එසැණ පුවත්

බාල බෙහෙත් ගෙන් වූ සමාගමේ ලොක්කා රිමාන්ඩ්

ප්‍රමිතියෙන් තොර ප්‍රතිදේහ එන්නත් ගෙන්වූයේ යැයි කියන සමාගමේ ප්‍රධානියා ලබන 15 වැනි දා තෙක් රිමාන්ඩ් බාරයේ තබන්නැයි මාලිගාකන්ද මහේස්ත්‍රාත් ලෝචනා අබේවික්‍රම වීරසිංහ මහත්මිය අද නියෝග කළාය.

01 November 2023

ක්ෂුද්‍ර මූල්‍ය ණයකරුවන් ආරක්ෂා කිරීමට අධිකාරියක්

ක්ෂුද්‍ර මූල්‍ය ණය ලබාගත් ජනතාවට ආරක්ෂාව සැපයීමේ අරමුණින් එම ක්ෂුද්‍ර මූල්‍ය ණය ව්‍යාපාරය නියාමනය කිරීම සඳහා ශ්‍රී ලංකා ක්ෂුද්‍ර මූල්‍ය ණය සහ නියාමන අධිකාරිය පිහිටුවීම සඳහාවූ පනත් කෙටුම්පත පිළිබඳ ගැසට් නිවේදනය නිකුත් කරනු ලැබ ඇත.

01 November 2023

බෙහෙත් හදිසියේ මිලදී ගැනීම නවතී

ඖෂධ හදිසි මිලදී ගැනීම් වහාම නතර කිරීමට සෞඛ්‍ය හා කර් මාන්ත අමාත්‍ය වෛද්‍ය රමේෂ් පතිරණ මහතා අද (1) පියවර ගත්තේය.

01 November 2023

දිනේෂ් ෂාෆ්ටර් මරා දමලා

ජනශක්ති සමූහ ව්‍යාපාරයේ අධ්‍යක්ෂවරයෙකු වූ දිනේෂ් ශාෆ්ටර් මහතාගේ මරණය ගෙල සහ මුහුණ මත ඇති කළ පීඩනයක් හේතුවෙන් සිදුවූ අපරාධයක් බව කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය එම මරණ පරීක්ෂණයේ තීන්දුව ප්‍රකාශයට පත් කරමින් අද (31) ප්‍රකාශ කළාය.

01 November 2023

මහල් නිවාස අයිතිය සින්නක්කරව දෙන්න කැබිනට් පත්‍රිකාවක්

මහල් නිවාස වල පදිංචිව සිටි මුල් අයිතිකරුවන්ගේ දරුවන් වෙත ඒවායේ සින්නක්කර අයිතිය පැවරීමට ඇති හැකියාව සොයා බලන ලෙස නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අමාත්‍යංශ නිලධාරීන්ට උපදෙස් දුන්නේය.

01 November 2023

බෙහෙත් ගන්න ගිය මව වන අලි පහරින් මරුට

සිය පුත්‍රයා සමග යතුරු පැදියෙන් ප්‍රතිකාර ගැනිම සදහා අනුරාධපුර ශික්ෂණ රෝහලට යමින් සිටි 50 හැවිරිදි මවක් නිරාවිය ප්‍රදශයේදි වන අලියෙකුගේ පහර කෑමට ලක්ව අද (01)දින මියගිය බව තිරප්පනේ පොලිසිය කියයි.

01 November 2023

සෞඛ්‍යයට කෝපා අනුකමිටුවේ අප්‍රසාදය

දූෂණ වංචා සහ අක්‍රමිකතාවලට වගකිවයුතු සෞඛ්‍යය සේවකයන්ට දැඩි ක්‍රියාමාර්ග කඩිනමින් ගැනීම ප්‍රමාද කිරීම සම්බන්ධයෙන් සෞඛ්‍ය අමාත්‍යාංශයේ පරිපාලනය ගැන කරුණු සොයා බැලීමට පත් කෙරුණු රාජ්‍ය ගිණුම් පිළිබඳ පාර්ලිමේන්තු කාරක සභාවේ අනු කමිටුව දැඩි අප්‍රසාදය පළ කළේය.

01 November 2023

ගුවන් සේවයට ටෙන්ඩර් කැඳවයි

ශ්‍රීලංකන් ගුවන් සේවයට ආයෝජකයකු සොයා ගැනීම සඳහා (ප්‍රතිව්‍යුහගතකරණය) ටෙන්ඩර් කැඳවා ඇත.

01 November 2023

වෘත්තීයවේදීන්ගේ විරෝධතාවෙන් කොටුව අවට මාර්ග තදබදයක්

කරුණු 5 ක් මුල් කරගනිමින් දැවැන්ත විරෝධතා උද්ඝෝෂණයක් කොළඹ ලංකා විදුලි බල මණ්ඩලයේ ප්‍රධාන කාර්යාලය ඉදිරිපිටදී අද(31) පැවැත්වූ බව ලංකා විදුලි සේවක සංගමය ප්‍රකාශ කළේය.

