එසැණ පුවත්

එස්.ටී.එෆ් සුභසාධක කඩේ බඩු පිට කළැයි පොලිස් පරීක්ෂකවරියට ඇප

පොලිස් විශේෂ කාර්ය බලකායේ සුභ සාධක වෙළෙඳසල භාරව සිටිමින් රුපියල් ලක්ෂ තුනකට අධික වටිනාකමින් යුත් භාණ්ඩ අවසරයකින් තොරව බැහැර කිරීම හා පරිහරණය කරන ලදැයි කුරුඳුවත්ත පොලිසිය විසින් අත්අඩංගුවට ගනු ලැබූ පොලිස් පරීක්ෂකවරිය රුපියල් ලක්ෂ පහක ශරීර ඇපයක් මත මුදාහැරීමට කොළඹ ප්‍රධාන මහේස්ත්‍රාත් නන්දන අමරසිංහ මහතා ඊයේ(29) නියෝග කළේය

30 September 2022

දේශගුණ සෞභාග්‍ය සැලසුම එළිදකී

ලංකාවට අදාලව දේශගුණික සෞභාග්‍ය සැලසුම සකස් කිරීම පිළිබඳ මූලික සාකච්ඡාවක් දේශගුණික විපර්යාස පිළිබඳ ජනාධිපති ජ්‍යෙෂ්ඨ උපදේශක රුවන් විජයවර්ධන මහතාගේ ප්‍රධානත්වයෙන් පරිසර අමාතයාංශයේදී පැවැත්විණි .

30 September 2022

ඇෆ්ගන් පාසලකට මරාගෙන මැරෙන ප්‍රහාරයක්

ඇෆ්ගනිස්තානයේ කාබුල් අගනුවර ‘දාස්ත් ඊ බර්චී’ නමැති පළාතේ ෂියා මුස්ලිම් පාසලකට මරාගෙන මැරෙන බෝම්බ ප්‍රහාරයක් එල්ල වීමෙන් 19 දෙනෙක් ජීවිතක්ෂයට පත්වූහ. තුවාල ලැබූ ගණන 29 කි.

30 September 2022

විස්සයි 20 ලෝක ශූරයන්ට කෝටි 58 කට ත්‍යාගයක්

ඕස්ට්‍රේලියාවේදී ලබන මස 16 වැනිදා ආරම්භ වන විස්සයි20 ලෝක කුසලාන ක්‍රිකට් තරගාවලියේ (2022) ශූරයන්ට ඇමරිකානු ඩොලර් මිලියන 1.6 ක් හෙවත් රුපියල් කෝටි 58 කට ආසන්න මුදල් ත්‍යාගයක් පිරිනැමෙන බව අන්තර්ජාතික ක්‍රිකට් සභාව (අයි.සී.සී.) පවසයි.

30 September 2022

ලංකාවට ජාත්‍යන්තර විශ්ව විද්‍යාලයක් ගන්න මූලික පියවර තබයි

දේශගුණික විපර්යාස පිළිබඳ ජාත්‍යන්තර විශ්වවිද්‍යාලයක් ශ්‍රී ලංකාවෙි පිහිටුවන්නැයි ජනාධිපති රනිල් වික්‍රමසිංහ මහතා අද පෙරවරුවේ මැනිලා නුවරදී ආසියානු සංවර්ධන බැංකුවේ සභාපතිවරයා සමඟ පැවති සාකච්ඡාවේදී යෝජනා කළේය .

30 September 2022

කෝටි 17ක රත්තරන් තොගයක් කටුනායකදී අත්අඩංගුවට

රුපියල් කෝටි 17 ක් වටිනා කිලෝ ග්රැම් 08 යි ග්රැම් 500 ක් බරැති රත්තරන් තොගයක් , නීතිවිරෝධී ලෙස ශ්‍රී ලංකාවට රැගෙන එමින් සිටි ගුවන් මගීන් සිව් දෙනෙකු, කටුනායක ගුවන් තොටුපළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අද (30) දින උදෑසන අත් අඩංගුවට ගෙන ඇති බව රේගු මාධ්‍ය ප්‍රකාශක සුදත්ත සිල්වා මහතා පැවසීය .

