එසැණ පුවත්

හීනකන්දේ සුන්දර වන අලිය විදුලි සැර වැදී

මැදවච්චිය හීනකන්ද පළාත සුන්දර කළ වන අලියකු විදුලි සැර වද්දවා මරා දමා ඇතැයි කහටගස්දිගිලිය වන සත්ව අඩවි කාර්යාලය කියයි.

26 December 2023

මන්ත්‍රී විස්සක් රට සවාරියේ

පාර්ලිමේන්තු මන්ත්‍රීවරුන් විස්සකට වැඩි පිරිසක් අලුත් අවුරුදු නිවාඩුව ගත කිරීම සඳහා මේ දිනවල විදේශගතව සිටින බව පාර්ලිමේන්තු ආරංචි මාර්ගවලින් පැවසේ.

26 December 2023

උදුලා දාබරේ දිවි රඟමඩලට සමු දෙයි

ජ්‍යෙෂ්ඨ රංගන ශිල්පිනියක වූ උදුලා දාබරේ මෙනවිය දිවි රඟමඩලට දහවල් සමුදුන්නාය. මිය යන විට ඇය 87 වන වියෙහි පසුවූවාය.

26 December 2023

පොලිසියට ඇඳුම් මසන්නා කුඩු සමග මාට්ටු

කළුතර දිසාවේ පොලිස් නිලධාරින්ට සහ බන්ධනාගාර නිළධාරීන්ට නිළ ඇදුම් මැසූ ඇඳුම් මසන්නා හෙරෝයින් මත්කුඩු සමග අත්අඩංගුවට ගත්බව කළුතර කොට්ඨාස විෂ මත්ද්‍රව්‍ය වැටලීම් ඒකකය පවසයි .

26 December 2023

ගලබඩ ඇල්ලට සිසුවෙක් බිලි

ගලබඩ දිය ඇල්ලේ ගැඹුරු වලක දිය නැමට ගිය පාසල් සිසුවකු දියේ ගිලි අද පස්වරුවේ ජිවිතක්ෂයට පත් වි ඇති බව නාවලපිටිය පොලිසිය පැවසිය.

26 December 2023

මැතිසභා ’’බස් පත’’ ජනවාරි 31 න් අහෝසියි

ශ්‍රී ලංකා ගමනාගමන මණ්ඩලයේ බස් රථවල නොමිලයේ ගමන් කිරීම සඳහා පාර්ලිමේන්තු සේවකයන්ට දෙන බස් ගමන් බලපත ජනවාරි 31 වැනිදායින් පසු අහෝසි කෙරෙන බව එහි ආරංචි මාර්ගවලින් පැවසේ.

26 December 2023

කෙහෙළියගේ ලියකියවිලි සී.අයි.ඩී බාරයට

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා බාල ඖෂධ ආනයනයට අදාළ යැයි කියන ලියකියවිලි කිහිපයක් අපරාධ පරීක්ෂණ දෙපාර්තමේන්තුවට අද බාර දුන්නේය.

26 December 2023

‘ෆෙස්බුක්’ හරහා ඩුබායි රැකියා පෙන්වූ අයෙක් අල්ලයි

ඩුබායි රාජ්‍යයේ පිරිසිදු කිරීමේ රැකියා දෙන්නේ යැයි ‘ෆෙස්බුක්’ සමාජ මාධ්‍ය ජාලයේ දැන්වීම් පළකළ පුද්ගලයෙක් මහනුවරදී අත්අඩංගුවට ගත් බව ශ්‍රී ලංකා විදේශ සේවා නියුක්ති කාර්යාංශය පැවසීය.

26 December 2023

පාසලේ උපකරණ සොරාගත් සිසුන් දෙදෙනා අත්අඩංගුවට

මුන්දලම සිංහල මහා විද්‍යාලය හා ප්‍රාථමික විද්‍යාල දෙකක උපකරණ රැසකට හානි කර ලක්ෂ අටකට ආසන්න උපකරණ හා මුදල් සොරා ගැනිමේ සිද්දියකට පාසලේම සිසුන් දෙදෙනෙකු මුන්දලම පොලිසිය අද( 26) සොරා ගත් උපකරණ රැසක් සමග අත් අඩංගුවට ගත් බව කියයි.

26 December 2023

මාතර හිරගෙදර ‘උණ’ සමනය වන ලකුණු

උණ රෝගී තත්වයක් හේතුවෙන් කටයුතු සීමාකර ඇති මාතර බන්ධනාගාරය සාමාන්‍ය තත්වයට පත්වෙමින් තිබෙන බවත් පසුගිය පැය 48 කාලය තුළ උණ රෝගීන් වාර්තා නොවූ බවත් බන්ධනාගාර මාධ්‍ය ප්‍රකාශක, බන්ධනාගාර කොමසාරිස් (පුනුරුත්ථාපන) ගාමිණි දිසානායක මහතා පැවසීය.

