එසැණ පුවත්

වසරක් තුළ තුන්ගුණයකින් විදුලි බිල වැඩි වේ

ගතවූ වසරක කාලයේදී රජය මගින් විදුලිබිල සියයට 300කින් එනම් තුන් ගුණයකින් ඉහළ නංවා ඇතැයි 43 වන සේනාංකයේ නායක, පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

ආධාරකරුවන්ට බෙදන්න කසිප්පු පෙරලා

මැතිවරණ ප්‍රචාරක කටයුතු සඳහා ආධාර කිරීමට පැමිණෙන අයට පානය කිරීමට ලබා දීමට යැයි කියමින් කසිප්පු පෙරූ බව කියන උඩුබද්දාව ප්‍රාදේශීය සභාවට ස්වාධීන කණ්ඩායමකින් තරග කරන අපේක්ෂකයෙක් කුලියාපිටිය කොට්ඨාස දූෂණ මර්දන අංශයේ පොලිස් කණ්ඩායමක් විසින් පෙරේදා 18 වෙනිදා සැකපිට අත්අඩංගුවට ගනු ලැබීය.

නාවික සෙබළාගේ පා පහරින් සිව් මස් කලලය විනාශවේ

ගණේමුල්ල අමුණුගොඩ නිවසක පැවති උපන්දින සාදයක දී අතිවූ ගැටුමක් අතර ගැබිණි කාන්තාවගේ උදරයට පා පහර එල්ල කළ බව කියන නාවික හමුදාවේ සෙබළෙක් ගනේමුල්ල පොලිසිය විසින් සැකපිට අත්අඩංගුවට ගනු ලැබීය.

ජනසෙත පෙරමුණේ සභාපතිගෙ සුනඛයට වෙඩි තබලා

දේශපාලන පක්ෂයක් වූ ජනසෙත පෙරමුණේ සභාපති නිලන්ත කුමාර රණසිංහ මහතාගේ අරඹේපොල ගමන්වත්ත පිහිටි නිවසේ සුරතලයට ඇති කරන ලද සුනඛයාට අසල්වැසියකු වෙඩි තබා මරා දමා ඇති බවට පැමිණිල්ලක් ලැබී ඇතැයි පොතුහැර පොලිසිය පවසයි.

වන්දනා නඩයක් රැගත් බසයක් ප්‍රපාතයකට පෙරළේ

වන්දනාකරුවන් රැගත් බස්රථයක් ගිනිගත්හේන නෝර්ටන්බ්‍රිජ් පොලිසියට නුදුරු ප්‍රදේශයකදී අද රාත්‍රී 9.15 ට පමණ අඩි 100 ක පමණ ප්‍රපාතයකට පෙරළීමෙන් දෙදෙනකු මියගොස් 26 දෙනකු තුවාල ලබා ඇතැයි එම පොලිසිය පවසයි.

ජනරජ පෙරහර වීථි සංචාරය කරයි

ශ්‍රී ලංකා නිදහස ලබා වසර 75 පිරිම නිමිත්තෙන් ජනධිපති රනිල් වික්‍රමසිංහ මහතාගේ විශේෂ ඉල්ලීම පරිදි ඓතිහාසික ශ්‍රී දළදා මාලිගාව මගින් සංවිධානය කළ ජනරජ පෙරහෙර් ජනරජ ලාංඡනය කැලණිය රජමහා විහාරයේ කණ්ඩුල හස්තියා වැඩම කළහ.

කැලණි සරසවිය අසල නොසන්සුන්

කැලණිය විශ්ව විද්‍යාලයේ මහා ශිෂ්‍ය සංගමයේ සභාපතිවරයා ඇතුළු අත්අඩංගුවට ගෙන සිටින සිසුන් වහා නිදහස් කරන ලෙස ඉල්ලමින් එම විශ්ව විද්‍යාල සිසුන් විසින් පැවැත්වූ විරෝධතාවයක් විසුරුවා හැරීම සඳහා පොලීසිය කඳුළුගෑස් හා ජල ප්‍රහාරයක් එල්ල කළේය.

අඟුලානේ පුංචි යුද්ධයක්

කඩු පොලු අතැතිව කඩා වැදුණු සිව්දෙනකුගෙන් යුත් කල්ලියක් සිදුකළ පහරදීමකින් පුද්ගලයකු ඝාතනයට ලක්වී තවත් අයකු බරපතළ තුවාල ලබා ඇතැයි අඟුලාන පොලිසිය කියයි.

පාලි හා බෞද්ධ විශ්වවිද්‍යාලයට නිසි බලධරයෙක්

පාලි හා බෞද්ධ විශ්වවිද්‍යාලයට නිසි බලධාරියෙක් පත් කිරීමටත්,එම විශ්වවිද්‍යාලය “ජාත්‍යන්තර බෞද්ධ අධ්‍යයන කේන්ද්‍රයක්” බවට පත්කිරීමටත් කඩිනමින් කටයුතු කරන බව ජනාධිපති රනිල් වික්‍රමසිංහ මහතා පැවසීය.

