දිව්යමය හඬකින් ගීත ගයා දිව්යමය ලකුණු ලබාගත් නන්දා මාලිනී…
“සුනිල් ආරියරත්නයන් කියලා තියෙනවා අපේ රටේ සංගීතයෙන් ශ්රේණිගත කරන්න බැරි ගායක ගායිකාවන් හත් දෙනෙක් ඉන්නවා, ඒ w.d අමරදේව,රුක්මණී දේවී, ලතා වල්පොල,මොහිඳින් බෙග් වගේ අය අතුරින් නන්දා මාලනියත් එක් අයෙක් කියලා.”මටත් මේ කාරණය හොඳින් පසක් වුනේ පසු කාලෙක”. දැනට අනූඑක් වන වියේ පසුවන මහාචාර්ය සුනන්ද මහේන්ද්රයන් සිය අතීත ගුවන්විදුලි සංගීතයේ ආරම්භයේ ඇසුණු ඇගේ මිහිරි හඬේ මතක පොත වසර ගණනාවක් ආපසු පෙරලන්නට ආරම්භ කළේ වියපත් වූත් බොහෝම දුක්බර හඬකිනි.
