එසැණ පුවත්

මහින්දානන්දට වරෙන්තු

ව්‍යාධි ජනක කාබනික පොහොර නැවක් ආනයනය කර රුපියල් කෝටි 130 පාඩුවක් සිදු කළේ යැයි කියන විමර්ශන විභාගය සඳහා අල්ලස් කොමිසමේ පෙනී නොසිටි හිටපු අමාත්‍යය මහින්දානන්ද අලුත්ගමගේ මහතා අත්අඩංගුවට ගෙන අධිකරණයට ඉදිරිපත් කරන ලෙසට නියෝග කරමින් කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද (16) වරෙන්තු නිකුත් කළාය.

පාර්ලිමේන්තුව 20 සිට 23 දක්වා රැස්වීමට තීරණයක්

පාර්ලිමේන්තුව මැයි 20 වැනි දා සිට 23 වැනි දා දක්වා රැස්වීමට පාර්ලිමේන්තු කටයුතු පිළිබඳ කාරක සභා රැස්වීමේදී අද තීරණය කළේය.

ඩිජිටල් ආර්ථිකය කඩිනම් කරන්නැයි ජනපතිගෙන් උපදෙස්

ජනාධිපති අනුර කුමාර දිසානායක මහතා සහ ඩිජිටල් ආර්ථික අමාත්‍යාංශයේ නිලධාරීන් හා අදාළ ආයතන ප්‍රධානීන් අතර හමුවක් අද (16) පස්වරුවේ ජනාධිපති ලේකම් කාර්යාලයේ දී පැවැත්විණි.

ලෙඩා මිය යද්දී ඥාතීහු රෝහල වටලති

අසාධ්‍ය රෝගියකු උඩප්පුව කොත්තන්තිව් ග්‍රාමීය රෝහලට රැගෙන එද්දී එහි කාර්ය මණ්ලය නොමැති නිසා එම රෝගියා මුන්දලම රෝහලට ඇතුළ කර සුළු වේලාවකින් මිය යාමෙන් පසු කුපිත වූ ඥාතීන් ඇතුළු ගම්වාසීහු පිරිසක් කොන්තන්තිව් රෝහල වට කර විරෝධයක් දැක් වූහ.

මත් කුඩු ගෙනාවට තුනක් පෝරකයට

ධීවර යාත්‍රාවකින් හෙරොයින් මත්කුඩු කිලෝ 179කට අධික ප්‍රමාණයක් ලංකාවට ගෙන ඒමේදී අත්අඩංගුවට ගත් මත්කුඩු සන්තකයේ තබා ගැනීම හා ජාවාරම් කිරීමේ චෝදනාවන්ට වරදකරුවන් වු ධීවරයන් තිදෙනකුට මරණීය දණ්ඩනය නියම කළ කොළඹ මහාධිකරණ විනිසුරු ආදිත්‍ය පටබැඳිගේ මහතා විත්තිකරුවන් පස්දෙනකු නිදොස් කොට නිදහස් කළේය.

ඉන්දියාවෙත් වාහන වංචාවක්

රොල්ස් රොයිස්, කැඩිලැක් වැනි අධි සුඛෝපභෝගී මෝටර් රථ අවම වශයෙන් 30 ක් ශ්‍රී ලංකාව හා ඩුබායි ඔස්සේ ඉන්දියාවට ගෙන්වමින් සිදුකළ ඉන්දීය රුපියල් කෝටි 100 ක (ශ්‍රී ලංකා රුපියල් කෝටි 300 ක පමණ) බදු වංචාවක් සම්බන්ධයෙන් තොරුතුරු අනාවරණය කර ගැනීමටත් වංචාවට සම්බන්ධ ප්‍රධාන සැකකරුවකු අත් අඩංගුවට ගැනීමටත් එරට අදායම් බුද්ධි ඒකකය හැකියාව ලැබී ඇත.

