එසැණ පුවත්

කතානායක සහ කිරිඇල්ල වචන හරඹයක

’’ඔබතුමා ඔතන ඉදන් දේශපාලනය කරන්නේ. ඔබතුමා තමයි මේ රටේ ප්‍රශ්න සියල්ල ඇති කළේ’’යැයි විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා කතානායක මහින්ද යාපා අබේවර්ධන මහතා අමතමින් පාර්ලිමේන්තුවේ දී අද(9)පැවසීය.

09 June 2022

'විදුලිබල පනත හොරුන්ට පාර පෙන්වනවාදැයි සැකයි'

විදුලිබල පනතින් කරන්නේ පුනර්ජනනීය බලශක්තිය ධෛර්යමත් කිරීමද? එසේ නැතිනම් රටේ ඇතිවී තිබෙන විදුලි අර්බුදය සහ ආර්ථිකය අර්බුදය දඩමීමා කරගෙන හොරුන්ට හොරකම් කර ගැනීමට පාර හදන එක දැයි ජාතික ජන ජනබලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේදී පැවසීය.

09 June 2022

කොටුව දුම්රියපොළ ඉදිරිපිට විරෝධතාවක්

ගෝල්ෆේස් අරගල භූමියට එල්ලවූ ප්‍රහාරයට මසක් සම්පූර්ණවීම හා ප්‍රහාරයට සම්බන්ධවූ මහා මොලකරුවන් අත්අඩංගුවට ගන්නාලෙස බලකරමින් සිවිල් හා බහුජන සංවිධාන විසින් විරෝධතාවයක් කොළඹ කොටුව දුම්රිය ස්ථානය ඉදිරිපිටදී මේ වනවිට පැවැත්වේ.

09 June 2022

'සහල් මෙට්‍රික් ටොන් 32,000ක් වෙළෙඳපොළට'

වී අලෙවි මණ්ඩලය සතුව ඇති වී මෙට්‍රික් ටොන් 43,000ක් සහල් කොට සතොස මගින් බෙදා හරින ලෙස කෘෂිකර්ම, වනජීවි හා වන සම්පත් සංරක්ෂණ අමාත්‍ය මහින්ද අමරවීර මහතා වී අලෙවි මණ්ඩලයට උපදෙස් දුන්නේය.

09 June 2022

'ටෙන්ඩර් නැතුව ව්‍යාපෘති තෑගි දෙන පනතට සජබ විරුද්ධයි'

පුනර්ජනනීය බලශක්තිය ප්‍රවර්ධනය කළ යුතු බව සමගි ජන බලවේගයේ මතය වුවත් ටෙන්ඩර් පටිපාටියෙන් බැහැරව ව්‍යාපෘති තෑගි දීමෙි වැඩපිළිවෙළට විරුද්ධ බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

09 June 2022

ජොන්ස්ටන්ට අභියාචනාධිකරණයෙන් නියෝගයක්

වහාම අද රාත්‍රී 8 ට පෙර කොටුව මහේස්ත්‍රාත් අධිකරණය හමුවේ පෙනී සිටින ලෙසට දැනුම් දෙමින් අභියාචනාධිකරණය අද (09) හිටපු අමාත්‍ය පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතාට නියෝගයක් නිකුත් කළේය .

09 June 2022

ජනපති රටවල් කිහිපයක තානාපතිවරු හමුවෙයි

ජනාධිපති ගෝඨාභය රාජපක්ෂ මහතා පසුගියදා චීනය,ඉන්දියාව,මැද පෙරදිග රටවල තානාපතිවරුන් සහ කොමසාරිස්වරුන් මුණගැසුණු බව සිය ට්විටර් ගිණුමේ සටහනක් තබමින් නිවේදනය කළේය.

09 June 2022

රුසියාවෙන් තෙල් ගන්නැයි පක්ෂ 12ක් ජනපතිගෙන් ඉල්ලයි

රුසියාවෙන් දීර්ඝකාලීන පදනමින් ඉන්ධන මිලදී ගැනීම සඳහා ද්විපාර්ශවීය සාකච්ඡා වහා ආරම්භ කරන්නැයි ජාතික නිදහස් පෙරමුණ සහ ලංකා සම සමාජ පක්ෂය ඇතුළු දේශපාලන පක්ෂ නවයක නායකයෝ ජනාධිපති ගෝඨාභය රාජපක්ෂ මහතාට ලිපියක් යවමින් ඉල්ලීමක් කරති.

09 June 2022

'තෙල් දෙන්නේ සල්ලි කාරයන්ගේ ෂෙඩ් වලට විතරයි'

කුරුණෑගල දිස්ත්‍රික්කයේ තෙල් ලැබෙන්නේ සල්ලිකාරයන්ගේ ෂෙඩ් වලට පමණක් බව පොදුජන පෙරමුණේ කුරුණෑගල දිස්ත්‍රික් මන්ත්‍රී දයාසිරි ජයසේකර මහතා පාර්ලිමේන්තුවේ දී අද පැවසීය.

