එසැණ පුවත්

වෛද්‍ය සංගමය සුව ඇමති හමුවෙයි

මෙරට සෞඛ්‍ය පද්ධතියේ ප්‍රමිතීන් විශිෂ්ට අයුරින් පවත්වාගෙන යාම සදහා වෛද්‍යවරුන් ලබා දෙන දායකත්වය නිරන්තරයෙන් අගයකරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස අමාත්‍යවරයා පැවසීය.

12 November 2025

අලි පන්නන්න හැදූ කුටි කැලෑවට

වනඅලියන් ගම් වැදිම පාලනය කිරිමට හා විදුලි වැට ආරක්ෂා කිරිමේ අරමුණින් උතුරු මැද අලි තර්ජනය පවතින ගම්මාන රැසක රැපියල් ලක්ෂ 350 කට අධික මුදලක් වැය කොට ඉදිකළ ආරක්ෂක මුරකුටි 81ක් කිසිදු ඵල ප්‍රයෝජනයකට නොගෙන වසරකට අධික කාලයක් තිස්සේ වල්බිහිවි විනාශයට පත්වන බව ශ්‍රී ලංකා පොදුජන එක්සත් පෙරමුණේ බටහිර ආසන සංවිධායක කේ.විජේවීර මහතා පවසයි.

12 November 2025

ප‍්‍රසන්න රණතුංග ඇප

ශ්‍රී ලංකා සංචාරක සංවර්ධන අධිකාරියට අයත් ආයතනවල සේවකයින්ට වෛද්‍ය රක්ෂණය ක්‍රමයක් ඍජුව ශ්‍රී ලංකා රක්ෂණ සංස්ථාවෙන් ලබානොගෙන තැරැව්කාර සමාගමක් මැදිහත් කර ගනිමින් රජයට පාඩු කළේ යැයි අත්අඩංගුවට ගෙන අධිකරණයට ඉදිරිපත් කළ හිටපු සංචාරක හා ගුවන් සේවා අමාත්‍ය ප‍්‍රසන්න රණතුංග සැකකරු ඇප මත මුදා හැරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා අද නියම කළේය.

12 November 2025

‘‘අධ්‍යාපන ප්‍රතිසංස්කරණ මගේ ඒවා නොවේ‘‘

නව අධ්‍යාපන ප්‍රතිසංස්කරණය මගේ යෝජනාවක් නොවෙයි 200 කට අධික විද්වතුන්ගෙන් සමන්විත මණ්ඩලයකගේ යෝජනා. ඒ අනුව නව කෝණයකින් යුක්තව ධනාත්මක අධ්‍යාපන ප්‍රතිසංස්කරණයක් ක්‍රමානූකූලව සිදුවනවා. ඒ තුලින් ජනතාවට අහිමි වූ බොහෝ දෑ යළි දිනා ගැනීමට හැකියාව පවතිනවා යැයි අග්‍රාමාත්‍ය අධ්‍යාපන අමාත්‍ය ආචාර්ය හරීනී අමරසූරිය මෙනවිය පැවැසුවාය.

12 November 2025

කුඩු සමග ඇල්ලූ කටියාව විදුහල්පති රිමාන්ඩ්

හෙරෝයින් කිලෝ 1 යි ග‍්‍රෑම් 184 යි මිළි ග‍්‍රෑම් 400 ක් සමග එප්පාවල ඇඳගල ප‍්‍රදේශයේ දී අත් අඩංගුවට ගෙන අධිකරණ නියෝග මත දින හතක කාලයක් රඳවා තබා ගෙන ප‍්‍රශ්න කළ වැඩතහනමට ලක් වූ විදුහල්පතිවරයා සහ හෙරෝයින් ග‍්‍රෑම් 69 ක් සමඟ අත් අඩංගුවට ගත් අනෙක් සැකකරු ලබන 26 දින දක්වා රිමාන්ඩ් බාරයේ තබන ලෙස තඹුත්තේගම මහේස්ත‍්‍රාත් ගයාත‍්‍රි හෙට්ටිආරචිචි මෙනවිය අද නියෝග කළාය.

