එසැණ පුවත්

පළාත් රැසකට අද සවස තද වැසි

දිවයිනේ බොහෝ ප්‍රදේශවල අද (24) සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බවත් කාලගුණ විද්‍යා දෙපාර්තමේන්තුව පවසයි.

24 April 2022

සහල් දුන් විදේශිකයාගෙන් බෙහෙත් ගන්න අත දෙයි

වැලිගම නගරයේ අවුවැසි නොතකා සතෝස පොලිමේ සිටි 129 දෙනකුට සහල් කිලෝ පහ බැඟින් ලබාදුන් ඊශ්‍රායල් ජාතික ග්‍රයි රොසම්බ්‍රක් මහතා රුපියල් 2000 බැගින් බෙහෙත් ගැනීමට ආ පිරිසට පරිත්‍යාග කළේය.

24 April 2022

රඹුක්කන සිද්ධියට හිටපු මැකෝ තනියම විරෝධයක

හිටපු මැතිවරණ කොමසාරිස් හා සිමා නිර්ණ කොමිසමේ වත්මන් සභාපති මහින්ද දේශප්‍රිය මහතා අද පස්වරුවේ දැන්වීම් පුවරුවක් එල්ලාගෙන අම්බලන්ගොඩ නගරයේ විරෝධාවක නිරත විය.

23 April 2022

චමින්ද වෙනුවෙන් අරලියගහ මැදුර අසල මල්වඩම් හා සුදු කොඩි

රඹුක්කන නගරයේ පැවැති ආණ්ඩු එරෙහි විරෝධයෙන් මියගිය චමින්ද ලක්ෂා වෙන්නුවෙන් අරලියගහ මැදුරේ ප්‍රධාන ගේට්ටුවේ සුදු කොඩිවලින් සරසා ඇති අයුරු අප කැමරාවේ සටහන් වූයේ මේ අයුරිණි.

23 April 2022

හෙට විරෝධයට අධිකරණය දුන් තීන්දුව

ආණ්ඩුවට එරෙහිව ගාලුමුවදොර පිටියේ පැවැත්වෙන උද්ඝෝෂණයට සමගාමීව (24) හෙට දින පැවැත්වෙන විරෝධතා ව්‍යාපාරයක් හේතුවෙන් රාජ්‍ය දේපල වලට හානි සිදු වීමට ඉඩ ඉඩකඩ ඇති බැවින් එය නවතා දමන ලෙසට නියෝගයක් නිකුත් කරන්නැයි කොළඹ කොටුව පොලිසිය අධිකරණයෙන් කළ ඉල්ලීමක් කොළඹ අතිරේක මහේස්ත්‍රාත් ටී. ප්‍රභාකරන් මහතා අද (23) ප්‍රතික්ෂේප කළේය.

23 April 2022

ජම්බු ගෙඩියෙන් ආ මාරයා දැරිය ඩැහැ ගනී

ජම්බු ගෙඩියක් උගුරේ සිරවීමෙන් වයස අවුරුදු 08 ක දැරියක් අද දහවල් මියගොස් ඇති බව වාරියපොල රෝහල කියයි.

23 April 2022

රඹුක්කන සිද්ධියට සැකකරුවෙකු අත්අඩංගුවට

රඹුක්කන විරෝධතාවයට සහභාගී වෙමින් අයුතු ජනරාශියක සාමාජිකයකු වශයෙන් කටයුතු කළ පුද්ගලයෙකු අපරාධ පරීක්ෂණ දෙපාර්තමේන්තුව අත්අඩංගුවට ගෙන ඇති බව පොලිසිය පවසයි .

23 April 2022

කෝපා කමිටුවෙන් සුරාබදු ප්‍රධානීන්ට නිර්දේශ මාලාවක්

සුරා බදු ආදායම් ගණනය කිරීමේ ක්‍රියාවලිය වඩාත් විධිමත් කිරීම සඳහා සුරාබදු දෙපාර්තමේන්තුව, රේගු දෙපාර්තමේන්තුව සහ දේශීය ආදායම් දෙපාර්තමේන්තුව එකිනෙකට සම්බන්ධ කරමින් පරිගණක දත්ත පද්ධතිය සකස් කිරීමේ කටයුතු කඩිනම් කරන ලෙස රජයේ ගිණුම් පිළිබඳ කාරක සභාව සුරාබදු දෙපාර්තමේන්තුවේ නිලධාරීන්ට නිර්දේශ කළේය .

23 April 2022

අන්තර්වාර රජයකත් අගමැති මමයි

අන්තර්වාර රජයකත් අගමැතිවරයා තමා බව අගමැති මහින්ද රාජපක්ෂ මහතා පැවසීය.

23 April 2022

වාසු උදය ඇතුළු පිරිසක් චීන තානාපති හමුවෙති

ශ්‍රී ලංකාවට අඛණ්ඩවම සහාය ලබා දෙන්නැයි පාර්ලිමේන්තුවේ ස්වාධීන වූ මන්ත්‍රීවරු හත්දෙනෙක් ශ්‍රී ලංකාවේ චීන තානාපති සී.චෙන්හොන්ග් මහතා හමුවී ඊයේ ඉල්ලීමක් කළහ.

