එසැණ පුවත්

අගුරුවාතොට මව දැරිය ඝාතනය: සැකකරුගේ සිරුර බන්ධනාගාරයේ එල්ලෙයි

අගුරුවාතොට, ඌරුතුඩාව ප්‍රදේශයේ දී තරුණ මවක සහ මාස එකොලහක දැරියක ඝාතනය කිරීම සම්බන්දයෙන් චෝදනා එල්ලවී කළුතර මල්වත්ත බන්ධනාගාරයේ රදවා සිටී හිටපු යුධහමුදා සෙබළාගේ සිරුර එහි එල්ලෙමින් තිබියදී අද (22) පස්වරුවේ සොයාගත් බව බව කළුතර උතුර පොලිසිය පවසයි .

22 August 2023

පානීය ජලය සපයන්න අමාත්‍යාංශ 3ක් එක්වෙයි

මෙරට මුහුණ දී සිටින නියං තත්ත්වය හේතුවෙන් පානීය ජල අවශ්‍යතාවය හදිසි තත්වයක් ලෙස සලකා අමාත්‍යංශ තුනක් ඒකාබද්ධව කටයුතු කිරීමට පියවර ගත් බව අග්‍රාමාත්‍ය දිනේෂ් ගුණවර්ධන මහතා පැවසීය.

22 August 2023

දිවුලපතානට අන්තවාදී පිරිසක් ඇවිත්: ලොකු ආරවුලක් නූලෙන් බේරෙයි

අන්තවාදී පිරිසක් පොළොන්නරුව මාදුරුඔය දිවුලපතාන ගම්මානයට පැමිණ එහි පාරම්පරික ගම්වාසින් පිරිසක් සමග අද (22) සවස ඇති කරගන්නට ගිය ආරවුලක් සමථයට පත් කිරීමට,ප්‍රදේශයේ මහා සංඝරත්නය එම ගම්වාසීහු සහ අරලගංවිල හා කරදියනාරු පොලීසි සමත් වූහ.

22 August 2023

නුවර පෙරහරේ ඇත්තු කුලප්පු වී අලි ජරමරයක්

මහනුවර දෙවන කුඹුල් පෙරහර වීදි සංචාරය කරන අතරතුරදී ඇතුන් දෙදෙනකු කුලප්පුවීම නිසා පෙරහර නරඹමින් සිටි පිරිස හිස් ලූ ලූ අත දිවයාමෙන් එහි නොසන්සුන්කාරී තත්ත්වයක් ඇති විය.

22 August 2023

හපුතලේ වෙඩි තැබීමකින් අයෙක් මරුට

හපුතලේ ප්‍රධාන සංචාරක හෝටලයක් තුල අද 22 රාත්‍රීයේ කළ වෙඩි තැබීමකින් පුද්ගලයෙකු ඝාතනය වී තවත් පුද්ගලයෙකු බරපතළ තුවාල ලබා ඇතැයි පොලිසිය කියයි .

22 August 2023

ජාතික ගීය ගායනා කිරීමට මාර්ගෝපදේශ මාලාවක්

ජාතික ගීය ගායනා කිරීමට නව මාර්ගෝපදේශ මාලාවක් හඳුන්වාදීමට ස්වදේශ කටයුතු අමාත්‍යාංශයේ විශේෂ පරීක්ෂණ කමිටුව යෝජනා කර තිබේ.

22 August 2023

නියගයෙන් පවුල් 132000ක් අවදානමේ

පවතින නියගය හේතුවෙන් පවුල් 132000කට අධික ප්‍රමාණයක් අවදානමට ලක්ව ඇතැයි ජලසම්පාදන හා ජල සම්පාදන මණ්ඩලයේ නියෝජ්‍ය සාමාන්‍යාධිකාරීනී අනෝජා කලුආරච්චි මහත්මිය ලංකාදීපයට අද (22) පැවසුවාය.

