(යොහාන් භාසුර)

ශ්‍රී ලංකාවට මේ දිනවල පවතින අධික උණුසුම් තත්වය ලබන මැයි මස අග දක්වා පවතින බවත් මෝසම් සුළං ශ්‍රී ලංකාව හරහා හොදින් ස්ථාපිත වූ පසු දැඩි උණුසුම් තත්වය ක්‍රමයෙන් අඩු වන බවත් කාලගුණ විද්‍යා දෙපාර්තමේන්තුවේ අධ්‍යක්‍ෂ ආචාර්ය ශිරෝමනී ජයවර්ධන මහත්මිය පැවසුවාය.

මාර්තු, අප්‍රේල් සහ මැයි යන මාස තුන සාමාන්‍යයෙන් ශ්‍රී ලංකාවට උණුසුම් මාස තුනක් බව කී ජයවර්ධන මහත්මිය ශ්‍රී ලංකාව අන්තර් මෝසම් පරිච්ජේදයක සිටින නිසා පරිසර උෂ්ණත්වයට වඩා ශරීර උෂ්ණවය වැඩි බව ද සඳහන් කළාය.

ඒ හේතුවෙන් සුළගේ වේගය විශාල වශයෙන් අඩුවීමෙන් පරිසරය තුළ ජල වාෂ්ප රැදී තිබීමෙන් ශරීරයෙන් නිකුත් වන වාෂ්ප දහනය නොවීමෙන් ශරීරයට දැණෙන උෂ්ණත්වය ඉහළ ගොස් ඇති බවත් පරිසර උෂ්ණවය මේ දිනවල සාමාන්‍යයෙන් අංශක 33 ත් 36 ත් අතර පැවතිය ද ශරීරයට ඊට වඩා වැඩි උෂ්ණත්වයක් දැණෙන බවත් ඇය වැඩිදුරටත් කීවාය.