එසැණ පුවත්

රුසියාව අඩියක් පස්සට තබයි

රුසියානු - යුක්රේන දේශසීමාවේ රඳවා සිටි රුසියානු හමුදාවෙන් කොටසක් ඉවත් කරගන්නා බව රුසියානු ආරක්ෂක අමාත්‍යංශය මිට සුළු වේලාවකට පෙර නිවේදනයක් නිකුත් කරමින් ප‍්‍රකාශ කළේය.

15 February 2022

වෙන් කර ගත් ආසන අවලංගු කිරීමේ දී දඩයක්

කලින් ආසන වෙන් කිරීමේ පහසුකම මත ආසන වෙන් කර ගත් මගීන් එම වෙන් කල ප්‍රවේශ පත් අවලංගු කිරීමේ දී යළි 50% ක ගාස්තුවක් ලබා ගැනීමට දුම්රිය දෙපාර්තමේන්තුව චක්‍රලේඛයක් නිකුත් කර ඇතැයි ශ්‍රී ලංකා දුම්රිය ස්ථානාධිපති සංගමයේ ලේකම් කසුන් චාමර ජයසේකර මහතා ප්‍රකාශ කළේය.

15 February 2022

ත්‍රස්තපනතට එරෙහිව අත්සන් එකතු කරයි

ත‍්‍රස්තවාදය වැළැක්වීමේ පනත අහෝසි කරන ලෙස රජයට බල කරමින් සර්වපාක්ෂික යුක්තිය සඳහා එකමුතුව පෙත්සමකට මහජන අත්සන් ලබාගැනීමේ දීප ව්‍යාප්ත වැඩපිළිවෙල අද ආරම්භ විය.

15 February 2022

රුපියල් කෝටියක ‘කුෂ්’ රේගුව අල්ලයි

රුපියල් කෝටියකට ආසන්න වටිනාමකින් යුත් ‘කුෂ්’ ගංජා සහ ‘එක්ටසී’ නැමැති මත්පෙති තොගයක් කොළඹ මධ්‍යම තැපැල් හුවමාරුවේ පාර්සල් පහක තිබී ශ්‍රී ලංකා රේගු මත්ද්‍රව්‍ය පාලන අංශයේ නිලධාරීන් අත්අඩංගුවට ගත් බව රේගු මාධ්‍ය ප්‍රකාශක, නියෝජ්‍ය රෝගු අධ්‍යක්‍ෂ සුදත්ත සිල්වා මහතා පැවසීය.

15 February 2022

සහල් නිෂ්පාදනය සීමිත පිරිසක් අතට පත්වීම ජනතාවට අවාසියි

සහල් නිෂ්පාදනය සීමිත පිරිසක් අතට පත්වීම නිසා එම වෙළෙඳපොළ තුළ විශාල ඒකාධිකාරී තත්වයක් ගොඩ නැගීමෙන් පාරිභෝගික ජනතාවට අවාසි සහගත තත්වයක් නිර්මාණයවී ඇතැයි ජාතික විගණන කාර්යාලය නිකුත් කළ වාර්තාවක සඳහන් වෙයි.

15 February 2022

සුවසේවක වර්ජනය හෙටින් අවසන්

සෞඛ්‍ය වෘත්තීයවේදීන් ක්‍රියාත්මක කරමින් සිටි වැඩ වර්ජනය දින 14 ක් සඳහා තාවකාලිකව අත්හිටුවූ බව සෞඛ්‍ය වෘත්තීයවේදීන්ගේ සම්මේලනයේ කැඳවුකරු රවී කුමුදේශ් මහතා අද (15) පස්වරුවේ පැවසීය.

15 February 2022

හිටපු ජනපතිගේ පෙත්සම යළි සලකා බලන්න දින දෙයි

පාස්කු ඉරිදා ත්‍රස්ත ප්‍රහාරයට අදාළව හිටපු ජනාධිපති මෛත්‍රිපාල සිරිසේන මහතා ඉදිරිපත් කළ අභියාචන පෙත්සම යළි සලකා බැලීම මාර්තු මස 9 වැනිදා කැඳවන ලෙස කොළඹ සිවිල් අභියාචන මහාධිකරණය අද (15) නියෝග කළේය.

15 February 2022

කලහකාරිව හැසුරුණු ගුවන් මගියාට සේවිකාවගෙන් කෝප්ප පහරක්

ලොස්ඇන්ජලීස් නුවර සිට වොෂින්ටන් දක්වා පියාසර කළ ඇමෙරිකා ගුවන් සේවයට අයත් ගුවන් යානයක ගමන් ගත් මගියකු කලහකාරී ලෙස හැසිරෙමින් ගුවන් යානයේ පිටවන දොරටුව උඩු ගුවනේදී විවෘත කිරීමට කිරීමට උත්සහ කළ අවස්ථාවේ ගුවන් සේවාකාවක එය වළැක් වූ බව වාර්තා වෙයි.

