සූර්ය බලශක්තිය, ස්වයංක්‍රීයකරණය සහ සුහුරු ජල කළමනාකරණය ඔස්සේ කෘෂිකර්මාන්තයේ අනාගතය ගොඩනැඟිය හැකි ආකාරය Deep Tec Engineering (Pvt) Ltd නිර්මාතෘ සහ කළමනාකාර අධ්‍යක්ෂ තිලින හෙට්ටිආරච්චි පැහැදිලි කරයි.

වසරේ වැඩි කාලයක් දැඩි හිරු රශ්මියට මුහුණ දෙන ශ්‍රී ලංකාවට වර්ෂාපතන රටාවන්ගේ වෙනස්වීම්, වියළි කාලගුණ තත්ත්වයන් සහ ඇතැම් අවස්ථාවල ඇතිවන අධික වර්ෂාපතනය අලුත් අත්දැකීමක් නොවේ. එහෙත් දේශගුණික විපර්යාසයන් තීව්‍ර වීමත් සමඟ ජල සම්පත් කළමනාකරණය, විශේෂයෙන්ම කෘෂිකර්මාන්තය සඳහා ජලය තිරසරව සැපයීම, රටක් ලෙස අප මුහුණ දෙන ප්‍රධාන අභියෝගයක් බවට පත්වෙමින් තිබේ.

ලෝක කාලගුණ විද්‍යා සංවිධානය (WMO) 2026 සැප්තැම්බර් 3 වැනිදා නිකුත් කළ නවතම El Niño/La Niña යාවත්කාලීන කිරීම අනුව, වර්තමාන El Niño තත්ත්වය තවදුරටත් ශක්තිමත් වීමට ඉහළ ඉඩකඩක් පවතින අතර 2027 පෙබරවාරි දක්වා එය පැවතීමේ සම්භාවිතාව ඉතා ඉහළ මට්ටමක පවතී. එවැනි ගෝලීය දේශගුණික වෙනස්කම් හමුවේ ශ්‍රී ලංකාවට හුදෙක් ජලය ලබාගැනීමෙන් ඔබ්බට ගොස්, වෙනස්වන කෘෂිකාර්මික අවශ්‍යතා සහ බලශක්ති පිරිවැය සමඟ ගැළපෙන දිගුකාලීන ජල කළමනාකරණ විසඳුම් වෙත යොමුවීම අත්‍යවශ්‍යය.

ශ්‍රී ලංකාවට තිරසර ජල යටිතල පහසුකම් අවශ්‍ය වන්නේ ඇයි?

ශ්‍රී ලංකාවේ ජල භාවිතයෙන් විශාල කොටසක් කෘෂිකාර්මික කටයුතු සඳහා යොදාගන්නා බැවින්, ජල හිඟයක හෝ වර්ෂාපතන රටාවේ වෙනස්වීමක සෘජු බලපෑම මුලින්ම දැනෙන්නේ ගොවි ප්‍රජාවටය.

එය වගා අස්වැන්නට පමණක් නොව ගොවියාගේ ආදායම, ආහාර සුරක්ෂිතතාව සහ අවසානයේ රටේ ආර්ථිකයටද බලපායි.

එබැවින් පවතින ජල මූලාශ්‍ර වඩාත් කාර්යක්ෂමව භාවිත කිරීම, ජල නාස්තිය අවම කිරීම සහ අනාගත ජල හිඟයන්ට සූදානම් වීම සඳහා තිරසර ජල යටිතල පහසුකම් ගොඩනැඟීම අත්‍යවශ්‍ය වේ.

සූර්ය බලයෙන් ක්‍රියාකරන ජල පොම්ප කෘෂිකර්මාන්තය වෙනස් කරන්නේ කෙසේද?

වියළි කලාපවල වගා ළිං සහ නළ ළිංවලින් ජලය ලබාගැනීම සඳහා ඩීසල් හෝ විදුලි බලයෙන් ක්‍රියාකරන ජල පොම්ප භාවිත කිරීම ගොවීන්ට සැලකිය යුතු මෙහෙයුම් පිරිවැයක් ඇති කරයි.

