පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභාවේ අවසන් වාර්තාව ඉකුත්දා නිකුත් විය. 

ශ්‍රේෂ්ඨාධිකරණ විනිසුරු ජනක්ද සිල්වා මහතාගේ සහභාගිත්වයෙන් යුත් එම කොමිසමේ සෙසු සාමාජිකයන් ලෙස, අභියාචනාධිකරණ විනිසුරු නිශ්ශංක බන්දුල කරුණාරත්න, විශ්‍රාමික අභියාචනාධිකරණ විනිසුරු නිහාල් සුනිල් රාජපක්‍ෂ, විශ්‍රාමික මහාධිකරණ විනිසුරු අතපත්තු ලියනගේ බන්දුල කුමාර අතපත්තු යන මහත්වරු සහ විශ්‍රාමික අමාත්‍යාංශ ලේකම් ඩබ්ලිව්.එම්.එම්.ආර්. අධිකාරි මහත්මිය කටයුතු කළහ.

මෙහි පළවන්නේ සහරාන් හෂීම්ගේ මුල්වකවානුව සම්බන්ධයෙන් එම වාර්තාවේ ඇතුළත් පරිච්ඡේදයකින් කොටසකි. 

(ශ්‍රී ලංකා ජමාතේ ඉස්ලාම් සංවිධානය (SLII)

සහරාන් විසින් සංවිධානය කෙරුණ පුහුණු කඳවුරුවලට සහභාගිවූවන්ගෙන් බොහෝ දෙනෙකු SLII සංවිධානයේ සාමාජිකයන් වන අතර ඒවා සංවිධානය කරන ලද බොහෝ පිරිස් ද SLII හි සාමාජිකයන් වන බව පරීක්ෂණ කොමිෂන් සභාව නිරීක්ෂණය කරයි. පාස්කු ඉරිද‌ා ප්‍රහාර සම්බන්ධයෙන් අත්අඩංගුවේ පසුවන සැකකරුවන් කිහිප දෙනෙකු SLIIසාමාජිකයෝය. එබැවින් SLII සහ එහි ප්‍රධාන චරිතයක් වන රෂීඩ් හජ්ජුල් අක්බාර්ගේ ක්‍රියාකාරකම් මෙම පරිච්ඡේදයේ සමීපව විමසා බලයි.

ජමාතේ-ඉ-ඉස්ලාම් (මුස්ලිම්වරුන් එක්රැස් කිරීම) යනු 1941 අගෝස්තු 26 වැනිද‌ා අබුල් අලා මවුලවි විසින් පිහිටුවනු ලැබූ ආගමික පුනර්ජීවන ව්‍යාපාරයකි. ඔහුගේ දේශපාලන මතවාදය ජමාත්හි දෘෂ්ටිවාදය නියෝජනයය කරන අතර එය ඔහුගේ සංකල්ප දෙක මත පදනම් වේ. එකක් පරමාධිපත්‍යය දෙවියන් වහන්සේට අයත් වන අතර සෑම මුස්ලිම්වරයකුගේම අරමුණ වන්නේ මිහිපිට දෙවියන්ගේ පාලනය ස්ථාපිත කිරීමයි. දෙවනුව ඉස්ලාමය යනු සමාජ, ආර්ථික. දේශපාලනික යනාදී ජීවිතයේ සියලු අංශ පාලනය කරන සම්පූර්ණ හා පුළුල් ජීවන රටාවකි. මේ අනුව ජමාතෙහි ප්‍රධාන අරමුණ ඉස්ලාම් යනු මවුලවිට අනුව ඉස්ලාමීය රාජ්‍යය හෝ දරුල් ඉස්ලාම් වැනි විවිධ වචනවලින් හඳුන්වන පරිදි දෙවියන්ගේ පරමාධිපත්‍යය පොළොව මත ස්ථාපිත කිරීමයි. මවුලවි පවසන පරිදි ‘ඉස්ලාමීය රාජ්‍යය ඒකාධිපති රාජ්‍යයක් වන අතර එය සෑම ක්ෂේත්‍රයකින්ම සමන්විත වේ. එහෙත් මෙම ඒකාධිපතිවාදය සහ විශ්වාසභාවය පදනම් වී ඇත්තේ ඉස්ලාමීය පාලකයකු විසින් නිරීක්ෂණය කළ යුතු හා බලාත්මක කළ යුතු දිව්‍ය නීතියේ විශ්වීයත්වය මතය.’

