එසැණ පුවත්

රට පුරා රැකියා විරහිත උපාධිධාරීහු වීදි බසිති

දිවයිනේ සියලු රැකියා විරහිත උපාධිධාරීන්ට වහා රැකියා ලබා දෙන ලෙස රජයට බල කරමින් රැකියා විරහිත උපාධිධාරී සංගමය මෙහෙය වු උද්ඝෝෂණ රැසක් අද (16) දිවයින පුරා පැවැත්විණි.

16 May 2018

තැපැල් සේවකයොත් වැඩවැරුමකට අරඅදිති

තැපැල් සේවයේ ගැටලුවලට විසඳුම් ලබාදීම සඳහා සැකැසූ ඒකාබද්ධ අමාත්‍ය මණ්ඩල පත්‍රිකාවට සති දෙකක් ඇතුළත කැබිනට් අනුමැතිය ලබා නොගන්නේ නම් වැඩ වර්ජනයක් දියත් කිරීමට කටයුතු කරන්නේ යැයි තැපැල් හා විදුලි සංදේශ නිලධාරින්ගේ සංගමයේ ප්‍රධාන ලේකම් එච්.කේ කාරියවසම් මහතා ‘ලංකාදීප’යට පැවැසීය.

16 May 2018

එස් අයි පුරප්පාඩු 113ට අයදුම්පත් 12000ක්

2018 වසරේ උප පොලිස් පරීක්ෂක සහ කාන්තා උප පොලිස් පරීක්ෂක පුරප්පාඩු 113 ක් වෙනුවෙන් අයදුම් 12284 ක් ලැබී ඇති බව පොලිස් මුලස්ථානය කියයි.

16 May 2018

ෆොන්සේකාට එරෙහිව දකුණේ මන්ත්‍රී ගොනු කළ පෙත්සම නිෂ්ප්‍රභයි

එක්සත් ජාතික පක්ෂ පාර්ලිමේන්තු මන්ත‍්‍රීවරයෙකු ලෙස ෆීල්ඩ් මාර්ෂල් සරත් ෆොන්සේකා මහතා පත් කිරීම අභියෝගයකට ලක් කරමින් දකුණු පළාත් සභාවේ හිටපු මන්ත‍්‍රීවරයෙකු ගොනු කළ රිට් පෙත්සම නිෂ්ප‍්‍රභ කිරීමට ශ්‍රේෂ්ඨාධිකරණය අද (16) තීන්දු කළේය.

16 May 2018

’බස් ගාස්තු තවත් වැඩි කරන්න දෙන්නේ නැහැ’- රාජිත

බස්ගාස්තු සංශෝධනය කිරීම සිදුවූයේ බස් සංගම්, අමාත්‍යාංශය ඇතුළු සියළු පාර්ශවවල එකඟත්වය මත ඇති කරගත් මිල සුත‍්‍රයකයට අනුව බවත්, ඊට වැඩි ගාස්තු වැඩිවීමක් ලබාදිය නොහැකි බවත් සම කැබිනට් ප‍්‍රකාශක සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.

16 May 2018

මාලිගාවත්ත මහල් නිවාසයේදී දරුවෙක් මරා දැමූ යුවළ 24 දක්වා රිමාන්ඩ්

මාලිගාවත්ත මහල් නිවාසයක දෙහැවිරිදි පිරිමි දරුවකු කෲර අමානුෂික ලෙසින් වද හිංසා දී මරණයට පත්කළැයි කියන දරුවා හදාගත් මව් පිය යුවළ ලබන 24 දක්වා රක්ෂිත බන්ධනාගාර ගත කරන ලෙස කොළඹ අතිරේක මහේස්ත‍්‍රාත් බුද්ධික ශ්‍රී රාගල මහතා නියෝග කළේය.

16 May 2018

වීරවංශට එරෙහි මූල්‍ය වංචා නඩුව කල් යයි

ඇමතිවරයෙකු ලෙස කටයුතු කළ වසර හයක කාලය තුළදී සිය වත්කම් හා ආදායම් වලින් උපයාගත නොහැකි, අල්ලස් මඟින් උපයාගත් රුපියල් කෝටි 7 1 / 2 කට ආසන්න මුදල් හා දේපළවල හිමිකරුවක සිටි බවට චෝදනා කරමින් නිවාස ඉදිකිරීම් හා ඉංජිනේරු සේවා හිටපු අමාත්‍ය විමල් වීරවංශ මහතාට එරෙහිව පවරා ඇති නඩුව ලබන අගොස්තු මස 06 වැනිදා කැඳවීමට කොළඹ මහාධිකරණ විනිසුරු විකුම් කළුආරච්චි මහතා අද (16) නියම කළේය.