30 September 2022

එක්සත් ජාතීන් සමඟ කටයුතු කළැයි ලාංකික ජනතාව පළිගැනීම්වලට ලක්වෙලා

මානව හිමිකම් සම්බන්ධයෙන් එක්සත් ජාතීන්ගේ සංවිධානය සමඟ සහයෝගයෙන් කටයුතු කිරීම නිසා ශ්‍රී ලංකාව ඇතුළුව ලොව පුරා රටවල් 42 ක ජනතාවට පළිගැනීම් සහ බිය ගැන්වීම්වලට මුහුණ දීමට සිදුව ඇතැයි එක්සත් ජාතීන්ගේ සංවිධානය නිකුත් කළ නවතම වාර්තාවේ දැක්වේ.

30 September 2022

අග්‍රහාර කාඩ්පත් අක්‍රියවී කෝටියක පාඩුවක්

රාජ්‍ය සේවකයන් සඳහා ක්‍රියාත්මක වන අග්‍රහාර රක්ෂණ අරමුදලේ කාඩ්පත් (2014 වර්ෂයේ ලද) සියල්ල අක්‍රිය තත්වයේ පැවතීම හේතුවෙන් එම කාඩ්පත් සහ යන්ත්‍ර සඳහා ගෙවන ලද රුපියල් කෝටියකට ආසන්න මුදලක් නාස්තිවී ඇතැයි ජාතික විගණන කාර්යාලය පවසයි.

30 September 2022

ආනයන සීමා ඉවත් කිරීමේ සූදානමක්

යම් යම් භාණ්ඩ වර්ග ආනයනය තාවකාලිකව අත්හිටුවමින් පනවා ඇති තහනම ප්‍රමුඛතාව මත වරින් වර ඉවත් කිරීමට රජය සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය.

30 September 2022

යුගදනවි-සොබාදනවි බලාගාර නිරීක්‍ෂණය කරති

මෙගාවොට් 300 ක විදුලි ධාරිතාවකින් යුත් යුගදනවි විදුලි බලාගාරයේ කටයුතු විදුලිබල හා බලශක්ති අමාත්‍ය කංචන විජේසේකර මහතා ඇතුළු පිරිසක් අද (30) නිරීක්ෂණය කළහ.

30 September 2022

දුම්රිය නියාමකයෝ වර්ජනය අත්හරිති

දුම්රිය නියාමකයන් අද (30) පෙරවරු 10.00 ට පමණ ආරම්භ කළ වෘත්තිය ක්‍රියාමාර්ගය මීට සුළු මොහොතකට පෙර අවසන් කළ බව දුම්රිය දෙපාර්තමේන්තුවේ උසස් නිලධාරියකු පැවසීය.

30 September 2022

‘සිපෙට්කෝ’ ඉන්ධන පිරවුම්හල් වර්ජනයකට සැරසෙයි

අළෙවියට සාපේක්‍ෂව පසුගිය වසරේ ගෙවූ වට්ටමෙන් කොටසක් බද්දක් ලෙස ඛනිජ තෙල් සංස්ථාව ඉන්ධන මිලදීගැනීමට තැන්පත් කරන මුදලින් අයකරගත හොත් ඉන්ධන ඇනවුම කිරීම නතර කරන බව ඛනිජ තෙල් බෙදුම්කරුවන්ගේ සංගමයේ සම ලේකම් කපිල නාඔටුන්න මහතා පැවසීය.

30 September 2022

රටපුරා සත්වෝද්‍යානවලට හෙට ඇතුළුවීම නොමිලේ

ලෝක ළමා දිනය හා ලෝක වැඩිහිටි දිනය නිමිත්තෙන් හෙට (01) සියලුම ළමයින්ට හා අවුරුදු 60ට වැඩි වැඩිහිටියන්ට සත්වෝද්‍යාන වලට නොමිලේ ඇතුළු වීමට හැකි බව කෘෂිකර්ම, වනජීවී හා වනසම්පත් සංරක්ෂණ අමාත්‍ය මහින්ද අමරවීර මහතා පවසයි.

30 September 2022

දුම්රිය නියාමකයන් හදිසි වර්ජනයක

දුම්රිය නියාමකයන් මීට සුළු මොහොතකට පෙර ආරම්භ කළ වෘත්තිය ක්‍රියාමාර්ගයක් හේතුවෙන් අද දිනයේ ධාවනය වීමට නියමිත දුම්රිය ප්‍රමාද වීමට හෝ අවලංගු වීමට ඉඩ ඇතැයි දුම්රිය දෙපාර්තමේන්තුව පවසයි.

