එසැණ පුවත්

ඉන්දියාවෙන් ආසාදිතයන් වාර්තා වීමේ ලෝක වාර්තාවක්

අසල්වැසි ඉන්දියාවෙන් අවසන් පැය 24 දී නව කොරෝනා වයිරස ආසාදිතයන් 78,761 දෙනෙකු හඳුනාගෙන ඇත.

30 August 2020

රියදුරු හිඟයෙන් ලංගමේ බස් 800 ක් දිනකට ධාවනය නොවේ

රියදුරු හිඟය හේතුවෙන් ශ්‍රී ලංකා ගමනාගමන මණ්ඩලයේ බස්රථ 800ක් පමණ දිනකට ධාවනය නොවන බව ප‍්‍රවාහන අමාත්‍ය ගාමිණී ලොකුගේ මහතා පැවසීය.

30 August 2020

රැම්සා තෙත්බිම ඩෝසර් කළ දෙදෙනකු රිමාන්ඩ්

ඉස්සන් වගාව සඳහා පොකුණු සකස් කිරීමට ආනවිලුන්දාව රැම්සා තෙත්බිමේ කඩොලාන පරිසරය විනාශ කරමින් එහි අක්කර දෙකක පමණ බිම්ප්‍රදේශයක්ඩෝසර් කළ ඩෝසර් රියදුරු ඇතුලු පුද්ගලයින් දෙදෙනෙකු සැප්තැම්බර් මස 04 දින දක්වා රක්ෂිත බන්ධනාගාර ගතකිරීමට හලාවත වැඩබලනමහේස්ත්‍රාත් චානක උදයංග මහතා නියෝග කළේය.

30 August 2020

’අලුත් ව්‍යවස්ථාවෙන් පසු පක්ෂයේ ස්ථාවරය කියනවා’

නව ආණ්ඩුක්‍රම ව්‍යවස්ථාව ඉදිරිපත් කිරීමෙන් පසුව පක්ෂයේ ස්ථාවරය හා ඉදිරි තීරණයන් ගන්නා බව දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතා පවසා සිටියේය.

30 August 2020

මුහුණුපොතේ සාදය වටලා 28 ක් අත්අඩංගුවට

මුහුණු පොත හරහා සංවිධානය කරතිබු සාදයක් වටලා මත්ද්‍රව්‍ය සමග තරුණ තරුණියන් 28 දෙනෙකු අත් අඩංගුවට ගත් බව අක්මිමණ පොලිසිය පවසයි.

30 August 2020

වැඩ අත්හිටවූ මාතලේ නගරාධිපතිගේ වාහන බාරගන්න බැරි බව කියයි

තමා පාවිච්චි කරන ලද නිල වාහන සහ කාර්යාල උපකරණ නිල වශයෙන් බාර දිමට දින දෙකක් තිස්සේ උත්සහ කළත් එය බාර ගැනීමට නොහැකි බව පරිපාලන නිලධාරි තමන්ට දුරකතනයෙන් දැන්වූ බව ඩල්ජිත් අලුවිහාරේ මහතා අද (30) පැවසීය.

30 August 2020

තුවක්කුව පත්තුවී පිය පුතු රෝහලේ

බෙහෙත් කොටන තුවක්කුවක් පත්තුවීමෙන් පියා හා දරුවකු බරපතල තුවාල සහිතව අද (30) අලුයම බදුල්ල මහ රෝහලට ඇතුළත් කර තිබේ.

30 August 2020

උතුරට කේරළ ගංජා බෙදූ ප්‍රධාන ජාවාරම්කරුවන් තිදෙනෙකු අත්අඩංගුවට

ඉන්දියාවෙන් ගෙන්වන ලද කේරළ ගංජා උතුරු පළාතට බෙදාහැරීමේ කටයුතුවල නිරත වූ ප්‍රධාන ජාවාරම්කරුවන් තිදෙනෙකු වවුනියාව යුදහමුදා බුද්ධිඅංශය හා පොලිස් විශේෂකාර්ය බලකා බුද්ධි අංශය එක්ව වවුනියාවේදී අත්අඩංගුවට ගෙන ඇත.

