සයුරෙන් එතෙර

හමාස් අවසන් කරන්න ඇමෙරිකාවේ සහාය

ගාසා තීරයේ හමාස් සංවිධානය මුලිනුපුටා දමා, සම්පූර්ණ ජයගඟණයක් ලැබෙන තුරු සටන් කිරීමට ඊශ්‍රායලයට ඇමෙරිකා එක්සත් ජනපදයේ සහාය සහ අනුග්‍රහය හිමිවන බව ඊශ්‍රායල අග්‍රාමාත්‍ය බෙන්ජමින් නෙදන්යාහු පවසයි.

සෙලෙන්ස්කී සෞදියේ

අභ්‍යවකාශයට යන ඉන්දීය ගගනගාමීන් හඳුන්වා දෙයි

ඉන්දීය අභ්‍යවකාශ ආයතනය, මෙම වසරේ, ගගනගාමීන් සිවු දෙනකු අභ්‍යවකාශයට යැවීමට බලාපොරොත්තු වෙයි. ඒ, ඉන්දියාවේ නිෂ්පාදිත රොකට්ටුවක් සහ ගගන කැප්සියුලයක ආධාරයෙනි.

පල්ලියක වෙඩි තැබීමකින් 15 ක් මරුට

බටහිර අප්‍රිකාවට අයත්, බර්කිනා ෆාසෝ රාජ්‍යයේ, පල්ලියක සිදුවූ වෙඩි තැබීමකින් පුද්ගලයින් 15 දෙනෙක් ජීවිතක්ෂයට පත්වූහ. තවත් පස් දෙනකු පමණ තුවාල ලබා රෝහල්ගත කෙරුණු බව පැවැසිණි.

පන්ජාබ් මහ ඇමැති නවාස් ෂරීෆ් දියණිය මරියම්

පාකිස්තාන හිටපු අග්‍රාමාත්‍ය නවාස් ෂරීෆ්ගේ දියණිය, මරියාම් නවාස් ෂරීෆ්, එරට පන්ජාබ් ප්‍රාන්තයේ මහ ඇමැති ධුරයට පත්වූවාය. පන්ජාබ් ප්‍රාන්ත මහ ඇමැති ධුරයට කාන්තාවක පත්වුණු පළමු අවස්ථාව මෙයයි.

හංගේරියාවට නව ජනපතිවරයෙක්

හංගේරියානු පාර්ලිමේන්තුව රැස්වී නව ජනාධිපති ලෙස 67 හැවිරිදි ටමාස් සුල්යෝක් එම ධුරයට තෝරා පත් කර ගැනුණි.

ගාසා සටන් විරාමය ලබන සතියේ - බයිඩන්

ගාසා තීරයේ හමාස් සටන්කාමීන් සහ ඊශ්‍රායල රජය අතරේ නව සටන් විරාමයක් ලබන සඳුදා (4) ආරම්භ වනු ඇතැයි ඇමෙරිකන් ජනාධිපති ජෝ බයිඩන් පවසයි.

තුවාලු දූපත් රාජ්‍යයට නව අගමැතිවරයෙක්

තුවාලු දූපත් රාජ්‍යයේ පාර්ලිමේන්තු මන්ත්‍රීවරුන් රැස්වී නව අග්‍රාමාත්‍යවරයකු පත් කර ගත්තේය. අග්‍රාමාත්‍ය ධුරයට පත් කර ගැණුනේ එරට හිටපු නීතිපති ෆෙලේටී ටියෝය.

උත්සාහය අත්හරින්නේ නෑ

ඇමෙරිකන් ජනාධිපතිවරණයට පෙර, රිපබ්ලිකන් පක්ෂයේ ජනාධිපති ධුර අපේක්ෂකයා තෝරා ගැනීම වෙනුවෙන් දකුණු කැරොලිනා ජනපදයේ පැවැති ඡන්ද විමසුමෙන්, හිටලු ජනාධිපති ඩොනල්ඞ් ට්‍රම්ප්, ඔහුට අභියෝගයක් වී සිටින නිකී හේලී පහසුවෙන් පරාජය කළේය.

අලි ඇතුන් හදා වඩා ගැනීම තහනම්

අලි ඇතුන් අල්ලා ගෙනැවිත් හීලෑ කිරීම සහ උන් හදා වඩා ගැනීම තහනම් කරමින් එරට අධිකරණයක් තීන්දුවක් ලබා දී ඇත.