සූර්ය බලයෙන් ක්‍රියාකරන ජල පොම්ප පද්ධතියක් නිසි ඉංජිනේරු සැලසුමක් යටතේ ස්ථාපනය කිරීමෙන් පසු දෛනික ඉන්ධන හෝ ජාල විදුලි පිරිවැය සැලකිය යුතු ලෙස අවම කරගැනීමට හැකි වේ.

එමෙන්ම ජාතික විදුලිබල පද්ධතිය නොමැති හෝ විදුලිය ලබාගැනීම අපහසු දුරස්ථ ප්‍රදේශවල පවා කෘෂිකාර්මික ජල සැපයුම සඳහා සූර්ය බලශක්තිය ප්‍රායෝගික විසඳුමක් බවට පත්වෙයි.

ශ්‍රී ලංකාව වැනි වසර පුරා ප්‍රමාණවත් සූර්ය ශක්තියක් ලැබෙන රටකට මෙය කෘෂිකර්මාන්තය සහ පුනර්ජනනීය බලශක්තිය එකිනෙකට සම්බන්ධ කළ හැකි වැදගත් අවස්ථාවකි.

Solar Pump එකක් පමණක් ප්‍රමාණවත්ද?

“දේශගුණික විපර්යාසයන්ට ඔරොත්තු දෙන ජල යටිතල පහසුකමක් කියන්නේ ඩීසල් පොම්පයක් වෙනුවට Solar Pump එකක් සවි කිරීම පමණක් නොවෙයි. එය සමස්ත පද්ධතියක එක් කොටසක් පමණයි,” යනුවෙන් තිලින හෙට්ටිආරච්චි පෙන්වා දෙයි.

තිරසර ජල යටිතල පහසුකමක් සැලසුම් කිරීමේදී පුනර්ජනනීය බලශක්තිය, කාර්යක්ෂම ජල පොම්පකරණය, බිඳිති හා විසිරුම් ජල සම්පාදනය, ජල කළමනාකරණය, ස්වයංක්‍රීයකරණය, දුරස්ථ නිරීක්ෂණය සහ දත්ත මත පදනම් වූ කෘෂිකාර්මික තීරණ ගැනීම වැනි අංග එකිනෙකට සම්බන්ධ කළ යුතුය.

වගාවේ ප්‍රමාණය, බෝගයට දිනකට අවශ්‍ය ජල ප්‍රමාණය, ජල මූලාශ්‍රය, ළිඳේ ගැඹුර, අවශ්‍ය ජල පීඩනය, ජලය ගෙන යා යුතු දුර සහ වගා ක්‍රමය වැනි කරුණු තාක්ෂණිකව විශ්ලේෂණය කිරීමෙන් පසුව නිවැරදි ජල පොම්පය, Solar PV පද්ධතිය සහ පාලන පද්ධතිය තෝරාගැනීම ඉතා වැදගත්ය.

වැරදි ධාරිතාවක පොම්පයක් හෝ Solar PV පද්ධතියක් තෝරාගැනීම ආයෝජනයේ සැබෑ ප්‍රතිලාභ අඩු කිරීමට හේතු විය හැකි බැවින්, මෙවැනි ව්‍යාපෘතිවලදී නිසි ඉංජිනේරු සැලසුමකට ප්‍රමුඛතාව ලබාදිය යුතුය.

උපකරණ අලෙවියෙන් ඔබ්බට ගිය ඉංජිනේරු විසඳුමක්

2014 වසරේ ආරම්භ වූ Deep Tec, ශ්‍රී ලංකාවේ ජල පොම්ප, සූර්ය බලශක්ති සහ කෘෂිකාර්මික තාක්ෂණ ක්ෂේත්‍රයන්හි සිය ඉංජිනේරු හැකියාවන් අඛණ්ඩව පුළුල් කරමින් පැමිණ තිබේ.

