එසැණ පුවත්

හම්බන්තොට තැපැල් ඡන්ද ජාජබට

හම්බන්තොට දිස්ත්‍රික්කයේ තැපැල් ඡන්ද ප්‍රතිඵල අනුව ජාතික ජනබලවේගය ඡන්ද 29076ක් ලබා ගත්තේය. සමගි ජන බලවේගයට හිමි වූයේ ඡන්ද 3340කි. නව ප්‍රජාතන්ත්‍රවාදී පෙරමුණට ඡන්ද 1913ක් හිමි වූ අතර ශ්‍රී ලංකා පොදුජන පෙරමුණට ඡන්ද 1160 හිමි විය. සර්ව ජන බලයට හිමි වූයේ ඡන්ද 613කි.

14 November 2024

ගාල්ල ආසනය ජාජබට

ගාල්ල දිස්ත්‍රික්කය ගාල්ල මැතිවරණ කොට්ඨාසය ඡන්ද 39707ක් ජාතික සමගි ජනබලවේගය දිනා ගත්තේය. සමගි ජන බලවේගයට හිමි වුයේ ඡන්ද 9410කි. නව ප්‍රජාතන්ත්‍රවාදි පෙරමුණට ඡන්ද 3741 හිමි වූ අතර ශ්‍රී ලංකා පොදුජන පෙරමුණට ඡන්ද 1885ක් හිමි විය. සර්ව ජන බලයට හිමි වූයේ ඡන්ද 715කි.

14 November 2024

කළුතර තැපැල් ඡන්ද ජාජබට

කළුතර දිස්ත්‍රික්කය කළුතර තැපැල් ඡන්ද ප්‍රතිපලය ජාතික ජනබලවේගය 29076කි. සමගි ජන බලවේගයට හිමි වුයේ ඡන්ද 3340, නව ප්‍රජාතන්ත්‍ර වාදි පෙරමුණට ඡන්ද 1913 හිමි වූ අතර ශ්‍රී ලංකා පොදුජන පෙරමුණට ඡන්ද 1160 ක් හිමි විය. සර්ව ජන බලයට හිමි වූයේ ඡන්ද 613කි.

14 November 2024

රත්නපුර තැපැල් ඡන්දවලින් ජාජබ ඉදිරියෙන්

රත්නපුර දිස්ත්‍රික්කයේ ජාතික ඡන්ද තැපැල් ඡන්ද ඡාතික ජන බලවේගය ඡන්ද 24,776ක් ලබා ගත් අතර සමගි ජනබලවේගය ලබා ගත් ඡන්ද සංඛයාව 2969කි. නව ප්‍රජාතන්ත්‍රවාදි පෙරමුණ ඡන්ද 1528කි.

14 November 2024

ගාල්ල තැපැල් ඡන්ද ජාජබට

පළමු තැපැල් ඡන්ද නිල ප්‍රතිපඵලය මීට සුළු මොහොතකට පෙර නිකුත් කළේය. ඒ අනුව ජාතික ජනබලවේගය ඡන්ද 32296ක් ලබා ගත් අතර සමගි ජනබලවේගයට හිමි වූයේ ඡන්ද 3523කි.

14 November 2024

චාල්ස් රජුට 76 යි

තෙවැනි චාල්ස් රජු සිය 76 වැනි උපන්දිනය රාජකීය කටයුතු වල නියැලෙමින් අද(14) සැමරුවේය. තෙවැනි චාල්ස් රජු අද(14) ආහාර බෙදා හැරීමේ මධ්‍යස්ථාන දෙකක් මහජනතාව වෙනුවෙන් විවෘත කළේය. පසුගිය වසරේදී ආරම්භ කළ රාජාභිෂේක ආහාර ව්‍යාපෘතිය කොටසක් ලෙස තෙවැනි චාල්ස් රජු මෙම ආහාර බෙදා හැරීමේ මධ්‍යස්ථාන දෙක විවෘත කර ඇත.