23 April 2022

ඉන්ධන මිල වැඩි වුණත් මන්ත්‍රී තෙල් දීමනාව පරණ ගාණටම

ඉන්ධන මිල වැඩි වුවත් පාර්ලිමේන්තු මන්ත්‍රීවරුන්ගේ ඉන්ධන දීමනාව ඊට සමගාමීව වැඩි නොකිරීමට රජය තීරණය කර ඇත.

23 April 2022

මැතිසබේ පිරිතත් කතානායක කල් දමයි

පාර්ලිමේන්තුවේ පැවැත්වීමට නියමිතව තිබූ පිරිත් පින්කමද වහාම කල් දමන්නැයි කතානායක මහින්ද යාපා අබේවර්ධන මහතා එහි නිලධාරීන්ට උපදෙස්දී ඇත.

23 April 2022

ගො.ද්‍ර.ස සභාපති ’’කෝප්’’ එකට කැඳවූ දිනට පෙරදින අස්වෙලා

සීමාසහිත ලංකා ගොඩනැගිලි ද්‍රව්‍ය සංස්ථාවේ සභාපති පොදු ව්‍යාපාර පිළිබඳ පාර්ලිමේන්තු කාරක සභාවට ( කෝප් )කැඳවූ දිනට පෙර දින එම තනතුරෙන් ඉල්ලා අස්වී ඇති අතර තමා තනතුරෙන් ඉල්ලා අස්වූයේ කමිටුවට කැඳවූ නිසා දැයි එහි සභාපති මහාචාර්ය චරිත හේරත් මහතා ඒ හිටපු සභාපතිවරයාගෙන් විමසා ඇත.

23 April 2022

ස්වාධීන කණ්ඩායම දැඩි තීන්දුවක

අගමැති මහින්ද රාජපක්ෂ මහතා ඉවත් වී අන්තර්කාලීන ආණ්ඩුවක් පිහිටුවීමට කටයුතු නොකරන්නේ නම් ,විපක්ෂයෙන් ඉදිරිපත් කරන විශ්වාසභංග යෝජනාවට සහාය දීමට ස්වාධීන වූ මන්ත්‍රීවරුන් හතළිස් දෙනාගේ කණ්ඩායමේ අවධානය යොමුවී ඇතැයි දේශපාලන ආරංචි මාර්ග සඳහන් කරයි.

23 April 2022

මැණික් පාර්සල් 19ක් කෝටියක ගාස්තු නැතුව නිකන්ම දීලා

ශ්‍රී ලංකා රේගුව විසින් බාර දෙනු ලැබ ජාතික මැණික් හා ස්වර්ණාභරණ අධිකාරියේ සුරක්ෂිතාගාරයේ තැන්පත් කර තිබූ මැණික් පාර්සල් 19 ක් වෙනුවෙන් රුපියල් කෝටියකට වැඩි ගාස්තුවක් අයකර ගැනීම පැහැර හැර ඇතැයි ජාතික විගණන කාර්යාලය පවසයි.

23 April 2022

තනතුරු අත්හැරියත් පිරිවර එසේමයි

ඇමැති ධුර අහිමි වූ හිටපු ඇමතිවරුන් වැඩිදෙනකු ඔවුන් භාවිත කළ නිල වාහන ආදිය තවමත් බාර දී නැතැයි නැතැයි වාර්තා වේ.

23 April 2022

මන්ත්‍රීවරුන්ට සැප ගෙවල්දීමේ ව්‍යාපෘතිය නවතයි

පාර්ලිමේන්තු මන්ත්‍රීවරුන් 101 දෙනෙකුට බත්තරමුල්ල වියත්පුර මහල් නිවාස සංකීර්ණයෙන් සුපිරි නිවාස ලබාදීමේ ව්‍යාපෘතිය වහාම ක්‍රියාත්මක වන පරිදි නතර කරන්නැයි කතානායක මහින්ද යාපා අබේවර්ධන මහතා පාර්ලිමේන්තු නිලධාරීන්ට උපදෙස්දී ඇත.

23 April 2022

රට ගොඩගන්න බන්දුලගෙන් යෝජානා 10ක්

මූල්‍ය කළමනාකරණය පිළිබඳ දැනුමක් ඇති මහජන නියෝජතියන් බහුතරයක් පාර්ලිමේන්තුවට පත් නොවීම හා පාර්ලිමේන්තුව කතා මණ්ඩපයක් බවට පත්වීම හේතුවෙන් මේ ආර්ථික අර්බුදය පාර්ලිමේන්තුව වටහා ගැනිමට නොහැකිවූ අතර තමන් ඇතුළු මන්ත්‍රීවරුන් සිය නිල රාජකාරි ඉටු කිරීමට අසමත්වී ඇතැයි හිටපු ඇමැති බන්දුල ගුණවර්ධන ජනාධිපතිට ලිපියක් යවමින් සඳහන් කර ඇත.

