උසාවියට ඇඳුම සුදුසු නැතැයි කී කොස්තාපල්ට අඹුසැමි යුවල පහරදීලා

(සුමිත් පොතුපිටිය)

කළුතර මහේස්ත්‍රාත් අධිකරණයේ ප්‍රධාන දොරටුවේ රාජකාරි නියුතුව සිටී කොස්තාපල්වරයාට පහර දීම සම්බන්ධයෙන් අඹුසැමි යුවලක් අද අත්අඩංගුවට ගත්බව කළුතර දකුණ පොලිසිය පවසයි.

මෙසේ අත්අඩංගුවට ගෙන ඇත්තේ කළුතර, කිතුලාව ප්‍රදේශයේ පදිංචි අඹුසැම් යුවලක් බව පොලිසිය කීය.

සැකකරු කළුතර මහේස්ත්‍රාත් අධිකරණයේ පැවතී නඩුවකට පෙනී සිටීමට සිය බිරිඳ සමග පැමිණ ඇති අතර, ඔහු උචිත නොවන ඇඳුමකින් සැරසී ඇති බවට ප්‍රධාන දොරටුවේ සිටි කොස්තාපල්වරයා දැනුම් දීමෙන් පසු දෙදෙනා අතර ඇති වූ කතාබහකින් අනතුරුව පහරදීම සිදුව ඇති බව පොලිසිය කීය.

පහර කෑමට ලක් වූ කොස්තාපල්වරයා කළුතර ශික්ෂණ රෝහලේ ප්‍රතිකාර ලබන බවත්, සැකකාර යුවල ඇප මත මුදා හැර ඇති බවත් සදහන් වේ.

කළුතර මූලස්ථාන පොලිස් පරීක්ෂක රුවන් විජේසිංහ මහතා ගේ ප්‍රධානත්වයෙන් පරීක්ෂණ පවත්වති .

අදහස් (3)

උසාවියට ඇඳුම සුදුසු නැතැයි කී කොස්තාපල්ට අඹුසැමි යුවල පහරදීලා

Thushara Friday, 07 June 2024 08:57 PM

කොස්තාපල් ශුද්ධ සිංහලෙන් අවවාද කරන්න ඇති

: 0 2

Janaka Saturday, 08 June 2024 09:27 AM

උසාවියට පැමිනෙන විට ඈදියයුතු යයි සම්මත හෝ නියම කල ඇදුම් පැලදුම් තිබෙන බව නිස්චිතව සනාතකල හැකි නිවේදනයක් හෝ වෙනත් නීතිමය ප්‍රකාශයක් හෝ තිබේනම් සියලු දෙනාගේ දැනගැනීම පිනිස පලකරන මෙන් මේ පිලිබද දැනුමැති වගකිවයුතු නිලතල දරන අයගෙන් ඉල්ලා සිටිමි.

: 2 4

Krishan Saturday, 08 June 2024 09:45 AM

පොලිස් පාට් දාන්න යන්න ඇති එක දෙපිටින් යන්න දෙන්න ඇති මොකද පොලිසියේ අය ඔය ඇදුම දාගත්තම හිතන්නේ හිවලට සිංහ හමක් පොරව ගත්තා වගේ නිතිය හැමදෙයක්ම ලැබුනා වගේ කියලා ඔහොම වෙලා මදි ඔය යුනිෆොම් එක ඇදගෙන තමයි ඔක්කොම තිරිසන් වැඩ කරන්නේ

: 1 4