01 November 2023

දුම්රිය සැප පෙට්ටියේ තඹ කම්බි කැපූ අයෙක් මාට්ටු

දෙමටගොඩ දුම්රිය ධාවනාගාරයේ නවතා තබන ලද පළමු පන්තිය වායුසමීකරණය කරන ලද දුම්රිය මැදිරියක විදුලි ජනක යන්ත්‍රයට සවිකර ඇති තඹ කම්බි මීටර් 1008 කපා සොරාගත් සැකකරුවෙකු අත්අඩංගුවට ගත් බව දෙමටගොඩ පොලිසිය පවසයි

01 November 2023

අනතුරින් දෙදරු පියා මරුට

මිතුරා ගේ විශ්‍රාමික සාදයට ගොස් යලි රැකියා ස්ථානය කරා පැමිණෙමින් සිටි දෙදරු පියෙකු සේවය කරන කර්මාන්ත ශාලාව ඉදිරිපිටදි කන්ටේනර් රථයක ගැටීමෙන් මියගොස් ඇතැයි හොරණ මූලස්ථාන පොලීසිය කියයි

01 November 2023

ඉරාන ක්‍රියාකාරිනිය බන්ධනාගාරයේ සිට ලිපියක් යවලා

මෙම 2023 වසරේ නොබෙල් සාම ත්‍යාගයෙන් පිදුම් ලැබූ, ඉරාන මානව ක්‍රියිකාරිනී නර්ගේස් මොහොමදී, තෙහෙරාන් අගනුවර එවින් බන්ධනාගාරයේ සිට, රහසේ නොබෙල් කමිටුවට ලිපියක් යවා සාම ත්‍යාගය පිරිනැමීම සම්බන්ධයෙන් ස්තුති කර ඇතැයි විදෙස් මාධ්‍ය පවසයි.

01 November 2023

පොලීස් අණ නොතැකූ උද්ඝෝණයේ 6 ක් අත්අංඩගුවට

අනීතික විදුලි බිලට එරෙහිව සංවිධාන කිහිපයක් එක්ව අද( 1) දිවුලපිටිය නගරයෙන් ආරම්භ කල පාගමන නගර සීමාවේදීම නතර කිරීමට පොලිසිය පියවරගත් අතර භික්ෂූන් වහන්සේ නමක කාන්තාවක ඇතුළු හය දෙනෙකු අත්අඩංගුවට ගනු ලැබීය.

01 November 2023

වර්ජන නිසා සංචාරකයන් නාවොත් පඩි වැඩි කිරීම ප්‍රශ්නයක් වෙයි

වැඩ වර්ජන නිසා විදෙස් සංචාරක පැමිණීම අඩු වුවහොත් එය රජයේ සහ පෞද්ගලික අංශයේ යෝජිත පඩි වැඩි වීමට බලපෑමක් එල්ල කරනු ඇතැයි එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා පැවසීය.

01 November 2023

ලතින් රටවලින් ඊශ්‍රායලයට විරෝධයක්

‘ජබාලියා’ සරණාගත කඳවුරට එල්ල කළ එම ප්‍රහාරය සම්බන්ධයෙන් ලතින් ඇමෙරිකා රටවල් ඊශ්‍රායලයට විරෝධය දක්වමින්, ඊශ්‍රායලයේ සිටින ඔවුන්ගේ තානාපතිවරුන් යළි ගෙන්වා ගැනීමට තීරණය කර තිබේ. තානාපතිවරුන් ගෙන්වා ගැනීමට තීරණය කළ ලතින් ඇමෙරිකානු රටවල් වන්නේ බොලිවියාව, කොලොම්බියාව සහ පේරු රාජ්‍යයයි.

01 November 2023

සුව සේවකයෝ වැඩ වර්ජනයක

ඉල්ලීම 10 ක් මුල් කරගනිමින් සෞඛ්‍ය සේවා වෘත්තීය සමිති එකමුතුව අද(01) උදෑසන දිවයින පුරා රෝහල් වල සංඛේතාත්මක වැඩ වර්ජනයක් ආරම්භ කළේය.

01 November 2023

ඉන්දිය මුදල් ඇමැතිනි මෙරට නිල සංචාරයක

ඉන්දීය මුදල් අමාත්‍ය නිර්මලා සීතා රාම් මහත්මිය ශ්‍රී ලංකාවේ නිල සංචාරයක් සදහා අද (01)උදෑසන කටුනායක ගුවන් තොටුපොළ වෙත පැමිණි බව ගුවන් තොටුපොළ කාර්යය භාර නිලධාරීවරයා සනාථ කළේය .

01 November 2023

’’අපේ තැඹිලි’’ මාස 10ට මිලියන 140ක් රටට දෙයි

ලංකාවේ තැඹිලි වලට ජාත්‍යන්තර වෙළෙඳපොළ ඉල්ලුම ශීඝ්‍රයෙන් ඉහළ යමින් තිබෙන අතර 2023 වසරේ තැඹිලි අපනයනය සියයට 117කින් ඉහල ගොස් ඇතැයි ශ්‍රී ලංකා පොල් සංවර්ධන අධිකාරිය පවසයි.