මහ පාරේ නිදියන බව සජිත් කියයි

ජනතාව ඉල්ලා සිටින මැතිවරණය ලබා නොදුන්නොත් මහපාරේ ප්‍රජාතන්ත්‍රවාදී සාමකාමී අරගලයක් සිදු කර මැතිවරණය කෙසේ හෝ ලබා ගන්නා බව විපක්ෂ නායක සජිත් ප්‍රේමදාස මහතා පැවසීය.

ජල බිලටත් තට්ටුවන හැඩ

විදුලිය ගාස්තු වැඩි කිරීමට සාපේක්ෂව ජල ගාස්තුද ඉදිරියේදී අනිවාර්යෙන්ම වැඩි කිරීමට සිදුවනු ඇතැයි ජල සම්පාදන හා ජලාපවහන මණ්ඩලය පවසයි.

මව් පිය වලියෙන් පසු දරු දෙදෙනාගේ සිරුරු කැලෙන් හමු වේ

රත්නපුර කරපිංච ශාන්ත ජෝකිම් වත්තේ ලැයිම් කාමර අංක හතර අසල ඇති ළිඳක් ආසන්නයේ කැලෑ රොදක තිබී අවුරුදු හතක් සහ අවුරුදු එක හමාරක් වයසැති දරු දෙදෙනකුගේ මළ සිරුරු දෙකක් හමුවු බව කුරුවිට පොලිසිය පවසයි.

රජයේ ලොක්කන්ට රට ගමන්වලදී සුපිරි සැප කපයි

ජනාධිපති ලේකම් ,අග්‍රාමාත්‍ය ලේකම් ඇතුළු ජ්‍යෙෂ්ඨ රාජ්‍ය නිලධාරීන් නිල විදේශ සංචාර වල නිරත වීමේදී ව්‍යාපාරික පන්තියේ ගමන් කිරීම තහනම් කරමින් විශේෂ චක්‍රලේඛයක් නිකුත් කිරීමට රජය තීරණය කර තිබේ.

රට යන අත ගැන ජනතාව කලකිරිලා

වෙරිටේ රිසර්ච් ආයතනයේ ‘රට හිතන හැටි’ දීප ව්‍යාප්ත ජනමත විමසුමේ පෙබරිවාරි මස ප්‍රතිපල අනුව රටේ කටයුතු ක්‍රියාත්මක වන ආකාරය පිළිබඳ ජනතා තෘප්තිය තව දුරටත් පහත බැස තිබේ.

තිරණාත්මක පෙත්සමක් හෙට කැඳවයි

පළාත් පාලන මැතිවරණය පැවැත්වීම වළකාලන රිට් ආඥාවක් නිකුත් කරන ලෙස ඉල්ලා විශ්‍රාමික කර්නල් ඩබ්ලිව්.එම්.ආර් විජේසුන්දර මහතා ගොනු කළ රිට් පෙත්සම හෙට(20) ශ්‍රේෂ්ඨාධිකරණය හමුවේ කැඳවීමට නියමිතය.

රජය ණයවීම නතර වී නෑ

ණය ගැනීම සම්පූර්ණයෙන්ම නවතා දමා ඇතැයිප්‍රකාශයට පත්කර තිබියදී රජය පසුගිය මාස එක හමාරක කාලය ඇතුළත( ජනවාරි සිට පෙබරවාරි 15 දක්වා) රුපියල් කෝටි එක්ලක්ෂ තුන් දහස් තුන්සිය හැත්තෑ හතක( බිලියන1033) ණය මුදලක් භාණ්ඩාගාර බිල්පත් සහ තිළිණපත් මගින් ලබාගෙන ඇතැයි ශ්‍රී ලංකා මහ බැංකුවේ වාර්තා අනුව පෙනී යන බව පේරාදෙණිය විශ්වවිද්‍යාලයේ ආර්ථික විද්‍යා සහ සංඛ්‍යාන අධ්‍යයන අංශයේ මහාචාර්ය වසන්ත අතුකෝරල මහතා ඉරිදා ලංකාදීපයට පැවැසීය.

ෆොන් හොරෙක් රාගමින් අල්ලයි

රාගම දුම්රිය ස්ථානයේ දුම්රිය මගීන්ගේ ජංගම දුරකතන සොරකම් කළ සැකකරුවකු රාගම පොලිස් ස්ථානය විසින් අත් අඩංගුවට ගනු ලැබ ඇත.

පුත්තලමෙත් පන්දම් විරෝධයක්

වැඩිවු විදුලි බිල හා ජීවන වියදම දරා ගත නොහැකි ලෙස ඉහල යාමට විරෝධය මතු කරමින් පුත්තලම නගරයෙ පන්දම් විරෝධයක් පැවැත්විණි.

