එසැණ පුවත්

ජපුර අනධ්‍යන සේවකයන්ට කඳුඵ ගෑස් ප්‍රහාරයක්

විශ්වවිද්‍යාල අනධ්‍යන සේවකයන් මුහුණදී සිටින ගැටලුවට විසඳුම් ඉල්ලා රට පුරා ක්‍රියාත්මක උද්ඝෝෂණ මාලාව යටතේ ශ්‍රී ජයවර්ධනපුර විශ්වවිද්‍යාල අනධ්‍යන සේවකයන් අද (18) දහවල් පැවැත්වූ උද්ඝෝෂණයට පොලිසිය කඳුඵ ගෑස් ප්‍රහාර එල්ල කර විසුරුවා හැරීය.

18 January 2024

සීනි ගොලුවන්ට මුදල් කමිටුවෙන් දොස්

සීනි වංචාවෙන් නැතිවූ මුදල් අදාළ සමාගම්වලින් නැවත අය කර ගැනීම සඳහා මුදල් අමාත්‍යාංශය සහ දේශීය ආදායම් දෙපාර්තමේන්තුව අපොහොසත් වීම සම්බන්ධයෙන් රජයේ මුදල් පිළිබඳ පාර්ලිමේන්තු කාරක සභාවේ දැඩි අප්‍රසාදය පළවිය.

18 January 2024

ජනපති ස්විට්සර්ලන්තයෙන් උගන්ඩාවට

ජනාධිපති රනිල් වික්‍රමසිංහ මහතා නොබැඳි ජාතීන්ගේ සමුළුවේ (NAM) 19 වැනි රාජ්‍ය නායක සමුළුවට සහ G77 සහ චීනය 3 වැනි දකුණු සමුළුව (3rd South Summit of the Group of 77 & China)ට සහභාගී වීම සඳහා අද (18) උගන්ඩාවට පැමිණියේය.

18 January 2024

පුංචි ඡන්දෙට බය ජනපති මහමැතිවරණය ගැන උදම් වනනවා

පළාත් පාලන මැතිවරණය හෝ පවත්වන්න කොන්දක් නොමැති ජනාධිපතිවරයා ප්‍රමුඛ ආණ්ඩුව මහ මැතිවරණ ජනාධිපතිවරණ ගැන පුරසාරම් දොඩන බව විපක්ෂ නායක සජිත් ප්‍රේමදාස මහතා ප්‍රකාශ කළේය.

18 January 2024

ධම්මික පෙරේරා එක්ක ජනපතිවරණ එකඟතාවක් නෑ

අත්දැකීම් නොමැති ජනාධිපතිවරයකු පත්කරගෙන රට නැවත අනතුරේ හෙලිය නොහැකි බව ආණ්ඩු පක්ෂ ප්‍රධාන සංවිධායක නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය.

18 January 2024

භාරතයේ වයලින් රජු දිවයිනට

ඉන්දියානු සම්භාව්‍ය වයලින් වාදනේ රජු ලෙස සැලකෙන ඉන්දීය සංගීතඥ ආචාර්ය අම්බ් සුබ්‍රමනියම් මහතා මෙරටට පැමිණ තිබේ.

18 January 2024

ජනාධිපති ස්විට්සර්ලන්ත ජනාධිපතිනිය හමුවෙයි

ජනාධිපති රනිල් වික්‍රමසිංහ මහතා සහ ස්විට්සර්ලන්ත ජනාධිපති වියෝලා ඇම්හර්ඩ් මහත්මිය ( Viola Amherd ) අතර හමුවක් ස්විට්සර්ලන්තයේ ඩාවෝස් නුවර පැවත්විණි . ලෝක ආර්ථික සමුළුවට සමගාමීව මෙම හමුව සිදු විය.

18 January 2024

විශ්වවිද්‍යාල අනධ්‍යන සේවකයෝ නැවතත් පාරට බසති

විශ්වවිද්‍යාල අනධ්‍යන සේවකයන් මුහුණදී සිටින ගැටලුවට විසඳුම් ඉල්ලා සෞන්දර්ය විශ්වවිද්‍යාලයේ අනධ්‍යන සේවකයෝ එම විශ්වවිද්‍යාල ඉදිරිපිට අද (18)) පෙරවරුවේ විරෝධතාවක නිරත වූහ.

18 January 2024

අඩුවට කුළු බඩු දෙන්න ’’සංස්ථාව’’ එකඟ වෙයි

ජීවන වියදමට යම් සහනයක් සැලසීම සඳහා රජයට අයත් කුළු බඩු හා ඒ ආශ්‍රිත නිෂ්පාදන අලෙවි මණ්ඩලය විසින් කුළුබඩු සහ වියළි ආහාර ද්‍රව්‍ය අවම මිල ගණන් යටතේ අලෙවි කිරීමට තීරණය කර ඇතැයි කෘෂිකර්ම සහ වැවිලි කර්මාන්ත අමාත්‍යාංශය පවසයි.

