එසැණ පුවත්

ඩොලර් ගැටළුවට අයි.එම්.එෆ්. යනවාද තීරණය අනිද්දා

රට තුළ ඇතිව තිබෙන උග්‍ර ඩොලර් හිඟයට විසඳුමක් ලෙස ජාත්‍යන්තර මූල්‍ය අරමුදලට (අයි එම් එෆ් )යන්නේ ද නැද්ද යන්න සම්බන්ධයෙන් අනිද්දා (13) පැවැත්වෙන කැබිනට් රැස්වීමේදී තීරණයක් ගනු ඇතැයි රජයේ ආරංචි මාර්ග සඳහන් කරයි .

11 December 2021

පළාත් කීපයකට තවදුරටත් තද වැස්ස

බස්නාහිර,සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් සවස් කාලයේදී හෝ රාත්‍රී කාලියේදී ස්ථාන ස්වල්පයකට වැසි හෝ ගිගුරුම් සහිත වැසි ඇති වේ. මෙම ප්‍රදේශවල ඇතැම් ස්ථානවලට මිලිමීටර් 50ට වැඩි තරමක් තද වැසි ඇති වන බව කාලගුණ විද්‍යා දෙපාර්තමේන්තුව කියයි.

11 December 2021

මාතලේ අක්කර 20ක රජයේ ඉඩමක් අක්කරය රුපියල් 830ට දීලා

ඉඩම් ප්‍රතිසංස්කරණ කොමිෂන් සභාවට අයත් මාතලේ පලාපත්වල ප්‍රදේශයේ ඉඩම් 20ක් අක්කරයක් රුපියල් 830 බැගින්වු මුදලකට ව්‍යාපාරියකුයට ලබා දී ඇතැයි මාතලේ ප්‍රදේශීය සභා සභාපති කපිල බණ්ඩාර හන්දෙනිය මහතා පවසයි

11 December 2021

දරුවන් පාසලේ නැතිනම් මාපියෝ හිරේ

කොවිඩ් 19 වසංගතය හමුවේ, සෞඛ්‍ය නිර්දේශවලට අනුකූලව සියලු පාසල් ආරම්භ කර ඇති බවත්, දරුවන් පාසල් යැවීමට අදිමදි කරන දෙමාපියන්ට වසර දෙකක සිර දඬුවමක් සහ දඩයක් නියම කිරීමට පියවර ගන්නා බවත් ග්‍රීක රජය පවසා තිබේ.

11 December 2021

එන්නත් නොගන්නා අයට දඩ

කොවිඩ් 19 ප්‍රතිශක්තිකරණ එන්නත් ලබා නොගන්නා ඔස්ට්‍රියානුවන්ගෙන් සෑම මාස 3 කටම වරක්, යූරෝ 3,600 ක (ඇමෙරිකන් ඩොලර් 4,071ක්) දඩමුදලක් අය කර ගැනීමට බලාපොරොත්තු වන බව ඔස්ට්‍රියා රජය කියයි.

11 December 2021

සැකකරුට ගෙනා බත් පාර්සලයේ මස් අස්සෙ මත්

කොළඹ රිමාන්ඩ් බන්ධනාගාරයේ රදවා සිටි සැකකරුවෙකුට ලබා දීම සදහා රැගෙන විත් තිබු බත් පාර්සලයක මස් කැබලි තුළ සුක්ෂම ලෙස සගවා තිබී අයිස් යැයි සැකකළ හැකි මත්ද්‍රව්‍ය පැකට් 04 තිබී සොයාගත් බව බන්ධනාගාර දෙපාර්තමේන්තුව පවසයි.

10 December 2021

අදත් ආසාදිතයන් 750 ඉක්මවයි

කොවිඩ් ආසාදිත තවත් රෝගීන් 187 දෙනකු අද (10) හඳුනාගත් බව සෞඛ්‍ය අංශ පවසයි.

10 December 2021

තහනම මැද කෝටි හයක වාහනයක් හම්බන්තොට වරායට

ශ්‍රී ලංකාවේ වෙළෙඳ වටිනාකම රුපියල් කෝටි 6 ක් පමණ වන ජපානයේ නිෂ්පාදිත ටොයෝටා ලැන්ඩ් කෘෂර් 300 අති නවීන මෝටර් රථයක් හම්බන්තොට වරායෙන් ශ්‍රී ලංකාවට ගොඩබා තිබේ.