අඩු වියදම් මැතිවරණ ක්‍රමයක් ගැන හොයන්න කමිටුවක්

මැතිවරණයකදී අපේක්ෂකයකුට වැඩි මුදලක් වැය කිරීමට සිදු නොවන නව මැතිවරණ ක්‍රමයක් සකසා ගන්නේ කෙසේ දැයි සොයා බැලීම සඳහා කමිටුවක් පත් කිරීමට අපේක්ෂා කරන බව ජනාධිපති රනිල් වික්‍රමසිංහ මහතා පැවසීය.

දඩ කොලයෙන් බේරන්න බනිසයි ප්ලේන්ටියයි ඉල්ලලා

රථවාහන වරදකට අල්ලාගත් තීරෝද රථ රියදුරකුට දඩ කොළයක් ලියා නොදීමට අල්ලස් වශයෙන් බනිස් ගෙඩි දෙකක් සහ ප්ලේන්ටි දෙකක් ඉල්ලා ලබා ගැනීමට උත්සාහ දරු අවස්ථාවේදී ත්‍රීරෝද රියේ නීතිඥවරියක සිටීමෙන් කලබලයට පත්වූ පොලිස් නිලධාරීන් දෙදෙනකු ඒ ආහාර පවා ගැනීම ප්‍රතික්ෂේප කර ත්‍රිරෝද රියද වහාම මුදා හැර ඒ ස්ථානයෙන් පිටව යෑමේ සිද්ධියක් මරදාන ප්‍රදේශයෙන් වාර්තා වේ.

ඉන්දුනීසියානු යුධ නෞකාවක් එයි

ඉන්දුනීසියානු නාවික හමුදාවට අයත් යුද නෞකාව නිල සංචාරයක් සඳහා කොළඹ වරායට අද (19) පෙරවරුවේ සේන්දු විය

දරු කුස පුරවන්න කොස් කඩන්න ගිය තිදරු මව ගසෙන් වැටී මරුට

දරුවන්ගේ කුස ගිණි නිවීමට ගෙවත්තේ කොස් ගසකින් ගෙඩියක් කැඩීමට උත්සාහ කළ සිව් දරු මවක් ගසින් වැටී මියගොස් ඇති බව ගම්පොල පොලිසිය කියයි.

තෙල් බවුසර අඩි 60 ප්‍රපාතයේ

හක්ගල ප්‍රදේශයේදී ඉන්ධන බවුසරයක් අඩි 60 ක ප්‍රපාතයකට පෙරළීමෙන් බවුසර් රථයේ රියදුරුට සහ රිය සහයකට බරපතල තුවාල සිදුවී ඇති බව නුවරඑළිය පොලිසිය පවසයි.

ලොව ලොකුම තේ පෝච්චිය ලංකාවෙන්

සෞදි අරාබියාවේ වෙළඳපොළට ශ්‍රී ලංකා තේ සපයනු ලබන ප්‍රධානතම තේ සැපයුම්කරුවකු වන කදීර් තේ ආනයන සමාගම ලොව විශාලතම තේ පෝච්චියට හිමි ගිනස් වාර්තාව හිමිකර ගෙන ඇත.

පළාත් කීපයකට පොඩ්ඩ පොඩ්ඩ වැස්ස

දිවයිනේ බොහෝ පදේශවලට අද (19) දිනයේදී වැසි බලාපොරොත්තු වන බව කාලගුණ විද්‍යා දෙපාර්තමේන්තුව පවසයි. නැගෙනහිර සහ ඌව පළාත්වලත්, පොලොන්නරුව සහ මාතලේ දිස්ත්‍රික්කවලත් වැසිවාර කිහිපයක් ඇතිවන බව එම දෙපාර්තමේන්තුව සඳහන් කරයි.

බන්ඩි පෝර දහදාහට දෙන්න කැබිනට් පත්‍රිකාවක්

චක්‍රලේඛයක් අමාත්‍යංශවල වැඩට බාධා කරයි

පසුව මුදල් ලබා දීමේ ක්‍රමය යටතේ රජයේ සියලු ආයතනවල මුද්‍රණ කටයුතු සිදුකරන නමුත් පසුගියදා නිකුත් කරන ලද චක්‍රලේඛයක් නිසා රාජ්‍ය ආයතනවල මුද්‍රණ කටයුතු කිරීම ගැටලුවක් වී ඇති බව දේශපාලන අංශ පෙන්වා දෙයි.

මැතිවරණ කොමිසම වැඩ නවත්වයි

තැපැල් ඡන්ද පත්‍රිකා සලකුණු කිරීම දින නියමයකින් තොරව කල් දැමීමට තීරණය කිරීමත් සමග ඉදිරි පරිපාලනමය කටයුතු සම්බන්ධයෙන් මැතිවරණ කොමසාරිස් ජනරාල්වරයා සියලුම දිස්ත්‍රික් තේරීම්භාර නිලධාරීවරුන්ට සහ සියලුම දිස්ත්‍රික් නියෝජ්‍ය හා සහකාර තේරීම්භාර නිලධාරීන්ට ලිපියක් යොමු කරමින් උපදෙස් මාලාවක් ලබා දී ඇත.