IMG-LOGO

2024 අප්‍රේල් මස 17 වන බදාදා


අම්මකුගේ උත්තරේට විදුහල්පති තමන්ටම ගහගෙන

කැබිතිගොල්ලෑව - හේමන්ත රණසූරිය
මත් ගුලියක් නිසා රජරට පළාතේ අතිදුෂ්කර පාසලක විදුහල්පතිවරයකුට තමාටම වේවැල් ප්‍රහාරයක් එල්ලකර ගැනීම‍‍ට සිදුවූ පුවතක් ඉකුත් දිනක අසන්නට ලැබුණි.
මෙම පාසලේ අධ්‍යාපනය ලැබූ බො‍හෝ දෙනා අඩු ආදායම්ලාභී මව්පියන්ගේ දරුවෝය. මෙම මවුපියන් බොහෝ පිරිසකට අධ්‍යාපනය පිළිබඳ අවබෝධයක් නොතිබුණු අතර ඇතැම්හු ‘‘උපන් තේකට”‍ පාසල් අධ්‍යාපනයක් නොලැබුවෝය. 
මෙම පාසලේ එකොළහ ශ්‍රේණියේ දරුවන් කීපදෙනකු අවස්ථා ගණනාවකදීම මත්ද්‍රව්‍ය භාවිත කර ගුරුවරුන්ගේ අතට අසුවූ අවස්ථා බොහෝය. ඒ සෑම අවස්ථාවකම ගුරුවරු ඔවුන්ට අවවාද දී  දඬුවම් කොට මවුපියන් පාසලට ගෙන්වා තරයේ අවවාද දී යළි ඔවුන් පාසලට භාර ගැනීමට ද ක්‍රියා කළහ.
මේ අතර පාසලට අලු‍තින් පත්වීම් ලැබ විදුහල්පතිවරයෙක් පැමිණියේය. පාසලේ විනය තදින්ම සැලකූ ඔහු එදින පාසලේ අහුමුලුවල රහසිගත සංචාරයක යෙදෙද්දී පාසලේ එකොළොස් වැනි ශ්‍රේණියේ සිසුවකු මත් ගුලියක් ගිල දමනු ඔහුගේ උකුසු ඇසට හසුවිය. 


අලු‍ත් විදුහල්පතිතුමා  මත්ගුලිය ගිල දැමූ සිසුවාගේ කනෙන් අල්ලාගෙන කාර්යාලය දක්වා ඇදගෙන ආවේය. සිසුවාගේ මෑණියන් පාසලට වහා කැඳවාගෙන එන ලෙසද ගුරුවරයකු යතුරුපැදියක පිටත් කර යැවීමටද අමතක නොකළේය. 
කාර්යාලයේ කබඩ් එකක් උඩ වේවැල් තුනක් පේළියට තබා තිබුණි. ගුලි ගිල්ල සිසුවාගේ පශ්චාත්භාගයට ඉන් වේවැල් දෙකක් කැඩෙනතුරු සලකා අවසන් කර තුන්වැනි වේවැල අතට ගෙන සිසුවාගේ මව පැමිණි පසු එම වේවැලෙන් දඬුවම් කිරීමට සැරසී සිටියේය. 
මේ වෙලාවේ සිසුවාගේ මවද කාර්යාලයට පැමිණියාය. විදුහල්පතිවරයා පියකු සේ දැඩි ස්වරයෙන් තම පුත්‍රයාගේ වැරැද්ද ඔහුගේ මවට පවසා දඬුවම පිළිබඳවද මෑණියන්ට දැනුම් දී මෙම වැරැද්දේ ඇති බරපතළකම ගැඹුරින් පැහැදිලි කර දුන්නේය.
විදුහල්පතිතුමා සහ ගුරුවර ගුරුවරියෝ පිරිසක්ද කාර්යාලයේ සිටියහ. දඬුවම් ලැබූ සිසුවාගේ මවට ඒ පිළිබඳව වගේ වගක් නැති බව ඇයගේ මුහුණෙන් ඔවුන්ට දිස්විය. ඔවුන් සිතා සිටියේ එම මව  දරුවාට තදින්ම දෝෂාරෝපණය කරනු ඇතැයි කියාය. එහෙත් සිද්ධ වූයේ අනෙකකි.
‘‘පුතේ, උඹ වගේ මෝඩයෙක් නෑනෙ... බලාපන් ඔය ගුලිය ඉස්කෝලෙට එන්න කලින් ගෙදර දීම ගිල දාලා ඉස්කෝලෙට ආවනම් ඔහොම ගුටි කන්ඩ වෙන්නෙ නෑනේ.”‍ යැයි සිසුවාගේ මව ඇඟට පතට නොදැනී කීවාය.
ගුරුවර ගුරුවරියෝ සියලු‍ දෙනාම තුෂ්ණිම්භූත වී විදුහල්පතිවරයාගේ මුහුණ බැලු‍වෝය. කෝපය ඉවසාගත නොහැකි වූ විදුහල්පතිවරයා, තුන්වැනි වේවැලෙන් පහර කීපයක් තමාටම ගසාගෙන, වේවැල දෙකට කඩා, කාර්යාලයෙන් පිටවී ගියේ, සිසුවාගේ මෝඩ මවගේ ‘‘මොළය හෝදන්නට”‍ ජ්‍යෙෂ්ඨ ගුරුවරියකට පවරමිනි.