10 December 2021

එතෙර සිට මෙතෙර එන 12ට අඩු ළමුන්ට පී.සී.ආර් වාර්තාවක් අවශ්‍ය නෑ

විදේශගතව සිට මෙරටට පැමිණෙන වයස අවුරුදු 12ට අඩු ළමුන් වෙනුවෙන් පී.සී.ආර් පරීක්ෂණ වාර්තාවක් අවශ්‍ය නැතැයි බව සෞඛ්‍ය අමාත්‍යාංශය පවසයි.

10 December 2021

රුහුණු කුමාරිට දෙදරු මවක් බිලි

අඹු සැමි යුවලක් ගමන්ගත් යතුරු පැදියක් පයාගල ප්‍රදේශයේ දී අද (10) පස්වරුවේ රුහුණු කුමාරි සීඝ්‍රගාමී දුම්රියේ ගැටී දෙදරු මවක් මියගොස් ඇයගේ ස්වාමිපුරුෂයා බරපතළ තුවාල ලබා ඇතැයි පයාගල පොලිසිය කියයි .

10 December 2021

කොවිඩ් මරණ තරමක අඩුවක්

කොවිඩ් ආසාදිත වූ තවත් රෝගීන් 18 දෙනකු ඊයේ (9) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (10) තහවුරු කළේය.

10 December 2021

කොවිඩ් ආසාදිතයන් තවත් 567 ක්

කොවිඩ් ආසාදිත රෝගීන් තවත් 567 දෙනකු අද(10) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

10 December 2021

මුරුත්තෙට්ටුවේ හිමිගෙන් සරසවි සිසුන්ට රෙදි සෝදන යන්ත්‍ර

කොළඹ විශ්වවිද්‍යාලයේ කුලපති නාරාහේන්පිට අභයාරාමාධිපති මුරුත්තෙට්ටුවේ ආනන්ද ස්වාමීන්වහන්සේගේ මැදිහත්ව එම විශ්ව විද්‍යාලයේ නේවාසිකාගාරවල රැදී සිටින ශිෂ්‍යාවන්ට රෙදි සෝදන යන්ත්‍ර පරිත්‍යාග කිරීමේ වැඩසටහනක් අභයාරාමයේදී අද (10) පැවැත්විණි.

10 December 2021

2022 අය වැය තුනෙන් දෙකක බහුතරයකින් සම්මතයි

අයවැය විසර්ජන පනත් කෙටුම්පත (2022) තෙවැනි වර කියවීම තුනෙන් දෙකක බහුතර ඡන්දයෙන් පාර්ලිමේන්තුවේදී අද (10) පස්වරුවේ සංශෝධන සහිතව සම්මතවිය.

10 December 2021

’’රටතුළ විදේශ මුදල්වල දැඩි අර්බුදයක් තියනවා’’

රටේ විශාල විදේශ මුදල් අර්බුදයක් මෙන්ම විදේශ සංචිත පිළිබඳවද බැරෑරුම් තත්වයක් පවතින බව පිළිගන්නේ යැයි මුදල් අමාත්‍ය බැසිල් රාජපක්ෂ මහතා පාර්ලිමේන්තුවේදී අද (10) පැවසීය.

10 December 2021

අප්‍රිකා රටවල් 6ක මගින්ට එරෙහි තහනම ඉවතට

දකුණු අප්‍රිකාව, ඇතුළු අප්‍රිකා කලාපයේ රටවල් 6ක සංචාරය කළ ගුවන් මගීන්ට ශ්‍රී ලංකාවට පැමිණීමට පනවා තිබූ සංචාරක තහනම ඉවත් කළ බව සිවිල් ගුවන් සේවා අධිකාරියේ සභාපති උපුල් ධර්මදාස මහතා අද පැවසීය.