සංවිධානයේ ඉන්දියානු ශාඛාව ජමාත්-ඉ-ඉස්ලාම් හින්ද් ලෙස හඳුන්වන අතර එය ඉන්දීය රජය විසින් දෙවරක් තහනම් කෙරිණි. පළමුවැන්න 1975-1977 හදිසි අවස්ථාව තුළ තාවකාලික තහනමක් වන අතර එය හදිසි අවස්ථාව ඉවත් කිරීමෙන් පසු අවලංගු කෙරිණි. දෙවැන්න 1992 දී 1967 නීති විරෝධී ක්‍රියාකාරකම් (වැළැක්වීමේ) පනත යටතේ සිදුකරන ලද්දකි. එය ඉන්දියානු ශ්‍රේෂ්ඨාධිකරණයේ ඉදිරියේ අභියෝගයට ලක්විය.


ජමාඅත්-ඉ-ඉස්ලාම් හින්දි එදිරිව ඉන්දියානු සමූහාණ්ඩුව (1995 එස්.සී.සී. (1) 428) මධ්‍යම නීති ප්‍රකාශය සනාථ කරමින් 1967 නීති විරෝධි ක්‍රියාකාරකම් (වැළැක්වීමේ) පනතේ 4 වැනි වගන්තිය යටතේ සම්මත කෙරුණා.
1994-04.11 දිනැති නියෝගය ඉන්දීය ශ්‍රේෂ්ඨාධිකරණය විසින් අවලංගු කරන ලදී. පනතේ 3 වැනි වගන්තියේ (1) වන උප වගන්තිය යටතේ ජමාඅත්-ඉස්-ඉස්ලාමි හින්ද් පනතේ අර්ථ දක්වා ඇති පරිදි ‘නීති විරෝධි සංගමයක්’ බව රජය විසින් නිකුත් කරන ලද නිවේදනයෙහි දැක්වේ. මෙම තීන්දුව පදනම් වී ඇත්තේ කාර්ය පටිපාටියක නුසුදුසුකම මත වන අතර ශ්‍රේෂ්ඨාධිකරණය නිශ්චිතවම කියා සිටියේ අවශ්‍ය තොරතුරු තිබේ නම් ජමාඅත්-ඊ-ඉස්ලාමි හින්ද්ට එරෙහිව එකී පනත යටතේ විවාදයට නොගන්නා බවයි.

 කොළඹ 9 හි අංක 77දෙමටගොඩ පාරේ අබ්දුල් කාදර් ජයිලානි ෂාහිබ් නම් ඉන්දියානු ව්‍යාපාරිකයකු විසින් 1954 දී SLII  ආරම්භ කරන ලදී. එහි ලෝක දර්ශන බොහෝ දුරට බලපාන්නේ 1928 දී ඊජිප්තුවේ මුස්ලිම් සහෝදරත්වය ආරම්භ කළ හසන් අල්-ඛන්නාගේ සිතුවිලි සහ ඉස්ලාමීය නොවන දේශපාලන ක්‍රමයට හා අදහස්වලට අභියෝග කරන ලෙසත් (සටන්කාමී) ජිහාඩ් මිලිටරි අංශ හරහා  ඉස්ලාමීය රාජ්‍යයක් ගොඩනැගීමටත් මුස්ලිම් සමාජයන් කැඳවූ සයිඩ් කුතුබ්ගේ පණිවිඩ ප්‍රවර්ධනය කිරීම මෙම සංවිධානය විසින් සිදු කෙරිණි.