14 November 2024

’’ප්‍රතිඵලෙන් පසු පෙළපාලි බෑ’’

මැතිවරණ ප්‍රතිඵලවලින් අනතුරුව කිසිම අයකුට පෙළපාලියාම සදහා අවසර ලබා නොදෙන බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා අද (14) පැවැසීය.

14 November 2024

මනාප ඡායාරූප ගත කළ තවත් අයෙක් මාට්ටු

ඡන්ද මධ්‍යස්ථානය තුළදී තම මනාපය සනාථ කිරීමෙන් අනතුරුව එය ඡායාරූප ගත කළ අයකු,14 දින පෙරවරුවේ ආලංකුඩාව මුස්ලිම් මහ විද්‍යාලයේ ශාලා අංක එක පරිශ්‍රයේ දී ඔහුගේ ජංගම දුර කථනය ද සමගින් නොරොච්චෝල පොලිසිය විසින් අත් අඩංගුවට ගෙන ඇත.

14 November 2024

ඡන්ද අල්ලස් තොගයක් අඩප්පන්වලින් මාට්ටු

මැතිවරණයේ යම් අපේක්ෂකයකු ප්‍රවර්ධනය සදහා රැගෙන ගිය බවට සැකසහිත රුපියල් ලක්ෂ හතකට ආසන්න වටිනාකමින් යුතු ආහාර ද්‍රව්‍ය සහිත ලොරි රථයක් සැකකරුවන් තිදෙනකු ද සමගින්, පල්ලිය මඩුපෙරියමඩු මාර්ගයේ දී 13 දින සැන්දෑවේ අත් අඩංගුවට ගත් බැව් අඩම්පන් පොලිසිය පවසයි.

14 November 2024

ඡන්ද පත්‍රිකා වීඩියෝ කරලා

ඡන්දය ප්‍රකාශ කිරීමෙන් අනතුරුව ඡන්ද පත්‍රිකාව ජංගම දුරකථනයෙන් ඡායාරූප ගත කළ පුද්ගලයන් දෙදෙනකු අද (14) බේරුවල ඡන්ද මධ්‍යස්ථාන දෙකකදී අත්අඩංගුවට ගත් බව කළුතර දිසාව භාර නියෝජ්‍ය පොලිස්පති ලක්සිරි විජේසේන මහතා පැවසීය.

14 November 2024

සියලුම රාත්‍රී තැපැල් දුම්රිය අද ධාවනය කරයි

දුම්රිය රියදුරු හා රියදුරු සහායකයන් නොමැතිවීම හේතුවෙන් දුම්රිය ගමන් වාර රැසක් අද දිනයේදී අවලංගු වුවද අද රාත්‍රී ධාවනය වීමට නියමිත සියලු තැපැල් දුම්රිය සාමාන්‍ය පරිදි ධාවනය කෙරෙන බව දුම්රිය දෙපාර්තමේන්තුව පවසයි.

14 November 2024

යුරෝපයේ ධනවතා ලෝක ධනවතාට නඩු දමයි

යුරෝපයේ ධනවත්ම පුද්ගලයා වන බර්නාර්ඩ් ආර්නොල්ට් ලොව ධනවත්ම පුද්ගලයා වන ඊලෝන් මස්ක්ට එරෙහිව නඩුවක් ගොනු කර ඇතැයි ’’ ද ඩේලි ටෙලිග්‍රාෆ්’’ පුවත්පත වාර්තා කළේය.

14 November 2024

ඇමැති විජිත ඡන්දය ප්‍රකාශ කරන්න ඇවිත්

පාර්ලිමේන්තු මැතිවරණය සඳහා ගම්පහ දිස්ත්‍රික්කයෙන් තරග කරන ජාතික ජනබල වේගය අපේක්ෂක අමාත්‍ය විජිත හේරත් මහතා , අද දහවල් ගම්පහ බණ්ඩාරනායක විද්‍යාල ඡන්ද මධ්‍යස්ථානයේදී සිය ඡන්දය ප්‍රකාශ කළේය.