18 January 2024

සරසවි විරෝධතාව වළක්වන්නැයි කළ ඉල්ල‍ිම අධිකරණයෙන් ඉවතට

කොළඹ විශ්ව විද්‍යාලයේ මහා ශිෂ්‍ය සංගමය අද දින සංවිධානය කරන විරුද්ධතාවය හා පෙළපාළිය වළක්වන්නයි කුරුඳුවත්ත පොලිසිය කළ ඉල්ලීම කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද (18)ප්‍රතික්ෂේප කළේය.

18 January 2024

මාර්ග නීති කඩන්නන්ට තෙවන ඇසින් දඩ

කොළඹ නගර සීමාව තුළ සවිකර ඇති සීසීට්වී කැමරා පද්ධති මගින් රථවාහන වැරදි හඳුනාගෙන රියදුරන්ට දඩ කොළ නිකුත් කිරීමේ ක්‍රමවේදය විසි දෙවැනි දා සිට ක්‍රියාත්මක වන බව වැඩ බලන පොලිස්පති දේශබන්දු තෙන්නකෝන් මහතා පැවසීය.

18 January 2024

කෝපා සමෘද්ධියට දෙහි කපයි

විෂමාචාර සහ විවිධ දුෂණ අක්‍රමිකතාවල නිරත වූ සමෘද්ධි සංවර්ධන නිලධාරීන් පිරිසකට දඬුවම් ලබාදීම පැහැර හැරීම සම්බන්ධයෙන් රාජ්‍ය ගිණුම් පිළිබඳ පාර්ලිමේන්තු කාරක සභාව( කෝපා ) සමෘද්ධි සංවර්ධන දෙපාර්තමේන්තුවට දැඩි අප්‍රසාදය පළ කළේය.

18 January 2024

රැඟුම් පාලක මණ්ඩලයේ රැඟුම් ඉවරයි

ප්‍රසිද්ධ රැඟුම් පාලක මණ්ඩලය අහෝසි කොට ප්‍රසිද්ධ රැඟුම් වර්ගීකරණ මණ්ඩලය පිහිටුවන නව පනත් කෙටුම්පත ඒ සඳහා පත්කළ කමිටුව විසින් ජනාධිපති ලේකම් සමන් ඒකනායක මහතාට ජනාධිපති කාර්යාලයේදී බාර දුන්නේය.

18 January 2024

රිය අනතුරින් සිසුවා මරුට

යතුරු පැදියක් ලොරි රථයක පිටුපස ගැටිමේන් සිදුවු අනතුරින් 15 හැවිරිදි පාසල් සිසුවෙක් මරණයට පත්ව ඇති බව මදුරන්කුලිය පොලිසිය පවසයි.

18 January 2024

සිංගප්පූරු ඇමැති ධුරයෙන් ඉවත් වෙයි

දූෂණ චෝදනා එල්ල වීමත් සමඟ, සිංගප්පූරු කැබිනට් අමාත්‍ය සුබ්‍රමනියම් ඊශ්වරන් සිය ධුරයෙන් ඉල්ලා අස්විය. ඉන්දීය සම්භවයක් ඇති 61 හැවිරිදි සුබ්‍රමනියම් ඊශ්වරන්, 2021 සිට මේ දක්වා සිංගප්පූරුවේ ප්‍රවාහන අමාත්‍යවරයා ලෙස කටයුතු කළේය.

18 January 2024

වෙළෙඳ ගනුදෙනුවලට ඉන්දියා රුපියල

තාක්ෂණික සහයෝගීතාවයට සහ වෙළෙඳ ගනුදෙනු සඳහා ඉන්දීය රුපියල භාවිතයට ගෙන ඉන්දියාව සමඟ ආර්ථික සබඳතා ශක්තිමත් කරගන්නා බව ජනාධිපති රනිල් වික්‍රමසිංහ මහතා ස්විට්සර්ලන්තයේ දී පැවසීය.

18 January 2024

විදුලි බිල ගැන ජනමතය විමසීම ලබන සතියේ

විදුලි ගාස්තු සංශෝධන යෝජනාව සම්බන්ධයෙන් මහජන අදහස් ලබා ගැනීම ලබන සතියේ ආරම්භ කිරීමට මහජන උපයෝගීතා කොමිෂන් සභාව තීරණය කර ඇත.

18 January 2024

අතවර සිද්ධියකට කොස්තාපල්ගේ වැඩ තහනම්

කුඩා දරු දෙදෙනකුට ලිංගික අතවර කිරීම සම්බන්ධයෙන් අත්අඩංගුවට ගත් වාද්දුව පොලිසියට අනුයුක්ත කොස්තාපල්වරයාගේ රාජකාරී වැඩ තහනමට ලක් කළ බව පානදුර පොලිස් අධිකාරී කාර්යාලය කියයි

18 January 2024

යාල යළි විවෘත කරයි

අයහපත් කාලගුණය හේතුවෙන් පසුගියදා වසා තැබුණු යාල පලටුපාන ප්‍රධාන පිවිසුම් දොරටුව යලි විවෘත කල බව ඌව කලාපය භාර වනජීවි සහකාර අධ්‍යක්ෂ උපුල් ඉන්ද්‍රජිත් මහතා පැවසීය.