යෝෂිත - ඩේසිගේ නඩුවට දින දෙයි

හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට එරෙහිව මුදල් විශුද්ධිකරණය වැළැක්වීමේ පනත යටතේ රහස් පොලිසිය ගොනුකළ පැමිණිල්ල ජුලි මස 11දින යළි කැඳවන ලෙස කොළඹ අතිරේක මහේස්ත්‍රාත් හර්ෂණ කැකුණවෙල මහතා අද (16) දින නියම කළේය.

ව්‍යවස්ථා සභා ලේකම් පුටුවේ වැඩ බලන්න හංස අබේරත්න

පාර්ලිමේන්තුවේ සහකාර මහලේකම් නීතිඥ හංස අබේරත්න මහතා ආණ්ඩුක්‍රම ව්‍යවස්ථා සභාවේ වැඩබලන ලේකම්වරයා ලෙස පත් කරනු ලැබ සිටි.

ඊශ්‍රායල් හෝටල් රැකියාවට මේ වසරේ අපේ අය 692ක් ගිහින්

2025 වසරේ ජනවාරි සිට මේ දක්වා ගතවූ කාලයේ ශ්‍රි ලාංකිකයින් 692 ක් සඳහා ඊශ්‍රායලයේ හෝටල් ගෘහපාලන හා පවිත්‍රතා ක්ෂේත්‍රයේ රැකියා අවස්ථා හිමිවී තිබෙන බව විදේශ සේවා නියුක්ති කාර්යාංශය කියයි.

අපේ තරුණයන්ට රට රැකියා වැඩි කරන්න සැලසුමක්

ශ්‍රී ලාංකීය තරුණ තරුණියන් සඳහා විදේශ රැකියා අවස්ථා පුළුල් කිරීම පිළිබඳ ඒකාබද්ධ වැඩපිළිවෙළක් සකස් කිරීම වෙනුවෙන් තරුණ කටයුතු නියෝජ්‍ය අමාත්‍ය එරංග ගුණසේකර මහතා සහ අධ්‍යාපන උසස් අධ්‍යාපන සහ වෘත්තීය අධ්‍යාපන අමාත්‍යාංශය හා විදේශ රැකියා නියුක්ති කාර්යාංශය ආයතන අතර සාකච්ඡාවක් තරුණ කටයුතු හා ක්‍රීඩා අමාත්‍යාංශයේ දී අද සිදුවිය.

දුම්රිය එන්ජින් බලවේග කට්ටල 90ක් ‘ලදරන්’

දුම්රිය දෙපාර්තමේන්තුවේ දුම්රිය එන්ජින් සහ බලවේග කට්ටල 267න් 90ක් අවුරුදු 40ට වඩා පැරණි එ්වා බව රජයේ ගිණුම් පිළිබඳ පාර්ලිමේන්තු කාරක සභාවේදී (කෝපා කමිටුව) තොරතුරු අනාවරණය විය

‘ක්ලීන් ශ්‍රී ලංකා’ සමඟ පුද්ගලික අංශය සම්බන්ධ වීම ඉතා වැදගත්

ජනාධිපති අනුර කුමාර දිසානායක මහතා ප්‍රමුඛ වර්තමාන ආණ්ඩුව ‘ක්ලීන් ශ්‍රී ලංකා’ වැඩසටහන ඉතා පුළුල් අරමුණකින් සකස් කර ඇති බවත් එම වැඩසටහන සමග පුද්ගලික අංශය සම්බන්ධවීම ඉතා වැදගත් බවත් බලශක්ති අමාත්‍ය ඉංජිනේරු කුමාර ජයකොඩි මහතා පැවසීය.

පාස්කු ප්‍රහාරයට සැක පිට සිටි 12ක් නිදහස්

පාස්කු ඉරිදා දින මරාගෙන මැරෙන බෝම්බ ප්‍රහාරයක් එල්ල කළ ත්‍රස්තවාදීන්ට හා ත්‍රස්ත ක්‍රියාවන්ට ආධාර අනුබල දුන්නේ යැයි සැකයට අත්අඩංගුවට ගෙන රක්ෂිත බන්ධනාගාර ගත කිරීමෙන් පසුව ඇප නියම වී සිටි සැකකාරියන් 10 ක් හා සැකකරුවන් 2 ක් ඇතුළු 12ක් නිදහස් කිරීමට කොළඹ අතිරේක මහේස්ත්‍රාත් පසන් අමරසේන මහතා අද (16) නියෝග කළේය.