16 May 2018

අන්තරේ පාගමනින් ටවුන්හෝල්හි වාහන තදබදයක්

සරසවි විෂය මාලාවෙන් බුද්ධ දර්ශනය කප්පාදු කිරීමට එරෙහිව අන්තර් විශ්ව විද්‍යාල භික්ෂු බලමණ්ඩලය සංවිධානය කළ විරෝධාතා පාගමනක් හේතුවෙන් කොළඹ පුරහල ප‍්‍රදේශයේ මාර්ග තදබදයක් හටගෙන ඇත බව පොලිසිය පවසයි .

16 May 2018

හිටපු මේජර් ජනරාල් අමල් කරුණාසේකර යළි රිමාන්ඩ්

මාධ්‍යවේදී කීත් නොයාර් මහතා පැහැරගෙන ගෙන ගොස් පහර දීමේ සිද්ධිය සම්බන්ධයෙන් අත්අඩංගුවට ගෙන රිමාන්ඩ් බාරයට පත්කර සිටි හිටපු යුද හමුදා බුද්ධි ප‍්‍රධානි මේජර් ජනරාල් අමල් කරුණාසේකර මහතා මෙම මස 30 වැනි දින දක්වා තවදුරටත් රිමාන්ඞ් බාරයට පත්කරන ලෙසට ගල්කිස්ස අතිරේක මහේස්ත‍්‍රාත් ලෝචනා අබේවික‍්‍රම මහත්මිය අද (16) නියෝග කළාය.

16 May 2018

’සිංගප්පුරු වෙළඳ ගිවිසුම මගින් බදු වංචා නීතිගත කරනවා’

ශ්‍රී ලංකා සිංගප්පූරු වෙළඳ ගිවිසුම මඟින් බදු වංචා නීතිගත කර ඇතැයි ජාතික නිදහස් පෙරමුණේ ජාතික සංවිධායක පාර්ලිමේන්තු මන්ත‍්‍රී ජයන්ත සමරවීර මහතා චෝදනා කළේය.

16 May 2018

ලක්ෂ 15 ක දුම්වැටි තොගයක් ගලේවෙලින් අත්අඩංගුවට

නිතිවිරෝධී අයුරින් මෙරටට ගෙන්වා බෙදාහැරිමේ ජාවාරමක නිරතවී සිටි පුද්ගලයින් දෙදෙනෙකු සමඟ රුපියල් ලක්ෂ 15 ක් වටිනා දුම්වැටි 20000 ක් අත්අඩංගුවට ගත් බව ගලේවෙල පොලිසිය පවසයි.

16 May 2018

පුරාවිද්‍යා කැණිම් වලින් දේහයක අස්ථි කොටස් සහිත මැටි බඳුනක්

පොලොන්නරුව - මඩකලපුව ප්‍රධාන මාර්ගයට ආසන්නයේ පිහිටි පොලොන්නරුව 28 කණුව පුරාවිද්‍යා රක්ෂිතයේ සිදුකරනු ලබන පුරාවිද්‍යා කැණීම් වලදී ඉපැරණි පිළිම ගෙයක් තුළ තැන්පත් කර තිබූ ආදාහනය කරන ලද දේහයක අස්ථි කොටස් සහිත මැටි බඳුනක් අද (16) හමුවූ බව පුරාවිද්‍යා දෙපාර්තමේන්තුව කියයි.

16 May 2018

වෙළෙඳපොළට වැලිමලු නිකුත් කිරීමට පියවර

කුඩා ප‍්‍රමාණයේ ඉදිකිරීම් කටයුතු සඳහා වැලි අවශ්‍ය වන අවස්ථාවන්හිදී නාගරික ජනතාව මුහුණ දෙන ප‍්‍රශ්නවලට විසඳුම් ලෙස කිලෝ 10, 25 හා 50 ප‍්‍රමාණවලින් වැලි උර වෙළඳපොළට නිකුත් කිරීමට භූ විද්‍යා හා පතල් කැණීම් කාර්යංශය පියවර ගෙන ඇත.

