දියත

ආනන්ද වෙඩිසිංහ සමුගනී

නුවරඑළිය මාර්ග මෝටර් රථ තරගයේදී අනතුරකට ලක්ව මහනුවර මහ රෝහලේ (ශල්‍ය) දැඩි සත්කාර ඒකකයේ ප්‍රතිකාර ලබමින් සිටි ප්‍රවීණ යතුරුපැදි ශූර ආනන්ද වෙඩිසිංහ අද (29 වැනිදා) සිය දිවියෙන් සමුගත්තේය. ඔහු සිවුදරු පියෙකි.

ආපදා බලන්න ආ හයක් මරු තුරුලට

ගංවතුර සහ නායයාම් ඇතුලූ ආපදාවන් සහිත ප‍්‍රදේශ නැරඹීම සදහා පැමිණි පිටස්තර පුද්ගලයින් හය දෙනකු ගතවු දින කිහිපය තුළ මියගොස් තවත් 16 දෙනකු තුවාල ලබා ඇති බව පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි පි‍්‍රයන්ත ජයකොඩි මහතා පවසයි.

පීඩාවට පත් රාජ්‍ය සේවකයින්ට නිවාඩු අනුමත කෙරෙයි

ගං වතුර හා නායයෑම් සිදුවූ ප‍්‍රදේශවල පීඩාවට පත්ව සිටින රාජ්‍ය සේවකයින්ට අවශ්‍ය නිවාඩු අනුමත කර දී සහන සැලසීමට පියවර ගන්නා බව රාජ්‍ය පරිපාලන හා කළමනාකරණ අමාත්‍ය රංජිත් මද්දුමබණ්ඩාර මහතා කියයි.

උමා ඔය ජල ව්‍යෘපෘති ජූලි 30ට පෙර අවසන් කරන්නැයි උපදෙස්

උමාඔය බහුකාර්ය යෝජනා ක‍්‍රමයෙන් අගතියට පත්වූ ජනතාවගේ පානීය ජල අර්බුදයට විසඳුමක් ලෙස කරන ලද පානීය ජල සැපයීමේ ව්‍යාපෘති ලබන ජූලි 30 වැනි දිනට පෙර අවසන් කරන ලෙස ශ්‍රේෂ්ඨාධිකරණය ජල සම්පාදන හා ජල ප‍්‍රවාහන මණ්ඩලයට අද(29) උපදෙස් දුන්නේය.

හල්පාතොට පාලම අවදානම් කලාපයක් වෙයි

ගංවතුර නිසා කඩා දැමීමට තිරණය කර පසුව අවලංගු කළ හල්පාතොට පැරණි පාලම බ්‍රිතාන්‍ය යුගයේ ඉදි කළ ඓතිහාසික වටිනාකමක් ඇති පාලමක් බව ප්‍රදේශවාසීහු කියති. බද්දේගම නගරයට මීටර් 600ක් පමණ දුරින් මෙම පාලම පිහිටා තිබේ.

අවතැන්වූවන්ගේ හිඟ විදුලි බිල්පත් ගෙවන්න මාස හයක්

ගංවතුර හා නායයෑම් හේතුවෙන් විපතට පත්වූවන්ට හිඟ විදුලි බිල්පත් ඇත්නම් ඒවා ගෙවීමට මාස 06ක සහන කාලයක් ලබාදෙන බව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා පවසයි.

වාසුගේ පෙත්සම ජූනි 14 වැනිදාට කල් යයි

හම්බන්තොට වරාය සංවර්ධන ව්‍යාපෘතියට එරෙහිව පාර්ලිමේන්තු මන්ත‍්‍රී වාසුදේව නානායක්කාර මහතා ගොනු කර තිබෙන පෙත්සම සලකා බැලීම ලබන ජුනි 14 වැනිදා තෙක් කල් තැබීමට ශ්‍රේෂ්ඨාධිකරණය අද (29)තීන්දු කළේය.

කඩා වැටුණු හෙලිකොප්ටරය

හෙලිකොප්ටරය කඩා වැටී ඇති අයුරු

දකුණ තවමත් සසලයි

අධික වර්ෂාව සමඟ මාතර දිස්ත්‍රික්කයේ ඇතිවු ගංවතුර හේතුවෙන් අද(29) වන විට විසි හතර දෙනෙකු ජීවිතක්ෂයට පත්ව පවුල් 43114ක 160 702 දෙනෙකු පීඩාවට පත්ව ඇතැයි මාතර දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂක ලුතිනන් කර්නල් ප්‍රියංකර උභය සිරිවර්ධන මහතා පවසයි.

ඉන්ධන බෙදාහරින්න ආපදා කළමනාකරණ ඒකකයක්

අධික වර්ෂාව හේතුවෙන් ආපදාවට පත් ප්‍රදේශවලට අඛණ්ඩව ඉන්ධන බෙදාහැරීම සඳහා ඛනිජ තෙල් සම්පත් සංවර්ධන අමාත්‍යාංශය ආපදා කළමනාකරණ ඒකකයක් අද (28) පිහිටුවන ලදී.

