එසැණ පුවත්

උතුරු මැද මාර්ග සංවර්ධන අධිකාරියේ සභාපති ඉවතට

උතුරු මැද පළාත් මාර්ග සංවර්ධන අධිකාරියේ වත්මන් සභාපතිවරයා එම තනතුරින් ඉවත් කර ඒ සඳහා වෙනත් සුදුසු සභාපතිවරයකු පත් කරන ලෙස ජනපති මෛත‍්‍රිපාල සිරිසේන මහතා උතුරු මැද පළාත් ආණ්ඩුකාර පී බී දිසානායක මහතාට ලිඛිතව දැනුම්දී තිබේ.

01 November 2017

හෙරොයින් සමග පාකිස්තාන යුවළ කොටුවෙයි

බ්‍රව්‍රන් ෂුගර් වර්ගයට අයත් හෙරොයින් මත්ද්‍රව්‍ය කිලෝ ග්‍රෑම් 3කට ආසන්න ප්‍රමාණයක් ලාහෝර් සිට රැගෙන ආ පකිස්තාන ජාතික යුවළක් අද(1) අත්අඩංගුවට ගනු ලැබු බව ගුවන්තොටුපොළ පොලිස් මත් ද්‍රව්‍ය නාශක කාර්යංශය පවසයි.

01 November 2017

තෙල් මිල අඩු කරන්න යයි

ඩීසල් සහ පෙට්‍රල් මිල ඉදිරි සති කිහිපය ඇතුළත අඩු කිරීමට ඛනිජ තෙල් නීති ගත සංස්ථාව තීරණය කර ඇතැයි එහි ආරංචි මාර්ග කියයි.

31 October 2017

බටපොල වෙඩි තැබීමකින් 5කට තුවාල

බටපොල ඊරියපිටියේදී සිදුවූ වෙඩි තැබීමකින් පස් දෙනකු තුවාල ලබා රෝහල් ගත කළ බව පොලිසිය කියයි.

31 October 2017

ඖෂධවේදියෝ හෙට වැඩ වරති

රට පුරා රජයේ රෝහල්වල සේවය කරන ඖෂධවේදීහු හෙට (01) සංකේත වැඩ වර්ජනයක නිතර වෙති.

31 October 2017

පොලිස් නිශ්කාශන වාර්තා ගාස්තු දෙගුණ වෙයි

පොලිස් නිශ්කාශන වාර්තා ලබා ගැනීමේදී අය කරන මුදල නොවැම්බර් මස 05 වනදා සිට වැඩි කිරීමට අනුමැතිය ලබී ඇතැයි පොලිස් මූලස්ථානය කියයි.

31 October 2017

පෞද්ගලික වෛද්‍ය විද්‍යාල තව ඕනෑ - සිවාජලිංගම්

ලංකාවට පෞද්ගලික වෛද්‍ය විද්‍යාල අවශ්‍ය යැයි ද, එක පෞද්ගලික වෛද්‍ය විද්‍යාලයක් නොව තවත් පෞද්ගලික වෛද්‍ය විද්‍යාල බිහි කළ යුතු යැයි ද උතුරු පළාත් සභා මන්ත්‍රී එම් කේ සිවාජලිංගම් මහතා පැවසීය.

31 October 2017

නුවරඑළියට අලුත් ප්‍රාසභා හතරක්

නුවරඑළිය දිස්ත්‍රික්කය සඳහා අලුතින් ප්‍රාදේශීය සභා හතරක් පිහිටුවීමට කැබිනට් මණ්ඩලය අද අනුමැතිය ලබා දී ඇත.

31 October 2017

පුංචි ඡන්දයට ශ්‍රීලනිපය අත ලකුණින්

ශ්‍රි ලංකා නිදහස් පක්ෂය ලෙස නිල්පාටින් අත ලකුණින් ඉදිරි පළාත් පාළන මැතිවරණයට තරඟ කරන බව වාරිමාර්ග හා ජල සම්පත් කලමනාකරණ අමාත්‍ය විජිත් විජයමුනි සොයිසා මහතා අද(31) පැවසීය.

