එසැණ පුවත්

පොහොට්ටුවෙන් තව පිරිසක් රනිල්ට

පොහොට්ටුවේ ඉතිරි වී සිටින සුළු පිරිසෙන් තවත් කණ්ඩායමක් ඉදිරි දින කිහිපයේ රනිල් වික්‍රමසිංහ ජනාධිපතිවරයාට සහාය පළ කිරීම සඳහා එක්වන බව ධීවර රාජ්‍ය අමාත්‍ය පියල් නිශාන්ත මහතා පැවසීය.

31 July 2024

බාලදක්ෂයන් රටේ ඉදිරි ගමනට එක් කර ගන්නවා

බාලදක්ෂ ව්‍යාපාරය, ශිෂ්‍ය භට බලකාය සහ යොවුන් සේනාංකය වැනි තරුණ සංවිධාන සෑම අතින්ම ශක්තිමත් කර රටේ ඉදිරි ගමන වෙනුවෙන් තාරුණ්‍ය පුළුල් ලෙස දායක කර ගැනීම තම අරමුණ බව ජනාධිපති රනිල් වික්‍රමසිංහ මහතා පැවසීය.

31 July 2024

කඩු පහරින් වෙන් වු අතේ කොටසද දමා තරුණයා පැන ගිහින්

මාරවිල පහල වලහපිටියේදී දෙපිරිසක් ඇතිවු ගැටුමක් අතරතුරදී එල්ලවු තියුණු කඩු පහරකින් ගැටුමට මැදිවු තරුණයකුගේ අතක් මැණික් කටුව අසළින් වෙන්වි ඇති බවත්, අතෙහි එම කොටසද ගැටුම වු ස්ථානයේ දමා තුවාල කරු පැන ගොස් ඇතැයි මාරවිල පොලිසිය කියයි.

31 July 2024

විමල්ට එරෙහි නඩුවක නීති උපදෙස් සඳහා දින දෙයි

රජයට අයත් වාහන අයථා පරිහරණය තුළින් ලක්ෂ 90 ක පමණ පාඩුවක් සිදුකළා යැයි චෝදනා එල්ල වී තිබෙන ජාතික නිදහස් පෙරමුණේ කොළඹ දිස්ත්‍රික් පාර්ලිමේන්තු මන්ත්‍රි විමල් වීරවංශ මහතාට සහ රාජ්‍ය ඉංජිනේරු සංස්ථාවේ හිටපු නියෝජ්‍ය සාමාන්‍යාධිකාරී සමන්ත ලොකු හැන්නදිගේ මහතාට එරෙහිව පවරා ඇති නඩුව නීතිපති උපදෙස් සඳහා ලබන ජනවාරි මස 29 වැනිදා කැඳවන ලෙස කොටුව මහේස්ත්‍රාත් තනූජා ලක්මාලි මහත්මිය අද (31) නියෝග කළේය.

31 July 2024

ශ්‍රිලනිපයත් ජනපතිට

ඉදිරි ජනාධිපතිවරණයේ දී ජනාධිපති රනිල් වික්‍රමසිංහ මහතාගේ ජයග්‍රහණය වෙනුවෙන් පූර්ණ සහාය පළ කරන බව ශ්‍රී ලංකා නිදහස පක්ෂ මධ්‍යම කාරක සභාව දැනුම් දී ඇතැයි ජනාධිපති කාර්යාලය පවසයි.

31 July 2024

චීන ජාතිකයින් 22 රැදීසිටි හෝටල් කාමරයකට මුද්‍රා

පරිගණක අපරාධයක් සිදුකලැයි ඇතිවූ සැකය මත චීන ජාතිකයින් 22 ක් ලැගුම් ගෙන සිටී කළුතර ට ආසන්න හෝටලයක කාමරයකට මුද්‍රාතබා හෝටලයට පොලිස් ආරක්ෂාව යොදා ඇතැයි කළුතර කොට්ඨාශ අපරාධ විමර්ශන ඒකකය කියයි.