ආපදා නොවූ පාසල් වසා දැමූවාදැයි සොයයි

දකුණු පළාතේ ආපදාවන්ට ලක්වූ ප්‍රදේශවල පාසල් අද(29) නිවාඩු දීම සම්බන්ධයෙන් දකුණු පළාත් අධ්‍යාපන අමාත්‍යවරයා ඊයේ නිකුත් කරන ලද නිවේදනයට පරිභාහිරව නිවාඩු ලබා දුන් පාසල්වල විදුහල්පතිවරුන් නිදහසට කරුණු දැක්විය යුතු බව දකුණු පළාත් අධ්‍යාපන ලේකම් වයි. වික්‍රමසිරි මහතා පවසයි.

‘ස්ථීර ආදායම් මාර්ග ලැබෙනතුරු සහනාධාර සපයන්න‘

රත්නපුර දිස්ත‍්‍රික්කයේ ගංවතුරින් සහ නායයාම් වලින් ආපදාවට ලක්වූ ජනතාවට අවශ්‍ය සියලූ පහසුකම් නොපමාව ලබාදෙන ලෙසත් ස්ථිර ආදායම් මාර්ග ලැබෙන තෙක් හානියට පත් සහ අවතැන්වූ ජනතාවට සහනාධාර සපයන ලෙසත් ජනාධිපති මෛත‍්‍රීපාල සිරිසේන මහතා නිලධාරීන්ට උපදෙස් දී තිබේ.

අවතැන් වූ කතක් ගුවනේදී දරුවෙක් ප්‍රසූත කරයි

ජල ගැලීම් හේතුවෙන් ආපදාවට ලක්ව ඇති කලවාන රෝහලේ සිට ගුවනින් රත්නපුර රෝහල දක්වා රැගෙන යමින් සිටි ගැබිණි කාන්තාවක එම හෙලිකොප්ටර් යානයේදී සිය දරුවා ප්‍රසූත කර ඇති බව ගුවන් හමුදා මාධ්‍ය ප්‍රකාශක ගෲප් කපිතාන් ගිහාන් සෙනෙවිරත්න මහතා පවසයි.

ගංවතුරින් විපතට පත් පාසල් දරුවන්ට නිල ඇඳුම් තුනක්

ගංවතුරින් විපතට පත්වූ පවුල්වල දරුවන්ට පාසල් නිල ඇඳුම් තුනක් සහ සපත්තු කුට්ටමක් බැගින් ලබාදීමට පියවර ගන්නා බව අධ්‍යාපන ඇමැති අකිල විරාජ් කාරියවසම් මහතා කියයි.

දෙමහල් ගොඩනැගිල්ලේ ගින්නෙන් දෙදෙනෙක් රෝහලේ

කැකිරාව ගල්කිරියාගම නගරයේ දෙමහල් ව්‍යාපාරික ස්ථානයක අද (29) හටගත් ගින්නකින් එහි සේවකයින් දෙදෙනෙකු පිළිස්සුම් තුවාල ලබා බරපතල තත්ත්වයෙන් දඹුල්ල මහ රෝහලට ඇතුළත් කර තිබේ.ගල්කිරියාගම ප‍්‍රාදේශීය රෝහලට ඇතුළත් කිරීමෙන් පසුව ඔවුන් දෙදෙනා මහ රෝහලට මාරු කරනු ලැබූහ.

ඇවන්ට්ගාඩ් නඩුවේ වාචික දේශනය ජූනි 12 දා

ඇවන්ට්ගාඩ් සමාගම පාවෙන අවි ගබඩාවක් පවත්වාගෙන යාමට ඉඩ තබමින් රුපියල් මිලියන 11.4 ක අලාභයක් සිදු කිරිමේ චෝදනාව යටතේ අල්ලස් කොමිසම ගෝටාභය රාජපක්ෂ, නිශ්ශංක සේනාධිපති ඇතුළු අට දෙනෙකුට පවරා ඇති නඩුවේ විත්තිය මීට පෙර අවස්ථාවල දී ගෙන එන ලද මුලික විරෝධතාවය සම්බන්ධයෙන් චාචික දේශනය ගොනු කිරිමට සඳහා නඩුව ජුලි 12 වැනි දා කැඳවීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා නියෝග කළේය.

හංවැල්ල සතිපොලෙන් ගිනි අවියක් මතුවෙයි

හංවැල්ල සතිපොල භූමියේ කසල ගොඩක තීබී කුඩා ගිනි අවියක් හා උණ්ඩ පහක් කසල තෝරමින් සිටි ප්‍රාදේශීය සභා සේවකයකුට හමුවූ බව පොලිසිය කියයි.