22 August 2023

නාවික ජැටිය කඩන්වැටී සිසුන් ඇතුළු 19ක් රෝහලට

ත්‍රිකුණාමලය නාවික හමුදා පාලමේ ජැටියේ කොටසක් කඩා වැටිමෙන් අද (22) පස්වරුවේ වරාය නැරඹිමට පැමිණි 19 දෙනෙකු තුවාල ලබා ඇතැයි වරාය පොලිසිය කියයි.

22 August 2023

රජය ඉදිකිරීම් ක්ෂේත්‍රයට කෝටි 100 ක් ණයයි

මෙරට ඉදිකිරීම් ක්ෂේත්‍රයේ කටයුතුවලින් සියයට 80 කට වඩා වැඩි ප්‍රමාණයක් තවමත් ඇනහිට ඇති බවත් ඉදිකිරීම් ක්ෂේත්‍රයේ ආයතන නිමකළ ව්‍යාපෘති සඳහා රජය රුපියල් කෝටි 100 ක පමණ මුදල් ගෙවීමට ඇති බවත් ජාතික ඉදිකිරීම් සංගමයේ සභාපති එම්. ඩී. පෝල් මහතා පැවසීය.

22 August 2023

රත්මලාන වෙඩික්කරු ආ යතුරු පැදිය අඟුරුවාතොට ඇළකට දමලා

රත්මලාන දුම්රිය පොළ අසල මස් වෙළඳසලක හිමිකරුට වෙඩි තැබීමට වෙඩික්කරුවන් පැමිණි යතුරුපැදිය අඟුරුවාතොට කෙසෙල්හේනාව ඇළ මාර්ගයක දමා ගොස් තිබියදී හමුවූ බව පොලිසිය කියයි.

22 August 2023

ලෙස්ටර්ගේ සම්මානය හොරා මහනුවරදී කතකගේ බෑගයක් උස්සද්දී මාට්ටු

මහනුවර ඇසළ පෙරහර නැරඹීමට පැමිණි කාන්තාවකගේ මුදල් පසුම්බියක් සොරා ගැනීමට තැත් කළ ලියාපදිංචි අපරාධකරුවකු අත් අඩංගුවට ගත් බව පොලිසිය කියයි.

22 August 2023

පිපාසයෙන් සිටින ජනතාවට සහන සලසන්න

වියළි කාලගුණ තත්වය හේතුවෙන් රට පුරා දිස්ත්‍රික්ක රැසක ජනතාව උග්‍ර පානීය ජල ප්‍රශ්නයට මුහුණදී සිටින හෙයින් ඒ ජනතාවට කඩිනම් සහන සලසන්නැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (22) ඉල්ලීමක් කළේය.

22 August 2023

ලංකාව හොරු හත්දෙනෙක් පාලනය කළ රටක්

ලංකාව රජවරු එකසිය ගණනක් ද දොරටු පාලකයෙක් සහ හොරු හත් දෙනෙක් පාලන කළ රටක් බව සංචාරක රාජ්‍ය අමාත්‍ය ඩයනා ගමගේ මහත්මිය පාර්ලිමේන්තුවේ දී කීවාය.

22 August 2023

ශ්‍රී ලංකා ණයවර ලිපිවලට ජාත්‍යන්තර ගැටලුවක්

පොදු ප්‍රවාහන බස්, ලොරි සහ ට්‍රක් රථ ආනයනය කිරීමේදී මතුවන ණයවර ලිපි පිළිබඳ ගැටලුවලට කඩිනම් විසඳුම් දෙන බව මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය.

22 August 2023

කතා පවත්වා සංචාරක කර්මාන්තය දියුණු කරන්න බෑ

රජය සහ මහ බැංකුව එක්ව සංචාරක ක්ෂේත්‍රය ගොඩනැංවීම සඳහා සහන වැඩපිළිවෙළක් සකස් කළ යුතු බව ජාතික ජන බලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේ දී පැවසීය.

