එසැණ පුවත්

බාල දැරියට අතවර කළ කෝප්‍රල් අත්අඩංගුවට

අවුරුදු අටක් වයසැති බාලවස්කාර දැරියකට ලිංගික අතවර කිරීම සම්බන්ධයෙන් යුධහමුදා කෝප්‍රල් වරයෙකු අද පස්වරුවේ අත්අඩංගුවට ගත්බව මොරොන්තුඩුව පොලිසිය පවසයි .

ව්‍යාපාරිකයාගේ නිවෙසින් ලක්ෂ 85 ක් අරන් පැන්න මෙහෙකරු මාට්ටු

බොරැල්ලෙ කෝටිපති ව්‍යාපාරිකයාගේ නිවසින් රුපියල් ලක්ෂ 85 ක මුදලක් සොරාගෙන ත්‍රීරෝද රථයකින් යමින් සිටි මෙහෙකාර සේවකයා පොලිසියට හසු විමෙන් අනතුරුව එම මුදල් සියල්ල පොලිසියට අල්ලස් ලෙස ලබාදීමට උත්සහ කිරීමේදී අත්අඩංගුවට ගත් බව බොරැල්ල පොලිසිය කියයි

ඔස්ට්‍රේලියාවට ලකුණු 213 ක ඉලක්කයක්

ලෝක කුසලාන එක්දින ක්‍රිකට් තරගාවලියේ දකුණු අප්‍රිකාව සහ ඕස්ටේ්‍රලියාව අතර කොල්කටාහිදී දැන් පැවැත්වෙන දෙවැනි අවසන් පූර්ව තරගයේ පළමුව පන්දුවට පහර දුන් දකුණු අප්‍රිකානු පිල ඕවර 49.4 කදී ලකුණු 212 කට සීමාවිය.

දහදාහක් වැඩි කළාම 13,200ක් බදු ගෙවන්න වෙලා

රජයේ සේවකයන්ට රුපියල් දහදාහක් දුන් නමුත් ඔවුන්ට රුපියල් 13200ක් බදු ගෙවන්නට සිදුවී ඇති බව සමගි ජන බලවෙිගයේ කුරුණෑගල දිස්ත්‍රික් මන්ත්‍රී අශෝක් අබෙිසිංහ මහතා පාර්ලිමේන්තුවේ දී පැවසීය.

පෙම් හබයකින් හිමිනමක් කොස්තාපල්ට පිහියෙන් ඇනලා

භික්ෂුන් වහන්සේ නමක විසින් අද සවස දෙනියාය පොලිසියට අනුයුක්තව රාජකාරි කරනු ලබන කොස්තාපල්වරයෙකුගේ ගෙල කපා බර පතල තුවාල සිදු කර ඇතැයි දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාර්යාලය පවසයි.

පිය - පුතු වලිය මෝටර් රථ දෙකෙන් වන්දි ගෙවලා

බේරුවල ප්‍රදේශයේ කෝටිපති ව්‍යාපාරිකයකු හා ඔහුගේ පුතා අතර ඇති වු අමනාපයක් මුල්කරගෙන ඔවුන් දෙදෙනා විසින් පැදවු මෝටර් රථ දෙක බේරුවල නගරයේ දී ඊයේ (16) අලුයම මුහුණට මුහුණ හප්පාගෙන ඇති බව පොලිසිය පවසයි.

ජනපති මාලදිවයිනට

මාලදිවයිනේ අභිනව ජනාධිපති ආචාර්ය මොහොමඩ් මුයිසු මහතාගේ පදවි ප්‍රාප්ති උත්සවයට සහභාගී වීම සඳහා ජනාධිපති රනිල් වික්‍රමසිංහ මහතා මීට සුළු මොහොතකට පෙර මාලදිවයින බලා පිටත්ව ගියේය.

‘ඔන්මැක්ස් ඩීටී’ අධ්‍යක්ෂවරුන් පස් දෙනා ඇප මත මුදාහරියි

නීති විරෝධී අන්දමින් පිරමීඩාකාර ගනුදෙනුවල මුදල් ගනුදෙනු කළැයි රක්ෂිත බන්ධනාගාර ගත කර සිටි ‘ඔන්මැක්ස් ඩීටී’ පුද්ගලික සමාගමේ අධ්‍යක්ෂවරුන් පස්දෙනා එක් අයකුට රුපියල් ලක්ෂ 100 බැගින් වූ ශරීර ඇප තුනක් මත මුදා හැරිමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද (16) නියෝග කළේය.

නැව ගිලෙද්දී පැනපු මීයො දැන් කයිවාරු ගහනවා

’’රනිල් අනාවැකි කියනකොට මට බයයි’’

ජනාධිපති අනාවැකියත් කිව්වොත් බොහෝ විට සිදුවන්නේ ඒ අනාවැකියේ අනෙක් පැත්ත හෙයින් අයවැය කතාව අහනකොට තමාට මහා බියක් ඇති වූ බව පොදුජන පෙරමුණේ කොළඹ දිස්ත්‍රික් මන්ත්‍රී උදය ගම්මන්පිල මහතා පාර්ලිමේන්තුවේදී පැවසීය.