12 November 2025

අස්වැසුම දෙවැනි අදියර සල්ලි හෙට ගිණුම්වලට

අස්වැසුම පළමු අදියර නොවැම්බර් මසට අදාළ ප්‍රතිලාභී දීමනාව හෙට (13) බැංකු ගත කරන බව සුබ සාධක ප්‍රතිලාභ මණ්ඩලය කියයි.

12 November 2025

හැඳුනුම්පත් නිකුතුව කඩිනම් කරන්නැයි ජනපති නියෝග

ජාතික හැඳුනුම්පත් නිකුත් කිරීමේ පවතින ප්‍රමාදය කඩිනමින් යළි යථා තත්ත්වයට පත්කිරීමට අවශ්‍ය කටයුතු කරන ලෙස ජනාධිපති අනුර කුමාර දිසානායක මහතා පුද්ගලයන් ලියාපදිංචි කිරීමේ දෙපාර්තමේන්තුවේ නිලධාරීන්ට උපදෙස් ලබා දුන්නේය.

12 November 2025

බේරේ වැව සුද්ද කරන්න රොබෝ තාක්ෂණය

රෝබෝ තාක්ෂණය සහ 5 ජී තාක්ෂණය යොදාගෙන කොළඹ බේරේ වැවේ අපද්‍රව්‍ය ඉවත් කිරීමේ වැඩ පිළිවෙලක් ඊයේ ආරම්භ කෙරිණ.

12 November 2025

දිලිත් ආණ්ඩුවේ හොඳක් කියයි

ව්‍යාපාර කරද්දී දැන් දේශපාලකයන් පස්සේ යන්නට වුවමනා නැතැයි ව්‍යාපාරිකයන් අතර මතයක් තිබෙන බව පත් කළ මන්ත්‍රී දිලිත් ජයවීර මහතා:-(සර්ව ජන බලය) පාර්ලිමේන්තුවේදී පැවසීය.

12 November 2025

අපි ගමන යන්නේ ආර්ථිකයෙන් හැලුණු අයත් එකතු කරගෙන

රාජ්‍ය ආදායම දළ ජාතික නිෂ්පාදිතයෙන් සියයට 16ක ප්‍රමාණයක පවත්වාගෙන යාමට ජාතික ජන බලවේග රජයට හැකියාව ලැබුණ බව වරාය සහ සිවිල් ගුවන් සේවා අමාත්‍ය අනුර කරුණාතිලක මහතා පාර්ලිමේන්තුවේදී පැවසීය.

12 November 2025

හිංසන සිද්ධිය: කමිටුව මැතිසබේ ලියකියවිලි අවුස්සයි

පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ ඇතැම් නිලධාරිනියන්ට සිදු වී ඇතැයි පැවසෙන අඩන්තේට්ටම් සම්බන්ධයෙන් විමර්ශන පැවැත්වූ හිටපු මහාධිකරණ විනිසුරු සුජාතා අලහප්පෙරුම මහත්මියගේ ප්‍රධානත්වයෙන් යුතු කමිටුව එම විමර්ශනයට අවශ්‍ය කෙරෙන ලිපි ලේඛන රැසක් පාර්ලිමේන්තුවෙන් පසුගිය සතියේදී ලබාගෙන ඇත.

12 November 2025

’’ලංකාවට තර්ජනයක් නෑ’’

ඉන්දියාවේදී සහ පාකිස්ථානයේදී බෝම්බ පිපිරීම් දෙකක් සිදුවී ඇතත් එම සිදුවීම් වලින් ලංකාවට කිසිදු අවදානමක් නොමැති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පැවසීය

12 November 2025

පසුගිය අයවැයෙන් ගේනවා කියූ පනත් කෝ?

ජනාධිපතිවරයා පසුගිය අයවැයේදී ගෙනෙනවා කියූ පනත් 11න් එකක් වත් ගෙනවිත් නැති බව කළුතර දිස්ත්‍රික් මන්ත්‍රී අජිත් පී. පෙරේරා මහතා:-(ස.ජ.බ) පාර්ලිමේන්තුවේදී පැවසීය.

12 November 2025

කොච්චර බිරුවත් අපේ ගමන යනවා

කොච්චර බිරුවත් අපේ ගමන යනවා යැයි අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා පාර්ලිමේන්තුවේදී පැවසීය.

