එසැණ පුවත්

ජනපති -ඕස්ට්‍රේලියා බටහිර අගමැති හමුවෙයි

බටහිර ඕස්ට්‍රේලියානු ප්‍රාන්තයේ අග්‍රාමාත්‍ය රොජර් කුක් (Roger Cook) මහතා සහ ජනාධිපති රනිල් වික්‍රමසිංහ මහතා අතර ඕස්ට්‍රේලියාවේ පර්ත් නුවර දී සිදුවිය.

සැරයන්ගේ ගිනි අවිය පත්තු වී කොස්තාපල් රෝහලේ

ඔක්කම්පිටිය පොලීසියේ සැරයන්වරයෙකුගේ ගිනිඅවියක් ඉබේ පත්තුවීමෙන් පොලිස් කොස්තාපල්වරයෙකු තුවාල ලබා ඇතැයි මොනරාගල රෝහල් පොලීසිය පවසයි.

පාසල් සිසුවාට පොල්ලකින් ගැසූ අයෙක් අත්අඩංගුවට

මොරන්තුඩුව කපුවත්ත වෙන්දේසිවත්ත ප්‍රදේශයේදී 16 හැවිරිදි පාසල් සිසුවෙකුට පොල්ලකින් පහර දුන් ’’කලපුගම මල්ලියා’’ නැමැත්තා අත්අඩංගුවට ගත් බව මොරොන්තුඩුව පොලිසිය කියයි.

මිරිහානේ නිවසක අභිරහස් ලෙස යුවළක් මියගිහින්

මිරිහාන ජුබිලිමාවත ප්‍රදේශයේ නිවසක දින කීපයකට පෙර මියගියා යයි සැක කරන පිරිමි පුද්ගලයෙකුගේ සහ නිරුවත් කාන්තාවකගේ මළ සිරුරක් එම නිවසේ කාමරයක තිබියදී සොයා ගත් බව මිරිහාන පොලිසිය පවසයි.

‘යුක්තිය’ අපරාධකරුවන් 705ක් අල්ලයි

යුක්තිය මෙහෙයුම යටතේ ගතවු පැය 24 තුළ දිවයින පුරා මෙහෙයුම් වලින් අපරාධකරුවන් 705 ක් අත්අඩංගුවට ගත් බව පොලිස් මූලස්ථානය පවසයි.

අදත් වැස්ස නෑ

දිවයින පුරා ප්‍රධාන වශයෙන් වැසි රහිත කාලගුණයක් පවතින බව කාලගුණ විද්‍යා දෙපාර්තමේන්තුව කියයි.

ගිනි අවියක් සමග අයෙක් මාට්ටු

විදේශගතව සිටින සංවිධානාත්මක අපරාධ කල්ලි සාමාජිකයකු දුන් බව කියන ටී පනස්හයේ ගිනි අවියක් සහ උණ්ඩ සමග පුද්ගලයකු කෑගල්ල කොස්ගොඩ ප්‍රදේශයේදී, අත්අඩංගුවට ගත් බව කොළඹ අපරාධ කොට්ඨාසය කියයි.

චෝදනාවලින් බයිඩන් ගැලවෙයි

රාජ්‍ය රහස් ලියවිලි ළඟ තබා ගැනීමේ සිද්ධිය සම්බන්ධයෙන්, ඇමෙරිකන් ජනාධිපති ජෝ බයිඩන්ට චෝදනා එල්ල වීමක් සිදු නොවනු ඇතැයි එම සිද්ධිය සම්බන්ධයෙන් විමර්ශනයක් පැවැත්වූ විශේෂ විමර්ශන කමිටුව ඊයේ (8) පැවැසීය.

ඡන්ද ප්‍රතිඵල ප්‍රමාදයි

පාකිස්තානයේ මහ මැතිවරණය ඊයේ (8) පැවැත්විණි. ඡන්ද ගණන් කිරීම ඊයේ රාත්‍රියේ ආරම්භ වූ නමුත්, එය ඉතා මන්දගාමීව ස්වරූපයක් ගෙන ඇති බැවින්, ප්‍රතිඵල නිකුත් කිරීමට දින කීපයක් ගතවනු ඇතැයි මැතිවරණ කොමිසම පවසා තිබේ.

ආණමඩුවේ වෙඩි තැබීමකින් අයෙක් තුවාල ලබයි

පුද්ගලයන් දෙදෙනෙකු අතර ඇති වූ ආරවුලක් දුරදිග යාමෙන් එක් පුද්ගලයකුට අද (8) සවස ආනමඩුව තත්තෑව ප්‍රදේශයේදී වෙඩි තබා පලා ගොස් ඇතැයි ආනමඩුව පොලිසිය පවසයි.