වරාය - ගුවන්තොටුපොළ ‘ඊ’ ගේට්ටු කඩිනම් කරයි

ජපාන රජයේ අධාරයක් ලෙස ක්‍රියාත්මක වන වරාය හා ගුවන්තොටුපොළ ඉලෙක්ට්‍රොනික ගේට්ටු පද්ධති ‘ඊ’ ගේට්ටු ස්ථාපනය කිරීමේ ව්‍යාපෘතිය කඩිනම් කිරීමට තීරණය කර තිබේ. වරාය හා ගුවන්තොටුපොළ ‘ඊ’ ගේට්ටු ව්‍යාපෘතියේ විශේෂ කමිටු රැස්වීමක් වරාය හා සිවිල්ගුවන්සේවා අමාත්‍යාංශයේදී පසුගියදා පැවැත්විණි.

රිලා සංගණනයට මාස දෙකයි-වාර්තාව හැංගිලා

මෙරට භෝග වලට හානි කරන වන සතුන් පිළිබඳ සංගණනය සිදු කොට දෙමසක් පිරුණත් එහි කිසිදු සංගණන වාර්තාවක් මේ වනතෙක් පිටවී නැත.

දේශබන්දු සඳුදා මැතිසභා කමිටුවට

විෂමාවාර සහ ධූරයේ බලතල අනිසි අන්දමින් යොදාගන්නා ලදැයි කියන චෝදනා සම්බන්ධයෙන් කරුණු විමසීම සඳහා පොලිස්පති දේශබන්දු තෙන්නකෝන් මහතා පාර්ලිමේන්තුව විසින් පත් කෙරුණු ත්‍රිපුද්ගල කමිටුව හමුවට ලබන 19 සඳුදා කැඳවා ඇත.

කටේ හයිය තිබුණට පුංචි ආණ්ඩු වල බලේ පිහිටු වන්න බෑ

කටේ හයියෙන් චන්ඩි කතාවලින් පළාත් පාලන ආයතන වල බලය පිහිටුවන්නට බැරි බව සමගි ජන බලවේගයේ මැද කොළඹ ප්‍රධාන සංවිධායක පාර්ලිමේන්තු මන්ත්‍රී මුජිබුර් රහුමාන් මහතා පැවසීය.

’’කෝපි කාලේ’’ ආපහු ගේන්න ඕස්ට්‍රේලියාව අත දෙයි

කෘෂිකර්ම, පශු සම්පත් ඉඩම් හා වාරිමාර්ග අමාත්‍ය කේ.ඩී ලාල්කාන්ත මහතා සහ ශ්‍රී ලංකාවේ ඕස්ට්‍රේලියා මහකොමසාරිස් පෝල් ස්ටීවන්ස් මහතා (Paul Stephens) අතර හමුවක් කෘෂිකර්ම අමාත්‍යාංශයේදී පැවැත්විණි.

අලුත් ත්‍රස්ත විරෝධී පනත හදන්න ජනතා අදහස් විමසයි

නව ත්‍රස්ත විරෝධි පනතක් කෙටුම්පත් කිරීම සඳහා මහජන අදහස් ලබා ගැනීම අරඹා ඇතැයි අධිකරණ සහ ජාතික ඒකාබද්ධතා අමාත්‍යංශය පවසයි.

ට්‍රම්ප්ගේ 79ට ලොකු පාට්යක්

ඇමෙරිකානු ජනාධිපති ට්‍රම්ප්ගේ 79 වැනි උපන්දිනය සහ ඇමෙරිකා හමුදාවේ 250 වැනි සංවත්සරය යේදී තිබෙන එළැඹෙන ජූනි 14 වැනිදා එම අවස්ථාවන් දෙක සැමරීම සඳහා පැවත්වීමට සැලැසුම් කර තිබෙන උත්සව සඳහා යන වියදම ඇමෙරිකානු ඩොලර් මිලියන 45 ක් (ශ්‍රී ලංකා රුපියල් කෝටි 1344 ක් පමණ) ඉන්ඩිපෙන්ඩන්ට් පුවත්පත අද වාර්තා කළේය.