31 October 2017

ජලය විකුණන නල ළිඳකට එරෙහිව පන්නල විරෝධතා

පන්නල ප‍්‍රාදේශීය ලේකම් කොට්ඨාසයට අයත් නැගෙනහිර ගෝනුල්ල ප‍්‍රදේශයේ ජලය අලෙවි කිරීම සඳහා පෞද්ගලික ඉඩමක ඉදිකරමින් පවතින නල ළිඳ නතර කරන ලෙස ඉල්ලමින් ප්‍රදේශවාසීහු අද (31) මාකඳුරේදී විරෝධතාවයක නිරත වුහ.

31 October 2017

අත්අඩංගුවට නොගන්නැයි ශනිල් නෙත්තිකුමාරගෙන් පෙත්සමක්

පර්පචුවල් ට්‍රෙෂරීස් සමාගමේ අධ්‍යක්ෂ අර්ජුන් ඇලෝසියස් විසින් මිලදී ගෙන හිටපු මුදල් අමාත්‍ය රවී කරුණානායක මහතාට දුන්නේයැයි කියන ‘මොනෑක්‘ නිවාස සංකීර්ණයේ නිවසේ හිමිකාරිය වු අනිකා විජේසුරිය මහත්මියට ජීවීත තර්ජන එල්ල කළැයි කියමින් තමන් අත්අඩංගුවට ගැනීම වළකාලන නියෝගයක් නිකුත් කරන්නැයි ඉල්ලා ව්‍යාපාරිකයෙකු වු ශනිල් නෙත්තිකුමාර මහතා මුලික අයිතිවාසිකම් පෙත්සමක් ඉදිරිපත් කළේය.

31 October 2017

හිටපු කොටි සාමාජිකයන් දෙදෙනකුට සිර දඬුවම්

ත‍්‍රිකුණාමලය මොල්ලිපොතාන සේනවල්ලිකුලම් හිදි පොලිස් පරික්ෂවරයකු සහ පොලිස් කොස්තාපල්වරුන් හතර දෙනකුට ටී 56 ස්වයංක‍්‍රීය ගිනි අවි වලින් වෙඩි තබා ඝාතනය කිරීම සම්බන්ධයෙන් කොටි සංවිධානයේ හිටපු සාමාජිකයින් තිදෙනෙක් අද (31) අනුරාධපුර විශේෂ මහාධිකරණයේදී වදර පිළිගත්හ.

31 October 2017

හිටපු ධීවර නියෝජ්‍ය ඇමැති ඇතුළු හයකට අධි චෝදනා

පසුගිය ජනාධිපතිවරණ සමයේදී මීගමුව කලපු සංවර්ධන ව්‍යාපෘතියේ විවෘත කිරීමේ උළෙල වෙනුවෙන් රුපියල් ලක්ෂ 112ක් සාවද්‍ය පරිහරණය කළැයි හිටපු ධීවර නියෝජ්‍ය ඇමැති සරත් කුමාර ගුණරත්න මහතා ඇතුළු සැකකරුවන් හය දෙනෙකුට එරෙහිව නිතිපතිවරයා විසින් අධිචෝදනා ගොනු කරනු ලබන බවට දැනුම් දී ඇතැයි අද (31) කොළඹ ප්‍රධාන මහේස්ත‍්‍රාත් ලාල් රණසිංහ බණ්ඩාර මහතා වෙත දැනුම් දෙනු ලැබීය.

31 October 2017

රජයේ ස්ථාවරය ගැන නෙවිල් ප්‍රනාන්දුගේ සතුට

සයිටම් ගැටළුව සම්බන්ධයෙන් රජයෙන් ලබා දුන් විසඳුම රජයේ වෛද්‍ය නිලධාරීන්ගේ සංගමයෙන් පිළිගැනීම ගැන තමා සතුටට පත් වන බව සයිටම් ආයතනයේ සභාපති වෛද්‍ය නෙවිල් ප්‍රනාන්දු මහතා කියයි.

31 October 2017

අනියම් බිරිඳ ඝාතනය කළ විත්තිකරුට මරණ දඩුවම

ගම්පහ මාකෙවිට ප්‍රදේශයේ දී තම අනියම් බිරිඳගේ ගෙල වයරයකින් සිරකර ඇයව ඝාතනය කිරිමේ චෝදනාවට වරදකරු වු විත්තිකරුවකුට මරණ දඬුවම නියම කිරිමට ගම්පහ මහාධිකරණ විනිසුරු ප්‍රියන්ත ප්‍රනාන්දු අද (31) නියෝග කළේය.

