එසැණ පුවත්

දීඝවාපී පුදබිම ජලයෙන් යටවෙයි

පවතින ගංවතුර තත්වය සමග දිඝවාපි පුදබිම ජලයෙන් වටවි තිබෙන බව දිඝවාපි විහාරාධිපති මහඔය සෝභිත හිමියන් පැවසිය.

11 January 2024

ඒක පාටියක් නෙවෙයි

වරායේ පැවැත්වුණේ පාටියක් නොව මන්ත්‍රීවරුන්ගේ නිරීක්ෂණ චාරිකාවක් බව වරාය නාවික සහ ගුවන් සේවා රාජ්‍ය අමාත්‍ය ප්‍රේමලාල් ජයසේකර මහතා පාර්ලිමේන්තුවේදී අද (11) පැවසීය.

11 January 2024

ජනපතිට වැඩියෙන්ම කෝල් දෙන අය ගැන හෙළිදරව්වක්

ජනාධිපති රනිල් වික්‍රමසිංහ මහතාට එන දුරකථන ඇමතුම් ලැයිස්තුව ගෙන බැලුවහොත් වැඩිම ඇමතුම් ලැබෙන්නේ සජබෙන් බව පොදු ජන පෙරමුණේ මහනුවර දිස්ත්‍රික් මන්ත්‍රී මහින්දානන්ද අලුත්ගමගේ මහතා පාර්ලිමේන්තුවේදී පැවසීය.

11 January 2024

’’හාල්මැස්සෝ ‌නැතුව තෝරු මෝරු අල්ලන්න’’

වැඩ බලන පොලිස්පති සහ පොලිස් ඇමැති රට තුළ ක්‍රියාත්මක කරන යුක්තියේ මෙහෙයුම මගින් මත්ද්‍රව්‍ය ජාවාරම් වලට සම්බන්ධ හාල්මැසන් වෙනුවට හැකිනම් තෝරු මෝරු අත්අඩංගුවට ගන්නැයි ඉල්ලා සිටින බව සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා කොළඹදී පැවැසීය.

11 January 2024

ලූනු ගෙඩියක්, කැරට් අලයක් අරගෙන යන ජනතාව ගැන දුකයි

ආර්ථිකය හරියට කළමනාකරණය නොකළොත් රටේ සියලු ජනතාවට ටින් එකක් අරගෙන රටවල් ගානේ ගොස් සිඟා කන්නට සිදුවනු ඇතැයි සංචාරක රාජ්‍ය අමාත්‍ය ඩයනා ගමගේ මහත්මිය පාර්ලිමේන්තුවේදී පැවසුවාය.

11 January 2024

ආණ්ඩුවේ සංවර්ධන වැඩ ජුලි 31ට පෙර අවසන් කරන්න

දිස්ත්‍රික් සම්බන්ධීකරණ කමිටු මගින් සිදු කෙරෙන සංවර්ධන හා සුබසාධන කටයුතු ජූලි මස 31 වැනිදාට පෙර අවසන් කරන්නැයි අග්‍රාමාත්‍ය දිනේෂ් ගුණවර්ධන මහතා සියලුම ආණ්ඩුකාරවරුන්ට හා දිස්ත්‍රික් ලේකම්වරුන්ට උපදෙස් දුන්නේය.

11 January 2024

මන්ත්‍රීවරුන්ට මේ අවුරුද්දේ විමධ්‍යගත මුදල් නැහැ

පාර්ලිමේන්තු මන්ත්‍රීවරුන් කිසිවකුටත් මේ වර්ෂයේදීත් විමධ්‍යගත මුදල් වෙන් කර නැතැයි ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග මහතා පාර්ලිමේන්තුවේදී අද (11) පැවසීය.

11 January 2024

මීනගයා - උදය දේවී අවලංගුයි

කොළඹ කොටුව දුම්රිය ස්ථානයෙන් හෙට(12) පෙරවරු 06.05 ට මඩකලපුව හා ත්‍රිකුණාමලය බලා ධාවනය වන උදය දේවී සීඝ්‍රගාමී දුම්රිය සහ මඩකලපුව සිට කොළඹ කොටුව බලා ධාවනය වන දුම්රිය අවලංගු කිරීමට දුම්රිය දෙපාර්තමේන්තුව පියවර ගනු ලැබීය.

11 January 2024

දරුවන් -කතුන් 28 ලක්ෂයකට හරි කෑමක් නෑ

කාන්තාවන් සහ ළමුන්ගෙන් විසි අට ලක්ෂයක් පෝෂණ ඌනතාවයෙන් පෙළෙන බව යුනිසෙෆ් සංවිධානය පවසා ඇතැයි සමගි ජන බලවේගයේ ගාල්ල දිස්ත්‍රික් මන්ත්‍රී ගයන්ත කරුණාතිලක මහතා පාර්ලිමේන්තුවේ දී පැවසීය.

