එසැණ පුවත්

දියේ ගිය පිරිස බේරාගැනීමට ගිය කොස්තාපල් අතුරුදන්

ගංවතුරට හසුවී සිටින පිරිසක් බේරා ගැනීමට ගිය අවස්ථාවේ මාදම්පේ පොලිස් කොස්තාපල්වරයෙක් දිය පහරට හසුවී අතුරුදන් වී ඇත.

ඉන්දියාවේදී සාමාන්‍ය වැසියන්ට වෙඩි තැබීමට විරෝධය පා උතුරේ විරෝධතා

ඉන්දියාවේ තූත්තුක්කුඩි ප්‍රදේශයේ දී පසුගියදා සිදුවූ වෙඩි තැබීමේදී මියගිය සාමාන්‍ය වැසියන් නිරපරාදේ මරාදැම්මේ යැයි ඉන්දියාවට විරෝධය පාමීන් උතුරේ විරෝධතා වැඩසටහන් රැසක් සංවිධානය ඇත.

අ’පුර මැදි විදුහලේ ස්මාට් පන්ති නවත්වන්නැයි උද්ඝෝෂණයක්

රජයේ නිර්දේශය මත අනුරාධපුර මැදි විදුහලේ සාපෙළ අසමත් සිසුන් සඳහා පවත්වා ගෙන යන ද්විතියක අධ්‍යාපනය හැදැරිමේ (ස්මාට්) පංති ඉවත් කරන ලෙස ඉල්ලා ආදි සිසුන් සහ දෙමාපියෝ අද (25) අනුරාධපුර මැදි විදුහල ඉදිරි‍පිට උද්ඝෝෂණයක නිරත වෙති.

කොටි කාලයේ වළ දැමු රත්තරන් සොයා කැණිම් කළ 5 ක් අත්අඩංගුවට

වවුනියාව පම්පමඩුව කැළෑ ප‍්‍රදේශයක ලෝහ ද්‍රව්‍ය සොයන ස්කෑනර් යන්ත‍්‍රයක් භාවිතා කර කොටි සංවිධානය විසින් වළ දමා ඇති රත්තරං සොයා කැණීම් සිදුකළ ව්‍යාපාරිකයකු ඇතුළු පස්දෙනකු අත්අඩංගුවට ගත් බව පූවරසන්කුලම පොලිසිය පවසයි.

ගාල්ලේ වැස්සෙන් අයෙක් මරුට - පවුල් 491 ක් අවතැන්

දින කීපයක් තිස්සේ නොකඩා ඇදහැලෙන ධාරානිපාත මහ වැස්ස නිසා අද (25) වන විට ගාල්ල දිසාවේ එක් පුද්ගලයකු මිය ගොස් පවුල් 491 කට අයත් පුද්ගලයින් 1816 දෙනෙකු පීඩාවට පත්ව සිටින බව ගාල්ල දිස්ත්‍රික් ආපදා කළමනාකරණ ඒකකය පවසයි.

20 වැනි සංශෝධන ව්‍යවස්ථාව කතානායකට බාර දෙයි

විධායක ජනාධිපති ධුරය අහෝසි කිරිම ඇතුළත් 20 වැනි සංශෝධන ව්‍යවස්ථාව ජනතා විමුක්ති පෙරමුණේ නායක අනුර දිසානායක මහතා පෞද්ගලික මන්ත්‍රී යෝජනාවක් ලෙස කතානායක කරු ජයසුරිය මහතාට අද (25) උදෑසන බාර දෙනු ලැබීය.

ගිනිගත්හේන- දියගල මාර්ගය තාවකාලිකව වසයි

ගිනිගත්හේන ප්‍රදේශයට තවදුරටත් ඊයේ (24) රාත්‍රීයේ සිට ඇදහැලෙන අධික වර්ෂාවත් සමඟ හැටන්-කොළඹ ප්‍රධාන මාර්ගයේ වටවල දියගල මංසන්ධියේ සිට ගිනිගත්හේන නගරය දක්වා අද (25) උදෑසන සිට හැටන්-කොළඹ ප්‍රධාන මාර්ගය තාවකාලිකව වසා දැමු බව ගිනිගත්හේන පොලිසියේ ස්ථානාධිපති පොලිස් පරික්ෂක සරත් සමරවික්‍රම මහතා කිහ.

