එසැණ පුවත්

‘ අතව්‍යශ සේවා සඳහා පමණක් නිවසින් බැහැර වෙනවානම් තත්ත්වය ඉක්මනින් පාලනය කළ හැකියි‘

ප්‍රංශය ඇතුලු ඇතැම් රටවල මෙන් වෛද්‍ය ප්‍රතිකාර හා ආහාර අවශ්‍යතා සපුරා ගැනීම සඳහා පමණක් ජනතාව නිවසින් බැහැර වන පරිදි ආණ්ඩුව තත්ත්වය කළමණාකරණය කරන්නේ නම් සති හතරත් හයත් අතර කාලයකදි කොරෝනා තත්ත්වයෙන් සම්පුර්ණයෙන්ම රට මුදාගත හැකි බව ජාතික විද්වත් සංවිධානයේ ලේකම්, සෞඛ්‍ය අමාත්‍යාංශයේ හිටපු වසංගත රෝග විද්‍යාඥ, ලෝක සෞඛ්‍ය සංවිධානයේ හිටපු කලාපීය උපදේශක, ප්‍රජා වෛද්‍ය විශේෂඥ නිහාල් අබේසිංහ මහතා අද (15) පැවසීය.

15 March 2020

නිරෝධායනය වළක්වන්නට උත්සාහ කරන්නන්ට දැඩි නීතී

කිසියම් පුද්ගලයකුට කොරෝනා වයිරසය අසාධනය වී ඒ බව ආනාවරණය නොකර මහජනය අතර ගැවසෙන්නේ නම්, එම රෝගය ව්‍යාප්ත කිරීම උත්සහ ගන්නේනම්, වෙනත් පුද්ගලයකු ඔහුව වසන් කරන්නේනම් එය නීතිමය වරදක් බවත් ඒ සම්බන්ධයෙන් සියලු පොලිස් ස්ථාන දැනුවත් කර ඇති බව නීති කොට්ඨාසය බාර නියෝජ්‍ය පොලිස්පති අජිත් රෝහණ මහතා පවසයි.

15 March 2020

කොරෝනා යැයි සැක සංචාරක මඟ පෙන්වන්නකු වැල්ලවාය රෝහලට

කොරෝනා වෛරසයට ගොදුරු වී ඇති බවට සැක සහිත සංචාරක මඟ පෙන්වන්නෙකු අද (15) වැල්ලවාය මූලික රෝහලට ඇතුළත් කර ඇතැයි වැල්ලවාය පොලීසිය පවසයි.

15 March 2020

සිකුරාදා ජුම්මා යාච්ඥා නවතන්නැයි ඉල්ලීමක්

සිකුරාදා දිනවලදී ඉස්ලාම් දේවස්ථානවලදී සිදුකරන ජුම්මා යාච්ඥාව, දිනකට පස්වරක් කරනු ලබන සාම්ප්‍රදායික යාච්ඥා පහ ඇතුළු සියලු මහජන රැස්වීම් ආදිය තාවකාලිකව නවතාදමන ලෙස සියලු මුස්ලිම් සංවිධානවලින් ඉල්ලා සිටින බව සමස්ත ලංකා ජමියතුල් උලමා සංවිධානය පවසයි.

15 March 2020

පලාලි ගුවන් තොටුපළ වසාදමයි

යාපනය පලාලි ජාත්‍යන්තර ගුවන්තොටුපොළ සති දෙකක කාලයකට වසා දැමීමට තීරණය කළ බව සිවිල් ගුවන් සේවා අධිකාරිය අද(15) පැවසීය.

15 March 2020

කොරෝනා බවට සැක තවත් තිදෙනෙක් කරාපිටියට

කොරෝනා බවට සැකකෙරෙන විදේශිකයින් තිදෙනෙක් කරාපිටිය ශික්ෂණ රෝහලට අද (15) ඇතුළත් කළ බව රෝහල් ප්‍රකාශකයෙක් පැවසීය.