16 May 2018

නිතීවිරෝධී දුම්වැටි සමඟ අයෙක් රේගුවේදී අත්අඩංගුවට

නීතිවිරෝධී ලෙස ශ්‍රී ලංකාවට රැගෙන ආ විදේශීය නිෂ්පාදිත දුම්වැටි තොගයක් සමඟ මගියකු අද (16) අලුයම කටුනායක ගුවන් තොටුපොළේ දී අත් අඩංගුවට ගත් බව රේගුව පවසයි.

16 May 2018

කෘත්‍රිම වර්ෂාව ගැනීමේ තාක්ෂණය ඇතුළත් වාර්තාවක් අගමැතිට

නියඟය පවතින ප‍්‍රදේශවලට විසඳුමක් ලෙස වැසි වලාකුළු වලින් කෘත්‍රිමව වර්ෂාව ලබා ගැනීමේ තාක්ෂණය ඇතුළත් වාර්තාවක් චීන නියෝජිතයන් පිරිසක් විසින් අග‍්‍රාමාත්‍ය රනිල් වික‍්‍රමසිංහ මහතාට බාර දෙන ලදී.

16 May 2018

අඹේවෙල ගොවීන් වනජිවී උප ඇමැතිට එරෙහිව උද්ඝෝෂණය

රාජ්‍ය නිලධාරින්ට බැන වදිමින් වගාවට හානි කරන කුළු හරක් රක්ෂිතයට මුදා හැරි යැයි වනජිවි නියෝජ්‍ය අමාත්‍යය පාලිත තෙවරප්පෙරුම මහතාට එරෙහිව විරෝධය පාමින් අඹේවෙල ප්‍රදේශයේ ගොවියෝ අඹේවෙල දුම්රිය ස්ථානය අසල උද්ඝෝෂණයක නිරත වෙති.

16 May 2018

නිශ්ශංක සේනාධිපතිගෙන් අයිතිවාසිකම් පෙත්සමක්

ගාලු වරායේ පාවෙන අවි ගබඩාවේ සිද්ධිය සම්බන්ධයෙන් තමන් අත්අඩංගුවට ගැනීමට සුදානමක් ඇති හෙයින් එය වළක්වාලන්නැයි ඉල්ලමින් ඇවන්ට්ගාඩ් සමාගමේ සභාපති නිශ්ශංක සේනාධිපති මහතා ශ්‍රේෂ්ඨාධිකරණය හමුවේ මුලික අයිතිවාසිකම් පෙත්සමක් ගොනු කළේය.

16 May 2018

ලංගම සේවක නිවාඩු අවලංගු කරයි

අද (16) මධ්‍යම රාත්‍රීයේ සිට සැලසුම් කළ පෞද්ගලික බස් වර්ජනය හේතුවෙන් සියලුම ලංගම රියදුරු, කොන්දොස්තරවරුන් සහ කාර්මික ශිල්පීන්ගේ නිවාඩු අවලංගු කර තිබේ.

16 May 2018

රන් බිස්කටි සමඟ පුද්ගලයෙක් රේගුවේදී දැලේ

තමන් පැළද සිටින පාවහන් තුළ සගවා ගෙන රත්තරන් බිස්කට් දෙකක් නීතිවිරෝධී ලෙස මෙරටට ගෙන ආ ශ්‍රී ලාංකික ගුවන් මගියෙකු අද (16) අලුයම කටුනායක ගුවන් තොටුපොළේ දී අත්අඩංගුවට ගෙන ඇත.

16 May 2018

දැව සංස්ථාවේ හිටපු සභාපති 18 දක්වා රිමාන්ඩ්

රාජ්‍ය දැව සංස්ථාවේ හිටපු සභාපති අනුරුද්ධ පොල්ගම්පොල මහතා මෙ මස 18 වැනිදා තෙක් රක්ෂිත බන්ධනාගාර ගත කිරීමට කොටුව මහෙස්ත්‍රාත් ලංකා ජයරත්න මෙනවිය නියෝග කළේය.

16 May 2018

බයිසිකලයෙන් තරඟ කළ මන්ත්‍රීන්ට නොතීසි

මහරගම නගර සභාව සඳහා බයිසිකලයේ ලකුණින් තේරී පත්වූ ස්වාධීන කණ්ඩායම් අංක 2 තේරී පත්වූ නාගරික මන්ත්‍රීවරු විසි තුන් දෙනෙකුගේ පත්කිරීම බලරහිත කිරීමේ ආඥාවක් නිකුත් කරන මෙන් ඉල්ලා ගොනුකළ පෙත්සමේ වගඋත්තරකරුවන් ලෙස නම් කර සිටින ස්වාධීන කණ්ඩායම් අංක 2 යටතේ තේරීපත් වූ නාගරික මන්ත්‍රීවරු විසි තුන් දෙනා ඇතුළු වගඋත්තරකරුවන් 27 දෙනෙකුට ලබන මස 28 වැනිදා අධිකරණය හමුවේ පෙනී සිට කරුණු දක්වන ලෙස දන්වා අභියාචනාධිකරණය අද (16) නොතීසි නිකුත් කළේය.