අනතුරු අඟවා තිබිය දී වක්වැල්ලේ බැම්ම මතට දහස් ගණනින් එක්වෙලා

දිස්ත්‍රික් 8ක පාසල් සිකුරාදා තෙක් වහයි

කොළඹ, ගම්පහ, කළුතර, ගාල්ල, මාතර, හම්බන්තොට, රත්නපුර සහ කෑගල්ල යන දිස්ත්‍රික්කවල සියලු පාසල් සිකුරාදා (ජූනි 2) තෙක් වසා තැබෙන බව අධ්‍යාපන ඇමැති අකිල විරාජ් කාරියවසම් මහතා පවසයි.

ගල්ලත කන්දේ සැඟවුණු සිරුරු තුනක් මතුවෙයි

බුලත්සිංහල, ගල්ලප්පහළ ගල්ලත කන්ද නායයාමෙන් යටවූ නිවසක සිටි තිදෙනකුගේ මළ සිරුරු අද(29) සොයාගත් බව ප්‍රදේශවාසීහු කියති.

වලෙයිප්පාඩු වැසියෝ සිංහල ගුරුවරුන් ඉල්ලති

කිලිනොච්චිය කිරංචි වලෙයිප්පාඩු ප්‍රදේශවාසීන් සිය පාසල්වලට සිංහල ගුරුවරුන් ලබා දෙන ලෙස උතුරු පළාත් මහඇමතිවරයාගෙන් ඉල්ලා තිබේ.

විජයදාසයි සාගලයි ඇමතිකමින් ඉවත් කරන ලෙස චතුර ජනපතිගෙන් ඉල්ලයි

නීතිය,සාමය සහ දක්ෂිණ සංවර්ධන අමාත්‍ය සාගල රත්නායක මහතා සහ අධිකරණ හා බුද්ධ ශාසන අමාත්‍ය විජයදාස රාජපක්ෂ මහතා එම අමාත්‍යධුරවලින් ඉවත් කරන ලෙස ගම්පහ පාර්ලිමේන්තු මන්ත්‍රී චතුර සේනාරත්න මහතා ජනපතිගෙන් ඉල්ලා තිබේ.

හෙලිකොප්ටරය කඩාවැටුණා නොව හදිසි ගොඩබෑමක්

සහන සේවාවන්හි යෙදී සිටියදී අද උදෑසන කඩා වැටුණේ යයි කියූ එම්. අයි.17 වර්ගයේ හෙලිකොප්ටරය කඩාවැටුණා නොව එහි ඇතිවු කාර්මික දෝෂයක් හේතුවෙන් එහි නියමුවා විසින් හදිසියේ ගොඩබාන ලද බව ශ්‍රී ලංකා ගුවන් හමුදාව කියයි.

ලොරි-කාර් අනතුරෙන් දෙදෙනෙක් මිය යති

කොළඹ ගාල්ල මහා මාර්ගයේ බෙන්තොට අලවතුගොඩදී අද(29)අලුයම ලොරියක් හා මෝටර් රථයක් ගැටීමෙන් මෝටර් රථයේ ගමන්ගත් කාන්තාවන් දෙදෙනෙකු ජීවිතක්ෂයට පත්වූ බව බෙන්තොට පොලිසිය පවසයි.

බද්දේගම ගංවතුරෙන්

දකුණු පළාතට බලපෑ අධිකර වර්ෂාව නිසා බද්දේගම ප්‍රදේශයේ ඇතී වූ තත්ත්වය.

පීඩන අවපාතය සුළි කුණාටුවක් වෙයි

මධ්‍යම බෙංගාල බොක්ක මුහුදු ප්‍රදේශයට නැගෙනහිර දෙසින් පැවැති පීඩන අවපාතය සුළි කුණාටුවක් බවට පත්ව ඇති බවත් ඒ හේතුවෙන් දිවයින හරහා අහස වළාකුලින් බරව පවතින අතර වැසි සහ සුළං අපේක්ෂා කරන බව කාලගුණ විද්‍යා දෙපාර්තමේන්තුව අද (29) උදෑසන නිවේදනය කළේය.

කඳුකරයේ බටහිර බෑවූමේ තද වැසි බලාපොරොත්තුවන්න

මධ්‍යම කඳුකරයේ බෑවුම් ප්‍රදේශවලට මිලි මීටර් සියයට වැඩි තද වැසි බලාපොරොත්තු විය හැකි බව කාලගුණ විද්‍යා දෙපාර්තමේන්තුව කියයි.

හෙලිකොප්ටර් යානයක් කඩා වැටෙයි

වර්ෂාව නිසා ඇති වූ ආපදා තත්ත්වයෙන් අසරණ වූවන් මුදාගනිමින් සිටි එම්අයි17 වර්ගයේ ගුවන් හමුදා හෙලිකොප්ටර් යානයක් අද උදෑසන කඩා වැටී ඇත.