12 November 2025

අයවැය විවාදෙ විසූක දස්සන එපා

මැතිසබේ අයවැය විවාදය පැවැත්වෙන අවස්ථාවේ විසූක දස්සන කතා නවත්වන්නැයි අනුරාධපුර දිස්ත්‍රික් මන්ත්‍රී සේන නානායක්කාර මහතා:-(ජා.ජ.බ) පාර්ලිමේන්තුවේ අද අයවැය විවාදය අරඹමින් පැවසීය.

12 November 2025

මත් වැරදි කරුවෝ 1105ක් දැලේ

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 1105 ක් ඊයේ (11) අත්අඩංගුවට ගත් බව පොලිස් මාධ්‍ය කොට්ඨාශය කියයි.

12 November 2025

රජරට සරසවියේ වර්ජනයට දින 14යි තවම විසැඳුමක් නෑ

රජරට විශ්වවිද්‍යාලයේ වැඩබලන උපකුලපතිවරයා ඉවත් කොට ස්ථීර උපකුලපතිවරයකු පත්කරන ලෙස ඉල්ලා ආරම්භ කළ වැඩවර්ජනයට දින 14 ක් ගත වුවද උපකුලපතිවරයකු පත් කිරීමට රජය මෙතෙක් පියවරක් ගෙන නැතැයි බව රජරට විශ්වවිද්‍යාලීය ආචාර්ය සංගමයේ සභාපති මහාචාර්ය නාලක ගීකියනගේ මහතා පවසයි.

12 November 2025

ප්‍රසන්න රණතුංග අත්අඩංගුවට

හිටපු අමාත්‍යවරයෙකු වන ප්‍රසන්න රණතුංග අල්ලස් හෝ දූෂණ චෝදනා කොමිෂන් සභාවේ නිලධාරීන් විසින් අද(12) පෙරවුරුයේ අත්අඩංගුවට ගෙන තිබේ.

12 November 2025

කිරින්දේ කුඩු සමග වාහන හයක්, සැකකරුවන් හතක් මාට්ටු

මුහුද හරහා ගෙන එන ලද බවට සැක කෙරෙන මත්ද්‍රව්‍ය අඩංගු පොහොර උර 19 ක ආසන්න වශයෙන් මත් කුඩු කිලෝ 350ක් පමණ ඇතැයි බස්නාහිර උතුර අපරාධ විමර්ශන කොට්ඨාසය කියයි.

12 November 2025

ප්‍රගීත් සම්පත්ට සම්මාන දෙකක්

‘නව්‍යකරණය තුළ විශ්වාසනීය මාධ්‍යකරණයක් උදෙසා ජනාධිපති මාධ්‍ය සම්මාන 2025’ යන තේමාව යටතේ නෙළුම් පොකුණ රඟහලේදී අද (11) පස්වරුවේ පැවැති ජනාධිපති මාධ්‍ය සම්මාන උළෙලේදී විජය පුවත්පත් සමාගමේ ප්‍රකාශනයක් වන ‘ඩේලිමිරර්’ පුවත්පතේ ප්‍රගීත් සම්පත් කරුණාතිලක මහතා සම්මාන දෙකක් හිමිකරගැනීමට සමත් විය.

11 November 2025

ජනමාධ්‍ය විශිෂ්ටයෝ 5 ක් යාවජීව සම්මාන ලබති

‘නව්‍යකරණය තුළ විශ්වාසනීය මාධ්‍යකරණයක් උදෙසා ජනාධිපති මාධ්‍ය සම්මාන 2025’ යන තේමාව යටතේ නෙළුම් පොකුණ රඟහලේදී අද (11) පස්වරුවේ පැවැති ජනාධිපති මාධ්‍ය සම්මාන උළෙලේදී මෙරට ජනමාධ්‍ය ක්ෂේත්‍රයේ විශිෂ්ටන් පස්දෙනෙක් ජීවිතයේ එක්වරක් පමණක් පිදෙන යාවජීව සම්මාන ලැබූහ.