11 January 2024

සජබ 30 වැනිදා පාරට බසී

වැට් වැඩි කළාට විරුද්ධව ලබන 30 වැනිදා ජනතාව පාරට බස්සන බව සමගි ජන බලවේගයේ කොළඹ දිස්ත්‍රික් මන්ත්‍රී එස්.එම් මරික්කාර් මහතා පාර්ලිමේන්තුවේ දී පැවසීය.

11 January 2024

ක්‍රිකට් තහනම අවසන්

අන්තර්ජාතික ක්‍රිකට් සභාව (අයි.සී.සී.) ශ්‍රී ලංකා ක්‍රිකට් සාමාජිකත්වය අත්හිටුවමින් පනවා ඇති තහනම ලබන පෙබරවාරි මස 15 වැනිදාට පෙර ඉවත්කරනු ඇතැයි විශ්වාස කරන බව සංචාරක හා ඉඩම්, ක්‍රීඩා හා යෞවන කටයුතු අමාත්‍ය හරීන් ප්‍රනාන්දු මහතා අද (11) පස්වරුවේ පැවසීය.

11 January 2024

පොලීසියට භූමිතෙල් බෝම්බගැසූ දෙකක් අල්ලයි

යාපනය, කයිට්ස් මණ්ඩතිව් හි පොලිස් මුරපොලෙ රාජකාරියෙ නිරත පොලිස් නිලධාරීන් ඉලක්කකොට භූමිතෙල් බෝම්බ ප්‍රහාරයක් එල්ලක‍ළ දෙදෙනකු අත්අඩංගුවටගත් බව කයිට්ස් පොලිසිය කියයි.

11 January 2024

ආදි වාසීන්ට පනත් පොජ්ජක්

ආදිවාසී ජනතාවට දීර්ඝ කාලීනව පවතින ගැටළු රැසකට විසදුම් ලබාදීම සදහා නව රෙගුලාසි පද්ධතියක් සහ නව පනතක් සකස් කිරීමේ කටයුතු ජනවාරි 23 වැනිදා වන විට අවසන් කරන ලෙස අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය විජයදාස රාජපක්ෂ මහතා ඒ සදහා පත් කළ කමිටුවට අද (11 ) උපදෙස් ලබා දුන්නේය.

11 January 2024

හිටපු යුද හමුදා සාමාජිකයාගේ ඝාතනයට අයෙක් සැකපිට

පොලිස් විශේෂ කාර්ය බළකායේ නිලධාරීන් ලෙස යතුරුපැදියකින් පැමිණි දෙදෙනකු විසින් පැහැරගෙන ගොස් වෙඩි තබා ඝාතනය කළ හිටපු යුද හමුදා සාමාජිකයකු වන බුද්ධික ප්‍රසාද් නොහොත් පැට්ටා යන අයගේ ඝාතනය සම්බන්ධයෙන් සැකපිට එම ප්‍රදේශයේ ම පදිංචි කාන්තාවක් අද (11) අත් අඩංගුවට ගෙන ප්‍රශ්න කරන බව නවගමුව පොලිසියේ උසස් නිළධාරියෙකු පැවසීය

11 January 2024

’’තරුණයන්ට රැකියා නැහැ නමුත් ටින් අංක දෙනවා’’

ට්න් අංකය තරුණයන්ට මහ වදයක් බව විපක්ෂයේ ප්‍රධාන සංවිධායක නීතිඥ ලක්ෂ්මන් කිරිඇල්ල මහතා පාර්ලිමේන්තුවේදී අද (11) පැවසීය.

11 January 2024

සුද්දො ඇවිත් වැට් නොගෙවා අපේ සල්ලි රට පටවනවා

ලංකාවට එන විදේශිකයන් අවන්හල් (Restaurants)අරඹා වැට් හෝ කිසිදු බද්දකට යටත් නොවී විශේෂිත යන්ත්‍රයක් භාවිත කරමින් කෝටි ගණන් මුදල් විදේශයන්ට අදිමින් සිටින බව සමගි ජන බලවේගයේ කෑගල්ල දිස්ත්‍රික් මන්ත්‍රී කබීර් හෂීම් මහතා පාර්ලිමේන්තුවේදී පැවසීය.

11 January 2024

ජනපති මැද පෙරදිග තානාපතිවරුන් කැඳවයි

මැදපෙරදිග රටවල් 10 ක තානාපතිවරුන් සමඟ ජනාධිපති රනිල් වික්‍රමසිංහ මහතා හමුවක් කැඳවා තිබේ.

11 January 2024

මුහුදේ පාටිය මෘග ක්‍රියාවක්

රට බංකොලොත්වී දරුවන් කන්න නැතුව සිටිනා මොහොතක ආණ්ඩුවේ මන්ත්‍රීවරුන් පිරිසක් විස්කි බිබී මුහුද මැද පාටියක් දැමීම මහ මෘග ක්‍රියාවක් බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (11) පැවසීය.