15 March 2020

කොරෝනා මඬින්න හදිසි මිලට ගැනීම්වලට අවසර

කොරෝනා වයිරසය ව්‍යාප්තවීම වැළැක්වීම,පාලනය සහ ප්‍රතිකාර සඳහා ඖෂධ, ආරක්‍ෂිත මෙවලම් හා වෛද්‍ය උපකරණ මිලදී ගැනීමට මුදල් රාජ්‍ය ඖෂධ සංස්ථාවට හා වෛද්‍ය සැපයීම් දෙපාර්තමේන්තුවට කඩිනමින් ලබාදීමටත්, හදිසි මිලදී ගැනීම සඳහා අවසර ලබාදීමටත් සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්‍ෂණ අමාත්‍යංශය තීරණය කර ඇත.

15 March 2020

උත්තරදේවී අද සිට තඹුත්තේගමත් නවත්වයි

මෙතෙක් සීමිත ස්ථාන කිහිපයක පමණක් නවතන ලද උත්තරදේවී ශීඝ්‍රගාමී දුම්රිය අද(15) සිට තඹුත්තේගමදී නැවැත්වීමට දුම්රිය දෙපාර්තමේන්තුව පියවර ගෙන ඇත.

15 March 2020

කොරෝනා ගැන දැනුම් දෙන්න විශේෂ මෙහෙයුම් මැදිරියක්

කොරෝනා වයිරසය නිරෝධායන ට සහය දැක්වීමේ අරමුණින් එම සිද්ධීන් දැනුම් දීම සදහා පොලිස් මුලස්ථානයේ විශේෂ මෙහෙයුම් මැදිරියක් ස්ථාපිත කර ඇති බව නීති කොට්ඨාසය බාර නියෝජ්‍ය පොලිස්පති අජිත් රෝහණ මහතා අද (15) පැවසීය.

15 March 2020

ඩුබායිහි සිනමාහල්-ව්‍යායාම් මධ්‍යස්ථාන වසාදමයි

ඩුබායිහි සියලු ව්‍යායාම් මධ්‍යස්ථාන සහ සිනමාශාලා මාර්තු මාසය අවසන් වනතුරු වසාදැමීමට එක්සත් අරාබි එමීර් රාජ්‍යයේ ආර්ථික සංවර්ධන දෙපාර්තමේන්තුව උපදෙස් දී තිබේ.

15 March 2020

ස්පාඤ්ඤ වැසියන්ට නිවාසවලින් පිටවීම තහනම්

කොරෝනා වයිරසය ව්‍යාපත්වීමෙන් ස්පාඤ්ඤයේ උද්ගතව ඇති හදිසි තත්වය හේතුවෙන් සිය පුරවැසියන්ට නිවාසවලින් පිටතට පැමිණීම තහනම් කිරීමට එරට අගමැති පෙද්‍රෝ සැන්චිස් මහතා දැනුම් දී තිබේ.

15 March 2020

‘නාමයෝජනා - ඇප මුදල් හෙට බාරගන්නේ නෑ’

පාර්ලිමේන්තු මහ මැතිවරණය සඳහා ඇප මුදල් බාරගැනීම හෝ නාමයෝජනා බාර ගැනීම හෙට (16) දිනයේ සිදුනොකරන බව මැතිවරණ කොමිෂන් සභාවේ සභාපති මහින්ද දේශප්‍රිය මහතා මාධ්‍ය නිවේදනයක් නිකුත් කරමින් සඳහන් කරයි.

15 March 2020

‘ මැතිවරණය කල් නොදැමීමට උපරිම උත්සාහ කරනවා ‘

රජය මැතිවරණය කල් නොදමා සිටින්නට හැකි උපරිම උත්සාහය ගන්නේ යැයි වාරියමාර්ග සහ ග්‍රාමීය සංවර්ධන හිටපු රාජ්‍ය ඇමැති මහින්ද යාපා අබේවර්ධන මහතා ‘ලංකාදීප’ යට අද(15) පැවැසීය.

