එසැණ පුවත්

‘ෆිච් රේටින්ස්’ ශ්‍රේණිගත කිරීම් අනුව ලංකාව පහළට

ජාත්‍යන්තර ණය ශ්‍රේණිගත කිරීමේ ආයතනයක් වන ‘ෆිච් රේටින්ස්’ ආයතනය ශ්‍රී ලංකාවේ දීර්ඝකාලීන විදේශ විනිමය ණය නිකුත් කිරීම ‘බී ප්ලස් (බී+) සිට බී’ දක්වා පහළ දැමීමට පියවර ගෙන ඇත.

04 December 2018

ලෝටස් පාර වසා දමයි

විශ්ව විද්‍යාල සිසුන්ගේ පාගමන හේතුවෙන් ගාලුමුවදොර පාර කොළඹ ලෝටස් වට රවුමෙන් මේ වන විට වසා දමා ඇත.

04 December 2018

ප්‍රංශ ආණ්ඩුව ඉන්ධන බද්ද වැඩිකිරීම අත්හිටුවයි

ප්‍රංශ ආණ්ඩුව ඉන්ධන බදු වැඩිකිරිම අත්හිටුවා ඇති බව විදෙස් මාධ්‍ය වාර්තා කරයි. සති කිහිපයක් පුරා පැවති විරෝධතා ප්‍රචණ්ඩ ස්වරූපයක් ගැනීමත් සමඟ මෙම තීරණය ගෙන තිබේ.

04 December 2018

ටවුන්හෝල් අවට මාර්ග තදබදයක්

පාගමනක් හේතුවෙන් කොළඹ නෙළුම් පොකුණ, නගර ශාලාව අවට මාර්ගයන්හි රථ වාහන තදබදයක් පවති.

04 December 2018

දේශපාලන සිරකරුවන් නිදහස් කරන්න ජනපති දෙමළ සන්ධානයෙන් කල් ඉල්ලා ගනී

මම පැය 24ම ඉන්නෙ දේශපාලන වශයෙන් එන ප්‍රශ්න කන්දරාවක් එක්ක.මේ නිසා මට සාමාන්‍ය ප්‍රශ්න ගැන හිතන්න බැහැ මේ වෙලාවේ. දෙමළ දේශපාලන සිරකරුවන්ගේ ප්‍රශ්නයට ඉදිරි සති කිහිපය තුළ විසදුමක් ලබා දෙන්නම් යැයි ජනාධිපති මෛත්‍රීපාල සිරිසේන මහතා දෙමළ ජාතික සන්ධානය හමුවේ පැවසු බව දෙමළ ජාතික සන්ධාන පාර්ලිමේන්තු මන්ත්‍රී ධර්මලිංගම් සිද්ධාර්ථන් මහතා පැවසීය.

04 December 2018

බහුතර ඉල්ලීම මත පාර්ලිමේන්තුව විසුරුවා හැරීමට ජනාධිපතිට පුළුවන්

පාර්ලිමේන්තුවේ විශේෂ බහුතරයේ ඉල්ලීම මත පාර්ලිමේන්තුව විසුරුවා හැරීම හෝ වසර හතරහමාරකට පසුව පාර්ලිමේන්තුව විසුරුවාලීමට ජනාධිපතිට බලය තිබුණත් මේ දෙයාකාරයට හැරුණු විට පාර්ලිමේන්තුව විසුරුවා හැරීමේ බලයක් ජනාධිපතිවරයාට ආණ්ඩුක්‍රම ව්‍යවස්ථාවෙන් පැවරී නැතැයි ජනාධිපති නීතිඥ ඊ.කන ඊශ්වරන් මහතා අද (04) ශ්‍රේෂ්ඨාධිකරණය හමුවේ කීය.

04 December 2018

යාන් ඔයේ සැඟවුණු තවත් ගිනි අවි සොයා ගනී

හොරොව්පොතාන හබගම ප්‍රදේශයෙන් ගලා යන යාන් ඔයේ ජලයයට සැඟව තිබූ ගිනිඅවි අමතර කොටස් සොයා යුද හමුදාවේ කමාන්ඩෝ බළකායේ කිමිදුම් භටයන් සිදුකළ මෙහෙයුමේදී ටී -56 පතුරම් 695, එම්.පි.එම්.ජි.පතොරම් තුන්සිය 19 ක්,ඩෙටනෙටර් 40 ක්, ඩෙටනෙටර් වයර් මිටර් 80ක්,අත් බොම්බ 03ක්, ටොම්බ බෝම්බ දෙකක්, සොයාගෙන තිබේ.