11 January 2024

රෝහල්වලට යුද හමුදාව යොදවයි

සුළු සේවක වර්ජන හේතුවෙන් දිවයින පුරා රෝහල්වල අඩාල වන සෞඛ්‍ය සේවා යථා තත්ත්වයට පත්කිරීම සදහා යුද හමුදා භට පිරිස් යොදවා තිබේ.

11 January 2024

පැපුවා නිව් ගිනියාවේ ප්‍රචණ්ඩ ක්‍රියා ඔඩුදුවයි

වැටුප් කප්පාදුවක් හේතුවෙන්, පැපුවා නිව් ගිනියාවේ, මෝස්බි්‍ර අගනුවර, ප්‍රචණ්ඩ ක්‍රියා ආරම්භ වී තිබේ. විදෙස් මාධ්‍ය වාර්තා කළේ, ප්‍රචණ්ඩ ක්‍රියා හේතුවෙන් පුද්ගලයන් අට දෙනකු ජීවිතක්ෂයට පත්වුණු බවත්, 10 දෙනකු තුවාල ලැබූ බවත්ය.

11 January 2024

ත්‍රස්තයෝ එ.ජා. හෙලිකොප්ටරයක් අල්ලා ගනිති

සෝමාලියාවේ මෙහෙයුම්වල නියැලෙන එක්සත් ජාතීන්ගේ සංවිධානයට අයත් හෙලිකොප්ටරයක් අල්ලා ගැනීමට එරට ප්‍රචණ්ඩ ක්‍රියා සිදු කරන ‘අල් ෂෙබාබ්’ ඉස්ලාමීය ත්‍රස්තයෝ සමත් වූහ.

11 January 2024

ඊශ්‍රායලය ගාසා තීරයේ ජනසංහාර කරනවා

ඊශ්‍රායලය, ගාසා තීරයට පහර දෙමින්, ජනසංහාර සිදු කරනවා යැයි දකුණු අප්‍රිකාව, ජාත්‍යන්තර අපරාධ අධිකරණයට පැමිණිලි කර තිබේ. එම පැමිණිල්ල සම්බන්ධයෙන් නඩු විභාගයක් පැවැත්වීමට ද නියමිතය.

11 January 2024

ඩ්‍රෝනවලින් වී වැපිරීම යල කන්නයේ අරඹයි

වී වගාව සඳහා ඩ්‍රෝන් යන්ත්‍ර උපයෝගි කර ගැනීමේ වැඩ සටහන මෙවර යල කන්නයේ දී පළමුවරට අරඹන බව කෘෂිකර්ම අමාත්‍යාංශය පවසයි.

11 January 2024

රබර් වගාවට දිලීර රෝගයක්

අධික වර්ෂාව මෙන්ම හිරු එළිය නිසි පරිදි නොලැබීම හේතුවෙන් රබර් වගාවේ දිලීර රෝගයක් ව්‍යාප්තවෙමින් ඇති බව රබර් පර්යේෂණ ආයතනය පවසයි.

11 January 2024

අම්පාරේ පවුල් 15000 ක් වැස්සෙන් අවතැන්

අම්පාර දිස්ත්‍රිකක්යට ඇද හැලෙන වර්ෂාව සමග ඉගිනියාගල සේනානායක සමුදුය මේ වෙනවිට අඩියක් පමණ වාන් දමන බව අම්පාර වාරිමාර්ග ඉංජිනේරු වසන්ත කුමාර මහතා පැවසිය.

11 January 2024

ඈන් කුමරිය ජනපති හමුවෙයි

තෙදින නිල සංචාරයක නිරත එක්සත් රාජධානියේ රාජකීය ඈන් කුමරිය (Her Royal Highness Princess Anne, the Princess Royal) සහ ඇයගේ සැමියා වන වයිස් අද්මිරාල් ශ්‍රීමත් තිමොති ලෝරන්ස් මහතා (Vice Admiral Sir Timothy Laurence) ජනාධිපති රනිල් වික්‍රමසිංහ මහතා හමුවූහ.

11 January 2024

අග්නිදිග සරසවි‌යේ ඔලුවිල් මණ්ඩපය ජලයෙන් යටවෙයි

දින කීපයක සිට ඇදහැලෙන අධික වැසි සමග පවතින අයහපත් කාලගුණයෙන් අග්නිදිග විශ්ව විද්‍යාලයට අයත් ඔලුවිල් මණ්ඩපය ද, ජලයෙන් යටවී තිබේ.

11 January 2024

කොස්තාපල් මත්ද්‍රව්‍ය සමඟ දැලේ

’යුක්තිය’ මෙහෙයුමට සමගාමීව කළ වැටලීමකදී කෝපායි පොලිස් ස්ථානයට අනුයුක්තව රාජකාරි කරන පොලිස් කොස්තාපල්වරයෙක් අයිස් මත්ද්‍රව්‍ය සමග අත්අඩංගුවට ගත් බව මහජන ආරක්ෂක අමාත්‍යාංශය පැවසීය.

11 January 2024