15 March 2020

දඹාන ආදීවාසී කෞතුකාගාරයත් වහයි

දඹාන ආදිවාසී ගම්මානයේ කෞතුකාගාරය තාවකාලිකව වසා දැමීමට තීරණය කළ බව ආදිවාසී නායක විශ්ව කීර්ති වනස්පතී ඌරුවරිගයේ වන්නිලා ඇත්තන් පැවසීය.

15 March 2020

කොරෝනා ගැන බොරු ප්‍රචාර පැතිරවූ 23 ක් ගැන විමර්ශන

සමාජ මාධ්‍ය තුළ කොරෝනා වෛරසය සම්බන්ධයෙන් අසත්‍ය ප්‍රචාර පැතිර වූ 23 දෙනෙකු ගැන විමර්ශන ආරම්භ කර ඇති බව පොලිස් මුලස්ථානය පවසයි.

15 March 2020

ශ්‍රී ලංකා දූත මණ්ඩල කාර්යාල 11 ක කටයුතු සීමා කෙරේ

විදේශයන් හි පිහිටි ශ්‍රී ලංකා තානාපති කාර්යාල 11 ක කොන්සියුලර් සේවාවන් හෙට (16) සිට සීමා කීරීමට විදේශ සබදතා අමාත්‍යාංශය පියවර ගෙන ඇත.

15 March 2020

මහමැතිවරණය කල් දමන්නැයි රජයෙන් ඉල්ලයි

කොරෝනා වයිරසයෙන් රට පත්ව ඇති ව්‍යසනකාරී තත්ත්වය ජාතික ආරක්ෂාව ආදී සියලු කරුණු තේරුම්ගෙන මහමැතිවරණය කල් දමන්නැයි රජයෙන් ඉල්ලිමක් කරන බව හිටපු පාර්ලිමේන්තු මන්ත්‍රී විජිත් විජයමුනි සොයිසා මහතා පැවැසීය.

15 March 2020

කොරෝනා යැයි සැක 133 ක් රෝහල් 16 ක

කොරෝනා වයිරසය (කොවිඩ්-19) ශරීරගත වී ඇත්දැයි සැක සහිත පුද්ගලයින් 133 දෙනකු මේ වන විට ශ්‍රී ලංකාව පුරා රෝහල් 16 ක් වෛද්‍ය අධීක්ණය යටතේ සිටින බවට සෞඛ්‍ය සහ දේශිය වෛද්‍ය සේවා අමාත්‍යංශයේ වසංගත රෝග විද්‍යා අංශය කියයි.

15 March 2020

ප්‍රංශයේ අවන්හල්-වෙළඳසැල්-සිනමාහල් වසා දමයි

ප්‍රංශයේ කොරෝනා වයිරසයෙන් මිය ගිය පුද්ගලයන් සංඛ්‍යාව 91 දක්වා ඉහළ යාමත් සමඟ එරට ආපනශාලා, වෙළඳසැල්, සමාජශාලා සහ සිනමාශාලා වසාදැමීමට බලධාරීන් පියවර ගෙන තිබේ.

15 March 2020

‘දුම්රිය-බස් නැවතුම් පොළවල දෑත් සෝදන්න පහසුකම් සපයන්න උපදෙස්’

කොරෝනා වයිරසය ආරක්‍ෂාවීම සඳහා දෑත් පිරිසිදු කර ගැනීමට දිවයිනේ සියලු දුම්රියපොළ හා බස් නැවතුම්පළවල දෑත් සෝදා ගැනීමට මගීන්ට පහසුකම් සපයන ලෙස මගී ප්‍රවාහන කළමනාකරණ අමාත්‍ය මහින්ද අමරවීර මහතා බලධාරීන්ට අද (15) උපදෙස් දී ඇත.

