IMG-LOGO

2024 ජුනි මස 18 වන අඟහරුවාදා


පන්දහසක් පෙන්වා ත්‍රිරෝද රියැදුරාගේ 4500ට විදලා

රුපියල් 5000ක් පෙන්වා රුපියල් 4500ක් ත්‍රීරෝද රථ රියදුරකුගෙන් ගත් අපූරු හාදයන් දෙදෙනකු ගැන පුවතක් අම්බලන්ගොඩ නගරයෙන් අසන්නට ලැබේ.
ත්‍රීරෝද රථ ගාලේ ඒ අවස්ථාවේ ඔහු සිටියේ තමාට ලැබුණු ආදායම ගැන ගැනය. ලැබුණු මොනර කොළ හතර පිළිවෙළකට නව නවාය. අවුරුද්දට වියදම් වූ මුදල පියවා ගැනීමට වෙනදාට වඩා මහන්සිවී කුලී ගමන් යා යුතු යයි කීවේ ඔහුගේ සිත පමණක් නොව ගෙදර ප්‍රියම්භිකාව ද ඒ ගැන නිතර නිතර සිහි කළාය.
මේ අල්ලපනල්ලේ මැදියම් වයසේ පිරිමි දෙදෙනකු ඔහු සොයා ගෙන ආවේය. මල්ලී එන්න හයර් එකක් යන්න ගාන කීයවුණත් කමක් නැහැ ටිකක් දුර යන්න ඕන. කොළේ කැපුණා සූදුව වැදුණා. උකස් කළ බඩු ටික බේර ගන්න යන්න ඕන යයි ඔවුන් දෙදෙනා කියාගෙන කියාගෙන ගියෝය. දෙයියෝ මුහුණ බැලු‍වා යයි සිතූ ඔහු බෑ නොකියාම අදි මදි නොකර ඔවුන් සමග ගියේ ලොකු ගාණක් කපා ගන්න යටි සිතේ අරමුණු සහිතවය.


දෙන්නාම ත්‍රීරෝදයට නැග්ගේය. ඔවුන් කී දිසාවට ත්‍රීරෝද රථය ධාවනය කරමින් තිබිණ. ඇතුළේ ගමන්ගත් දෙන්නා දෙන්නේ ලොරි ටෝක්වලිනි. කතාව ලක්ෂ ගණනින්ය. බූරුවා ගසා දිනා ඇත්තේ ලක්ෂ තුන හතරක් බව කියවින. ත්‍රීරෝද රථයේ රියදුරාගේ ඉහේ මල්‍් ය. ඒ බූරුවා ගසා දිනා ඇති අය රැගෙන ගියෝතින් කුලිය ලැබෙන්නේ ඩබල් ට්‍රිබල් වෙලා බව ඔහු අත්දැකීමෙන්ම දන්නේය. එහෙයින් මේ දෙන්නගෙනුත් අද හොඳ ගාණක් කපා ගන්න පුළුවන් වෙතැයි ඔහු සිතූවේය.
රුපියල් දෙදහසක්, තුන්දහසක් පමණ තෙල් පුච්චාගෙන ගොස් ඔවුන් කී තැන ත්‍රීරෝද රථය නතර කෙරිණ. මල්ලී මම ගාව තියෙන්නේ ඔක්කෝම පන්දාහේ කොළ බඩු බේර ගන්න මේවා දුන්නොත් ඉතුරු සල්ලි හම්බවෙන්නේ නැහැ. ඔයා ළඟ රුපියල් පන්දහසක් මාරු කර ගන්න තියේදැයි එකකු ත්‍රීරෝද රථ රියදුරුගෙන් ඇසුවේය. අනේ අයියා මා ළඟ නැහැනේ තියෙන්නේ රුපියල් හාරදහස් පන්සීයයි.. ඔහු කීය. හා ඒක දෙන්න කෝ.. මචං උඹ මේ පන්දාහේ කොළේ තියාගෙන ත්‍රීරෝද රථ මල්ලිත් එක්ක හිටපන්. මම රන් ආභරණ ටික බේර ගෙන එන්නම් කියමින් මුලින් කතා කළ එකා යන්න ගියේය.
අනෙකා අතේ රුපියල් පන්දහසේ කොළයක් තිබුණු නිසා ත්‍රීරෝද රථ රියදුරු හයර් එක ගැන කිසිම සැක සංඛ්‍යාවක් නොසිතුවේය. සිතුවේ මේ හයර් එකෙන් කපා ගන්නා ලොකු කුට්ටිය ගැනය. තමා සමග සිටි අය දුම්වැටියකුත් පත්තු කරගෙන ත්‍රීරෝද රථ රියදුරුටත් උරන්න දුම්වැටියක් දුන්නේය. දෙන්නා ටික වේලාවක් ආගිය තොරතුරු කතා කරමින් සිටියහ.
මල්ලී අපේ එකා පරක්කුයි. මුගෙන් සල්ලි කවුරුහරි මංකොල්ලකෑව ද දන්නේ නැහැ. මම පොඩ්ඩක් ගිහිල්ලා බලලා ඌත් එක්ක එන්නම්. ඔයා ඔතනම ඉන්න. මම ටක් ගාලා එනවා.. යයි කියමින් ඔහුත් අර අය ගිය දිසාවටම ගියේය.
කාලය තත්ත්පර, විනාඩි, පැය භාගය, පැය ගතවී ගියේය. දෙන්නම තියා එක්කෙනෙක්වත් ඔහු සොයා මෙතෙක් කලක් නොආ බව මේ ත්‍රීරෝද රථ රියදුරු අනෙක් ත්‍රීරෝද රථ මිතුරන්ට කීවේ මේ ගැටවලට ඔවුනට අසුවෙන්න එපා යයි පඩි වදනක් දෙමිනි.