04 December 2018

ගෝඨාගේ නඩුව ජනවාරි 22 සිට දිනපතා විභාගයට

ඩී.ඒ.රාජපක්ෂ අනුස්මරණ කෞතුකාගාරය ඉදිකිරිමේ දී රුපියල් මිලියන 49 ක් අවභාවිතා කිරිම සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතාට එරෙහි නඩුව ජනවාරි 22 වැනි දා සිට දිනපතා විභාග කිරිමට කොළඹ ත්‍රිපුද්ගල විශේෂ මහාධිකරණ විනිසුරු මඩුල්ල නියෝග කළේය.

04 December 2018

කොස්තාපල්වරුන් ඝාතනයට තවත් හිටපු කොටි සාමාජිකයෙක් අත්අඩංගුවට

වවිනතිව් පොලිස් මාර්ග බාධකයේදී ඝාතනයට ලක් වු පොලිස් කොස්තාපල්වරුන් දෙදෙනාගේ මරණ සම්බන්ධයෙන් තවත් හිටපු කොටි සාමාජිකයෙක් වව්නතිව්හිදී අද (04) අත්අඩංගුවට ගත් බව පොලීසිය පවසයි.

04 December 2018

වතුකම්කරුවෝ අඛණ්ඩ වැඩ වර්ජනයක

වතුකම්කරුන්ගේ දෛනික මූලික වැටුප රුපියල් 1000 දක්වා වැඩිකරන ලෙස ඉල්ලා අද (4) සිට අඛණ්ඩ වැඩ වර්ජනයක් ආරම්භ කර තිබේ.

04 December 2018

පාර්ලිමේන්තුව විසුරුවා හැරීමට එරෙහි පෙත්සමේ විභාගය ඇරඹෙයි

පාර්ලිමේන්තුව විසුරුවා හැරීම සම්බන්ධයෙන් ජනාධිපතිවරයා නිකුත් කළ ගැසට් නිවේදනයට අහෝසි කරන්නැයි ඉල්ලා ගොනු කළ මූලික අයිතිවාසිකම් පෙත්සම සත් පුද්ගල ශ්‍රේෂ්ඨාධිකරණය විනිසුරු මඩුල්ලක් හමුවේ අද (04) විභාගය අරඹා තිබේ.

04 December 2018

ශ්‍රී ලාංකික සිසුවා ත්‍රස්ත චෝදනාවට හසු කළ ක්‍රිකට් ක්‍රීඩකයාගේ සොහොයුරා අත්අඩංගුවට

අයි එස් ත්‍රස්තවාදීන්ට සම්බන්ධ බවට චෝදනා ගොනු කරමින් ඕස්ට්‍රේලියාවේදී අත්අඩංගුවට ගෙන සිටි ශ්‍රී ලාංකික සිසුවකු වන මොහොමඩ් කමාර් නිසාම්ඩීන්ගේ සිදුවීමට සම්බන්ධ යැයි සැක පිට ජාත්‍යන්තර ක්‍රිකට් ක්‍රීඩකයකු උස්මාන් කවාජාගේ සොහොයුරු වන අර්සාලන් කවාජා නිව් සවුත්ලන්ඩ් පොලීසිය අද (04) අත්අඩංගුවට ගෙන තිබේ.

04 December 2018

‘ ජන බල මෙහෙයුමේ ගමනාන්තය කලින් හෙළි කරන්නේ නැහැ‘

එක්සත් ජාතික පෙරමුණේ නායක රනිල් වික‍්‍රමසිංහ මහතා අගමැති ලෙස පත් කරන්නැයි බල කරමින් කොළඹ දක්වා ගමන් ගන්නා ජනබල මෙහෙයුම ආරම්භ කරන දිනය, ස්ථානය සහ වේලාව ආදී කරුණු සියල්ල හෙට(05) ප‍්‍රකාශයට පත් කරනු ලැබුවත් ජනබල මෙහෙයුමේ ගමනාන්තය කොතනදැයි කලින් හෙළි නොකරන බව ගාල්ල දිස්ත‍්‍රික් පාර්ලිමේන්තු මන්ත‍්‍රී වජිර අබේවර්ධන මහතා ප‍්‍රකාශ කළේය.