30 August 2020

සුළඟින් කඩාවැටුණු ගසට යටවී යතුරුපැදිකරුවෝ දෙදෙනෙක් මරුට

මුලතිව් උන්නප්පිලව් හරහා හමා ගිය දැඩි සුළං තත්වයක් හේතුවෙන් මාර්ගයේ ගමන් ගත් යතුරුපැදි දෙකක් මතට ගසක් කඩා වැටී එහි ගමන් ගත් දෙදෙනකු ජීවිතක්ෂයට පත්ව ඇතැයි මුලතිව් පොලිසිය පවසයි.

30 August 2020

ලක්ෂ 6ක හෙරොයින් සමඟ අඹු සැමි යුවළක් අත්අඩංගුවට

දෙහිවල පොලිස් වසම තුළ මහා පරිමාණයෙන් හෙරොයින් ජාවාරමේ නිරතව සිටි අඹුසැමි යුවලක් රුපියල් ලක්ෂ 6කට අධික වටිනා හෙරොයින් ග්‍රෑම් 40 ක්, ජංගම දුරකථන දෙකක් හා ත්‍රිරෝද රථයක්ද සමග දෙහිවල දුම්රියපල පාර ප්‍රදේශයේදී දෙහිවල පොලිස් අපරාධ අංශය මගින් අත්අඩංගුවට ගෙන ඇතැයි පොලීසිය කියයි.

30 August 2020

මහනුවරට භූ කම්පන තත්ත්වයක්

මහනුවර හාරගම ප්‍රදේශයේ මීට සුළු වේලාවකට කලින් රාත්‍රී 8.38 ට පමණ ඇතිවු ශබ්දයක් සමග භූ කම්පන තත්ත්වයක් ඇතිවී තිබේ.

29 August 2020

ලක්ෂ 43ක කහ අල්ලයි

නීතිවිරෝධී ලෙසින් ලංකාවට ගෙන ආ කහ කිලෝ 1234ක් අද (29) සවස කල්පිටිය දූපත් සමූහයට අයත් වෙල්ල දූපතේ වලදමා සඟවා තිබියදී සොයාගන්නා ලදී.

29 August 2020

පැය 24 කදී ඉන්දියාවේ කොරෝනා රෝගීන් 76,000 ක්

ගෙවී ගිය පැය 24 තුළ ඉන්දියාවට අලුතෙන් එක්වූ කොරෝනා රෝගීන් සංඛ්‍යාව 76,472 ක් වී තිබේ. ඒ සමගම මේ වන විට ඉන්දියාවේ සිටින කොරෝනා රෝගීන් සංඛ්‍යාව ලක්ෂ 35 කට ආසන්න වී තිබේ. මේ වන විට කොරෝනා රෝගීන් 34,63,973 ක් සිටින ඉන්දියාවේ කොරෝනා රෝගීන් සංඛ්‍යාව හෙට උදෑසන වන විට ලක්ෂ 35 ක් ඉක්මවනු ඇතැයි විශේෂඥයෝ පෙන්වා දෙති.

29 August 2020

ආනවිළුන්දාව හානිය සොයා බලන්න සිව් පුද්ගල විශේෂ කමිටුවක්

සංවේදි හා අධිසංවේදී පරිසර පද්ධතියක් වන ආනවිළුන්දාව රැම්සා අභය භුමියේ හානිය පිළිබඳව සොයාබැලීම සඳහා සිව් පුද්ගල කමිටුවක් පත් කිරීමට කටයුතු කළ බව වනජීවි හා වන සම්පත් අමාත්‍ය සී.බී.රත්නායක මහතා පැවසීය.

29 August 2020

ලක්ෂ 10 ක හෙරොයින් හංවැල්ලෙන් අල්ලයි

මහා පරිමාණයෙන් මත්කුඩු ජාවාරම් සිදුකරන මාලබේ පෞද්ගලික විශ්ව විද්‍යාලයක සිසුවෙක් සහ තවත් පුද්ගලයෙක් රුපියල් ලක්ෂ 10කට ආසන්න වටිනා හොරෙයින් මත්කුඩු සමග හංවැල්ල ප්‍රදේශයේදී අද (29) අත්අඩංගුවට ගත් බව හංවැල්ල පොලිසිය කියයි.