16 May 2018

මසට ගෙනා ගල් ඉබ්බන් සමඟ අයෙක් සැකපිට

ආණමඩුව මුදලක්කුලිය ප්‍රදේශයේ නිවසක පැවැති සාදයකට මස් පිණිස ගැනීම සඳහා රැගෙන විත් සඟවා සිටි ගල් ඉබ්බන් සිව් දෙනෙකු සොයා ගැනීමට ආණමඩුව පොලිස් නිලධාරීන් අද (16) සමත් විය.

16 May 2018

දැව සංස්ථාවේ හිටපු සභාපති කොටුව උසාවියට

රාජ්‍ය දැව සංස්ථාවේ හිටපු සභාපති අනුරුද්ධ පොල්ගම්පොල මහතා මීට සුළු මොහොතකට පෙර අපරාධ පරීක්ෂණ දෙපාර්තමේන්තු නිලධාරීන් විසින් කොටුව මහෙස්ත්‍රාත් අධිකරණයට රැගෙන එනු ලැබීය.

16 May 2018

යාපනයේ ගෙවල් බිඳුම් කළ කල්ලියක් අත්අඩංගුවට

තියුණු ආයුධ රැගෙනවිත් නිවැසියන් බිය ගන්වා උතුරු පළාත තුළ ගෙවල් බිඳුම් හා මංකොල්ලකෑම් රැසක් සිදුකළ සංවිධානාත්මක අපරාධ කල්ලියක සාමාජිකයින් පස්දෙනකු ඊයේ (15) මන්නාරම ප‍්‍රදේශයේ දී අත්අඩංගුවට ගත් බව වවුනියාව පොලිසිය කියයි.

16 May 2018

ආහාර විස වී භික්ෂුන් 29 ක් ඇතුළු තවත් 11 ක් රෝහලේ

මරදන්කඩවල පෙරමියන්කුලම ශ්‍රී සදානන්ද විද්‍යාරතන පිරිවෙනේ වැඩ විසු භික්ෂුන් වහන්සේලා 29 දෙනෙකු හා ගිහියන් 11 දෙනෙකු ආහාර විෂ විමක් හේතුවෙන් අනුරාධපුර ශික්ෂණ රෝහලට ඇතුළු කළ බව අනුරාධපුර පොලිසිය කියයි.

16 May 2018

විදුලි රැහැනේ පැටලුණු පිය පුතු මරුට

වවුනියාව පාවක්කුලම, සූඩුවෙන්දපිලව් වැවේ ආසන්නයේ වනසතුන් වෙනුවෙන් අටවා තිබූ විදුලි රැහනක පැටලීමෙන් මියගිය පුද්ගලයින් දෙදෙනෙකුගේ මළ සිරුරු අද (16) උදෑසන හමුවූ බව වවුනියාව පෙරියඋළුක්කුලම පොලිසිය පවසයි.

16 May 2018

බොරු ඇමතුමකින් දොස්තර කොල්ල කෑ තිදෙනෙක් අත්අඩංගුවට

තරුණියක් මගින් දුන් ඇමතුමකින් පාළු ස්ථානයකට ගෙන්වා ගත් වෛදවරයකු බිය ගන්වා ඔහු සතු පවුම් පහමාරක් බරැති රන් ආභරණ කොල්ල කෑ කල්ලියක තිදෙනෙකු කොල්ල කෑ රන් ආභරණ සමඟ ඊයේ (15)අත්අඩංගුවට ගත් බව හලාවත පොලිසිය කියයි.

16 May 2018

දැව සංස්ථාවේ හිටපු සභාපති අත්අඩංගුවට

රාජ්‍ය දැව සංස්ථාවේ හිටපු සභාපති අනුරුද්ධ පොල්ගම්පොල මහතා ඊයේ (15) රාත්‍රී අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබු බව අපරාධ පරීක්ෂණ දෙපාර්තමේන්තුවේ අධ්‍යක්ෂක ජ්‍යෙෂ්ඨ පොලිස් අධිකාරි ශානි අබේසේකර මහතා පවසයි.

16 May 2018