කෝටි 11ක රත්තරන් ජෙල් රේගුවේ දී මාට්ටු

රුපියල් කෝටි එකොළහක් වටිනා රත්තරන් ජෙල් කරල් 16 ක් ගුවන් මගියෙක් කටුනායක ගුවන් තොටුපොළ රේගු නිලධාරීන් විසින් අද අලුයව අත්අඩංගුවට ගනු ලැබීය.

ව්‍යායාම කරන්න ගිහින් බලන්සය කැඩි මරුට

බලන්සයක් ආදාරයෙන් ව්‍යායාම කරමින් සිටි තරුණයකු බලන්සය ලිස්සා ගොස් එහි කොටසක් ගෙලට වැදි කැපිමේන් තරුණයකු මරණයට පත්ව ඇති බව පුත්තලම මුලස්ථාන පොලිසිය කියයි.

කෝටි 6ක මත්ද්‍රව්‍ය රේගුව අල්ලයි

රේගු ආදායම් අධීක්ෂණ ඒකකය රුපියල් කෝටි 6 කට අධික වටිනාකමින් යුත් කුෂ් මත්ද්‍රව්‍ය කිලෝග්‍රෑම් 6 ප්‍රමාණයක් සොයා ගත් බව රේගු මාධ්‍ය ප්‍රකාශක, සීවලී අරුක්ගොඩ මහතා පැවසීය.

පාර්ලිමේන්තුවෙන් නොවන්නේ පාර්ලිමේන්තුවේ වැඩ විතරයි

පාර්ලිමේන්තුවෙන්, පාර්ලිමේන්තුවේ වැඩ කටයුතු හැර අනෙක් සියල්ලම ඉටුවෙන බව එක්සත් ජාතික පක්ෂ මන්ත්‍රී වජිර අබේවර්ධන මහතා පාර්ලිමේන්තුවේදී පැවසීය.

පොල් වැවිලි බෝගයක් කරන්නැයි ඉල්ලයි

පොල් වගාව අපනයනය වැවිලි භෝගයක් ලෙස නම් කරන්නැයි පොල් වගාකරුවන්ගේ සංගමය කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතාගෙන් ඉල්ලා තිබේ.

ගේ අස්සේ නිධන් සෙවූ තුනක් මාට්ටු

උහන ගලපිටගල 32 ජනපදයේ සිදු කළ මෙහෙයුමක දී, නිවසක් පිටුපස පුරාවස්තු සෙවීමේ අරමුණෙන් පොලව කැණීම් කරමින් සිටි බවට සැකකරන පුද්ගලයන් තිදෙනෙකු, පොලව කැණීම සදහා රැගෙන පැමිණි බවට සැකකරන අලවංගු, ෂවල්, විදුලි ඩ්‍රිල් එකක්, වයර්, ඩෙටනේටර්, වෙඩි බෙහෙත්, වතුර මෝටරයක්, ගල් විදින කටු සහ ඔවුන් පැමිණි මිටෂුබිෂි වර්ගයේ ජීප් රථයක් සමග අත්අඩංගුවට ගත්බව උහන පොලිසිය පවසයි.

’’ ඒ පුත්‍රයා එතුමාගේ ප්‍රවෘත්ති ලේකම්’’

විපක්ෂ නායක සජිත් ප්‍රේමදාස මහතාට කෝප් කමිටුවට සහභාගී වන්නට නොදීම වැරදි බව කතානායක මහින්ද යාපා අබේවර්ධන මහතා පාර්ලිමේන්තුවේදී පැවසීය.

සභාපතිගෙ පුතා ආවේ ස්ථාවර නියෝග අනුව

කෝප් කමිටුව සදහා එහි සභාපතිවරයාගේ පුත්‍රයා සහභාගී වී ඇත්තේ ස්ථාවර නියෝග අනුව බව ආණ්ඩු පක්ෂ ප්‍රධාන සංවිධායක අමාත්‍ය ප්‍රසන්න රණතුංග පැවසීය.

සභාපතිගේ පුතා කෝප් කමිටුවේ වාඩිවුනේ කොහොමද?

දඹුල්ලේ ශීත ගබඩාව වටේ බලෙන් අල්ලගෙන

දඹුල්ලේ පටන් ගත් ලංකාවේ පළමු වැනි උෂ්ණත්වය පාලන ගබඩාව වටා පිහිටි ඉඩම් ටික බලෙන් අල්ලා ගන්නට පටන් ගෙන ඇතැයි සමගි ජන බලවේගයේ කොළඹ දිස්ත්‍රික් මන්ත්‍රී ආචාර්ය හර්ෂ ද සිල්වා මහතා පාර්ලිමේන්තුවේදී පැවසීය.