29 August 2020

මුහුදු මගින් රත්‍රං ගෙනගිය දෙදෙනෙකු අත්අඩංගුවට

මුහුදු මගින් ප්‍රවාහනය කරමින් තිබූ කිලෝග්‍රෑම් 5 1/2 කට අධික රත්‍රං සමඟ සැකකරුවන් දෙදෙනෙකු නාවික හමුදා බාරයට ගත් බව නාවික හමුදාව කියයි.

29 August 2020

පළාත් සභා පනත අවුලෙන් අවුලට පත්කලේ සුළු ජාතික පක්ෂයි

ආණ්ඩුක්‍රම ව්‍යවස්ථාව මෙන්ම ඡන්ද ක්‍රමයත් වෙනස්කර මෙරටට ගැලපෙන නව ආණ්ඩුක්‍රම ව්‍යවස්ථාවක් හා අළුත් ඡන්ද ක්‍රමයක් ගෙන ඒමට රජය මේ වනවිටත් පියවර ගෙන ඇතැයි නුවරඑළිය දිස්ක්‍රික් පාර්ලිමේන්තු මන්ත්‍රී හා නුවරඑළිය දිස්ත්‍රික් සංවර්ධන කමිටු සභාපති එස්. බී. දිසානායක මහතා අද (29) කීය.

29 August 2020

නෙළුව - ලංකාගම - පිටදෙණිය මාර්ගය ඉදිකිරීමට ජනපති අනුමැතිය

නෙළුව සිට ලංකාගම ඔස්සේ පිටදෙණිය දක්වා මාර්ගය ඉදිරි මාස 3 ඇතුළත ප්‍රතිසංස්කරණය කර අවසන් කරන්නැයි ජනාධිපති ගෝඨාභය රාජපක්ෂ මහතා මාර්ග සංවර්ධන අධිකාරියේ නිලධාරින්ට අද (29) පෙරවරුවේ උපදෙස් දුන්නේය.

29 August 2020

මත්කුඩු සමග දෙදෙනෙකු අත්අඩංගුවට

දක්ෂිණ අධිවේගී මාර්ගයේ කහතුඩුව පිවිසුමේදී හෙරොයින් මත්කුඩු මිලිග්‍රෑම් 20 ක් රැගෙන වෑන් රථයකින් කළුතර බලායාමට පැමිණි පුද්ගලයෙක් සහ එහි රියදුරු සමග අත්අඩංගුවට ගත්බව අධිවේගී රථවාහන පොලිසිය කියයි.

29 August 2020

ඇන්ටන් රංජිත් හිමිපාණෝ තෙවැනි සහායක රදගුරු පදවියට අබිසෙස් ලබති

කොළඹ තෙවැනි සහායක රදගුරු පදවිය සඳහා ශුද්ධෝත්තම ෆ්‍රැන්සිස් පාප් වහන්සේ විසින් පත්කරන ලද පී. ඇන්ටන් රංජිත් පියතුමන් අභිෂේක කිරීමේ දේව මෙහෙය කොටහේන ශාන්ත ලුසියා ආසන දෙව්මැදුරේ දී පැවැත්විණි.

29 August 2020

පාංශු විශේෂ දැක්මට නීටාත් එක්වෙයි

විසාකේස චන්ද්‍රසේකරම් අධ්‍යක්ෂණය කළ දෙවැනි සිනමා වෘතාන්තය ‘පාංශු’ චිත්‍රපටය පිළිබඳ විශේෂ දැක්මක් හා සංවාදයක් අද (29) පස්වරු 4.00ට ගම්පහ රීගල් සිනමා ශාලාවේදීත් හෙට (30) පස්වරු 6.00ට කුරුණෑගල ඉම්පීරියල් සිනමා ශාලාවේදීත් පැවැත්වේ.