විරෝධතාකරුවෙක් ගිනි තියා ගනී

ඇමෙරිකාවේ වොෂින්ටන් අගනුවර, ඊශ්‍රායල තානාපති කාර්යාලය ඉදිරිපිට තරුණයකු ගිනි තබා ගත්තේය. ඒ, ඊශ්‍රායල ප්‍රහාරවලින්, ගාසා තීරයේ පලස්තීන සිවිල් වැසියන් මියයෑමට විරෝධය දැක්වීමක් ලෙසය.

රුසියන් යුක්රේන යුද්ධය දැන් ඇති - පාප්තුමා කියයි

රුසියන් යුක්රේන යුද්ධය වහා නවත්වා, රාජ්‍ය තාන්ත්‍රික විසඳුමකට යන්නැයි ශුද්ධෝත්තම ෆ්‍රැන්සිස් පාප්තුමා රුසියන් සහ යුක්රේන ජනාධිපතිවරුන්ගෙන් ඉල්ලීමක් කර ඇත.

වැඩ වර්ජනය අවසන්: අයිෆල් කුලුන යළි ඇරේ

දින හයක සේවක වැඩ වර්ජනයකින් පසු ප්‍රංශයේ අනන්‍යතාව සහ එරට පද්‍ධාන සංචාරක ආකර්ශණය ද වන අයිෆල් කුලුන යළි සංචාරකයන්ට විවෘත වී තිබේ.

රුසියන් ප්‍රහාරවලින් සෙබළු 31,000 ක් මැරිලා

රුසියන් යුක්රේන යුද්ධයට වසර දෙකක් ගතවී ඇති බවත්, එම වසර දෙකක කාලයේ රුසියන් හමුදා ප්‍රහාරවලින් යුක්රේන සෙබළුන් 31,000 ක් සහ සිවිල් වැසියන් 10,000 කට වැඩි පිරිසක් මියගොස් ඇතැයි යුක්රේන ජනාධිපති ව්ලොදිමීර් සෙලේන්ස්කී කියයි.

මෝදි මූදු පතුලේ පූජාවක

ඉන්දීය අග්‍රාමාත්‍ය නරේන්ද්‍ර මෝදි ගුජරාඨ ප්‍රාන්තයට ඔබ්බෙන් අරාබි මුහුදේ කිමිඳී, ක්‍රිෂ්ණා දෙවියන් වෙනුවෙන් විශේෂ පූජාවක් පැවැත්වීය.

සටන් විරාම සාකච්ඡා පැරිසියේදී

ගාසා තීරයේ ගැටුම් නිමා කිරීම සහ හමාස් සටන්කාමීන්ගේ ග්‍රහණයේ පසුවන ඊශ්‍රායල ප්‍රාණ ඇපකරුවන් නිදහස් කර ගැනීම සඳහා සටන් විරාම සාකච්ඡා ප්‍රංශයේ පැරිස් නුවරදී ආරම්භ විය.

හිරේ ඉන්න ඉම්රාන් ලිපියක් යවලා

දූෂණ චෝදනා සම්බන්ධයෙන් වසර 14 ක සිරදඩුවමක් විදින ’තරීක් ඊ ඉන්සාෆ්’ දේශපාලන පක්ෂයේ නායකයා මෙන්ම හිටපු අග්‍රාමාත්‍යවරයා ද වන ඉම්රාන් ඛාන්, ජාත්‍යන්තර මූල්‍ය අරමුදලට ලිපියක් යවා ඇත.

ඉරාන හමුදාව පාකිස්තානයේ මෙහෙයුමක

පාකිස්තානයේ ක්‍රියාත්මක සුන්නි මුස්ලිම් ජායිෂ් අල් අඩ්ල් සන්නද්ධ කණ්ඩායමේ සාමාජිකයන් පිරිසක් ඝාතනය කිරීමට ඉරාන හමුදාව පියවර ගෙන ඇත. ඒ, ඉරාන පාකිස්තාන දේශ සීමාවේ, පාකිස්තානයට අයත් ප්‍රදේශයේදීය

නවල්නිගේ දේහය මවට දෙයි

සිර දඩුවම් විදිමින් සිටියදී මියගිය, රුසියානු විපක්ෂ නායක අලෙක්සි නවල්නි ගේ දේහය ඔහුගේ මවට බාර දීමට රුසියානු බලධාරීන් එකඟ වී ඇත.