පුත්තලමේ පාසල්-නිවාස රැසක් ජලයෙන් යටවේ

අද (25) අලුයම පුත්තලම නගරයට ඇදහැලෙන වර්ෂාව නිසා පුත්තලම නගරයේ ස්ථාන ගණනාවක් ජලයෙන් යටවී ඇති බව පුත්තලම පොලීසය කියයි.

ඉන්දියානුවන් සමඟ නිධන් හාරන්න ගිය 7 ක් අත්අඩංගුවට

කිලිනොච්චිය ධර්මපුරම් පොලිස් වසමට අයත් රාමනදපුරම් ප්‍රදේශයේදී ඉන්දීය ජාතිකයන් තිදෙනෙකු හා ලාංකිකයින් සිව් දෙනෙකු නිධානයක් ගැනීමට උත්සහ කරමින් සිටියදී අත්අඩංගුවට ගැනීමෙන් පසුව අද (25) අධිකරණයට ඉදිරිපත් කිරීමට ධර්මපුරම් පොලීසිය පියවර ගෙන ඇත.

එෆ්.සී.අයි.ඩියට නොගිය මන්ත්‍රීන් කමිටුවලට දාන්න ගියොත් ඒවා හිස්කරන්න වේවි

එෆ්.සී.අයි.ඩී.යට නොගිය මන්ත්‍රීවරුන් පාර්ලිමේන්තු කමිටුවලට පත්කරන්න හිතුවොත් කමිටුවල සියලු සාමාජිකයන් ඉවත් කරන්න සිදුවේවියැයි කතානායක කරු ජයසූරිය මහතා පාර්ලිමේන්තුවේ දී ඊයේ (24) පැවැසීය.

ගුවන් යානයේදී වෙරිවී ගුවන් සේවිකාවගේ අතින් ඇද්ද ව්‍යාපාරිකයා දැලේ

ඩුබායි සිට කොළඹ බලා එමින් තිබූ ශ්‍රීලංකන් ගුවන් යානයක දී බීමතින් ගුවන් සේවිකාවකට අතවර කිරීමට තැත් කළ බව කියන ව්‍යාපාරිකයකු ගුවන් තොටුපොළ පොලිසිය විසින් අත්අඩංගුවට ගෙන ඇති බව පොලිස් මූලස්ථානය කියයි.

රාජපක්ෂලාට කඬේ යන මාධ්‍යවේදීන්ට සිදුවන්නේ බෙල්ලේ වැලදාගන්න

රාජපක්‍ෂ රෙජිමය නැවත බලයට ගෙන ඒම වෙනුවෙන් පෙනී සිටින මාධ්‍යවේදීන් කරනුයේ තමන්ගේ බෙල්ල වටේ තමන්ම තොණ්ඩුව දමාගැනීම යැයි අග්‍රාමාත්‍ය රනිල් වික්‍රමසිංහ මහතා පිටකෝට්ටේ සිරිකොත එජාප මූලස්ථානයේ දී ඊයේ (24) පැවැසීය.

සංවර්ධන ලොතරැයි ප්‍රතිඵල ජංගම දුරකතනයෙන්

සංවර්ධන ලොතරැයි නිල ප්‍රතිඵල ජංගම දුරකතන මගින් ලබාගැනීමට සංවර්ධන ලොතරැයි මණ්ඩලය ඊයේ (24) සිට පහසුකම් සලසා ඇත.

මධ්‍යම කඳුකරයට යළිත් තද වැසි

මධ්‍යම කඳුකරයේ බටහිර බෑවුම් ප්‍රදේශවල පිහිටි ජල පෝෂක ප්‍රදේශවලට යළිත් ඊයේ (24) රාත්‍රීයේ සිට අධික වර්ෂාව පතිත වෙයි.

