාර්යාලය නිකුත් කළ වාර්තාවක සඳහන් වේ.

ඇහැලියගොඩ ඕ.අයි.සී අභිරහස් ලෙස මරුට

ඇහැලියගොඩ පොලිස්ථානාධිපති ප්‍රධාන පොලිස් පරීක්‍ෂක ප්‍රියංකර ද සිල්වා මහාතා වෙඩි වැදිමෙන් 21දා අලුයම මියගොස් ඇති බව ඇහැළියගොඩ පොලිසිය පැවසුවේය.

ලලිත් කොතලාවල දිවි සැරිය නිම කරයි

හමාස් ප්‍රාණ ඇපයේ සිටි අම්මයි දුවයි නිදහස්

ඊශ්‍රායලයට පසුගිය 7 වැනිදා කඩා වැදි පහර දුන් අවස්ථාවේ, ගාසා හමාස් සටන්කාමීන් පැහැරගෙන ගොස් රදවන් සිටි ඇමෙරිකන්-ඊශ්‍රායල මවක සහ දියණියක නිදහස් කිරීමට එම සටන්කාමීන් කටයුතු කර තිබේ.

නර්තන ශිලිපිනී රැජිනී සෙල්වනායගම් දිවියට සමු දෙයි

දෙස් විදෙස් සුපතල ප්‍රවීණ නර්තන ශිල්පිනියක් වන රැජිණි සෙල්වනායගම් මහත්මිය අද රාත්‍රියේ අභාවප්‍රාප්ත වූවාය.

කැලණි සරසවි සිසුන් විරෝධතාවක

කැලනිය විශ්ව විද්‍යාලයේ මහා ශිෂ්‍ය සංගමයේ සිසුන් පිරිසක් මේ වන විට විශ්ව විද්‍යාල සරසවි මාවතේ කොළඹ නුවර මහා මාර්ගය අසල සිට උද්ඝෝෂණයක් පවත්වයි.

නාත්තන්ඩියේ අතුරුදහන් සිසුන් දෙදෙනා හමුවෙයි

දුම්කොළ සහ හුණු ලඟ තබාගෙන සිටියදී අසුවීමෙන් පසු විදුහල්පතිවරයා විසින් බැණවැදී අවවාද කිරීමෙන් පසු පෙරේදා සවස සිට අතුරුදහන්ව සිටි නාත්තන්ඩිය ප්‍රදේශයේ පාසලක 15 හැවිරිදි සිසුන් දෙදෙනා කුරුණෑගල පුත්තලම් පාරේ නිවසක රැඳී සිටියදී අද (20) සවස සොයාගත් බව මාරවිල මූලස්ථාන පොලීසිය පවසයි

පාර්ලිමේන්තු ගැටුම හොයන්න කමිටුවක්

පාර්ලිමේන්තුවේ සිදුවූ ගැටුම ගැන සොයා බලා වාර්තාවක් ලබාදීමට කමිටුවක් පත් කළ බව කතානායක මහින්ද යාපා අබේවර්ධන මහතා පාර්ලිමේන්තුවට නිවේදනය කළේය.

ගාසා බෝම්බවලට තල්ලු කළ යුතු අය මෙහෙ ඇවිත්

ගාසා තීරයේ බෝම්බවලට තල්ලු කළ යුතු අය විචාරයක් නැතුව පාර්ලිමේන්තු සම්ප්‍රදාය විනාශ කරමින් සිටින බව මාතර දිස්ත්‍රික් මන්ත්‍රී වීරසුමන වීරසිංහ මහතා පාර්ලිමේන්තුවේදී පැවසීය.

නඩු බඩු කාමරෙන් තඹ රෝල් පැන්නූ අයෙක් රිමාන්ඩ්

කොළඹ මහේස්ත්‍රාත් අධිකරණයේ අංක 2 අධිකරණයේ නඩු භාණ්ඩ ලෙස තැන්පත් කර තිබූ කිලෝග්‍රෑම් 08ක් බර තඹ කම්බි රෝල් තුනක් රැගෙන අධිකරණ පරිශ්‍රයේ ප්‍රධාන ගේට්ටුවෙන් පැනයාමට තැත්කළ දිවයිනේ ලියාපංදිංචි අපරාධකරුවෙකු ලබන 31 වැනිදා තෙක් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද (20) නියෝග කළේය.

ගලි බවුසරයක් ඇවිත් ඇඟේ පෙරලුනා

තමන් පාඩුවේ සිටින විට ගලි බවුසරයක් ඇවිත් ඇගේ පෙරලුණා යැයි අනුරාධපුර දිස්ත්‍රික් සමගි ජන බලවේගයේ මන්ත්‍රී රෝහන බණ්ඩාර මහතා පාර්ලිමේන්තුවේදී පැවසීය.