15 February 2022

‘සොජිට්ස්’ බලාගාරය යළි අක්‍රීය වෙයි

කැලණිතිස්ස ‘සොජිට්ස්’ බලාගාරය ක්‍රියාත්මක කිරීමට ඉන්ධන නොමැතිවීම නිසා අද (15) පෙරවරුවේ සිට එම බලාගාරය අක්‍රීය වී ඇති බව විදුලිබල මණ්ඩලයේ උසස් නිලධාරියෙක් පැවසීය.

15 February 2022

ශෙහාන් මාලකට ඇප

පාස්කු ඉරිදා ප්‍රහාර මාලාව සම්බන්ධයෙන් මාධ්‍ය සාකච්ඡාවක් පවත්වා රජය කෙරෙහි ජනතාවගේ අනාගතය ඇතිවන ආකාරයෙන් කටයුතු කළැයි අපරාධ පරීක්ෂණ දෙපාර්තමේන්තුව අත්අඩංගුවට ගත් සමාජ ක්‍රියාකාරිකයෙකු වන ශෙහාන් මාලක ගමගේ රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමට මාලිගාකන්ද මහේස්ත්‍රාත් මහෙස්ත්‍රාත් තනූජා ලක්මාලි මහත්මිය අද (15) නියෝග කළාය.

15 February 2022

සෞඛ්‍ය වර්ජනය විසඳන්න ජනාධිපති මැදිහත් විය යුතුයි

සෞඛ්‍ය වෘත්තීයවේදීන් නවවැනි දිනටත් ක්‍රියාත්මක කරන වර්ජනය ස්ථිරව නැවැත්වීමට නම් ජනාධිපතිවරයා මැදිහත් විය යුතු යැයි සෞඛ්‍ය වෘත්තීයවේදීන්ගේ සම්මේලනයේ කැඳවුකරු රවී කුමුදේශ් මහතා අද (15) පස්වරුවේ පැවසීය.

15 February 2022

මීටර් - නළ නැතිව ජල සැපයුමට බාධා

නව ජල සැපයුම් ලබාදීම සඳහා අවශ්‍ය මීටර් (මනු) සහ නළ ජල සම්පාදන හා ජලාපවාහන මණ්ඩලය සතුව නොමැතිවීම නිසා නව ජල සැපයුම් ලබාදීමට මාස කීපයක් ගතවන බවට පාරිභෝගිකයෝ චෝදනා කරති.

15 February 2022

ඉවත් කළැයි කියූ සතොස සභාපති අද සේවයට ඇවිත්

වෙළෙඳ ඇමැති බන්දුල ගුණවර්ධන මහතාගේ නියෝගයෙන් වැඩ තහනමකට ලක් වූ බව කියන සතොස සභාපතිවරය සහ එහි ප්‍රවාහන කළමණාකරු අද යළි සේවයට වාර්තා කර ඇත.

15 February 2022

අත්වැඩට ගිය පාසල් සිසුවා විදුලි සැරෙන් මරුට

තම අධ්‍යාපන කටයුතු වෙනුවෙන් මුදල් සොයාගැනීම සඳහා කොන්ත්‍රාත්කරුවකු යටතේ කොන්ක්‍රිට් ඇනීමට ගිය බව කියන ගල්ගමුවේ මොට්ටාරම්පොතානේ පදිංචි 17 හැවිරිදි පාසල් සිසුවකු විදුලි සැර වැදීමෙන් මියගොස් ඇතැයි ගල්ගමුව පොලිසිය කියයි.

15 February 2022

මැති ඇමතිවරුත් පාපැදියෙන් යන්න සැරසෙයි

ඉදිරියේදී මැති ඇමතිවරුන්ද පාපැදියෙන් ගමන් කරනු ඇතැයි පරිසර අමාත්‍ය මහින්ද අමරවීර මහතා පැවසීය.

15 February 2022

රූපවාහිනියේ අධ්‍යක්ෂ ජනරාල් ඉවත් වෙයි

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් ජයම්පති හීන්කෙන්ද මහතා සිය ධුරයෙන් ඉල්ලා අස් වී ඇත.

15 February 2022

අඩු ආදායම්ලාභීන්ට සහන මල්ලක්

අඩු ආදායම්ලාභීන් සඳහා මෙවර අයවැය මගින් ‍ යෝජිත ගෘහ ආර්ථික සුරක්ෂිතතා (සහන මල්ල) වැඩසටහන යටතේ සෑම ග්‍රාම නිලධාරී වසමකින්ම තෝරාගත් පවුල් 40කට බැගින් රුපියල් 2000ක් වටිනා සහන මල්ලක් ලබාදීමට අමාත්‍ය මණ්ඩල අනුමැතිය හිමිව ඇත.

15 February 2022

ආනයන ගැන විකල්ප සොයන්න කමිටු තුනක්

අත්‍යාවශ්‍ය ආහාර ද්‍රව්‍ය සහ කර්මාන්ත සඳහා අවශ්‍ය දේ ආනයනය සඳහා විකල්ප ක්‍රමවේද හඳුනාගැනීම වෙනුවෙන් එම භාණ්ඩ ආනයනය කරනු ලබන රටවල් සමඟ සාකච්ඡා කිරීම සඳහා කමිටු තුනක් අමාත්‍ය මණ්ඩල අනුමැතිය හිමිව ඇත.