14 November 2024

‘‘මේ ආණ්ඩුවේ ආයුෂ අඩුවෙන්න පුළුවන්‘‘

මේ ආණ්ඩුව වසර පහක් තිබෙන්නත් පුළුවන් නැතිවෙන්නත් පුළුවන්. එම නිසා ඉදිරියටත් මා දේශපාලනය කරනවා. හිතුණොත් මැතිවරණවලදී තරග කරනවා. යැයි හිටපු ජනාධිපති මෛත්‍රිපාල සිරිසේන මහතා අද පැවසීය.

14 November 2024

ඡන්ද නීති කැඩූ 15ක් වවුනියාවෙන් අලලයි

වවුනියාවේ මැතිවරණ නීති උල්ලංඝනය කළ පුද්ගලයින් 15 දෙනකු පෝස්ටර සහ මනාප අංකය සහ සළකුණ සහිත තුන්ඩු සමඟින් අද අත්අඩංගුවටගත් බව වවුනියාව පොලිසිය කියයි.

14 November 2024

කාලගුණෙන් අනතුරු අඟවයි

දිවයිනේ බොහෝ ප්‍රදේශවල ගිගුරුම් සහිත වැසි සමග ප්‍රබල අකුණු ඇතිවිය හැකි බවට කාලගුණ විද්‍යා දෙපාර්තමේන්තුව අනතුරු අඟවයි.

14 November 2024

මහින්ද - නාමල් මැදමුලනේදී ඡන්දය ප්‍රකාශ කරති

ශ්‍රී ලංකා පොදුජන පෙරමුණේ නායක මහින්ද රාජපක්ෂ මහතා සහ එම පක්ෂයේ ජාතික සංවිධායක නාමල් රාජපක්ෂ යන මහත්වරු 2024 මහ මැතිවරණයේ සිය ඡන්දය ප්‍රකාශ කිරිමට වීරකැටිය මැදමුලන ඩී.ඒ රාජපක්ෂ මහ විදුහලේ ඡන්ද මධ්‍යස්ථානයට පැමිණෙන අයුරු

14 November 2024

දිවි අම්මා පැටවුන් බේරා ගන්න කළ සටන

සිය පැටවුන් බේරා ගැනීමට සිංහ ධේනුවක් සමග පුදුමාකාර ධෛර්යයකිනි සටන් කරන දිවියකු පිළිබඳ පුවතක් ටැන්සානියාවෙන් වාර්තා වේ. ටැන්සානියාවේ සැරන්ගෙටි ජාතික වන උද්‍යානයේදී මෙම සිදුවීම සිදුව ඇත.

14 November 2024

ඡන්ද පෙට්ටි ගණන් කිරීමේ මධ්‍යස්ථානවලට

මහ මැතිවරණයේ දිවයින පුරා ඡන්දය ප්‍රකාශ කිරීම සමස්තයක් වශයෙන් සියයට 60ත් 65ත් අතර අගයක පැවතුණ බව මැතිවරණ නිරීක්ෂකයෝ සඳහන් කරති.

14 November 2024

’’වැල් පාලම ඒගොල්ලොම හොල්ල ගන්නවා’’

වැල් පාලම ආණ්ඩුවේ අය විසින්ම හොල්ලමින් සිටින බව හිටපු ජනාධිපති රනිල් වික්‍රමසිංහ මහතා මහ මැතිවරණයේ ඡන්දය පාවිච්චි කිරීමෙන් අනතුරුව මාධ්‍ය හමුවේ ප්‍රකාශයක් කරමින් අද(14)පැවසීය.

14 November 2024

ගැඹුරු මුහුදෙන් කුඩු අල්ලයි

ලංකාවට බටහිර දෙසින් ගැඹුරු මුහුදේ මත්ද්‍රව්‍ය ප්‍රවාහනය කරමින් තිබූ මෙරට බහුදින යාත්‍රාවක් සමග සැකකරුන් හය දෙනකු අද (14) අත්අඩංගුවට ගත් බව නාවික හමුදාව පවසයි.