ආර්ථික අර්බුදය කර්මාන්ත රැසක් වසයි

ආර්ථික අර්බුදයට මුහුණ දීම සඳහා රජයෙන් සහන නොලැබීමෙන් ව්‍යාපාර රැසක් වැසී යාමට පටන් ගෙන ඇතැයි ශ්‍රී ලංකා ශුද්‍ර,කුඩා හා මධ්‍ය ව්‍යවසායක මණ්ඩලය මාධ්‍ය හමුවකදී පැවසීය.

වෛද්‍යවරියට නොමනා වැඩක් කළ වෛද්‍යවරයා රිමාන්ඩ්

අරණායක දිසා රෝහලේ සේවය කරන අවිවාහක වෛද්‍යවරියකට ලිංගික අතවරයක් සිදු කළැයි කියන එස රෝහලේ වෛද්‍යවරයා ලබන 12 වැනි දා තෙක් රිමාන්ඩ් බාරයේ තබන්නැයි මාවනැල්ල මහේස්ත්‍රාත් අනුරාධ වීරක්කොඩි මහතා වෙත අද නියෝග කළේය.

දිඹුලාගල සෙල්ලිපියේ වාර්තාව භාරදෙයි

සූර්ය බල ශක්ති උද්‍යානයට ගිවිසුම් ගත වේ

ඇමරිකානු ඩොලර් කෝටි 15 ක දැවැන්ත ආයෝජනයකින් ඉදිවන මෙගාවොට් 100 ක ධාරිතාවයකින් යුත් ශ්‍රී ලංකාවේ පළමු මහා පරිමාණ සූර්යය බල ශක්ති උද්‍යානය සඳහා අද අත්සන් කළේය.

ජනාධිපති අපේක්ෂකයා මෙන්ම ප්‍රතිපත්තිමය වැඩපිළිවෙලක් ඕනෑ

ජනාධිපතිවරණයකදී අපේක්ෂකයා වැදගත් මෙන්ම ඒ අපේක්ෂකයා සමඟ රට ඉදිරියට ගෙන යෑමට ප්‍රතිපත්තිමය වැඩපිළිවෙළත් වැඳගත් යැයි ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී සංජීව එදිරිමාන්න මහතා අද (8) පැවසීය.

රිය අනතුරින් අයෙක් මරුට

සෙල්ල කතරගම මයිලගම මාර්ගයේ ඩීමෝ බට්ටා ලොරියක් අනතුරට ලක්වී සිදු වූ අනතුරකින් අද (08) සවස එහි ගමන් ගත් පුද්ගලයෙකු මියගොස් ඇතැයි පොලීසිය කියයි.

පොලිස් සිරමැදිරියේදී සැකකරුවන්ට වස දුන් අය හඳුනාගෙන

රැඳවුම් නියෝග මත ආදුරුප්පුවීදිය පොලිසියේ රඳවා සිටියදී උග්‍ර වස වර්ගයක් මිශ්‍රකර කිරි තේ ලබාදුන් බව කියන ආගන්තුකයා ආරක්ෂක කැමරා මගින් නිශ්චිතව හඳුනාගෙන ඇතැයි පොලිසිය කියයි.

යාත්‍රාවලට ඉන්ධන දී ඩොලර් මිලියන 3ක් සොයයි

යාත්‍රාවලට ඉන්ධන පිරවීමේ කටයුතු (bunkering system) යළි ආරම්භ කිරීම හරහා ඉන්ධන මෙට්‍රික් ටොන් 5,200ක් අලෙවි කිරීමෙන් ඩොලර් මිලියන තුනක් උපයා ගැනීමට හැකි වූ බව විදුලිබල හා බලශක්ති රාජ්‍ය අමාත්‍ය ඩී. වී. චානක මහතා පැවසීය.

අස්වැසුම ප්‍රතිලාභ දීමනා ඉහළට

ජනවාරි මස සිට බලපැවැත්වෙන පරිදි අස්වැසුම ප්‍රතිලාභ දීමනා ඉහල නංවා තිබේ.

සජබෙ- ජනපති ලව් එකට ඉරිසියා නෑ

සජබේ අය ජනාධිපතිට ලව් කිරීම ගැනත් ජනාධිපති සජබෙ අයට ලව් කිරීම ගැනත් ඉරිසියාවක් නැතැයි රාජ්‍ය අමාත්‍ය චාමර සම්පත් දසනායක මහතා පාර්ලිමේන්තුවේදී පැවසීය.