Deep Tec Engineering (Pvt) Ltd හි ප්‍රවේශය හුදෙක් සූර්ය ජල පොම්පයක් හෝ වෙනත් උපකරණයක් සැපයීමට සීමා නොවේ. පාරිභෝගිකයාගේ සැබෑ ජල අවශ්‍යතාව හඳුනාගැනීමේ සිට තාක්ෂණික ඇගයීම, පද්ධති සැලසුම් කිරීම, උපකරණ සැපයීම, ස්ථාපනය සහ දිගුකාලීන තාක්ෂණික සහාය දක්වා සම්පූර්ණ ඉංජිනේරු විසඳුමක් ලබාදීම එහි මූලික ප්‍රවේශයයි.

සූර්ය බලයෙන් ක්‍රියාකරන ජල පොම්ප සමඟ Smart Irrigation, Remote Monitoring, Automation සහ දත්ත මත පදනම් වූ කෘෂිකාර්මික තාක්ෂණයන් ඒකාබද්ධ කිරීම මඟින් ගොවියාට අවශ්‍ය ජලය, අවශ්‍ය වේලාවට සහ වඩාත් කාර්යක්ෂම ලෙස ලබාදිය හැකි පද්ධති නිර්මාණය කිරීම Deep Tec හි දිගුකාලීන දැක්මේ ප්‍රධාන අංගයකි.

ශ්‍රී ලංකාවේ සිට ජාත්‍යන්තර මට්ටමේ ව්‍යාපෘති දක්වා

Deep Tec Engineering විසින් මේ වනවිට ඇමෙරිකානු ඩොලර් මිලියන 3කට ආසන්න වටිනාකමකින් යුත් තිරසර ජල හා සූර්ය ජල පොම්ප ව්‍යාපෘති සඳහා දායකත්වය ලබාදී තිබේ.

ලෝක බැංකුව ආශ්‍රිත ව්‍යාපෘති, එක්සත් ජාතීන්ගේ සංවිධාන හා World Vision වැනි ජාත්‍යන්තර සංවිධාන සම්බන්ධ ව්‍යාපෘති ඇතුළු රාජ්‍ය, ආයතනික සහ පෞද්ගලික අංශයේ ව්‍යාපෘති හරහා සමාගම සැලකිය යුතු ක්ෂේත්‍ර අත්දැකීමක් ගොඩනඟාගෙන ඇත.

සමාගමේ ව්‍යාපෘති සහ අලෙවි දත්ත මත පදනම් වූ ඇස්තමේන්තු අනුව, ශ්‍රී ලංකාවේ සූර්ය ජල පොම්ප වෙළෙඳපොළේ 34%කට වැඩි කොටසකට Deep Tec දායක වී ඇති බව සමාගම පෙන්වා දෙයි.

එම වර්ධනය පිටුපස ඇත්තේ මිල පමණක් මත තරග කිරීම නොව, නිවැරදි ඉංජිනේරු සැලසුම, ගුණාත්මක උපකරණ, ස්ථාපන ප්‍රමිතිය සහ අලෙවියෙන් පසු තාක්ෂණික සහාය යන අංග එකට සම්බන්ධ කිරීම බව සමාගම පවසයි.

අනාගතය — සෑම ජල බිඳුවකින්ම වැඩි ප්‍රයෝජනයක්

දේශගුණික විපර්යාසයන් සමඟ කෘෂිකර්මාන්තයේ අනාගතය තීරණය වන්නේ වැඩි වැඩියෙන් ජලය ලබාගැනීමෙන් පමණක් නොව, අප සතුව ඇති සෑම ජල බිඳුවක්ම කොතරම් කාර්යක්ෂමව භාවිත කරනවාද යන්න මතය.

ඒ සඳහා සූර්ය බලශක්තිය, කාර්යක්ෂම ජල පොම්පකරණය, Smart Irrigation, Automation, Remote Monitoring සහ දත්ත මත පදනම් වූ තීරණ ගැනීම එකම පද්ධතියක් තුළ ඒකාබද්ධ කළ යුතුය.

“අපේ අරමුණ Solar Pump එකක් විකිණීම පමණක් නොවෙයි. ගොවියාගේ සැබෑ ජල අවශ්‍යතාව හඳුනාගෙන, ඔහුගේ බලශක්ති පිරිවැය අඩු කරමින්, දිගුකාලීනව කෘෂිකර්මාන්තයට වටිනාකමක් ලබාදෙන ඉංජිනේරු විසඳුමක් නිර්මාණය කිරීමයි.”