වෙහෙරගොඩ පාසලේ සිද්ධිය ගැන සොයන්න කමිටුවක්

වැල්ලම්පිටිය වෙහෙරගොඩ කනිෂ්ඨ විද්‍යාලයේ කොන්ක්‍රීට් තාප්පයක් කඩා වැටී සිසුවියක මියගොස් සිසුන් හය දෙනකු තුවාල ලැබීමේ සිද්ධිය සම්බන්ධයෙන් පළාත් අධ්‍යාපන අධ්‍යක්ෂකගේ ප්‍රධානත්වයෙන් පස්දෙනෙකුගෙන් යුත් කමිටුවක් පත්කර ඇතැයි අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පාර්ලිමේන්තුවේදී අද (16) පැවසීය.

අගමැතිගෙන් විපක්ෂයට විශේෂ ඉල්ලීමක්

සැකයන් මත තීරණය ගත් ගත්ත කාලය අවසන් කරන්නැයි පාර්ලිමේන්තුවේ විපක්ෂයෙන් ඉල්ලා සිටින බව අග්‍රාමාත්‍ය දිනේෂ් ගුණවර්ධන මහතා පාර්ලිමේන්තුවේදී පැවසීය.

ඇමති රොෂාන් ආරක්ෂාව ඉල්ලයි

ක්‍රිකට් ආයතනයේ බලධාරීන් විවිධාකාරයේ තර්ජනාත්මක ප්‍රකාශ කර ඇති හෙයින් තමාගේත් පවුලේ සාමාජිකයන්ගේත් ආරක්ෂාව තහවුරු කරන ලෙස ක්‍රීඩා අමාත්‍ය රොෂාන් රණසිංහ මහතා කතානායක මහින්ද යාපා අබේවර්ධන මහතාගෙන් පාර්ලිමේන්තුවේදී අද (16) ඉල්ලීමක් කළේය.

හොරෙන් කැනඩාවට යන්න ආ ලාංකිකයා මාට්ටු

කූඨ ලෙස සකස් කළ කැනේඩියානු වීසා බලපත්‍රයක් උපයෝගී කර ගනිමින් ඩුබායි ඔස්සේ කැනඩාවට පළා යාමට තැත් කළ ශ්‍රී ලාංකිකයෙකු ආගමන විගමන දේශසීමා ආවේක්ෂණ ඒකකයේ නිලධාරීන් පිරිසක් විසින් අද(16) අත් අඩංගුවට ගෙන තිබේ .

බංග්ලාදේශ පාර්ලිමේන්තු මැතිවරණය ජනවාරි 7 වැනිදා

බංග්ලාදේශ පාර්ලිමේන්තු මැතිවරණය ලබන ජනවාරි 7 වැනිදා පැවැත්වෙනු ඇතැයි එරට මැතිවරණ කොමිසම නිවේදනය කළේය.

ඊශ්‍රායලයට එරෙහිව තවත් යෝජනාවක්

මානුෂීය හේතූන් සැලකිල්ලට ගනිමින්, ඊශ්‍රායල හමාස් ගැටුම්වලට මැදි වී අසරණ වුණු ගාසා තීරයේ පලස්තීන වැසියන්ට ආරක්ෂිතව ගාසා තීරයෙන් පිටවී යෑමට ඉඩ ලබා දෙන්නැයි ඊශ්‍රායලයට බල කරමින් එක්සත් ජාතීන්ගේ ආරක්ෂක මණ්ඩලයට තවත් යෝජනාවක් ඉදිරිපත් විය.

සිරියානු ජනපති අසාද් අත්අඩංගුවට ගන්න වරෙන්තු

ජාත්‍යන්තර ප්‍රජාව විසින් තහනම් කරනු ලැබූ රසායනික අවි යොදාගෙන සිරියානු සිවිල් වැසියන් අමු අමුවේ ඝාතනය කර, මනුෂ්‍යත්වයට එරෙහිව අපරාධ සිදු කළේ යැයි චෝදනා නගමින්, ප්‍රංශ රජය සිරියානු ජනාධිපති බෂාර් අල් අසාද්, ඔහුගේ සොහොයුරා සහ සිරියානු රජයේ ජ්‍යෙෂ්ඨ හමුදා නිලධාරීන් දෙදෙනකු අත්අඩංගුවට ගැනීමට ජාත්‍යන්තර වරෙන්තු නිකුත් කර තිබේ.

බයිඩන්-ජින්පින් පැය 4 ක් කතා කරලා

ඇමෙරිකා ජනාධිපති ජෝ බයිඩන් සහ චීන ජනාධිපති ෂී ජින්පින් අතර හමුවක් පැවැත්විණි. ඇමෙරිකාවත් චීනයත් අතර පළුදු වුණු සබඳතා යළි ශක්තිමත් කර ගනිමින්, දෙරට අතර හමුදා සහයෝගීත්වයක් පවා වර්ධනය කර ගැනීමට හැකි වුණු බව ඇමෙරිකන් ජනාධිපති බයිඩන් පසුව පැවැසීය. යහපත් සබඳතා වර්ධනය වූයේ පැය 4 ක් තිස්සේ පැවැති සාකච්ඡාවලින් පසුවය.