09 June 2022

රන් බඩු සොරාගත් 4ක් යාපනයෙන් අල්ලයි

යාපනය රන් බඩු අලෙවි හලකින් රුපියල් ලක්ෂ 21 ට අධික රන් බඩු සොරා ගැනීම සම්බන්ධයෙන් කාන්තාවන් තිදෙනකු සහ සැකකරුවෙක් අත්අඩංගුවට ගත් බව පොලිසිය කියයි.

09 June 2022

'රන්ටැඹේ, රන්දෙණිගල වාන් දොරටු ඇරලා:ආරක්ෂාව දෙන්න'

රන්ටැඹේ සහ රන්දෙනිගල ජලාශ වල දොරටු කඩාකප්පල්කාරී ක්‍රියාවක් ලෙස විවෘත කර ඇතැයි විදුලිබල හා බලශක්ති අමාත්‍ය කංචන විජේසේකර මහතා පාර්ලිමේන්තුවේ දී පැවසීය.

09 June 2022

විශ්වාස කරන්නේ කාගෙ කතාව ද?

ආහාර හිඟයක් ඇති වෙන්නේ නැතැයි කෘෂිකර්ම ඇමතිවරයා කියන අතර දෙවේලක් කන්නට සිදුවිය හැකි බව අගමැතිවරයා පවසන්නේ යැයි ද විශ්වාස කළ යුත්තේ මේ කතා දෙකෙන් කාගේ කතාව දැයි සමගි ජන බලවේගයේ කොළඹ දිස්ත්‍රික් මන්ත්‍රී මුජිබුර් රහුමාන් මහතා පාර්ලිමේන්තුවේ දී අද (9) ප්‍රශ්න කළේය.

09 June 2022

විදුලි බල මණ්ඩලයට වාරණ නියෝගයක්

විදුලි බලමණ්ඩලයට අද සිට දින 14 ක කාලයක් කිසිදු වෘත්තීය ක්‍රියාමාර්ගයක් හෝ වැඩවර්ජනයක නිරත වීම සහ එමගින් ජනතාවට විදුලිය අඛණ්ඩව සැපයීම කඩාකප්පල්කාරී කිරීම වළක්වාලමින් කොළඹ දිසා විනිසුරු පූර්ණිමා පරණගම මහත්මිය වාරණ නියෝගයක් නිකුත් කළාය.

09 June 2022

සහල් හිඟයක් ඇති වෙන්නේ නෑ

සහල් හිඟයක් ඇති වෙනවා යැයි කිසිම බියක් ඇති කර ගන්න එපා යැයි කෘෂිකර්ම වනජීවී සහ වන සම්පත් සංරක්ෂණ අමාත්‍ය මහින්ද අමරවීර මහතා පාර්ලිමේන්තුවේ දී අද (9) පැවසීය.

09 June 2022

බැසිල් ඉල්ලා අස්වීම බාරදෙයි

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී සහ හිටපු අමාත්‍ය බැසිල් රාජපක්ෂ මහතා සිය පාර්ලිමේන්තු මන්ත්‍රී ධුරයෙන් ඉල්ලා අස්වීමේ ලිපිය මීට සුළු මොහොතකට පෙර පාර්ලිමේන්තු මහලේකම්වරයාට භාරදී තිබේ.

09 June 2022

තෙල් පෝලිම අඩු කරන්න කළ යුතු දේ ඇමති කියයි

ඉන්ධන පෝලිම අඩු වෙන්න නම් විදුලි බලය අඛණ්ඩව ලබා ලබා දීමේ වැඩපිළිවෙළට යා යුතු බව විදුලි බල හා බල ශක්ති අමාත්‍ය කංචන විජේසේකර මහතා පාර්ලිමේන්තුවේදී පැවසීය.

09 June 2022

ඕස්ට්‍රේලියාවට නීතී විරෝධිව යන්න ගිය 15ක් එරටින් පිටුවහල් කරයි

නීතිවිරෝධී ලෙස ඕස්ට්‍රේලියාවට ඇතුළු වීමට තැත් කළ ශ්‍රී ලාංකිකයන් 15 දෙනෙකු එරට ආරක්ෂක අංශ මගින් අත් අඩංගුවට ගෙන අද (09) අලුයම පිටුවහල් කර කටුනායක ගුවන් තොටුපළ වෙත එවා තිබේ.

09 June 2022

ජොන්ස්ටන්ගේ පෙත්සම සළකා බැලීම ඇරැඹේ

තමන්ව අත්අඩංගුවට ගැනීම වැලැක්වීමේ නියෝගයක් නිකුත් කරන්නැයි ඉල්ලා හිටපු අමාත්‍ය පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා ගොනුකළ රිට් පෙත්සම අභියාචනාධිකරණය හමුවේ සලකා බැලීම මේ වන විට ආරම්භ වී තිබේ.