18 January 2024

කොළ හකුළුවන දළඹුවා වී වගාවට බැටදෙයි

වී වගාවේ කොළ හකුළුවන දළඹු වසංගතය දිවයිනේ ප්‍රදේශ ගණනාවක පැතිරෙමින් ඇති බව කෘෂිකර්ම දෙපාර්තමේන්තුව පවසයි.

18 January 2024

‘යුක්තිය’ තවත් 943 ක් අල්ලයි

යුක්තිය මෙහෙයුම යටතේ ගතවූ පැය 24ක කාලය තුළ සැකකරුවන් 943 දෙනෙකු අත්අඩංගුවට ගෙන ඇති බව මහජන ආරක්ෂක අමාත්‍යාංශය පවසයි.

18 January 2024

ජනපති-අයි.එම්.එෆ් ලොක්කන් අතර හමුවක්

ජනාධිපති රනිල් වික්‍රමසිංහ මහතා සහ ජාත්‍යන්තර මූල්‍ය අරමුදලේ කළමණාකාර අධ්‍යක්ෂිකා ක්‍රිස්ටලිනා ජෝර්ජි‍යේවා (Kristalina Georgieva) සහ නියෝජ්‍ය කළමණාකර අධ්‍යක්ෂිකා ගීතා ගෝපිනාත් (Gita Gopinath) යන මහත්මීන් අතර හමුවක් ස්විට්සර්ලන්තයේ දී සිදුවිය.

18 January 2024

රෝහල් සේවිකාවට පහර දුන් විශේෂඥ වෛද්‍යවරයා අත්අඩංගුවට

රෝහල් සුළු සේවිකාවකට පහරදීම සම්බන්ධයෙන් චෝදනා ලබා සිටින විශේෂඥ වෛද්‍යවරයා අද (18) අත්අඩංගුවට ගත් බව ගාල්ල පොලිසිය කියයි.

18 January 2024

හවුති සටන්කාමීන් ගෝලීය ත්‍රස්තවාදීන් - බයිඩන්

රතු මුහුදේ නාවික කටයුතුවලට බාධා කරමින්, නැව්වලට පහර දෙන, යේමනයේ ෂියා මුස්ලිම් හවුති සටන්කාමීන්, ගෝලීය ත්‍රස්තවාදීන් ලෙස නම් කිරීමට ඇමෙරිකන් ජනාධිපති ජෝ බයිඩන් කටයුතු කළේය.

18 January 2024

දකුණු පළාතේ කිරිපට්ටි 665ක් වහලා

දකුණු පළාතේ කිරිපට්ටි 665ක් ඉකුත් වර්ෂයේ (2023) ජනවාරි මස සිට සැප්තැම්බර් මස දක්වා කාලය තුලදි කිරි පට්ටි 665ක් වැසිගොස් ඇති බැව් දකුණු පළාත් සත්ව නිෂ්පාදන හා සෞඛ්‍ය දේපාර්තමේන්තුව පවසයි.

18 January 2024

‘යුක්තිය’ට මහා නාහිමිවරුගේ ආශිර්වාදය

කවර බලපෑම් හමුවේ වුවත් ‘යුක්තිය මෙහෙයුම’ නතර නොකරන ලෙස මල්වතු හා අස්ගිරි මහා නාහිමිවරු මහජන ආරක්ෂක අමාත්‍ය ටිරාන් අලස් මහතාට අනුශාසනා කළ බව මහජන ආරක්ෂක අමාත්‍ය පැවසීය.

18 January 2024

පාකිස්තානයත් ඉරානයත් ඇවිලෙයි

ඉරානයෙන් පාකිස්තානයට එල්ල වූ මිසයිල සහ ඩ්‍රෝන ප්‍රහාරයෙන් පසු, ඉරානයත් පාකිස්තානයත් අතරේ හිතවත්කම් පළුදු වී ඇතැයි විදෙස් මාධ්‍ය පවසයි.

18 January 2024

රාජකාරි පාසලේ දරුවන්ට ටියුෂන් කළ ගුරුවරු 51 ක් පාසලෙන් දොට්ට

මධ්‍යමපලාත් ආණ්ඩුකාරවරයා නිකුත් කර ඇති චක්‍රලේඛයට පටහැනි අයුරින් දරු දැරියන්ගෙන් මුදල් අයකර අමතර පංති පැවැත්වීම නිසා මධ්‍යම පලාතේ පාසැල්වල සේවයේ නියුතු ගුරුවර ගුරුවරියන් 51 දෙනෙකු ඔවුන් සේවය කළ පාසැල්වලින් වෙනත් පාසැල් වලට ස්ථාන මාරු කර යැවීමට මධ්‍යම පලාත් අධ්‍යාපන අමාත්‍යාංශ ලේකම්වරයා පියවර ගෙන තිබෙි.

18 January 2024