26 December 2023

බීමතින් ත්‍රීරෝද රිය පදවා අනතුරු දෙකක් කළ සැරයන් අත්අඩංගුවට

බලපත්‍රයක් නොමැතිව බීමතින් ත්‍රීරෝද රථයක් පදවා එය යතුරුපැදියක හා මෝටර් රථයක ගැටීමෙන් අනතුරක් සිදු කිරීම සම්බන්ධයෙන් පොලිස් සැරයන්වරයෙකු අත්අඩංගුවට ගත් බව මහබාගේ පොලිසිය පවසයි.

26 December 2023

‘නව සේද මාවත’ වසර 10 ක් සපුරයි

චීනය දියත් කර තිබෙන ‘මාවතක් - තීරයක්’ යන තේමාව යටතේ ‘නව සේද මාවත’ ආරම්භ කර වසර 10 ක් සම්පූර්ණ වන බවත් ලෝක ඉතිහාසය තුළ තනි රටක් මුළු ලෝකයම ආවරණය වන පරිද්දෙන් ක්‍රියාත්මක කරන දැවැන්තම යටිතල පහසුකම් සහ සමාජ - ආර්ථික පහසුකම් සංවර්ධනය ව්‍යාපෘතිය බවත් ‘ආසියානු ප්‍රගති සංසදය’ පැවසීය.

26 December 2023

ජනපති කියන සුහුරු රටේ ඇති දේ සජිත් කියයි

සුහුරු රටක් ගොඩනඟන බවට ජනාධිපතිවරයා පාම්පෝරි ගැසුවත් ඔහු කියන සුහුරු රටේ ඇත්තේ වැඩි කිරීම හා විකිණිම පමණක් බව විපක්ෂ නායක සජිත් ප්‍රේමදාස මහතා ප්‍රකාශ කළේය.

26 December 2023

බදුල්ලට විශේෂ දුම්රිය දෙකක්

කොළඹ කොටුව සිට බදුල්ල දක්වා විශේෂ දුම්රිය දෙකක් හෙට (27)- සහ 29 යන දිනවල ධාවනය කිරීමට දුම්රිය දෙපාර්තමේන්තුව පියවර ගෙන තිබේ.

26 December 2023

ගල්නෑව පොලිසිය තුළ පොලිස් ගුටි කෙළියක්

ගල්නෑව පොලිසියේ රථ වාහන අංශයේදී පොලිස් කොස්තාපල්වරයෙකු සමග බහින්බස්වී ඔහුට පහර දී තුවාල කිරීමේ සිද්ධියක් සම්බන්ධයෙන් එම පොලිසියේම රාජකාරී කරමින් සිටී කොස්තාපල්වරයෙකු අත්අඩංගුවට ගත් බව ගල්නෑව පොලිසිය පවසයි.

26 December 2023

සංචාරක මඟ පෙන්වන්නා දුරකතන උස්සලා

කොළඹ ප්‍රධානතම හෝටලයක සංචාරක මග පෙන්වන්නකු ලෙස සේවය කරමින් සිට ජංගම දුරකතන සොරකමේ යෙදුණු පුද්ගලයකු රුපියල් ලක්ෂ අටක් පමණ වටිනා ජංගම දුරකතන සමගින් අත් අඩංගුවට ගත් බව අතුරුගිරිය පොලිසිය පවසයි.

26 December 2023

’’මහින්දගේ සියයට 6.5‌ ගත්ත ඩොලර් කෝටි 100 රට බංකොලොත් කළා’’

ලංකාව බංකොලොත් වීමට හේතු වූයේ 2012 වසරේදී මහින්ද රාජපක්ෂ විසින් 6.5% අධික පොලියට ලබාගත් ඩොලර් කෝටි 100ක ණය මුදල බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

26 December 2023

සී අයි ඩී ය කෙහෙළියගෙන් ප්‍රශ්න කරයි

ප්‍රමිතියෙන් තොර ප්‍රතිජීවක ඖෂධ තොගයක් මෙරටට ආනයනය කිරීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරි කණ්ඩායමක් හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගේ නිවෙසට ගොස් ඔහුගෙන් අද (26) දහවල් ප්‍රකාශයක් සටහන් කර ගත්තේය.

26 December 2023

ජනපතිවරණයට එනවාද? නැද්ද?

ජනාධිපතිවරණයට ඉල්ලන්නේ නැතැයි තමා කොතැනකවත් කියා නැති බව ජනාධිපති රනිල් වික්‍රමසිංහ මහතා ආණ්ඩු පක්ෂයේ ප්‍රධානීන් පිරිසක් හමුවේ සඳහන් කර තිබේ.

26 December 2023

සාදය මරණයෙන් අවසන් වෙයි

වැලිකඩ වල්පොළ විජිත පුර මාවතේ පැවැත්වූ නත්තල් සාදයකදී ඇතිවූ බහින් බස් වීමක් දුරදිග යාමෙන් අනතුරුව පුද්ගලයෙකුට පහරදී ඝාතනය කර ඇතැයි වැලිකඩ පොලිසිය කියයි.