29 August 2020

ආනවිළුන්දාව අභයභූමිය ඩෝසර් කළ ව්‍යාපාරිකයා අත්අඩංගුවට

ආනවිළුන්දාව රැම්සා තෙත් බිම ඩෝසර් කිරීමට සම්බන්ධ ව්‍යාපාරිකයා ආරච්චිකට්ටුව පොලිසිය අද (29) උදෑසන අත් අඩංගුවට ගත් බව ආරච්චිකට්ටුව පොලිසිය කියයි.

29 August 2020

සිංහල සිනමාවේ පුරෝගාමී ඉන්දියානුවා සමුගනී

සිංහල සිනමාවේ පුරෝගාමියකු වූ ඉන්දීය චිත්‍රපට අධ්‍යක්ෂ ඇන්තනි බාස්කර් රාජ් (ඒ.බී.රාජ්) මහතා පසුගියදා තමිල්නාඩුවේ චෙන්නායි නුවරදී අභාවප්‍රාප්ත විය. මියයන විට දී ඒ මහතා 95 වැනි වියේ පසුවිය.

29 August 2020

ඉලංගෙයි තමිල් අරුසුකච්චි තීරණාත්මක රැස්වීමක

නව ආණ්ඩුක්‍රම ව්‍යවස්ථාවට සහයයෝගය දෙනවාද නැද්ද යන්න සහ පක්ෂයේ ඉදිරි ක්‍රියාමාර්ග පිළිබඳව තීරණ ගැනීම සඳහා ඉලංගෙයි තමිල්අරුසු කච්චි පක්ෂ නියෝජිතයින් සියලු දෙනාගේ සහභාගීත්වයෙන් මධ්‍යමකාරක සභාව අද (29) වව්නියාවේදී රැස්විය.

29 August 2020

සිංහරාජයේ පාර බලන්න ජනාධිපති ලංකාගමට යයි

සිංහරාජ වනාන්තරය මැදින් පාරක් කැපීම පිළිබඳව පවතින අර්බුද සම්බන්ධයෙන් විමසා බැලීම සඳහා ජනාධිපති ගෝඨාභය රාජපක්ෂ මහතා අද (29 වැනිදා) උදෑසන සිංහරාජ වනාන්තරය ආසන්නයේ පිහිටි ලංකාගම බලා ගොස් තිබේ.

29 August 2020

වැලි හෑරීමට එරෙහිව කරන්දෙනියේ උද්ඝෝෂණයක්

වැලි හැරීමේ සිද්ධියකට විරෝධය පා කරන්දෙණිය අනුරුද්ධගම ගම්වාසිහු අද (29 ) උදෑසන එම වැලි හැරීමේ වළ ඉදිරිපිට උද්ඝෝෂණ ව්‍යාපාරයක නිරතවූහ.

29 August 2020

හදිසි ගින්නකින් නිවසක් - ව්‍යාපාරික ස්ථානයක් විනාශ වෙයි

කුරුණෑගල මීගමුව ප්‍රධාන මාර්ගයට මුහුණලා දංකොටුව කඵවච්චිමුල්ල මන්සන්දියට ආසන්නයේ පිහිටි රූපවාහිනී යන්ත්‍ර ඇතුඵ විදුලි උපකරණ ඇඵත්වැඩියා කරන ස්ථානයක් සහ ඊට යාබද නිවස අද උදෑසන 845 ට පමණ ඇතිවූ හදිසි ගින්නකින් සම්පූර්ණයෙන්ම විනාශවී ඇති බව දංකොටුව පොලීසිය කියයි.

29 August 2020

සමයංගේ ප්‍රධාන වෙඩික්කරු ‘ඉන්ද්‍රා‘ පොලිස් වෙඩි පහරින් මරුට

සංවිධානාත්මක අපරාධ කරුවෙකු වූ ඉඳුනිල් වජිර කුමාර හෙවත් ‘ඉන්ද්‍රා‘ නැමැත්තා පොලිස් අත්අඩංගුවෙන් පලා යාමට තැත් කිරීමේ දී පොලිස් වෙඩි පහරින් මියගිය බව නවගමුව පොලිසිය කියයි.

29 August 2020