09 June 2022

විදුලි බිලෙන් අවුරුද්දට රුපියල් බිලියන 500 ක් පාඩුයි

අවුරුද්දකට විදුලි උත්පාදනය සඳහා රුපියල් බිලියන 750 ක් වැය වෙන නමුත් විදුලි බිලෙන් එකතු වන්නේ බිලියන 250ක් පමණක් බව විදුලිබල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී පැවසීය.

09 June 2022

ඉන්දියාවේ වැඳිරියක් බෙහෙත් ගන්න ඇවිල්ලා

වැඳිරියක, ඉන්දියාවේ බිහාර් ප්‍රාන්තයේ ගම්බද ප්‍රාදේශීය රෝහලකට ප්‍රතිකාර සදහා පැමිණීමේ පුවතක් එන්.ඩී.ටීවී. පුවත් වෙබ් අඩවිය වාර්තා කරයි.

09 June 2022

දහ දාහට දෙන යුරියා ලබන මාසේ මුල එයි

ඉන්දීය රජ‍ය විසින් ලබා දෙන යුරියා පොහොර මෙට්‍රික් ටොන් 65,000 ලබන මස පළමු සති දෙක ඇතුළත ශ්‍රී ලංකාවට ලැබීමට නියමිත බව කෘෂිකර්ම, වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතා පැවසීය.

09 June 2022

වකුගඩු රෝගීහු කබලෙන් ලිපට

වකුගඩු අක්‍රීය තත්වයේ පවතින රෝගීන්ට ලබාදෙන රුධිර කාන්ද්‍රකරණ (ඩයලයිසීස්) ප්‍රතිකාරය සඳහා අයකරන ගාස්තු ඉහළයාමෙන් රෝගීහු දැඩි පීඩාවකට පත්ව සිටිති.

09 June 2022

තෙන්නකෝන්ට එරෙහිව විමර්ශනයක්

ගාලුමුවදොර දි ඉකුත් 9 දින ඇති වු සිද්ධිය සම්බන්ධයෙන් නීතිපති උපදෙස් පරිදි ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකොන් මහතාගේ ක්‍රියාකලාපය ගැන මූලික විමර්ශනයක් සිදුකරන්නැයි මහජන ආරක්ෂක අමාත්‍යාංශයේ ලේකම්වරයා පොලිස්පතිවරයාට ලිඛිතව දැනුම් දී ඇත.

09 June 2022

ආර්ථිකය ගැන තීරණ ගැනීමේදී අඩු පාඩු සිදු වෙලා

ආර්ථිකය සම්බන්ධයෙන් තීරණ ගැනීමේදී රජය සහ ශ්‍රී ලංකා මහ බැංකුව අතර මනා සම්බන්ධීකරණයක් තිබී නැතැයි මුදල් පිළිබඳ පාර්ලිමේන්තු කාරක සභාව කළ විමර්ශනවලදී ඊයේ(8) තොරතුරු අනාවරණයවී ඇත.

09 June 2022

චීනයෙන් ජනපතිට පිළිතුරක්

ශ්‍රී ලංකාව ණය බරින් නිදහස් වීමට දරණ උත්සාහයේදී චීනය ශ්‍රී ලංකාවට සහාය වීමට කැමති බව චීන විදේශ කටයුතු අමාත්‍යංශ ප්‍රකාශක ෂාඕ ලීජියැන් මහතා පවසයි.

09 June 2022

යතුරු පැදි අනතුරින් යුවළක් මරුට

කතරගම ගලහිටිය මාරගයේදි යතුරු පැදියක් හා ට්‍රැක්ටරයක් ගැටීමෙන් යතුරු පැදියේ ගමන් ගත් තරුණ යුවළක් ජිවිතක්ෂයට පත්වී ඇතැයි පොලිසිය කියයි.

09 June 2022

විදුලිබල - රෝහල් අත්‍යවශ්‍ය සේවා කරයි

විදුලිබල සහ රෝහල් සේවා අත්‍යවශ්‍ය සේවා බවට පත්කරමින් ජනාධිපති ගෝඨාභය රාජපක්‍ෂ මහතා අති විශේෂ ගැසට් නිවේදනයක් ඊයේ (8) රාත්‍රී නිකුත් කළේය.

09 June 2022

විදෙස් ගමන් බලපත්‍ර ඉල්ලුම දෙගුණයකින් ඉහළට

ආගමන විගමන දෙපාර්තුමේන්තුවේ දිනක විදෙස් ගමන් බලපත්‍ර නිකුත් කිරීම සියයට 100 කට වැඩි ප්‍රමාණයකින් ඉහළ ගොස් ඇති බවත් අද (8) දිනයේ විදෙස් ගමන් බලපත්‍ර 2,500 ක් නිකුත් කළ බවත් ආගමන විගමන දෙපාර්තුමේන්තුවේ මාධ්‍ය ප්‍රකාශිකා නියෝජ්‍ය ආගමන විගමන පාලක පියුමි බණ්ඩාර මහත්මිය පැවසුවාය.

08 June 2022