31 October 2017

සරණාගත රැඳවුම් කඳවුරු වසා දැමීමට එරෙහිව නීතිමය පියවර

ඕස්ට්‍රේලියාවට පැමිණෙන සරණාගතයින් රඳවා තැබෙන පැපුවා නිව්ගිනියා හි කඳවුරු වසා දැමීමට ඕස්ට්‍රේලියා රජය ගෙන ඇති තීරණයට එරෙහිව එහි සිටින සරණාගතයින් නීතිමය පියවර ගැනීමට සැරසෙති.

31 October 2017

ජපාන නිවසක ශීතකරණයක් තුළ නව දෙනකුගේ සිරුරු කොටස්

ජපානයේ ටෝකියෝ නගරය ආසන්නයේ සමාහි නිවසක ශීතකරණවල තිබී 9දෙනකුගේ සිරුරු වල කොටස් හමු වී ඇතැයි වාර්තා වේ.

31 October 2017

කල්අඩිය විදුහලක කාර්යාලය කඩා පදක්කම් සොරාගෙන

කල්අඩිය විද්‍යාසාගර විද්‍යාලයේ ප්‍රථම වරට සිංහල භාෂාව හා සාහිත්‍ය තරගාවලියකදී පදක්කම් දිනු කසුනි දේශානි දැරිය ජයග්‍රහණය කළ පදක්කම් පාසලේ ආරක්ෂිත රාක්කයක තිබියදි කිසියම් පිරිසක් සොරා ගැනීම සම්බන්ධයෙන් පුත්තලම මුලස්ථාන පොලිසිය පරික්ෂණ අරඹා ඇත.

31 October 2017

නාමල් ඇතුළු අධ්‍යක්ෂවරුන්ට එරෙහි නඩුව පෙබරවාරියේ විභාගයට

හෙළි නොකරන ආකාරයකින් රුපියල් මිලියන 30ක මුදලක් උපයා ගත් බවට මුදල් විශූද්ධිකරණ පනත යටතේ චෝදනා ලැබ සිටින පාර්ලිමේන්තු මන්ත‍්‍රී නාමල් රාජපක්‍ෂ මහතා සහ ගවර්ස් කෝපරේෂන් සමාගමේ අධ්‍යක්‍ෂවරු ඇතුළු සිව්දෙනාට එරෙහි නඩුව ලබන වසරේ පෙබරවාරි 16 වැනි දා සිට විභාග කිරීමට කොළඹ මහාධිකරණ විනිසුරු පියසේන රණසිංහ මහතා තීරණය කළේය.

31 October 2017

කහවත්තේ වෙඩි තැබීමේ නඩුව කල් යයි

ජනාධිපතිවරණ සමයේ පොදු අපේක්‍ෂක මෛත‍්‍රීපාල සිරිසේන මහතාට ආධාර පිණිස කහවත්ත නගරයේ පැවති මැතිවරණ රැස්වීමක වෙඩිතබා පුද්ගලයෙකු ඝාතනය කර තවත් දෙදෙනෙකුට තුවාල සිදුකිරීම සම්බන්‍ධ නඩුව රත්නපුර මහාධිකරණය හමුවේ අද(31) විභාගයට නියමිත වුවත් විනිසුරු රොහාන් ජයවර්ධන මහතා නිවාඩු යාම නිමිත්තෙන් නඩුව ලබන දෙසැම්බර් මස 13 තෙක් කල් තැබිණි.

31 October 2017

අන්තරේ ලහිරුට - ටැම්පිටියේ හිමිට ඇප

අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු ලහිරු වීරසේකරට හා අන්තර් විශ්ව විද්‍යාලයීය භික්ෂු බල මණ්ඩලයේ කැඳවුම්කරු ටැම්පිටියේ සුගතානන්ද හිමියන්ට කොළඹ කොටුව මහේස්ත්‍රාත් අධිකරණය අද(31) ඇප නියම කළේය.