11 November 2025

බී ලූනු ගොවීන්ට හොඳ ආරංචියක්

ඊළඟ කන්නයේ සිට බී ලූනු වලට රුපියල් 150ක මිලක් ස්ථිර වශයෙන්ම ලබා දෙන බව කෘෂිකර්ම පශු සම්පත් ඉඩම් හා වාරිමාර්ග අමාත්‍ය කේ.ඩී ලාල් කාන්ත මහතා පාර්ලිමේන්තුවේදී පැවසීය.

11 November 2025

දිල්ලි බෝම්බකරු වෛද්‍යවරයෙක්

නවදිල්ලි අගනුවර මරාගෙන මැරෙන කාර් බෝම්බ ප්‍රහාරය සම්බන්ධයෙන් විමර්ශන කටයුතු දිගටම සිදුවෙමින් පවතී. ප්‍රහාරයට සම්බන්ධ මරාගෙන මැරෙන බෝම්බකරු හඳුනා ගැනීමට හැකිවුණු බවත්, බෝම්බකරු මුස්ලිම් වෛද්‍යවරයකු බවත් ඉන්දීය ආරක්ෂක අංශ සවස පැවැසීය.

11 November 2025

කරුවලගස්වැව අයවැයට විපක්ෂයේ හතරකගේ සහාය

ජාතික ජනබලවේගය පක්ෂය යටතේ පවතින කරුවලගස්වැව ප්‍රාදේශිය සභාවේ 2026 වර්ෂයට අදාළ අයවැය ලේඛනය විපක්ෂ මන්ත්‍රීවරු හතර දෙනකුගේ සහයෙන් වැඩි ඡන්ද 6කින් සභා සම්මත විය.

11 November 2025

ජාජබ - එජාබ සහායෙන් ආරච්චිකට්ටුව අයවැය සම්මතයි

ආරච්චිකට්ටුව ප්‍රාදේශීය සභාවේ සභාපති එස්.ජේ.එම් ජයරත්න මහතා (ජාතික ජනබලවේග) ඉදිරිපත් කරන ලද ප්‍රථම අයවැය එක්සත් ජාතික පක්ෂ එක් මන්ත්‍රි වරයකුගේ ද ඡන්දයකින් සම්මත ගැනීමට හැකිවිය.

11 November 2025

විභාග මධ්‍යස්ථන තෙමහල් ගොඩනැගිල්ලෙන් සිසුවියක් වැටිලා

මෙවර උසස් පෙළ විභාගයට පෙනී සිටි බම්බලපිටිය කාන්තා විද්‍යාලයක සිසුවියක අද දහවල් විද්‍යාලයේ තෙමහල් ගොඩනැගිල්ලකින් පහළට වැටීමෙන් බරපතල තුවාල ලබා රෝහල් ගත කර ඇතැයි බම්බලපිටිය පොලිසිය කියයි.

11 November 2025

මත් රකුසා වැනසීමේ ගම්පහ මෙහෙයුම අරඹයි

රට පුරා විෂ මත්ද්‍රව්‍ය ගැටලුව දැඩි ව්‍යවසනයක් බවට පත්ව තිබෙනවා. සමස්ත ජනතාව ම එකට පෙළ ගස්වමින් දේශපාලන පක්ෂ භේදයෙන් තොරව සහභාගි කර ගනිමින් මුලිනුපුටා දැමීම සඳහා කටයුතු ආරම්භ කරගෙන යනවා. තල 4ක් යටතේ සමස්ත සමාජයම ආවරණ වන පරිදි වැඩපිළිවෙළක් ක්‍රියාත්මක කෙරෙනවා යැයි මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා අද (11) සවස ගම්පහදී පැවසීය.

11 November 2025

පාකිස්තානයේ බෝම්බයක් පිපිරේ

පාකිස්තානයේ ඉස්ලාමාබාද් අගනුවර අධිකරණයක් ඉදිරිපිට පුපුරා ගිය මරාගෙන මැරෙන බෝම්බ ප්‍රහාරයකට 12 දෙනෙක් බිලි වූහ. බෝම්බ ප්‍රහාරයෙන් තුවාල ලැබූ ගණන 27 ක් යැයි පාකිස්තාන අභ්‍යන්තර කටයුතු අමත්‍යාංශය නිවේදනය කළේය.

11 November 2025