ශ්‍රී ලංකාවේ කෘෂිකර්මාන්තය වඩාත් තිරසර, තාක්ෂණික සහ දේශගුණික අභියෝගයන්ට ඔරොත්තු දෙන ක්ෂේත්‍රයක් බවට පත්කිරීමේදී මෙවැනි සුහුරු ජල කළමනාකරණ විසඳුම් ඉදිරි වසර කිහිපය තුළ තීරණාත්මක කාර්යභාරයක් ඉටු කරනු ඇත.

නව පරපුර කෘෂිකර්මාන්තයට ගෙන ඒම — Deep Tec හි ප්‍රධාන අරමුණක්

Deep Tec හි දිගුකාලීන දැක්ම ජලය සහ බලශක්තිය සඳහා තාක්ෂණික විසඳුම් සැපයීමට පමණක් සීමා නොවේ. ශ්‍රී ලංකාවේ තරුණ පරපුර නැවත කෘෂිකර්මාන්තය වෙත ආකර්ෂණය කරමින්, කෘෂිකර්මාන්තය නවීන තාක්ෂණය හා ව්‍යවසායකත්වය සමඟ සම්බන්ධ වූ ආකර්ෂණීය සහ ලාභදායී වෘත්තීය ක්ෂේත්‍රයක් බවට පත්කිරීමට දායක වීම Deep Tec හි ප්‍රධාන අරමුණකි.

“අපේ ඊළඟ පරපුර කෘෂිකර්මාන්තයෙන් ඈත් වෙනවා වෙනුවට, තාක්ෂණයත් එක්ක කෘෂිකර්මාන්තයට නැවත පැමිණෙන පරිසරයක් අපි නිර්මාණය කළ යුතුයි. අද කෘෂිකර්මාන්තය කියන්නේ සාම්ප්‍රදායික ක්‍රමවලට පමණක් සීමා වූ ක්ෂේත්‍රයක් නොවෙයි. Solar Energy, Smart Irrigation, Automation, IoT, Remote Monitoring සහ Data-driven Farming වැනි තාක්ෂණයන් එක්ක එය නව පරපුරට විශාල අවස්ථා ඇති ක්ෂේත්‍රයක් බවට පත් කළ හැකියි,” යනුවෙන් තිලින හෙට්ටිආරච්චි පෙන්වා දෙයි.

විශේෂයෙන්ම ජලය සහ බලශක්තිය කාර්යක්ෂමව කළමනාකරණය කිරීම, වගා පද්ධති ස්වයංක්‍රීය කිරීම සහ දුරස්ථව වගා කටයුතු නිරීක්ෂණය කිරීම වැනි තාක්ෂණයන් හරහා කෘෂිකර්මාන්තය වඩාත් කාර්යක්ෂම හා ව්‍යාපාරික වශයෙන් තිරසර ක්ෂේත්‍රයක් බවට පත්කළ හැකිය.

ඒ අනුව Deep Tec හි අරමුණ වන්නේ ගොවියාට තාක්ෂණය ලබාදීම පමණක් නොව, “Next Generation Agriculture” සංකල්පය ඔස්සේ තාක්ෂණයට හුරු තරුණ පරපුරක් කෘෂිකර්මාන්තයට සම්බන්ධ කරමින් ශ්‍රී ලංකාවේ කෘෂිකර්මාන්තයේ ඊළඟ පරිවර්තනයට දායක වීමයි.

තරුණ ඉංජිනේරුවන්, නවෝත්පාදකයන් සහ ව්‍යවසායකයන් කෘෂිකර්මාන්තය වෙත යොමු කිරීම තුළින් රැකියා සොයන පරපුරකට වඩා, තාක්ෂණය භාවිතයෙන් නව කෘෂි ව්‍යාපාර සහ රැකියා අවස්ථා නිර්මාණය කරන පරපුරක් බිහිකිරීම එහි පුළුල් දැක්මයි.