15 February 2022

සමන් චන්ද්‍රනාත් දිවියට සමුදෙයි

ප්‍රවීණ ගීත රචක, මාධ්‍යවේදී සමන් චන්ද්‍රනාත් වීරසිංහ මහතා අභාවප්‍රාප්ත විය.

15 February 2022

මැතිවරණ කමිටුවේ වාර්තාව ලබන මස පාර්ලිමේන්තුවට

මැතිවරණ නීති ප්‍රතිසංස්කරණය සඳහා පත් කෙරුණු පාර්ලිමේන්තු විශේෂ කාරක සභාවේ අවසන් වාර්තාව ලබන මාසයේදී පාර්ලිමේන්තුවට ඉදිරිපත් කිරීමට නියමිතව ඇතැයි වාර්තා වේ.

15 February 2022

අද සිට දිනපතා විදුලි කප්පාදුවක්

ජලාශවල ජලය සංරක්ෂණය කිරීම සඳහා සහ ඉන්ධන නොමැතිකම හේතුවෙන් අද (15) සිට දිනපතා විදුලි කප්පාදුවක් සිදු විය හැකි බව මහජන උපදේශන කොමිෂමේ සභාපති ජනක රත්නායක මහතා පැවසීය.

15 February 2022

වනිඳු හසරංගටත් ‘කොවිඩ්’

ඕස්ටේ්‍රලියාවේදී පැවැත්වෙන විස්සයි20 ක්‍රිකට් තරගාවලියට සහභාගි වී සිටින ශ්‍රී ලංකා ක්‍රිකට් පිලේ තුන් ඉරියව් ක්‍රීඩක වනිදු හසරංග ‘කොවිඩ්’ ආසාදිත බවට තහවුරු වී තිබේ.

15 February 2022

වැස්සේ තාවකාලික අඩුවීමක්

උතුරු, උතුරුමැද සහ නැගෙනහිර පළාත්වල පැවති වැසි තත්වයේ තාවකාලික අඩුවීමක් ඉදිරි දිනවල දී බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

15 February 2022

‘‘පරිප්පුවා‘‘ මාට්ටු

ප්‍රධාන මහේස්ත්‍රාස් අධිකරණයෙන් වරෙන්තු නිකුත් කර සිටි සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවකු බව කියන ’’පරිප්පුවා’’ නමැත්තා විශේෂ කාර්ය බලකාය බුද්ධි කොට්ඨාසයේ නිලධාරීන් විසින් ඊයේ (14) රාත්‍රියේ අඹන්පොළ ප්‍රදේශයේදී අත්අඩංගුවට ගනු ලැබීය.

15 February 2022

‘‘උද්ඝෝෂකයන් ගැන ජනතාව බලා ගනීවි‘‘

උද්ඝෝෂකයන්ට හා වැඩවර්ජනය කරන්නන්ට එරෙහිව බැටන් ප්‍රහාර ,කඳුළු ගෑස් ආදිය එල්ල නොකරන්නැයි ජනාධිපති ගෝඨාභය රාජපක්ෂ මහතා ඊයේ (14)පැවති කැබිනට් රැස්වීමේදී මහජන ආරක්ෂක ඇමැති රියර් අද්මිරාල් සරත් වීරසේකර මහතාට දැනුම් දී ඇත.

15 February 2022

සියයට 25 අධිභාරය නවති

අයවැයෙන් යෝජිත සියයට 25 අධිභාර බද්ද සේවක අර්ථසාධක අරමුදලෙන් සහ සේවක භාරකාර අරමුදලෙන් අය නොකරන බව මුදල් අමාත්‍ය බැසිල් රාජපක්ෂ මහතා ඊයේ (14) රාත්‍රී පැවැති කැබිනට් රැස්වීමේදී ප්‍රකාශ කර ඇත .

15 February 2022

හොරෙන් දුම්වැටි ගෙනත් වසර හතරක් හිරගෙට

ලීබඩු ආනයනය කරන මුවාවෙන් රුපියල් දස කෝටි පනස් ලක්ෂයක වටිනාකමකින් යුත් විදේශීය සිගරට් ලක්ෂ 420ක් මෙරටට ගෙන්වා දුම්කොළ බදු පනත ප්‍රකාරව වරදක් සිදුකර අධිකරණය හමුවේ වරදකරු වූ ව්‍යාපාරිකයින් දෙදෙනකුට වසර හතරක බරපතල වැඩ සහිත සිරදඩුවමක් කොළඹ අතිරේක මහේස්ත්‍රාත් දුලානි අමරසිංහ මහත්මිය ඊයේ (14) නියම කළාය.

14 February 2022

12 හැවිරිදි දරුවාගේ කටට වෙඩි තියලා

කොස්ලන්ද කැළිපනාවෙල ප්‍රදේශයේ දී 12 හැවිරිදි දරුවකුගේ කටට බෙහෙත් කොටන තුවක්කුවකින් වෙඩි තැබීමෙන් බරපතල තුවාල ලබා රෝහල් ගත කර ඇත.

14 February 2022