10 December 2021

රත්වත්තේ බන්ධනාගාරවලට කඩා වැදීම ගැන විමර්ශනයක්

බන්ධනාගාර හිටපු රාජ්‍ය අමාත්‍ය ලොහාන් රත්වත්තේ මහතා වැලිකඩ සහ අනුරාධපුර බන්ධනාගාරවලට කඩා වැදී සිදුකළැයි කියන සිද්ධීන් සම්බන්ධයෙන් කොළඹ අපරාධ කොට්ඨාසය විසින් විමර්ශනයක් ආරම්භ කරනු ලැබ ඇත.

10 December 2021

අධ්‍යාපන අමාත්‍යංශ ලේකම් ඇතුළු පිරිසකට නොතීසී

පහ වසර ශිෂ්‍යත්ව විභාගය සමත් වන දරුවන් ජනප්‍රිය සහ ජාතික පාසල්වලට ඇතුලත් කර ගැනීම සදහා මාර්ගෝපදේශ මාලාවක් සකස් කරන ලෙස ඉල්ලා ගොනු කර ඇති රිට් පෙත්සමක් සම්බන්ධයෙන් කරුණු දැක්වීමට ජනවාරි මස 19 වැනිදා අධිකරණයේ පෙනී සිටින්නැයි අධ්‍යාපන අමාත්‍යාංශ ලේකම් ඇතුළු පිරිසකට අභියාචනාධිකරණය අද (10)නොතීසි නිකුත් කළේය.

10 December 2021

වැලිකඩ රැඳවියන් ඝාතන නඩුවේ තීන්දුව ජනවාරියේදී

වැලිකඩ බන්ධනාගාරයේ රඳවා සිටි රැඳවියන් සමුහ ඝාතනය කළ බවට පොලිස් මත්ද්‍රව්‍ය නාශක කාර්යංශයේ හිටපු පොලිස් පරීක්‍ෂකවරයකුට සහ මැගසින් බන්ධනාගාරයේ හිටපු අධිකාරීවරයාට එරෙහි නඩුවේ තීන්දුව ලබන වසරේ ජනවාරී මස 06 වැනිදා ප්‍රකාශයට පත් කිරීමට එම නඩුව විභාග කරන විශේෂ ත්‍රිපුද්ගල මහාධිකරණ විනිසුරු මඩුල්ල තීරණය කළේය.

10 December 2021

‘අවිස්සාවේල්ල සිට පෑලියගොඩ තෙක් කැලණි ගඟ දෙපස රක්ෂිතයක් කරන්න යයි‘

අවිස්සාවේල්ල සිට පෑලියගොඩ දක්වා කැලණි ගඟ දෙපස රක්ෂිත කලාපය ඉක්මණින් ලකුණු කොට ගැසට් කිරීමට පියවර ගන්නා බව පරිසර අමාත්‍ය මහින්ද අමරවීර මහතා ලංකාදීපයට පැවැසීය.

10 December 2021

සජබ මහලේකම් කෝටියක වන්දියක ඉල්ලයි

ජනතාව රැස්වන සංඛ්‍යාව සීමා කිරීම් ඇතුළු රෙගුලාසි ගණනාවක් අඩංගු කරමින් සෞඛ්‍ය සේවා අධ්‍යක්ෂ ජනරාල්වරයා විසින් නිකුත් කර ඇති අතිවිශේෂ ගැසට් නිවේදනය මගින් ජනතාවගේත් තමන්ගේත් , මූලික අයිතිවාසිකම් කඩවන ලදැයි සදහන් කරමින් ඊට වන්දි වශයෙන් රුපියල් කෝටියක් ඉල්ලා සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා ශ්‍රේෂ්ඨාධිකරණය හමුවේ අද (10) මූලික අයිතිවාසිකම් පෙත්සමක් ගොනු කළේය.