මකරකු වැනි සතකුගේ පොසිලයක්

වසර මිලියන 240ක් පමණ පැරණි සත්ත්වයකුගේ සම්පූර්ණ ෆොසිලයක් සොයාගෙන හමුවී ඇති බවත් පොසිලයේ පෙනුම අනුව එම සත්වයා මකරකු සිහි ගන්වන බවත් විදෙස් මාධ්‍ය පවසයි.

සඳට ගොඩබෑ යානයට අකරතැබ්බක්

ඇමෙරිකාවේ නාසා ආයතනය සමඟ එක් වී, එරට පෞද්ගලික තාක්ෂණ සමාගමක්, සඳට පතිත කළ ’ඔඩිසියස්’ නමැති චන්ද්‍ර යානයට අකරතැබ්බක් සිදුවී ඇත.‍

බොම්බයි මොටයි තහනමක්

ඉන්දියාවේ ප්‍රාන්ත කීපයක බොම්බයි මොටයි තහනම් කර ඇතැයි එරට මාධ්‍ය පවසයි.

මාර්ගෝපදේශ අනුගමනය කළොත් මරණ අඩුයි

ලෝක සෞඛ්‍ය සංවිධානයේ මාර්ගෝපදේශ, යුරෝපා රටවල් අනුගමනය කරන්නේ නම් සෑම වසරකම වායු දූෂණය හේතුවෙන් සිදුවන මරණ දෙලක්ෂ 38,000 ක් පමණ වළක්වා ගත හැකි බව යුරෝපා පරිසර ඒජන්සිය පෙන්වා දෙයි.

සිංහයාගේත් ධේනුවගේත් නම වෙනස් කරයි

උතුරු බෙංගාල සත්වෝද්‍යානයේ සිංහයකුට සහ සිංහ ධේනුවකට යෙදූ නම් සංශෝධනය කරන ලෙස, කොල්කටා මහාධිකරණය, බෙන්ගාල ප්‍රාන්ත රජයට නියෝගයක් නිකුත් කර ඇතැයි ඉන්දීය මාධ්‍ය පවසයි.

නාසා යානය සඳට ගොඩබායි

ඇමෙරිකාවේ නාසා ආයතනය, ‘ඉන්ටුයිටිව් මැෂීන්ස්’ නමැති පෞද්ගලික තාක්ෂණ සමාගම සමඟ එක් වී නිපදවා, සඳට යැවූ රොබෝ චන්ද්‍ර යානය, සඳට පතිත කෙරුණි.

රුසියාවට සම්බාධක දාන්න ඇමෙරිකාව සැරැසෙයි

රුසියන්, විපක්ෂ නායක ඇලෙක්සි නවල්නිගේ මරණයට රුසියන් ජනාධිපති ව්ලැදිමීර් පුටින් ප්‍රමුඛ රුසියන් රජය සම්බන්ධ යැයි චෝදනා නගමින්, ඇමෙරිකාව, රුසියාවට සම්බාධක පැනැවීමක් කිරීමට සූදානම් වෙයි.

ඊශ්‍රායල අගමැතිට පාර්ලිමේන්තුවේ සහාය

ඊශ්‍රායලයට අසාධාරණයක් වන ආකාරයට, පලස්තීනුවන් වෙනුවෙන් වෙනම රාජ්‍යයක් ස්ථාපිත කිරීමට තමන් ඉඩ නොදෙන බවට ඊශ්‍රායල අග්‍රාමාත්‍ය බෙන්ජමින් නෙදන්යාහු ගත් තීරණයට, එරට පාර්ලිමේන්තුවේ බහුතර සහාය හිමිවී තිබේ.

චාල්ස් රජුගේ සුවදුක් විමසයි

පිළිකා රෝගී තත්ත්වයකින් පෙළෙන බි්‍රතාන්‍යයේ තෙවැනි චාල්ස් රජු සහ බ්‍රිතාන්‍ය අග්‍රාමාත්‍ය රිෂී සුනාක් අතරේ හමුවක් බකිංහැම් මාලිගයේ දී සිදුවිය.