කරන්දෙණිය  -  එම්. සුසිල් ප්‍රියන්ත



අදහස් (0)

පන්දහසක් පෙන්වා ත්‍රිරෝද රියැදුරාගේ 4500ට විදලා

ඔබේ අදහස් එවන්න

දෙයියෝ සාක්කි

මෝදක ගුලියේ අවුල මීයාගේ පිටින් ගිහින්
2024 ජුනි මස 18 216 0

කුස්සියේ ගෑස් ළිප ළඟ තිබූ මෝදක ගුලියක කොටසක් හේතුවෙන් නිට්ටඹුව ප්‍රදේශයේ නිවෙසක අඹු සැමි යුවළක් අතර ඇති වූ ආරාවුලක් අවසානයේදී මීයකු පිට වරද පැටවීමෙන


ගම කුලප්පු කරපු දුවගෙ බොරුවෙන් පවුලෙම සායම ගිහින්
2024 ජුනි මස 17 663 0

සිය නිවෙස ආසන්නයේ අතුරු මාර්ගයක තරුණයකු හා රැඳී සිටි යුවතියක අසල්වැසියකු පැමිණෙනු දැක බියට පත්ව කෑ ගැසීම නිසා මුළු ගමම කුලප්පු වූ පුවතක් පිළිබඳව දකුණ


කරුවලේ අත ගෑ ගැහැනිය පිරිමියෙක් වෙලා
2024 ජුනි මස 15 653 0

සිය වැඩට පැමිණි කාන්තාවක් යැයි සිතා පිරිමියකු බදාගෙන ලැජ්ජාවට පත් වූ මුදලාලී කෙනකු පිළිබඳව උතුරු මැද පළාතේ එක්තරා ගමකින් අසන්නට ලැබුණි. සිද්ධිය මෙසේ


කුඩු අල්ලන්න ගිහින් පොලිසිය ඉල්ලන් කාලා
2024 ජුනි මස 15 440 0

මිරිස් කුඩු පැකට්ටුවකින් පොලිස් නිලධාරීන්ගේ ඉහමොළ රත් කළ අයකු පිළිබඳ පුවතක් දකුණු පළාතේ නගරයකින් අසන්නට ලැබේ. ඔහුට පොලිස් නිලධාරීන් ඇලජික්ය. පොලිස්


සොරාගත් මාලය ගෑනු ගැටයෙන් එළියට
2024 ජුනි මස 15 222 0

අසල්වැසි කාන්තාවක් විසින් සොරා ගන්නා ලද සිය රන්මාලය පොලිසියට නොගොස් උපක්‍රමයකින් ලබාගත් කාන්තාවක පිළිබඳ අපූරු පුවතක් දකුණු පළාතේ ගිංගඟ අසබඩ ගම්මාන


යෙහෙළියගේ ගෙදරදී පැරණි පෙම්වතා දැක තරු පෙනිලා
2024 ජුනි මස 15 220 0

පැරණි පෙම්වතා සිය හොඳම යෙහෙළිය විවාහ කර ගැනීමට පැමිණි අවස්ථාවේ තරු පෙනුණු තරුණියක පිළිබඳව රත්නපුර දිස්ත්‍රික්කයේ එක්තරා ගමකින් අසන්නට ලැබුණි. සිද්ධ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1319 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3044 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2493 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site