30 September 2022

කුලියට ගෙයක් ගන්න ගිහින් අයිතිකාරියට පිහි පෙන්වා රන්බඩු කොල්ලකාලා

කුලියට නිවසක් ලබා ගැනීමේ මුවාවෙන් තලවතුගොඩ ප්‍රදේශයේ නිවසකට ඇතුළු වී නිවෙස් හිමිකාරිය ට පිහියක් පෙන්වා බිය ගන්වා පහරදී තුවාල සිදුකර අනතුරුව නිදි පෙති පොවා රුපියල් ලක්ෂ ගණනාවක රන් භාණ්ඩ කොල්ල කෑ කාන්තාවන් දෙදෙනෙකු ඇතුළු පුද්ගලයන් පස් දෙනෙකු අත්අඩංගුවට ගත් බව බස්නාහිර පළාත දකුණ අපරාධ කොට්ඨාසය කියයි

30 September 2022

අල්ලා ගත් පළාත් රුසියාවට ඈඳා ගැනෙයි

රුසියන් හමුදා විසින් අල්ලා ගනු ලැබූ යුක්රේන පළාත් 4 ක් රුසියාවට ඈඳා ගනිමින්, එම පළාත් නිල වශයෙන් රුසියාවේ කොටසක් වුණැයි නිවේදනය කිරීමට රුසියන් ජනාධිපති ව්ලැදිමීර් පුටින් සූදානම් වෙයි.

30 September 2022

පහළගමදී තරුණයකු ඝාතනය කළ සැකකරු පොලිස් වෙඩි පහරින් මරුට

ගම්පහ, පහළගම ප්‍රදේශයේදී ඉකුත් 20 වෙනිදින මංකොල්ලයක් සිදු කරමින් අයෙකු ඝාතනයට ලක් කළ පුද්ගලයා , පොලිස් නිලධාරීන්ට පහරදීමට යාමේදී වෙඩි ප්‍රහාරයකට ලක්ව අද අලුයම ජීවිතක්ෂයට පත්ව ඇතැයි පොලිසිය කියයි.

30 September 2022

නිරිත දිගට තරමක තද වැස්සක්

දිවයිනේ නිරිත දිග කොටසේ පවතින වැසි තත්වයේ වැඩිවීමක් අද (30) සහ ඉදිරි දින කිහිපයේ දී බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

30 September 2022

පිය-පුතු ඝාතනයේ සැකකරු වසර 32 කට පසු අල්ලයි

කිසිදු හෝඩුවාවක් දැන ගැනීමට ඉඩ නොතබා වසර 32 කට පෙර සිදුකළ පිය පුතු ඝාතනයක තොරතුරු අනාවරණය කරගත් පොලිසිය ඊට සෘජුවම සම්බන්ධ විශ්‍රමික හමුදා සෙබලෙක් අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය කියයි.

29 September 2022

පැය දෙකයි විනාඩි 20 ක විදුලි කප්පාදුව දික් වෙයි

පැය දෙකයි මිනිත්තු 20 ක විදුලි කප්පාදුව හෙට (30) දිනයේ ද ක්‍රියාත්මක කිරීමට අවසර දුන් බව මහජන උපයෝගිතා කොමිසමේ සභාපති ජනක රත්නායක මහතා අද (29) පස්වරුවේ පැවසීය.

29 September 2022

බඩු මිල වහා අඩු කරන්නැයි කොම්පඤ්ඤ වීදියේ උද්ඝෝෂණ

ජනතාව හාමතේ බඩු මිල වහා අඩු කරනු පැල්පතේ අපි කරුවලේ අපට භූමිතෙල් සොයා දියව් පෙට්රල් ඩීසල් මිල අඩු කර ජනතාවට සහන දෙනු ජනතාවනි එකතු වන්න පීඩනයට එරෙහි වන්න ඇතුළු සටන්පාඨ රසක් අතැතිව සමගි ජන බලවේගයේ මැද කොළඹ ආසනයේ සංවිධානය කළ උද්ඝෝෂණයක් අද 29 පස්වරුවේ කොම්පඤ්ඤ වීදිය හන්දියේ දී පැවති අයුරු එම අවස්ථාවට සමගි ජන බලවේගය පාර්ලිමේන්තු මන්ත්රී මුජුබර් රහුමාන් මහතා ද එක්ව සිටියහ

29 September 2022

වෛද්‍යවරුන්ගේ නොසැලකිල්ලෙන් ආබාධිතව ඉපදුන දැරියට කෝටි 3 ක් ගෙවන්න වෙයි

ගම්පහ රෝහලේ වෛද්‍යවරුන්ගේ සහ කාර් ය මණ්ඩලයේ නොසැලකිල්ල මත මවක ආබාධිත දරුවකු බිහි කොට ඇතයි තීන්දු කළ කොළඹ අතිරේක දිසා විනිසුරු කල්හාරී ලියනගේ මහත්මිය එම ආබාධිත දැරියට රුපියල් කෝටි 03 ක වන්දියක් ගෙවීමට රජයට නියම කළාය.