26 December 2023

නවාතැන් පොළට ආ පුද්ගලයා මරුට කාන්තාව පලායයි

බොරලැස්ගමුව දෙහිවල පාරේ සමූපාකාර මාවතේ නවාතැන්පොළකට කාන්තාවක් සමග පැමිණි පුද්ගලයෙකු හදිසියේ මිය යාමත් සමගම එම කාන්තාව හොර රහසේ පලා ගොස් ඇතැයි බොරලැස්ගමුව පොලිසිය කියයි

26 December 2023

රිය අනතුරින් පාපැදිකරු මරුට

කොළඹ-කටුනායක අධිවේගී මාර්ගයට පිවිසෙන පෑලියගොඩ එෆ්. එම්. හන්දිය අසලදි කැබ්රථයක් පා පැදිකරුවන් දෙදෙනකුගේ ගැටීමෙන් බරපතළ තුවාල ලැබු පාපැදිකරුවන් දෙදෙනා කොළඹ ජාතික රෝහලට ඇතුළත් කිරිමේදී එක් පැදිකරුවකු මියගිය බව පෑලියගොඩ පොලිසිය පවසයි.

26 December 2023

වාලම්පුරි හතරක් සමඟ අයෙක් මාට්ටු

මන්නාරම ශාන්තිපුරම් ප්‍රදේශයේ නිවසක් තුල සඟවාගෙන සිටි රුපියල් කෝටියකට අධික වටිනා වාලම්පුරි 4 ක් සමගින් පුද්ගලයෙකු අත්අඩංගුවට ගත් බවට මන්නාරම් පොලීසිය පවසයි.

26 December 2023

‘කොවිඩ්’ රෝගීන් හදුනාගැනීමට නිෂ්චිත ක්‍රමවේදයක් නෑ

‘කොවිඩ්’ රෝගය සම්බන්ධයෙන් අවශ්‍ය පරීක්ෂණ කිරීමට රෝහල් මට්ටමින් මේ වන විට ක්‍රියාත්මක වන ක්‍රමය පිළිබඳව සෑහීමකට පත්නොවන බවත් රෝහල්වලට පැමිණෙන ‘කොවිඩ්’ රෝග ලක්ෂණ සහිත හෝ වෛද්‍යවරු කොවිඩ් රෝගීන් යැයි අනුමාන කරන රෝගීන් පිළිබඳව පරීක්ෂණ කිරීමේ පහසුකම් සහ පරීක්ෂණ ඉල්ලුම් කිරීමේ ක්‍රමවේදයක් නිශ්චිතව නොමැති බවත් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේෂ් මහතා පැවසීය.

26 December 2023

එජාපය ජනපතිවරණ සටන අරඹයි

ජනාධිපතිවරණය ඉලක්ක කර ගනිමින් ජනවාරි 19 දා සිට රටපුරා රැස්වීම් මාලාවක් පැවැත්වීමට එක්සත් ජාතික පක්ෂය තීරණය කර තිබේ.

26 December 2023

ත්‍රිපෝෂවල ‘ඇෆ්ලටොක්සින්’ප්‍රමාණය වැඩි කිරීම අවදානමක්

කුඩා දරුවන්, ගැබිණි සහ කිරිදෙන මව්වරු පෝෂ්‍යදායක ආහාරයක් ලෙස ආහාරයට ගන්නා ත්‍රිපෝෂවල අඩංගු විෂ රසායනික දෙගුණ කිරීමේ තීරණයක් ආණ්ඩුව ගෙන ඇති බවත් ඒ අනුව ත්‍රිපෝෂ නිෂ්පාදනයට ගන්නා බඩ ඉරිඟුවල අන්තර්ගත වියහැකි ‘ඇෆ්ලටොක්සින්’ ප්‍රමාණය දෙගුණයක් කිරීමට කැබිනට් අනුමැතිය ලැබී ඇති බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා චෝදනා කළේය.

26 December 2023

විදේශගත පාතාලයන් 30 ක් අත්අඩංගුවට ගෙන ගේනවා

විදේශගතව සිටිමින් මෙරට තුළ මත්ද්‍රව්‍ය ජාවාරම සහ පාතාලය මෙහෙයවන ජාවාරම්කරුවන් 30දෙනෙකු අත්අඩංගුවට ගෙන මෙරටට ගෙන ඒම සඳහා විශේෂ වැඩ පිළිවෙලක් ක්‍රියාත්මක ඇතැයි මහජන ආරක්ෂක අමාත්‍ය ටිරාන් අලස් මහතා පැවසීය.

26 December 2023

කලා අයිතීන් රකින්න නව නීතියක්

කලා නිර්මාණ ආරක්ෂා කරන නීති කෙටුම්පත සැකසීම සඳහා කලාකරුවන්ගේ අදහස් යෝජනා ලබා ගැනීමට අධිකරණ අමාත්‍යාංශය තීරණය කර තිබේ.

26 December 2023