අදහස් (2)

අම්මකුගේ උත්තරේට විදුහල්පති තමන්ටම ගහගෙන

ආචාර්ය තිස්ස සේනානායක (PHD in Astrophysics) Friday, 16 February 2024 10:39 PM

දැන් ගුරුවරු දෙමව්පියන්ගෙත් මොළ හෝදන්න පටන් අරගෙන...!

:       3       5

BandaTuesday, 20 February 2024 01:24 PM

ගුරුවරු ‌හෝදන්නෙ මොළ නෙමෙයි බොල. ‌දෙමාපියන්ගෙ සාක්කු

:       0       2

ඔබේ අදහස් එවන්න

දෙයියෝ සාක්කි

සූර් පාට් දමා පොලිසිය අන්දවලා
2024 අප්‍රේල් මස 17 424 0

වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ


’’මොහිණිගේ’’ උදව්වට ගිහින් ලොකු පරිප්පුවක් කාලා
2024 අප්‍රේල් මස 16 694 0

අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ‍ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ. ‍


කීරි නාඩු වී හොරේ අහුවෙලා
2024 අප්‍රේල් මස 11 1186 0

අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ


“නංගි” මාරු වී තුට්ටු දෙකත් නැතිවෙලා
2024 අප්‍රේල් මස 10 1524 0

එළැඹෙන අලු‍ත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං”‍ වූ පුවතක් කැබිතිගොල්ලෑව වාහල්කඩට නුදුරු


උගුල ගැස්සී ඇඟිලි දෙකක් අහිමිවෙලා
2024 අප්‍රේල් මස 09 1011 0

මී කතුරෙන් මීයන් අල්ලන අයුරු මුනුපුරකුට කියා දෙන්නට ගිය සීයා කෙනෙකුට ඇඟිලි දෙකක කොටස් අහිමිවීමේ පුවතක් හසලකට නුදුරු ගම්මානයකින් වාර්තා විය. හැටපස් හ


සොහොන් කොත වැරදී කණුවට ඉටිපන්දම් පත්තු කරලා
2024 අප්‍රේල් මස 08 851 0

සිය මාමණ්ඩියගේ සොහොන යැයි සිතා සූර් පිට කිලෝ මීටර් කණුවකට ඉටි පන්දම් පත්තු කර පැමිණි පුද්ගලයකු පිළිබඳව වයඹ පළාතේ එක්තරා ගමකින් වාර්තා වේ. සිද්ධිය මෙසේ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 177 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1460 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1375 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site