01 November 2023

ගාසා සරණාගත කඳවුරකට ප්‍රහාරයක්: 50 ක් මරුට

ගාසා තීරයේ විශාලතම සරණාගත කඳවුරට ඊශ්‍රායල ගුවන් හමුදාව මිසයිල ප්‍රහාර මාලාවක් එල්ල කළේය. ප්‍රහාරය එල්ල කෙරුණේ ‘ජබාලියා’ සරණාගත කඳවුරටය.

01 November 2023

නියෝග නොතකා විදුලිබිලට එරෙහි දිවුලපිටියේ පාගමන ඇරඹෙයි

විදුලිය පාවිච්චි කරන්නන්ගේ සංගමය ඇතුළු සංවිධාන කිහිපයක් එක්ව අනීතික විදුලි බිලට එරෙහි පා ගමන පැවැත්වෙන අතර මේ වන විට දිවුලපිටිය නගරය හා අවට දැඩි පොලිස් රැකවල් යොදා තිබේ.

01 November 2023

ජන හා නිවාස සංගණනය ඇරැඹෙයි

වසර දහයකට වරක් පවත්වනු ලබන ජන හා නිවාස සංගණනය මීට සුළු මොහොතකට පෙර ජනාධිපති ලේකම් කාර්යාලයේදී ආරම්භ කෙරුණි.

01 November 2023

කටුනායක-කොළඹ බස් වර්ජනයක්

මාර්ග අංක 187 කටුනායක ගුවන් තොටුපොළ - කොටුව , ජා - ඇළ - කොටුව , මාර්ග අංක 188 රද්දොළුගම - කොටුව සාමාන්‍ය සහ සුඛෝපභෝගී බස් රථ අද( 01) උදෑසන 07.00 සිට බස් රථ ධාවනයෙන් ඉවත් වී වර්ජනය කර ඇති බව ගම්පහ දිස්ත්‍රික් පෞද්ගලික බස් රථ හිමියන්ගේ සංගමයේ සභාපති ලැම්බට් මධුරගේ මහතා පැවසීය.

01 November 2023

ගනේමුල්ල සංජිවගේ වෙඩික්කරුවෙක් කොටුවෙයි

ජාත්‍යන්තර මත්ද්‍රව්‍ය ජාවාරමේප්‍රධානියකු සහ පාතාල කල්ලි නායකයෙකු ලෙස සැලකෙනසංජීව කුමාර සමරරත්න හෙවත් ගණේමුල්ලේ සංජීව නමැත්තා ගේ ප්‍රධාන වෙඩිකරු වෙඩිකරු බව කියන පුද්ගලයෙක් සාජා සිට කටුනායක ගුවන් තොටුපළට අද (1) අලුයම් කාලයේ පැමිණි අවස්ථාවේ රහස් පොලිසිය විසින් අත්අඩංගුවට ගෙන ඇත.

01 November 2023

‘‘වැටුප් දෙන්න බැරිව තිබූ රටක් අද හොඳ පැත්තට යනවා‘‘

වසරකට පෙර රාජ්‍ය සේවක වැටුප ගෙවීම පවා දුෂ්කර වූ රටක වැටුප් වැඩි කරන බව සැලවීමත් ජනතාවගේ පාර්ශ්වයෙන් සුබවාදී පනිවිඩයක් බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා කියයි.

01 November 2023

දිසා 11 ස්ථාන 62කට නාය අනතුරු

දිවයිනේ බොහෝ ප්‍රදේශවලට තව දුරටත් පවතින අධික වර්ෂාව හේතුවෙන් දිස්ත්‍රික්ක 11 ක ප්‍රාදේශීය ලේකම් කොට්ඨාස 62 කට නාය යෑමේ අවදානම් අනතුරු ඇඟවීමේ නිවේදනය ජාතික ගොඩනැගිලි පර්යේෂණ සංවිධානය විසින් අද 31 වනදා සවස නිකුත් කරනු ලැබ තිබේ.

01 November 2023

අදත් සවස තදින්ම වැසි

දිවයිනේ බොහෝ පළාත්වලට පස්වරු 2.00 පමණ පසු වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

01 November 2023

ගිනි අවියක් ,කඩුවක් සමග හමුදා සැරයන් මාට්ටු

බෝර 12 උණ්ඩ යෙදිය හැකි මෙරට නිෂ්පාදිත ගිනි අවියක් සහ කඩුවක් සමග යුද හමුදා සැරයන්වරයකු අත්අඩංගුවට ගත් බව අගලිය පොලිස් මුරපොලේ නිලධාරීහු පවසති.

01 November 2023

ඊශ්‍රායලයට වරෙන්තු නිකුත් කරන්න

ඊශ්‍රායල බලධාරීන්ට සහ එරට හමුදාවට එරෙහි වරෙන්තු නිකුත් කරන්නැයි පලස්තීන වැසියන්ගේ අයිතීන් වෙනුවෙන් පෙනී සිටින කණ්ඩායම් ජාත්‍යන්තර අපරාධ අධිකරණයෙන් ඉල්ලයි.

01 November 2023