10 December 2021

‘කිරිපිටි ආනයනය නතර කරන්නේ නෑ‘

කිරිපිටි ආනයනය නතර නොකරන බව කෘෂිකර්ම අමාත්‍ය මහින්දානන්ද අලුත්ගමගේ මහතා පාර්ලිමේන්තුවේදී අද (10) පැවසීය

10 December 2021

“කුඩු ආශා”ගේ කෝටි 4 ගැන සී.අයි.ඩීයෙන් පරීක්ෂණ

සංවිධානාත්මක අපරාධ කල්ලි සාමාජිකයකු වූ “අංගොඩ ලොක්කා’ ගේ ඥාති සහෝදරියක “කුඩු ආශා” නමැත්තියගේ බැංකු ගිණුම් තුනක තිබී රුපියල් කෝටි 4කට අධික මුදලක් සැක සහිත ආකාරයෙන් සංසරණය වීම සම්බන්ධයෙන් පරීක්ෂණයක් ආරම්භ කර ඇතැයි අපරාධ පරික්ෂණ දෙපාර්තමේන්තුවේ නිති විරෝධී දේපල හෝ වත්කම් විමර්ශන කොට්ඨාසය ගම්පහ මහේස්ත්‍රාත් අධිකරණයට කරුණු වාර්තා කර ඇත.

10 December 2021

රජයේ විශ්‍රාමිකයින් 95 දෙනෙකු ගොනු කළ පෙත්ම විභාගයට දිනයක්

හිටපු විශ්‍රම වැටුප් අධ්‍යක්ෂක ජනරාල් , විශ්‍රාමිකයින්ගේ අයිතීන් සුරැකීමේ සංවිධානයේ කැඳවුම්කරු ඇතුළු රජයේ විශ්‍රාමිකයින් 95 දෙනෙකු ගොනු කළ රිට් පෙත්සම ලබන ජනවාරි මස 21 විභාගයට ගැනීමට අභියාචනාධිකරණය අද නියම කළේය.

10 December 2021

ශ්‍රී ලංකා කාන්තා ක්‍රිකට් පිල එයි

ලෝක කුසලාන සුදුසුකම් ලැබීමේ තරගාවලියට සහභාගි වී සිටියදී සාමාජිකාවන් හත්දෙනෙක් ‘කොවිඩ්’ ආසාදිතයන් බවට පත්වීම නිසා සිම්බාබ්වේහි දින 12 ක් සිරවී සිටි ශ්‍රී ලංකා කාන්තා ක්‍රිකට් කණ්ඩායම අද (10) නැවත ශ්‍රී ලංකාවට පැමිණියේය.

10 December 2021

‘බූස්ටර්‘ එන්නත ඉදිරි දෙසතියේ ලබාදී අවසන් කරන්න‘

එළැඹෙන උත්සව සමයේදී කොවිඩ් ව්‍යාප්තිය පාලනය කිරීමේ පූර්ව සැලසුමක් ලෙස අධි මාත්‍රා එන්නත (Booster) ඉදිරි දෙසතියේදී ලබාදී අවසන් කරන්නැයි ජනාධිපති ගෝඨාභය රාජපක්ෂ මහතා කොවිඩ් මර්දන විශේෂ කමිටු සාමාජිකයන්ට උපදෙස් දුන්නේය.

10 December 2021

අල්ලා දෙවියන්ට අපහාස කළැයි කියන නඩුවෙන් ඥාණසාර හිමි නිදහස්

පොලොන්නරුව සින්නවෙලපට්ටි ගම්මානයේදී සහ මෙහෙරගොඩලැල්ල ප්‍රදේශයේදී මාධ්‍ය හමුවක් පවත්වමින් මුස්ලිම් ජනතාවටත් ඉස්ලාම් ආගමටත් අල්ලා දෙවියන්ටත් අපහාස කළැයි කියන සිද්ධියකට අදාළ බොදු බල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන් ට එරෙහි නඩුවෙන් උන්වහන්සේ නිදහස් කිරීමට කොළඹ ප්‍රධාන මහේස්ත්‍රාත් බුද්ධික සී. රාගල මහතා අද (10) නියෝග කළේය.

10 December 2021

අධිකරණ තහනම නොතකා විදෙස් ගත වීමට ආ ව්‍යාපාරිකයා ආපසු යවයි

අධිකරණ තහනම නොතකා ඩුබායි යාමට කටුනායක ගුවන්තොටුපොළට ආ ශ්‍රී ලංකාවට වාහන ආනයනය කරන ව්‍යාපාරිකයෙක් අද අලුයම ‍ ආගමන විගමන දෙපාර්තමේන්තු නිලධාරීන් විසින් ආපසු හරවා‍ යවනු ලැබීය.

10 December 2021