29 September 2022

හොරට තෙල් ගැසූ කොළඹ ෂෙඩ් එකක පොම්ප දෙකකට සීල්

ඔක්ටේන් 92 පෙට්‍රල් ලීටරයකින් රුපියල් 5.40 ක් වටිනා පෙට්‍රල් අඩුවෙන් නිකුත් කළ කොළඹ 7 පිහිටි ඉන්ධන පිරවුම්හලක ඉන්ධන පොම්ප දෙකක් මුද්‍රා තැබූ බව මහජන උපයෝගිතා කොමිසමේ සභාපති ජනක රත්නායක මහතා අද (29) පස්වරුවේ පැවසීය.

29 September 2022

ඔක්තොම්බර් 01 සිට නුවරට සුඛෝගභෝගී දුම්රියක්

කොළඹ කොටුව සිට මහනුවර අතර විශේෂ සුඛෝගභෝගී සති අන්ත දුම්රියක් පළවෙනිදා (1) සිට ධාවනය වන බව ජනමාධ්‍ය හා ප්‍රවාහන අමාත්‍ය ආචාර්ය බන්දුල ගුණවර්ධන මහතා පැවසීය.

29 September 2022

රණවීරගේ පුත්‍රයාට එරෙහිව සී.අයි.ඩි.යට පැමිණිල්ලක්

රාජ්‍ය අමාත්‍ය ප්‍රසන්න රණවීර මහතාගේ පුත්‍රයා ඇතුළු පිරිසක් කිරිබත්ගොඩ උපකාරක පංතියකදී පාසල් සිසුන් පිරිසකට පහරදුන්නේ යැයි කියන අවස්ථාවට රජයට අයත් වාහනයකින් පැමිණීම රාජ්‍ය දේපළ අවභාවිතා කිරීමක් බවත් ඒ පිළිබඳව අමාත්‍යවරයාට සහ පුත්‍රයාට එරෙහිව නීතිය ක්‍රියාත්මක කරන ලෙස ඉල්ලමින් සර්වපාක්‍ෂික අරගලකරුවෝ සංවිධානයේ මාධ්‍ය ප්‍රකාශක නිරාෂාන් විතානගේ මහතා අපරාධ පරීක්‍ෂණ දෙපාර්තමේන්තුවට අද (29) පැමිණිල්ලක් කළේය.

29 September 2022

ඇමතිවරු සතුටු කරන්න ජනතාව මර්ධනය කරනවා

ජනතා අවශ්‍යතාවයන් ඉටුකිරීම වෙනුවට ජනතාවට මර්ධනයත් මැති ඇමතිවරුන්ට සුඛ විහරණයත් ලබාදීම ආණ්ඩුවේ ක්‍රියාදාමය බව පාර්ලිමේන්තු මන්ත්‍රී හර්ෂණ රාජකරුණා මහතා කොළඹදී පැවසීය.

29 September 2022

අයවැය යෝජනාවෙන් වෛද්‍යවරුන් බාගයක් ගෙදර

අතුරු අයවැය යෝජනා අනුව රටේ සමස්ත ලියාපදිංචි වෛද්‍ය නිලධාරීන් 654 න් 350කට පමණ දෙසැම්බර් 31 වන විට විශ්‍රාමයාමට සිදුවන බව රජයේ ලියාපදිංචි වෛද්‍ය නිලධාරී සංගමය පවසයි.

29 September 2022

ජාතික සභාවට පක්ෂ තුනක් නැහැ

රටේ ප්‍රශ්න විසඳීම සඳහා පත් කෙරුණු ජාතික සභාව කමිටුවේ පළමු රැස්වීම කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී අද (29) පෙරවරුවේ පැවැත්වුණු අතර එම රැස්වීමට ශ්‍රී ලංකා නිදහස් පක්ෂය, ජාතික ජන බලවේගය සහ දෙමළ ජාතික සන්ධානය යන පක්ෂවල මන්ත්‍රීවරුන් සහභාගී නොවීම විශේෂත්වයකි.

29 September 2022