තම්බපණ්නියේ අවතැන් වු පවුල් 30 ක් තබ්බෝව විහාරයට

කරුවලගස්වැව තබ්බෝව ජලාශයේ වාන් දොරටු විවෘත කිරීමත් සමඟ ජලාශය පහළ තම්බපණ්නිය ප්‍රදේශයේ අවතැන් වූ පවුල් 30ක් අද (25) අලුයම තබ්බෝව විහාරස්ථානයට රැගෙන ආ බව පුත්තලම ආපදා කළමනාකරණ ඒකකයේ සහකාර අධ්‍යක්ෂ ඒ.එම්.ආර්. අලහකෝන් මහතා පැවසීය.

තබ්බෝව වාන් දොරටු සියල්ල විවෘතයි

මේ වන විට පවතින අධික වර්ෂාව හේතුවෙන් ජලාශයට දරාගත නොහැකි තරම් ජලස්කන්දයක් ගලා ඒම හේතුවෙන් අද (25) අලුයම වාන් දොරටු 20 ම විවෘත කළ බවත් තබ්බෝව අංක 1 ගම්මානයට ගංවතුර තත්වයක් ඇති වන බැවින් එහි ජනතාවට ආරක්ෂිත ස්ථාන කරා යන ලෙස ආපදා කළමනාකරණ ඒකකය සහා වාරි මාර්ග දෙපාර්තමේන්තුව ඉල්ලා සිටියි.

රත්මලානේ වෙඩිතැබීමකින් දෙහිවල නාගරික මන්ත්‍රී මරුට

රත්මලානේ සිදු වු වෙඩි තැබීමකින් තුවාල ලැබූ දෙහිවල ගල්කිස්ස මහ නගර සභාවේ ශ්‍රි ලංකා පොදුජන පෙරමුණේ නාගරික මන්ත්‍රී කේ. රන්ජන් සිල්වා මහතා දකුණු කොළඹ ශික්ෂණ රෝහලට රැගෙන යමින් සිටියදී අද (24) මියගොස් ඇති බව පොලිසිය පවසයි.

කාරක සභා 6ක නව සමාජිකයින්ගේ නම් පාර්ලිමේන්තුවට

පාර්ලිමේන්තු පොදු ව්‍යාපාර කාරක සභාව (කෝප් ) සහ රාජ්‍ය ගිණුම් කාරක සභාව ඇතුළු කාරක සභා 6කට පත් කෙරුණු නව සමාජිකයින්ගේ නම් ලැයිස්තුව පාර්ලිමේන්තුවට අද (24) ඉදිරිපත් කෙරිණි.

16 ටත් පාර්ලිමේන්තුවේ කමිටුවලට සහභාගිවෙන්න ඉඩ දෙන්න - සුසිල් ප්‍රේමජයන්ත

ආණ්ඩුවෙන් ඉවත් වු ශ්‍රි ලංකා නිදහස් පක්ෂ 16 දෙනාගේ කණ්ඩායමටත් පාර්ලිමේන්තුවේ කමිටුවලට සහභාගිවීමට අවස්ථාව උදාකරදෙන්නැයි කොළඹ දිස්ත්‍රික් මන්ත්‍රී සුසිල් ප්‍රේමජයන්ත මහතා කතානායක කරු ජයසූරිය මහතාගෙන් පාර්ලිමේන්තුවේදී අද (24) විශේෂ ඉල්ලීමක් කළේය.

පොලිස්පති විරෝධය නොතකා පාලිත සිරිවර්ධනට උසස්වීම්

වැඩ බලන නියෝජ්‍ය පොලිස්පතිවරයකු ලෙස පත් කරනවාට පොලිස්පතිවරයා දිගින් දිගටම විරෝධය දැක්වූ කිලිනොච්චිය කොට්ඨාස භාර ජ්‍යෙෂ්ඨ පොලිස් අධිකාරී පාලිත සිරිවර්ධන මහතා ජතික පොලිස් කොමිසම විසින් වැඩ බලන නියෝජ්‍ය පොලිස්පතිවරයකු ලෙස පත් කරනු ලැබීය.

පාර්ලිමේන්තු පරිශ්‍රයේ ගංවතුර අවදානම ගැන සොයන්න යුද හමුදා ප්‍රධානීන් පිරිසක්

පාර්ලිමේන්තුව ගංවතුරින් යටවීමේ අවධානම පිළිබඳ සෙවීමට යුද හමුදා ප්‍රධානීන් පිරිසක් දියවන්නා ඔයේ අද (24) සංචාරයක යෙදුණු බව පාර්ලිමේන්තු ආරංචි මාර්ග සඳහන් කරයි.