23 April 2022

සතොස සහල් මිලත් නගී

සතොස නාඩු සහ කැකුළු සහල් කිලෝවක් රුපියල් 145 ක් දක්වාද සම්බා කිලෝවක් රුපියල් 175 ක් දක්වාද ඉහළ දමා තිබේ.

23 April 2022

රටවල් දෙකකින් තවත් ඖෂධ පරිත්‍යාග

ඉන්දීය රජය පරිත්‍යාගයක් ලෙස ලබාදෙන ඖෂධ සහ ශල්‍ය උපාංග වර්ග 101 ක් එරට නාවික හමුදාවට අයත් ගාරියල් නෞකාවෙන් ශ්‍රී ලංකාවට ලබන 27 වැනිදා බදාදා රැගෙන ඒමට නියමිතව ඇතැයි සෞඛ්‍ය අමාත්‍ය මහාචාර්ය චන්න ජයසුමන මහතා පැවසීය .

23 April 2022

’ජනමතයට ඇහුම්කන් දෙන්න’

මෙරට ප්‍රමුඛ පෙළේ ව්‍යාපාර අටක් ලිපියක් මගින් රජයෙන් ඉල්ලීම් කර ඇත. ඒ මෙරට ආර්ථිකය නැවත ශක්තිමත් කිරීමට අවශ්‍ය ස්ථාවරත්වය සහතික කිරීමට ජනතාවගේ කැමැත්තට ගරු කරමින් හැකි ඉක්මනින් අවශ්‍ය පියවර ගන්නා ලෙසය එමගින් ඉල්ලා ඇත.

23 April 2022

හොංකොං විදෙස් සංචාරකයන්ට විවෘත වෙයි

වසර දෙකකට පසු හොංකොං විදෙස් සංචාරකයන්ට විවෘත විය. ලොව ආර්ථික කේන්ද්‍රස්ථානයක් ලෙස සැලකෙන හොංකොං විදේශිකයන්ට වසා දැමුණේ මීට වසර දෙකකට පෙර 2020 දී ’කොවිඩ් 19’ වසංගතය හේතුවෙනි.

23 April 2022

ජගත් මහ ලේකම් මොස්කව් යයි

එක්සත් ජාතීන්ගේ මහ ලේකම් ඇන්තෝනියෝ ගුටරේස් රුසියාවේ මොස්කව් අගනුවර බලා යෑමට සූදානම් වෙයි.

23 April 2022

චමින්දගේ දේහයට අවසන් ‌ගෞරව දැක්වන්න රුවන් යයි

රඹුක්කන ප්‍රදේශයේදී විරෝධතාවකදී වෙඩි වැදී මියගිය චමින්ද ලක්ෂාන් මහතා ගේ දේහයට අවසන් ‌ගෞරව දැක්වීම සඳහා එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා සහ හිටපු පාර්ලිමෙන්තු මන්ත්‍රී සන්දින් සමරසිංහ මහතා අද (22) පස්වරුවේ ඔහු‌ගේ නිවසට ගියහ.

22 April 2022

රජයට විරෝධය පා ගම්පහත් උද්ඝෝෂණ

ජනාධිපතිවරයාට සහ රජයට විරෝධය පළ කරමින් ගම්පහ දුම්රිය ස්ථානය ඉදිරිපිටදී අද (22) සවස උද්ඝෝෂණයක් පැවැත්විණි.

22 April 2022

කොවිඩ් ආසාදිතයන් 50 ක්

කොවිඩ් ආසාදිතයින් තව 50 දෙනෙක් අද (22) හඳුනාගත් බව සෞඛ්‍ය අමාත්‍යාංශය පවසයි.

22 April 2022

’’අර්බුදය විසඳන්න පාර්ලිමේන්තුවට බලය දෙමු’’

අනවරත අරගලයක යෙදී සිටින අහිංසක පුරවැසියන්ගේ අදෝනාවට සංවේදී වෙමින්, අග්‍රාමාත්‍යවරයා ප්‍රමුඛ කැබිනට් මණ්ඩලය ඉල්ලා අස්වි සර්වපාක්ෂික නව ආණ්ඩුවක් පිහිටුවීමට පාර්ලිමේන්තුවට අවස්ථාව දිය යුතු යැයි හිටපු ජනමාධ්‍ය අමාත්‍ය ඩලස් අලහප්පෙරුම මහතා ජනාධිපති ගෝඨාභය රාජපක්ෂ මහතාට ලිපියක් යොමුකරමින් ඉල්ලීමක් කර ඇත.

22 April 2022

මහජන ආරක්ෂක ඇමතිගෙන් කාදිනල්තුමාට ලිපියක්

පාස්කු ඉරුදින ප්‍රහාරයේ විමර්ශන සම්බන්ධයෙන් මැල්කම් කාදිනල් රංජිත් අගරදගුරුතුමාට සම්පූර්ණ විස්තර ඇතුළත් ලිපියක් යොමු කළ බව මහජන ආරක්ෂක අමාත්‍ය ප්‍රසන්න රණතුංග මහතා පාර්ලිමේන්තුවේදී අද පැවැසීය.

22 April 2022