04 December 2018

‘‘මහපාරේ සටන් අරඹන්න සූදානම්‘‘

අධිකරණ තීන්දුත් නොසලකා තවදුරටත් හිතුවක්කාරි ලෙස කටයුතු කරමින් රට අරාජික කරන්න ජනාධිපති හා මහින්ද කල්ලිය සූදානම් නම් ඔවුන් නොසිතන පන්නයේ පරාජයක් අතපත් කරදෙන්න මහපාරේ සටන දියත් කරන්න අපි සූදානම් යැයි ජනතා විමුක්ති පෙරමුණේ නායක පාර්ලිමේන්තු මන්ත‍්‍රී අනුර දිසානායක මහතා අද (03) පැවසීය.

03 December 2018

නීත්‍යනුකූල කැබිනට් මණ්ඩලයක් පත්කළ යුතුයි - ජයම්පති වික‍්‍රමරත්න

ඔක්තෝම්බර් 26 වැනිදා ජනාධිපතිවරයා ගත් තීන්දුව සම්බන්ධයෙන් පාර්ලිමේන්තුව සහ අධිකරණය තීන්දුවක් ලබා දී ඇති බැවින් නීත්‍යානුකූල කැබිනට් මණ්ඩලයක් සහ අග‍්‍රාමාත්‍යවරයෙකු පත්කළ යුතුව ඇතැයි පාර්ලිමේන්තු මන්ත‍්‍රී ආචාර්ය ජයම්පති වික‍්‍රමරත්න මහතා කොළඹදී අද (03) පැවැසීය.

03 December 2018

එජාපෙ - ජනපති අතර සාකච්ඡා අසාර්ථකයි

ජනාධිපති මෛත්‍රීපාල සිරිසේන මහතා සහ එක්සත් ජාතික පෙරමුණ අතර පැවැති සාකච්ඡා විසදුමකින් තොරව අවසන් වී තිබේ.

03 December 2018

‘‘ජනවරමට අවසරයි‘‘ ජන රැළියට විශාල පිරිසක් කොළඹට

වහාම මහා මැතිවරණයක් පවත්වන්නැයි බලකරමින් ජාතික එකමුතුව සංවිධානය විසින් පවත්වන ලද ‘ජනවරමට අවසරයි’ මහජන රැළිය විශාල පිරිසකගේ සහභාගීත්වයෙන් මරදාන එල්ෆින්ස්ටන් රඟහල ඉදිරිපිටදී අද (3) පැවැත්විණ.

03 December 2018

‘‘හෙට සිට අමාත්‍යාංශවල රාජකාරී ආරම්භ කරනවා‘‘

රනිල් වික්‍රමසිංහගේ රජයේ හිටපු සියලු ඇමතිවරු හෙට සිට අමාත්‍යාංශවල රාජකාරී ආරම්භ කරන බවත් මහින්ද රාජපක්ෂ අගමැතිවරයා ලෙස පත්කිරීම සහ පසුගියදා පත්කළ කැබිනට් මණ්ඩලය තහනම් කරමින් අධිකරණයෙන් තීන්දුවක්දී තිබෙන බවත් පෙර තිබූ ඇමතිධූර රජය එලෙසම පවත්වාගෙන යන බවත් රාජිත සේනාරත්න මහතා අද (03) ගාල්ලේදී පැවසීය.

03 December 2018

අභියාචනාධිකරණය දුන් තීන්දුව පිළිගන්නේ නෑ

කැබිනට් මණ්ඩලය අත්හිට වූ බව ප්‍රකාශ කරමින් අද (03) අභියාචනාධිකරණය විසින් ලබා දුන් අතරුතහනම් නියෝගයට එකඟ නොවන බවත් එයට එරෙහිව හෙට දිනයේදී ශ්‍රේෂ්ඨාධිකරණය වෙත අභියාචනයක් ඉදිරිපත් කරන බවත් හිටපු ජනපති මහින්ද රාජපක්ෂ මහතා නිවේදනයක් නිකුත් කරමින් කියා සිටී.

03 December 2018

‘‘අපේ මීළඟ සටන ජනතා වරම අනුව ආණ්ඩුවක් හැදීමයි‘‘

අපේ මීළඟ සටන තියෙන්නේ ජනතා වරම අනුව යලිත් ආණ්ඩුවක් හදා රට පාලනය කොට කිසිඳු බියක් නොමැතිව පාර්ලිමෙන්තු මැතිවරණයට යාම බව හිටපු අගමැති හා එක්සත් ජාතික පක්ෂ නායක රනිල් වික්‍රමසිංහ මහතා අද (03) ගාල්ලේදී පැවැසීය.