විදුලි සැරෙන් ගොවියාට දිවි අහිමි වෙයි

විදුලි මෝටරයක ආධාරයෙන් සිය කුඹුරට ජලය ලබාගැනිමට උත්සහා කරමින් සිටි 68 හැවිරිදි පුද්ගලයෙකු විදුලි සැර වැදිමෙන් මිය ගොස් ඇතැයි ගල්නෑව පොලිසිය කියයි.

නඩත්තු කටයුත්තකට ඔරුගොඩවත්ත-බොරැල්ල පාර 24 දා වහයි

පොහොර ණයට කෝටි 1627ක පොලී ගෙවලා

සබරගමු සරසවි සිසුන් යළි රිමාන්ඩ්

නවක වදය නිසා සිතුතැවුලටපත්ව සියදිවි හානි කරගත් සබරගමුව විශ්වවිද්‍යාලයේ තාක්ෂණ පීඨයේ දෙවැනි වසරේ ඉගනුම ලැබු සිසුවාට නවක වදය දුන්නැයි කියන සිසුන් දස දෙනා යළි 29 දක්වා රිමාන්ඩ් බාරයේ තබන්නැයි බලන්ගොඩ මහේස්ත්‍රාත් බලන්ගොඩ මහේස්ත්‍රාත් භාග්‍යා දිල්රුක්ෂි වික්‍රමසිංහ මෙනවිය නියෝග කළාය.

ඇමති නලින්ද ඉන්දු ශ්‍රී ලංකා සංගමයේ මුල් පුටුවට

ආණ්ඩු පක්ෂයේ ප්‍රධාන සංවිධායක සෞඛ්‍ය අමාත්‍ය වෛද්‍ය නලින්ද ජයතිස්ස මහතා දස වෙනි පාර්ලිමේන්තුවේ ශ්‍රී ලංකා - ඉන්දීය පාර්ලිමේන්තු මිත්‍රත්ව සංගමයේ සභාපති ධුරයට තේරී පත්විය

ජනපති දිස්ත්‍රික් සම්බන්ධීකරණ කමිටු කැඳවයි

මෙරට නිෂ්පාදන ආර්ථිකය පණ ගන්වමින් ග්‍රාමීය සංවර්ධනයට සක්‍රීයව මැදිහත්වන ලෙස ජනාධිපති අනුර කුමාර දිසානායක මහතා සියලු දිස්ත්‍රික් සම්බන්ධීකරණ කමිටු සභාපතිවරුන්ට දැනුම් දුන්නේය.

ලක්ෂ්මන් යාපාට-ආයෝජන මණ්ඩල හිටපු සභාපතිට අධි චෝදනා

ජනාධිපති මහින්ද රාජපක්ෂ මහතාගේ දෙවැනි පදවි ප්‍රාප්තිය වෙනුවෙන් සුභපැතුම් එක්කර ශ්‍රී ලංකාවේ පුවත්පත්වල දැන්වීම් පළ කරමින් රජයට පාඩුවක් කළේ යැයි කියන ශ්‍රී ලංකා ආයෝජන මණ්ඩලයේ හිටපු සභාපති ජේ ඉදිරිසිංහ, හිටපු අමාත්‍යය ලක්ෂ්මන් යාපා අබේවර්ධනට යන අයට අල්ලස් හෝ දූෂණ විමර්ශන කොමිසම කොළඹ මහාධිකරණය හමුවේ අද අධි චෝදනා ගොනු කළේය.

පුංචි සභාවල බලය පිහිටුවීමගැන විශේෂ සාකච්ඡාවක්

පළාත් පාලන ආයතනවල බලය පිහිටුවීම සම්බන්ධයෙන් විපක්ෂ නායක සජිත් ප්‍රේමදාස මහතා විපක්ෂයේ දේශපාලන පක්ෂවල ලේකම්වරුන් සමඟ හෙට (17) සාකච්ඡා කිරීමට නියමිතය.