31 July 2024

සැත්කමක් සඳහා ශාරුක් ඇමෙරිකාවට

මුම්බායි නගරයේ රෝහලකදී බොලිවුඩයේ රජු ලෙස සැලකෙන සුපිරි නළු ෂාරුක් ඛාන්ගේ ඇසෙහි සිදුකළ ශල්‍ය කර්මයක් වැරදී ඇති බවත් ඉන් ඇසට සිදුවූ හානියට ප්‍රතිකාර ගැනීම සඳහා ඔහු ඇමෙරිකාව බලා වහා පිටත්ව ගොස් ඇති බවත් ඉන්දීය මාධ්‍ය වාර්තා කළේය.

31 July 2024

ඉරාන අර්බුදයෙන් ලංකාවට විය හැකි බලපෑම් සොයන්න කමිටු තුනක්

ඉරානයේදී සිදුවූ හමාස් සංවිධානයේ දේශපාලන නායකයාගේ ඝාතනයත් සමඟ ඉරානය ඇතුළු මැද පෙරදිග සහ ලෝකයේ ඇතිවිය හැකි තත්ත්වයන් හමුවේ ශ්‍රී ලංකාවට එල්ල විය හැකි ආරක්ෂක සහ ආර්ථික බලපෑම්වලට මුහුණදීමේ පූර්ව සූදානමක් ලෙස විශේෂ කමිටු 3ක් පත් කිරීමට ජනාධිපති රනිල් වික්‍රමසිංහ මහතා කටයුතු කර තිබේ.

31 July 2024

පාන් මිල - බර ගැන ඇමතිවරයා දැඩි තීරණයක

පාන් මිල අඩු කිරීමට බේකරි නිෂ්පාදකයින්ට සතියක කාලයක් ලබා දීමට කටයුතු කරන බව වෙළඳ, වාණිජ සුරක්ෂිතතා අමාත්‍ය නලීන් ප්‍රනාන්දු මහතා පැවසීය.

31 July 2024

බන්ධනාගාර නිලධාරියා අයිස් එක්ක මාට්ටු

වැලිකඩ බන්ධනාගාරයේ රාජකාරියේ නිරතව සිටි නිලධාරියෙකු සතුව තිබී අයිස් යැයි සැක කල හැකි මත්ද්‍රව්‍ය පැකට් කිහිපයක් අද (31) අත්අඩංගුවට ගත් බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

31 July 2024

පොලිස්පති අවුලෙන් සහන දිනයත් නවතී

පොලිස්පතිවරයාගේ ප්‍රධානත්වයෙන් පැවැත්වෙන පොලිස්පති මහජන සහන දිනය නොවැලැක්විය හේතුවක් හේතුවක් මත අනිද්දා (2) නොපැවැත්වෙන බව පොලිස් මූලස්‌ථානය ජනතාවට දැනුම් දෙයි.

31 July 2024

උද්ධමනය තවත් ඉහළට

කොළඹ පාරිභෝගික මිල දර්ශකය අනුව මෙම මස සමස්ත උද්ධමනය සියයට 2.4 ක් දක්වා ඉහළ ගොස් ඇති බවත් ආහාර කාණ්ඩයේ වාර්ෂික උද්ධමනය සියයට 1.5 දක්වා ඉහළ ගොස් ඇති බවත් ජනලේඛන සහ සංඛ්‍යාලේඛන දෙපාර්තමේන්තුව පැවසීය.

31 July 2024

තැපැල් ඡන්ද අයඳුම් කිරීම 5දා දක්වා

එළඹෙන ජනාධිපතිවරණයේදී තැපැල් ඡන්ද ප්‍රකාශ කිරීමට බලාපොරොත්තු වන රාජ්‍ය සේවකයන්ට ලබන මස 5 වැනිදා දක්වා අයදුම්පත් යොමුකළ හැකි බව මැතිවරණ කොමිෂන් සභාව පැවසීය.

31 July 2024

නාමල් පිලේ මැති ඇමැතිලා එළියට විසිවේ?

ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහයෝගය නොදී වෙනම අපේක්ෂකයකු ඉදිරිපත් කිරීමේ තීරණයේ සිටින මහින්ද රාජපක්ෂ සහ නාමල් රාජපක්ෂ ඇතුළු මන්ත්‍රීවරුන්ට ඉදිරි කාලයේදී පාර්ලිමේන්තුවේ විපක්ෂයේ අසුන්වල අසුන් ගැනීමට සිදුවනු ඇතැයි පාර්ලිමේන්තු ආරංචි මාර්ගවලින් පැවසේ.

31 July 2024

රනිල්ට උදව් කරන මන්ත්‍රීලාට වැඩ වරදී

ඉදිරි ජනාධිපතිවරණයේදී ශ්‍රී ලංකා පොදු ජන පෙරමුණ වෙනම අපේක්ෂකයෙකු ඉදිරිපත් කිරීමට ගත් තීරණයට එරෙහිව යමින් ජනාධිපති රනිල් වික්‍රමසිංහ මහතාට උදව් කරන සියලුම මන්ත්‍රීවරුන් ඔවුන් මෙතෙක් දැරූ තනතුරු වලින් ඉවත් කිරීමට එම පක්ෂය තීරණය කර ඇත.

31 July 2024

පළාත් සභා හිටපු මහජන නියෝජිතයෝ 116කගේ සහය ජනපතිට

ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතා ගේ ජයග්‍රහණය වෙනුවෙන් කැපවෙන බව ශ්‍රී ලංකා පොදුජන පෙරමුණ සහ එක්සත් ජාතික පක්ෂය නියෝජනය කරන පළාත් සභා වල හිටපු මහජන නියෝජිතයන් 116 ක් ජනාධිපතිවරයාට දැනුම් දුන් බව ජනාධිපති කාර්යාලය පවසයි.

31 July 2024

කලවාන රත්නපුර ප්‍රධාන මාර්ගයේ කොටසක් නායයයි

කලවාන රත්නපුර ප්‍රධාන මාර්ගයේ කලවාන මායිම ආරම්භ වෙන ස්ථාණයේ නායයෑම් සහිත ස්ථාණයක බැම්මක් සකස් කිරිමට යැමේදි යළිත් මාර්ගයේ කොටසක් නායයෑමට ලක්ව ඇතැයි ජාතික ගොඩනැගිලි හා පර්‍යේෂණ ආයතනයේ නිළධාරියෙකු පැවසිය.

31 July 2024

පොහොට්ටුවෙන් කවුරු ගියත් ඡන්ද ගෙනියන්න බෑ

ශ්‍රී ලංකා පොදුජන පෙරමුණෙන් කවුරු ගියත් ඡන්දදායකයන් පක්‍ෂය හැර නොයන බවත් මහින්ද රාජපක්‍ෂ ජනාධිපතිතුමා හැර කවුරු පක්‍ෂය හැර ගියත් ඔවුන්ට ඡන්ද රැගෙන යා නොහැකි බවත් හිටපු අමාත්‍ය ජොන්ස්ටන් ප්‍රනාන්දු මහතා අද (31) පැවසීය.

31 July 2024

ප්‍රසන්නගෙන් මහින්දට ලියුමක්

පොහොට්ටුවේ දේශපාලන මණ්ඩලය ගත් තීරණය පොහොට්ටු පාක්ෂිකයින් බහුතරයකගේ අපේක්ෂාව හෝ පක්ෂය ගැන සිතා ගත් තීරණයක් නොවේ යැයි ආණ්ඩු පක්ෂයේ ප්‍රධාන සංවිධායක නාගරික සංවර්ධන සහ නිවාස අමාත්‍ය ප්‍රසන්න රණතුංග මහතා හිටපු ජනාධිපති මහින්ද රාජපක්ෂ මහතාට ලිපියක් යවමින් පවසා ඇත.