22 August 2023

ජනපති සිංගප්පූරුවේ දී ගිවිසුමකට අත්සන් කරයි

පැරිස් ගිවිසුමේ සඳහන් කාල රාමුව ඇතුලත කාබන් හර කිරීම පිළිබඳ ශ්‍රී ලංකා රජය සහ සිංගප්පූරු රජය අතර සහයෝගීතාව සඳහා වූ අවබෝධතා ගිවිසුමකට ජනාධිපති රනිල් වික්‍රමසිංහ මහතා සිංගප්පූරුවේ දී අත්සන් කළේය.

22 August 2023

යාපනයේ නිවසකට පෙට්‍රල් බෝම්බ ගහලා

යාපනය මාණිප්පායි සන්දිලිප්පායි උතුර ප්‍රදේශයේ පිහිටි නිවසකට ඇතුලුවූ නාදුනන පිරිසක් විසින් නිවසට පෙට්‍රල් බෝම්බ ප්‍රහාරයක් එල්ල කොට ගිනිතබා පලා යාමෙන් දේපල රැසකට දැඩි හානි සිදුව ඇතැයි පොලීසිය පවසයි.

22 August 2023

අයි නාලිකාවේ යටි මඩියෙක් යැයි ඔප්පු කළොත් ගෙදර යනවා

රූපවාහිනී අයි නාලිකාවේ ගුවන් කාලය පැවරීමේදී දූෂණයක් වංචාවක් සිදුවී ඇතැයි ඔප්පු කළොත් තමා අමාත්‍ය ධුරයෙන් ඉවත්වන බව ජනමාධ්‍ය,ප්‍රවාහන සහ මහා මාර්ග අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී අද (22)පැවසීය.

22 August 2023

රජයේ කර්මාන්ත ශාලා දෙපාර්තමේන්තුවේ හදිසි විගණනයක්

රජයේ කර්මාන්ත ශාලා දෙපාර්තමේන්තුවේ සියළුම අංශ ආවරණය වන පරිදි කඩිනම් වෝහාරික විගණනයක් සිදු කිරීමට තීරණය කර තිබේ.

22 August 2023

රාජ්‍ය සේවයේ වගකීම සහ වගවීම නෑ

රාජ්‍ය සේවයේ වගකීම සහ වගවීම නැති නිසා රටේ ජල කළමනාකරණ ප්‍රශ්නය මේ තරමට උග්‍ර වී තිබෙන බව වාරිමාර්ග අමාත්‍ය රොෂාන් රණසිංහ මහතා පාර්ලිමේන්තුවේ දී පැවසීය.

22 August 2023

ලංවිම බඳවාගැනීම් - ස්ථිර කිරීම් අත්හිටුවයි

ලංකා විදුලිබල මණ්ඩලය ප්‍රතිව්‍යුහගත කිරීමේ වැඩසටහනට සමගාමීව මානව සම්පත් විගණනයක් ක්‍රියාත්මක වීම නිසා නව බදවාගැනීම් සහ ස්ථිර කිරීම නොකළ යුතු බවත් එක් එක් සිද්ධියට අදාලව විදුලිබල අමාත්‍යාංශයේ අවසරය ගතයුතු බවත් විදුලිබල හා බලශක්ති අමාත්‍ය කංචන විජේසේකර මහතා එම මණ්ඩලයේ ප්‍රධානීන්ට දන්වා තිබේ.

22 August 2023

භූගත ජලය භාවිතයේදී කල්පනාකාරී වන්න

වර්තමානයේ රටතුළ පවතින වියළි කාලගුණය හමුවේ භූගත ජලය භාවිතා කරන්නන් වඩාත් කල්පනාකාරී වියයුතු බවත් භූගත ජලය භාවිත කිරීමේදී රසයේ, ගන්ධයේ හෝ වර්ණයේ යම් වෙනසක් පවතී නම් එම ජල සාම්පල පරීක්ෂා කරගත යුතු බවත් ජල සම්පත් මණ්ඩලය නියෝජ්‍ය සාමාන්‍යාධිකාරී (පර්යේෂණ සහ සංවර්ධන) ආර්. එම්. එස්. රත්නායක මහතා පැවසීය.