ඉල්ලා අස්වීම ගැන මොහොමඩ් නවාවී ලිපියක් මගින් පාර්ලිමේන්තුට දැනුම් දෙයි

පත් කළ මන්ත්‍රී මොහොමඩ් නවාවී මහතා එම ධූරයෙන් ඉල්ලා අස්වු බව පාර්ලිමේන්තු මහා ලේකම්වරයාට ලිපියක් මගින් දැනුම් දී ඇතැයි කතානායක කරු ජයසූරිය මහතා පාර්ලිමේන්තුවේදී අද (24) පැවසීය.

තේ - රබර් වලින් ග්ලයිෆොසෙට් ඉවත් කිරීමට පාර්ලිමේන්තුවට ගැසට්ටුවක්

ග්ලයිෆොසෙට් තහනම තේ හා රබර් වලින් ඉවත් කිරීමේ ගැසට් නිවේදනය ඉදිරි දිනවල පාර්ලිමේන්තුවට ඉදිරිපත් කරන බව වැවිලි කර්මාන්ත ඇමති නවීන් දිසානායක මහතා පාර්ලිමේන්තුවේදී අද (24) පැවසීය.

උතුරු කොරියානු නායකයා හමුවීම ට්‍රම්ප් අවලංගු කරයි

උතුරු කොරියානු නායක කිම් ජොන්ග් උන් සමග ලබන මස 12 වැනිදා සිංගප්පූරුවේදී පැවැත්වීමට නියමිතව තිබූ ඓතිහාසික හමුව අවලංගු කරන බව ඇමෙරිකා එක්සත් ජනපද ඩොනල්ඞ් ට්‍රම්ප් අද, බ්‍රහස්පතින්දා (24) නිවේදනය කළේය.

ගම්පහ ව්‍යාපාරිකයාගේ බිරිඳට ඇප

ජීව උණ්ඩ ළඟ තබාගන්නා ලදැයි කියමින් රිමාන්ඩ් බාරයට පත් කොට සිටි ගම්පහ ප්‍රසිද්ධ ව්‍යාපාරිකයකුගේ බිරිඳ ඇප මත මුදාහැරීමට ගම්පහ මහෙස්ත‍්‍රාත් ඩී.ඒ. රුවන් පතිරණ මහතා නියම කළේය.

සමෘද්ධි හිමියන් ගණන වැඩි කරන්නැයි ඒකාබද්ධයෙන් යෝජනාවක්

සමෘද්ධි ප‍්‍රතිලාභීන් ප‍්‍රමාණය වැඩිකළ යුතු බවට පාර්ලිමේන්තුවට යෝජනාවක් ඉදිරිපත් කරන බව පාර්ලිමේන්තු මන්ත‍්‍රී සී.බී රත්නායක මහතා ලංකාදීපය අද (24) පැවැසීය.

අර්ජුන ඇලෝසියස් - පලිසේන යළි රිමාන්ඩ්

ශී‍්‍ර ලංකා මහ බැංකු බැදුම්කර නිකුතුවේදී අක‍්‍රමිකතාවක් සිදුවීම සහ රජයට පාඩු සිදුවීම සම්බන්ධයෙන් සැකපිට මාස හතරකට ආසන්න කාලයක් පුරා සැකපිට රිමාන්ඞ් බාරයේ සිටින පර්පෙචුවෙල් ටෙ‍්‍රෂරීස් සමාගම් සමූහයේ අධ්‍යක්ෂක අර්ජුන් අලෝසියස් සහ එහි ප‍්‍රධාන විධායක නිලධාරී කසුන් පලිසේන මහත්වරුන් ලබන මස 07 වැනිදා දක්වා තවදුරටත් රිමාන්ඩ් කරන ලෙස කොටුව මහේස්ත‍්‍රාත් ලංකා ජයරත්න මෙනෙවිය අද නියම කළාය.

ලක්ෂ 64ක සල්ලි ඉන්දියාවට ගෙනියන්න බැරිවේ