31 July 2024

ප්‍රංශ ජනපතිගේ ‘ආදරණීය හාදුව’

ප්‍රංශ ජනාධිපති ඉමැනුවෙල් මැක්රොන් සම්බන්ධයෙන් ප්‍රංශ සමාජ මාධ්‍ය ඔස්සේ කසුකුසුවක් නිර්මාණය වී ඇත. ඒ, ජනාධිපති මැක්රොන් සහ ප්‍රංශ ක්‍රීඩා ඇමැතිනී ඕඩියා කැස්ටෙරා අතරේ සිදුවුණු ‘ආදරණීය’ හාදුවක් නිසාය.

31 July 2024

ක්වාසි විනිසුරු අල්ලස් දැලේ

කාන්තාවකගෙන් රුපියල් 10,000 අල්ලස් මුදලක් ලබාගත් මාතලේ ක්වාසි විනිසුරුවරයෙක් අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි

31 July 2024

දූෂණ විරෝධී පනතට තරුණ මන්ත්‍රීවරයෙක්ගෙන් බාල්දියක්

දූෂණ විරෝධී පනත් කෙටුම්පත කැබිනට් මණ්ඩලයට ඉදිරිපත් නොකරන ලෙස තරුණ පාර්ලිමේන්තු මන්ත්‍රීවරයෙක් ජනාධිපති රනිල් වික්‍රමසිංහ මහතාගෙන් ඉල්ලීමක් කර තිබේ.

31 July 2024

පීසී අල්ලස් දැලේ

බිබිල මැදගම පොලිස් ස්ථානයේ කොස්තාපල්වරයෙකු මැදගම නගරයේ පොදු වෙළඳපොලේ දි ව්‍යාපාරිකයෙකුගෙන් රුපියල් 3000 අල්ලස් මුදලක් ලබා ගනිද්දී අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

31 July 2024

කැනඩා යන්න සිහින දුටු තරුණයාගේ සිරුර වැවක

කැනඩාවට පිටත්ව යාමට සුදානමින් සිටි තරුණයෙකුගේ සිරුරක් මල්ලාවි වවුනිකුලම වැව් තිබි සොයාගත් බව මල්ලාවි පොලිසිය පවසයි.

31 July 2024

පෙම්වතිය බලන්න ගිය තරුණයාට කඩුවකින් පහරදී කොල්ල කාලා

කිලිනොච්චියේ සිට යාපනය සිටි තම පෙම්වතිය හමුවීමට ගිය තරුණයෙකුට කිසියම් කල්ලියක් කඩු ප්‍රහාරයක් එල්ල කර ඔහු සතු වූ ස්ව(ර්)ණාභරණ , මුදල් , ජංගම දුරකථනය හා ත්‍රිරෝද රථය කොල්ල කා පලා ගොස් ඇති බවට පැමිණිල්ලක් ලැබී ඇතැයි මනිප්පායි පොලිසිය කියයි.

31 July 2024

සජිත් වෙනුවෙන් ඇප මුදල් තැන්පත් කරයි

සමගි ජන බලවේගයේ ජනාධිපති අපේක්ෂයා ලෙස සජිත් ප්‍රේමදාස මහතා වෙනුවෙන් අද (31)ඇප මුදල් තැන්පත් කර තිබේ.

31 July 2024

පොල් වගා ගැටලු කියන්න අංකයක්

පොල් වගාවට අදාල සුදු මැස්සා රෝගය ඇතුළු කවර ගැටලුවක් වුවත් ගොවි ජනතාවට ඍජුවම දැනුම් දිය හැකි ක්ෂණික දුරකථන ඇමතුම් අංකයක් ලබා දෙන්නැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පොල් වගා කිරීමේ මණ්ඩලයට උපදෙස් දුන්නේය.

31 July 2024

මුලතිව් නගරයේ ගින්නකින් වෙළඳසැල් තුනක් විනාශයි

මුලතිව් නගරයේ පිහිටි වෙළද සැලක ඇතිවූ ගින්නක් හේතුවෙන් ඒ අවට වූ වෙළද සැල් තුනක් ගිනි ගෙන විනාශවී ඇති බව මුලතිව් පොලිසිය සදහන් කරයි.

31 July 2024