15 March 2020

මහජන දින-සම්මන්ත්‍රණ අවලංගුයි

රජයේ සියලුම කටයුතු කාර්යාල වලට පමණක් සීමා වන පරිදි සංවිධානය කිරීමටත්, මහජන දිනයන්, සාකච්ඡා, සම්මන්ත්‍රණ නැවත දැනුම් දෙනතුරු අවලංගු කිරීමටත් රජය අද (15) තීරණය කර තිබේ.

15 March 2020

රැඳවියකුට කොරෝනා වැළඳුනේ යැයි සැකයට බන්ධනාගාර නිලධාරීහු වැඩ වරති

අනුරාධපුර බන්ධනාගාරයේ රැඳවියකුට කොරෝනා රෝගය වැළදී ඇතැයි සැකයට අනුරාධපුර ශීක්ෂණ රෝහලට ඇතුළත් කළ රෝගියාට බියෙන් බන්ධනාගාර නිලධාරින් සේවයට වාර්තා නොකිරිමෙන් බන්ධනාගාරයේ රාජකාරි කටයුතු වලට බාධා ඇති වී තිබෙන උසස් නිලධාරියකු අද (15) පැවසීය.

15 March 2020

පුපුරණ ද්‍රව්‍ය සමඟ පුද්ගලයකු අත්අඩංගුවට

කිලිනොච්චිය, මුරුසමොටෙයි, කොරක්කන්කන්ඩිරිප්පු නිවසක් තිබූ බෝම්බ පිපිරවීම සඳහා යොදාගන්නා ඩෙටනේටර කොටස් හා ටි.56 ජීව උණ්ඩ ඇතුළු පුපුරණ ද්‍රව්‍ය කොටස් සමඟ පුද්ගලයකු අත්අඩංගුවට ගත් බව කිලිනොච්චිය පොලිසිය කියයි.

15 March 2020

ලොව පුරා කොරෝනා ආසාදිතයන් 152,000 ඉක්මවයි

ලොව පුරා කොරෝනා වයිරසය ආසාදනය වූ පුද්ගලයන් සංඛ්‍යාව 152,000 ඉක්මවා ඇති බව ලෝක සෞඛ්‍ය සංවිධානය පවසයි.

15 March 2020

බොහෝ ප්‍රදේශවලට හෙට සිට වැසි

උතුරු පළාතේ හැර දිවයිනේ දිවයිනේ බොහෝ ප්‍රදේශවලට හෙට (16) සිට මෙම මස 18 වැනිදා තෙක් පස්වරුවේ වැසි ඇතිවන බව කාලගුණ විද්‍යා දෙපාර්තමේන්තුව පවසයි.

15 March 2020

වන්දනා ගමන්-ආගමික උත්සව නවත්වන්නැයි උපදෙස්

සියලු වන්දනාගමන් නවතා දමන ලෙසත් ජනතාව සහභාගී වන ආගමික උත්සව අවලංගු කරන ලෙසත් බුද්ධ ශාසන අමාත්‍යාංශය නිවේදනයක් නිකුත් කර ඇත.

15 March 2020

ලන්ඩන් නුවර අලුත උපන් බිලිඳෙකුටත් කොරෝනා

බ්‍රිතාන්‍යයේ ලන්ඩන් නුවර රෝහලකදී අලුතින් උපන් බිලිඳෙකුට ද කොරෝනා වයිරසය ආසාදනය වී ඇති බව වෛද්‍ය පරීක්ෂණ මගින් තහවුරු වී තිබේ.

15 March 2020

ශ්‍රී පාද වන්දනා ගමන් නවත්වන්නැයි ඉල්ලීමක්

අතිවිශාල ජනතාවක් ඒකරාශි වන ශ්‍රී පාද වන්දනා ගමන නතර කරන ලෙස නුවරඑළිය දිස්ත්‍රික් ලේකම් හෝරණ පුෂ්පකුමාර මහතා බුද්ධශාසන අමාත්‍යාංශයේ ලේකම් වරයාගෙන් ඉල්ලීමක් කර ඇත.

15 March 2020