14 November 2024

උතුර දකුණ එකතු කරන දේශපාලන සංස්කෘතියක් ඇති කරනවා

උතුර, දකුණ, නැගෙනහිර හා බටහිර යන සියළු පළාත් එකතු කරන දේශපාලන සංස්කෘතියක් ඇති කරන බව ජනාධිපති අනුර දිසානායක මහතා ඡන්දය ප්‍රකාශ කිරීමෙන් අනතුරුව මාධ්‍ය අමතමින් පැවසීය.

14 November 2024

හිජාබයට විරුද්ධ නම් මානසික රෝගීන්

ටෙහෙරානයේ ඉස්ලාමික් අසාද් විශ්ව විද්‍යාලයේදී සිය ඇඳුම් ගලවා යට ඇඳුමෙන් ඔබමොබ ගිය තරුණිය මානසික රෝහලකට ඇතුළත් කිරීමෙන් පසුව ඉරානයේ අනිවාර්ය නීතියක් වන හිජාබය පැළඳීමේ නීතියට පිටුපාන කාන්තාවන්ට මානසික සහ විද්‍යාත්මක ප්‍රතිකාර ලබා දෙන සායනයක් ආරම්භ කිරීමට ඉරාන බලධාරීන් තීරණය කර ඇතැයි පැවැසෙයි.

14 November 2024

තැපැල් ඡන්ද ගණන් කිරීම ඇරඹේ

මහ මැතිවරණයේ තැපැල් ඡන්ද ගණන් කිරීම මීට සුළු මොහොතකට පෙර එනම් පස්වරු 4.15 ට පමණ ආරම්භ කළ බව මැතිවරණ දෙපාර්තමේන්තුවේ උසස් නිලධාරියෙක් පැවසීය.

14 November 2024

ස්පා ආයතනය කොල්ලයට ඇවිත් ගුටි කයි

මිනුවන්ගොඩ ප්‍රදේශයේ ස්පා ආයතනයකින් මුදල් කොල්ලකෑම සදහා තියුණු ආයුධ රැගෙන මෝටර් රථයකින් අද (14) අලුයම පැමිණි සිවුදෙනකු සහ ස්පා ආයතනයේ සිටි පිරිසක් අතර ඇති වූ ගැටුමකින් කොල්ලකරුවන් දෙදෙනකු සහ එම ආයතනයේ සිටි පුද්ගලයකු තුවාල ලබා රෝහල්ගත කර ඇති බව මිනුවන්ගොඩ පොලිසිය පවසයි.

14 November 2024

ඡන්ද කොලේ ඉරූ තවත් අයෙක් අත්අඩංගුවට

අක්මිමන හියාරේ මහා විද්‍යාලයේ ඡන්ද මධ්‍යස්ථානයේ ඡන්දය සලකුණු කරණු ලබන ස්ථානයේ දි ඡන්ද පත්‍රිකාව ඉරාදැමු පුද්ගලයෙකු අත්අඩංගුවට ගත් බව අක්මිමන පොලිසිය පවසයි.

14 November 2024

තංගල්ල විදුලි අධිකාරීවරයා පහර කෑමකින් රෝහලේ

ලංකා විදුලිබල මණ්ඩලයේ තංගල්ල විදුලි අධිකාරී කේෂාන් බුද්ධික මහතාට දකුණු පළාත් නියෝජ්‍ය සාමාන්‍යාධිකාරී සුමිත් කුමාර මහතා පහර දුන්නේ ඇයි කියන සිද්ධියක් හේතුවෙන් විදුලි අධිකාරීවරයා රෝහල් ගත කර ඇති බව තංගල්ල පොලිසියේ උසස් නිලධාරියෙක් පැවසීය.

14 November 2024

මානප අංකෙ නොකීවැයි ඡන්ද පත්‍රිකාව ඉරලා

ඡන්ද මධ්‍යස්ථාන නිළධාරීන් සමග ඇතිවූ කතාබහක් දුරදිග යාමෙන් ඡන්ද පත්‍රිකාව ඉරාදැමූ පුද්ගලයෙකු අත්අඩංගුවට ගත්බව වාද්දුව පොලිසිය පවසයි.

14 November 2024