පැරීස් නිදහස් උළෙලින්

76 වැනි නිදහස් සමරුම නිමිත්තෙන් ප්‍රංශයේ වෙසෙන සියලු ශ්‍රී ලංකාකයන්ගේ සහභාගීත්වයෙන් අලංකාර උත්සවයක් පැරීසියේදී පැවැත්විණි.

මව්වරුන්ට දෙන කැල්සියම් විටමින් හිඟයක්

සෞඛ්‍ය වෛද්‍ය නිලධාරී කාර්යාල සහ රෝහල් මඟින් ගැබිනි මවුවරුන්ට සහ කිරිදෙන මව්වරුන්ට ලබාදෙන කැල්සියම් සහ විටමින් වර්ගවල උග්‍ර හිඟයක් තවදුරටත් පවතින බවට මව්වරුන් චෝදනා කරති.

පොලිස් නිලධාරිනියට අතවර කළැයි තරුණයෙක් රිමාන්ඩ්

පොදු ප්‍රවාහන සේවාවන්හිදී කාන්තාවන්ට සිදුවන ලිංගික අතවර හා හිරිහැර මැඩ පැවැත්වීම සඳහා ශ්‍රී ලංකා පොලිසිය කළ ජාතික මෙහෙයුම් රාජකාරී වල නිරතව සිටි කාන්තා පොලිස් නිලධාරිනියකට ලිංගික අතවර කළ රත්නපුර ප්‍රදේශයේ තරුණයකු ලබන 13 වැනි දින දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් කේමින්ද පෙරේරා මහතා අද(08) නියෝග කළේය.

දෙමටගොඩ රුවන්ගේ පුතාට - බිරිඳට - සහෝදරියට නඩු

උපයා ගත් ආකාරය හෙළිකළ නොහැකි රුපියල් කෝටි සියයකට අධික දේපළ සන්තකයේ තබා ගැනීමින් මුදල් විසුද්ධිකරණයට ආධාර අනුබල දුන්නේ යැයි කියන දෙමටගොඩ රුවන්ගේ පුත්‍රයා, බිරිඳ සහ සහෝදරියට අධි චෝදනා තුනක් යටතේ කොළඹ මහාධිකරණය හමුවේ නඩු පවරන බව අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය කොළඹ ප්‍රධාන මහේස්ත්‍රාත් අධිකරණයට කරුණු දක්වමින් අද(08) පැවසීය.

මුදල් අමාත්‍යංශය විශ්වාස කරන්න එපා

මුදල් අමාත්‍යංශය විශ්වාස කරන්නට එපා යැයි ජනපතිගෙන්, රජයෙන් සහ කැබිනට් මණ්ඩලයෙන් ඉල්ලා සිටින බව ශ්‍රී ලංකා පොදුජන පෙරමුණේ මහනුවර දිස්ත්‍රික් මන්ත්‍රී මහින්දානන්ද අලුත්ගමගේ මහතා පාර්ලිමේන්තුවේදී පැවසීය.

කුඩු ග්‍රෑම් 06ට දිවි ඇති තෙක් හිරේ

හෙරොයින් ග්රෑම් 06ක් ලඟ තබාගෙන ජාවාරම් කිරීමේ චෝදනාවන්ට වරදකරුවු පුද්ගලයකුට කෙළඹ මහාධිකරණ විනිසුරු ආදිත්‍ය පටබැඳි මහතා ජීවීතාන්තය දක්වා වු බරපතල වැඩ සහිත සිරදඬුවමක් අද (08) නියම කළේය.

ආච්චිගේ මෙට්ටය යට තිබූ ලක්ෂ 14 මුනුපුරා උස්සලා

සිය ආච්චි අම්මාගේ මෙට්ටය යට සගවා තිබූ රුපියල් ලක්ෂ දාහතරක මුදලක් සොරකම් කළ බව කියන 14 හැව්රිදි මුණුබුරකු අද අත්අඩංගුවට ගත්බව දොඩංගොඩ පොලිසිය පවසයි.

ජෙරොම්ගේ නඩුවේ ලිපිගොනු සුරක්ෂිතව තබන්න

බුද්ධාගම ඇතුළු අන්‍ය ආගම්වලට අපහාස සිදුකරන ලදැයි චෝදනා ලැබ සිටින ජෙරම් ප්‍රනාන්දු දේවගැතිවරයා තමන් අත් අඩංගුවට ගැනීමට එරෙහිව පවරා ඇති නඩුව සහ ඊට සම්බන්ධ ලියකියවිලි ඉතා සුරක්ෂිතව තබන ලෙස ශ්‍රේෂ්ඨාධිකරණය අභියාචනාධිකරණයේ රෙජිස්ට්‍රාර්වරයාට නියෝග කළේය.