31 October 2017

‘කොළඹ ගොඩනගන්න ජල සැපයුම අවශ්‍යයි‘ - චම්පික

කොළඹ නගරයේ දුප්පත් පවුල් 30,000 කට පමණ ජලය පැය 24 දීම නොලැබෙන බවත්, කොළඹ නගරය ගොඩනගනවා නම් ඒ ජලය ලබාදීමේ ශක්තිය ජලසම්පත් මණ්ඩලයට ලබාදිය යුතු බවත් මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

31 October 2017

ගුවන් තොටෙන් දුම්වැටි සමඟ කතක් අත්අඩංගුවට

රුපියල් දහසය ලක්ෂ අසූ දහසක් වටිනා විදේශීය නිෂ්පාදිත දුම්වැටි තොගයක් ඩුබායි සිට නීතිවිරෝධී ලෙස ශ්‍රී ලංකාවට රැගෙන ආ කාන්තාවක් අද (31) කටුනායක ගුවන් තොටුපොළේ දී රේගු මත්ද්‍රව්‍ය පාලන අංශයේ නිලධාරීන් විසින් අත් අඩංගුවට ගනු ලැබු බව රේගු මාධ්‍ය ප්‍රකාශක සුනිල් ජයරත්න මහතා පැවසීය.

31 October 2017

සේවය නිමවා යමින් සිටි පොලිස් නිලධරයාට ප්‍රහාරයක්

අංකුඹුර පොලීසියේ සේවය කරන උප පොලිස් පරීක්ෂකවරයකු සේවය නිමවී නිවසට යමින් සිටියදී තියුණු ආයුධවලින් කපා කොටා ඇතැයි පොලිසිය කියයි.

31 October 2017

මඩාටුගම දැරියගේ පැමිණිල්ල පැය 7ක් විභාගයට

කුසගින්නේ සිටි දැරියකට වමනය යෑමෙන් පසු ඇය ගැබ් ගෙන ඇතැයි කියමින් පාසලෙන් ඉවත් කිරීමේ සිද්ධිය සම්බන්ධයෙන් පැමිණිලි විභාගය පැය හතක් පුරා අද (20) ශ්‍රී ලංකා මානව හිමිකම් කොමිෂන් සභාවේ ප්‍රධාන කාර්යාලයේ දී සිදු විය.

30 October 2017

විපක්ෂ නායකට එරෙහිව කතානායකට පැමිණිල්ලක්

දෙමළ ජාතික සන්ධානයේ නායක සහ විපක්ෂ නායක ආර්.සම්බන්ධන් මහතා තම පාර්මේන්තු වරප්‍රසාද සහ මූලික අයිතිවාසිකම් කඩකල බවට එම සන්ධානයේම පාර්ලිමේන්තු මන්ත්‍රී සිවශක්ති ආනන්දන් මහතා කතානායක කරූ ජයසූරිය මහතා වෙත පැමිණිල්ලක් සිදුකර තිබේ.

30 October 2017

ව්‍යවස්ථාව ගැන අදහස් ගන්න සර්ව පාක්ෂික සමුළුවක්

ව්‍යවස්ථා සම්පාදක මණ්ඩල කමිටුවේ අතුරු වාර්තාවේ ඇති යෝජනා පිළිබඳ අදහස් හා යෝජනා ලබා ගැනීම සඳහා පාර්ලිමේන්තුව නියෝජනය කරන සියලු පක්ෂවල නායකයින් ගේ සමුළුවක් කැඳවන බව ජනාධිපති මෛත්‍රීපාල සිරිසේන මහතා ප්‍රකාශ කළේය.

30 October 2017

රට පනින්ට ගොස් පිටුවහල් කළ සිව්දෙනකුට ඇප

අන්සතු ගුවන් ගමන් බලපත්‍රයක් සහ ව්‍යාජ වීසා උපයෝගී කරගනිමින් කටුනායක ගුවන්තොටුපළින් ඉතාලි හා ජර්මනියට යමින් සිටියදී මෙරටට පිටුවහල් කර රිමාන්ඩ් ගතව සිටි සිව් දෙනකු ඇප මත මුදා හැරීමට මිනුවන්ගොඩ දිසා විනිසුරු මහේස්ත්‍රාත් ශිලනි චතුරන්ති පෙරේරා මහත්මිය අද(30) නියෝග කළාය.

30 October 2017