03 December 2018

පාර්ලිමේන්තුව විසුරුවා හැරීමට එරෙහි පෙත්සම විභාගයට සත් පුද්ගල විනිසුරු මඩුල්ලක්

ජනාධිපති මෛත‍්‍රීපාල සිරිසේන මහතා විසින් පාර්ලිමේන්තුව විසුරුවා හැරීමට එරෙහිව ගොනු කළ මූලික අයිතිවාසිකම් පෙත්සම් අද (4) සිට ලබන 06 වැනිදා දක්වා සත් පුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ විභාගයට ගැනීමට නියමිතය.

03 December 2018

නිවාස අධිකාරිය අසළ උණුසුම් තත්ත්වයක්

ජාතික නිවස සංවර්ධන අධිකාරියේ රැකියාව අහිමි වූ තරුණ තරුණියන් තවමත් එම පරිශ්‍රයේ රැඳී සිටීම හේතුවෙන් උණුසුම් තත්ත්වයක් හට ගෙන තිබේ.

03 December 2018

රන්ජන් රාමනායකට අධිකරණයේ පෙනී සිටින්නැයි නොතීසි

අධිකරණයට අපහාස කිරීමක් සම්බන්ධයෙන් කරුණු දැක්වීම සඳහා නියෝජ්‍ය අමාත්‍ය රන්ජන් රාමනායක මහතාට 07 වැනිදා අධිකරණයේ පෙනී සිටින්නැයි අද ශ්‍රේෂ්ඨාධිකරණය නොතීසි නිකුත් කර ඇත.

03 December 2018

අලුත් දුම්රිය කොළඹ එද්දී පීලි පනී

ඉන්දියාවේ සිට මෙරටට ගෙන්වූ නව බලවේග කට්ටල දුම්රියක් වරායේ සිට ධාවනාගාරය දක්වා ගෙන එන අතරතුරදී පීලි පැනීමකට ලක්ව ඇතැයි වාර්තා වේ.

03 December 2018

අද රාත්‍රියේ තද වැසි

දිවයිනේ ඊසාන දිග ප‍්‍රදේශවල වර්ධනය වී ඇති ක‍්‍රියාකාරී වළාකුළු පද්ධතියක බලපෑම හේතුවෙන් අද (03) රාත‍්‍රියේ දිවයිනේ බොහෝ පළාත්වල වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

03 December 2018

වව්නතිව් ඝාතනයට එරෙහිව තිරුක්කෝවිල්හි විරෝධතාවයක්

මඩකලපුව වව්නතිව් ප්‍රදේශයේ දී පොලිස් නිළධාරින් දෙදෙනෙකු ඝාතනය කිරිම පිළිබඳව තිරුක්කෝවිල් ප්‍රදේශයේ දී තරුණයින් පිරිසක් එක්ව විරෝධතායක් පැවැත්විණි.

03 December 2018

මාතර සිසු ඝාතනයේ සැකකාර සිසුහු 10 තෙක් යළි රිමාන්ඩ්

මාතර නගරයේ උපකාරක පන්තියකට සහභාගී වීම සදහා එන අතරතුර දී මාතර සාන්ත තෝමස් කුමර විද්‍යාලයේ උසස් පෙළ සිසුවෙකුට පිහියකින් ඇණ ඝාතනය කිරිමේ සිද්ධියට සම්බන්ධ පාසල් සිසුන් තිදෙනා ලබන 10 වැනිදා තෙක් තව දුරටත් රිමාන්ඩ් බාරයේ ලෙස මාතර අතිරේක මහේස්ත්‍රාත් නිල්මිණී කේ.විතාරණ මහත්මිය අද (03) නියෝග කළාය.

03 December 2018

එජාප නායකයන් අවසන් තීරණයකට

එක්සත් ජාතික පෙරමුණේ අග්‍රාමාත්‍යවරයා ලෙස රනිල් වික්‍රමසිංහ මහතා හැර වෙනත් කිසිවෙකුත් නම් නොකිරීමට එක්සත් ජාතික පෙරමුණේ නායකයන් අද (3) දහවල් අවසන් තීරණයකට එළැබිණි.

03 December 2018