22 August 2023

’ඕනම පනතකට යෝජනාවකට විරුද්ධව අධිකරණයට යන්න පුළුවන්’

ඕනෑම පනතකට යෝජනාවකට එරෙහිව ඕනෑම අයකුට ශ්‍රේෂ්ඨාධිකරණයට යෑමට කිසිම බාධාවක් නැතැයි කතානායක මහින්ද යාපා අබේවර්ධන මහතා පාර්ලිමේන්තුවේදී ඊයේ( 22) පැවසීය.

22 August 2023

අන්තිම දවසේ ලොකුපුටුවට ගිය ලංවීම නිලධාරිනිය ගැන සොයයි

ලංකා විදුලිබල මණ්ඩලයේ නිලධාරිනියක විශ්‍රාමයෑමට පෙරදින උසස්වීම් දීම සම්බන්ධයෙන් වාර්තාවක් දෙන ලෙස විදුලිබල හා බලශක්ති අමාත්‍ය කංචන විජේසේකර මහතා විදුලිබල මණ්ඩලයේ සභාපතිවරයාට දැනුම් දී තිබේ.

22 August 2023

කරාපිටියේ ළමා හෘද රෝග කැතීටර් සැත්කම් නැවතිලා

දකුණු පළාතේ ප්‍රධානතම රෝහල වන කරාපිටිය රෝහලේ ළමා හෘද රෝග විශේෂඥ වෛද්‍යවරයා සේවය අවසන් කොට විදේශ ගතවී තිබෙන බැවින් හෘද රෝග කැතීටර් සැත්කම් නතර වී ඇතැයි ගාල්ල දිස්ත්‍රික් මන්ත්‍රී ගයන්ත කරුණාතිලක මහතා පැවසීය.

22 August 2023

තායිලන්තයට ආ සැණින් තක්ෂින් අත්අඩංගුවට

දූෂණ වංචා චෝදනා හේතුවෙන්, වසර 15 ක කාලයක් තායිලන්තයෙන් පිට වී විදේශගතව සිටි එරට හිටපු අග්‍රාමාත්‍ය තක්ෂින් ෂිනවාත්‍රා යළි තායිලන්තයට බලා පැමිණියේය. එසේ පැමිණි සැණින් ඔහු අත්අංගුවට ගෙන අධිකරණයට යොමු කර පසුව බන්ධනාගාරයට යැවිණි.

22 August 2023

පාරිභෝගික අධිකාරිය පොලිස්පතිට කියයි

පාරිභෝගික අධිකාරියේ බව පවසමින් භාණ්ඩ නිෂ්පාදනය කරන ආයතන වලට සහ ව්‍යාපාරිකයින්ට ඔවුන්ගේ භාණ්ඩවල ගැටලු ඇති බවත් ඒ සම්බන්ධව නීතිමය පියවර ගැනීමට නියමිත බව සඳහන් කරමින් මුදල් ඉල්ලා තර්ජනය කිරීම් සම්බන්ධයෙන් පොලිස්පතිවරයාට පැමිණි කළ බව පාරිභෝගික කටයුතු පිළිබද අධිකාරියේ සභාපති නීතිඥ ශාන්ත නිරිඇල්ල මහතා පැවසීය.

22 August 2023

භීෂණය පැතිර වූ නිලධාරීන්ට එරෙහිව දැඩි පියවර ගන්නවා

මාතලේ රත්තොට වත්තක ජනතාව පලවා හැරීමේ සිද්ධිය නොවිය යුතු දෙයක් බවත් එම සිද්ධියට සම්බන්ධ වූ සියලු දෙනාට එරෙහිව නීතිය දැඩිව ක්‍රියාත්මක කරන බවත් වැවිලි කර්මාන්ත අමාත්‍ය වෛද්‍ය රමේෂ් පතිරණ මහතා පාර්ලිමේන්තුවේදී අද (22) පැවසීය.

22 August 2023