හසන් අල්-ඛන්නා ඉස්ලාමය සැළකුවේ පරිපූර්ණ ජීවන ක්‍රමයක් ලෙසත් පිළිගත හැකි එකම ව්‍යවස්ථාව ශුද්ධ වූ අල් කුර්ආනය පමණක් යනුවෙනි. ඔහු රජය එහි ආර්ථිකය හා සමාජය ඉස්ලාමීයකරණය කිරීම වෙනුවෙන් පෙනී සිටියේය. සයිඩ් කුතුබ් විසින්ම ඉබ්නු කයිම් අල්-ජව්සියා සහ හසන් අල්-ඛන්නා යන අයගේ බලපෑමට ලක් වූ අතර 1966 දී ඊජිප්තු ජනාධිපති ගමාන් අබ්දුල් නසාර් ඝාතනය කිරීමට කුමන්ත්‍රණය කිරීමේ චෝදනාවට වරදකරු වූ අතර එල්ලා මරා දමන ලදී. වහබ්වාදය, සලිෆිවාදය හා ජිහාඩ්වාදය වැනි අතිශය ගතානුගතික මතවාද කෙරෙහි ප්‍රබල බලපෑමක් ඇති කළ ඉබ්නු අල්-කයිම් ඉබ්නු තයිමියාගේ ප්‍රමුඛතම ශිෂ්‍යයෙකු ලෙස හැඳින්වේ.

මුස්ලිම් සහෝදරත්වයේ ප්‍රකාශකයකු බවට පත්වීමේ දී කිසිවකු හසන් අල්-ඛන්නා අබිබවා නොගිය බව පැහැදිලිය. හසන් අල්-ඛන්නාගේ මුස්ලිම් සහෝදරත්වය ගොඩනඟා ගැනීමට පසුබිම සකසමින් මුස්ලිම් සහෝදරයන්ගේ නිර්මාතෘ සහ එහි පියා ලෙස මෙන්ම වහාබ්වාදයේ’ අත්තිවාරම ගොඩනගා ඉස්ලාමීය චින්තකයන් වන අබුල් අලා මවුදීන් ඉන්දියාවේ, ඉරානයේ රුහෝල්ලා කොමෙනි සහ විශේෂයෙන් සයිඩ් කුට්බ් වැනි අයට මඟ පෑදූ බව ප්‍රකාශ කිරීම අතිශයෝක්තියක් නොවේ. හසන් අල්-ඛන්නාගේ මුස්ලිම් සහෝදරත්වය අරාබි භාෂාවෙන් අල්-ඉක්වාන් අල්-මුස්ලිම්-දැනටමත් වසර කිහිපයක සිට පසුව දෘෂ්ටිවාදාය කේන්ද්‍ර කර ගනිමින් ශක්තිමත් දේශපාලන – ආගමික මුහුණුවරක් අත්පත් කරගෙන ඇත. අල්-ඛන්නාට, දේශපාලනය සහ ආගම ප්‍රායෝගිකව එකම දෙය වන අතර ‘අපි බෙදීම් හඳුනා නොගන්නා’ කාරණා දෙක පිළිබඳව ඔහු ප්‍රකාශ කළේය. පිටස්තර පුද්ගලයන්ට මුහුණ දෙන විට එකම දේ ප්‍රකාශ කිරීමට සහෝදරත්වයේ සාමාජිකයන් දිරිමත් කෙරිණි. මුස්ලිම් සහෝදරයන්ගේ අභිප්‍රාය කෙරෙහි ඔහු දැක්වූ දැවැන්ත කැපවීම නොතකා, අල්-ඛන්නා කිහිප වතාවක්ම සඳහන් කළ පරිදි, ඔහුගේ පරම්පරාවෙන් යුත් සයිඩ් කුතුබ් තරම් දක්ෂ ලේඛකයෙක් හෝ බුද්ධිමතෙක් නොවීය. සියල්ලටම වඩා ඔහු ක්‍රියාකාරිකයෙකි. ආරම්භකයාගේ දෘෂ්ටිවාද‌ාත්මක මූලධර්මය බොහෝ දුරට සම්පාදනය කර ඇත්තේ ආලෝකය දෙසට වූ පත්‍රිකාවෙනි. මෙම රචනාවේදී අල්-ඛන්නා විසින් ඉස්ලාමීය මූලධර්මයන් ඉදිරිපත් කෙරිණි. ඔහුගේ ප්‍රතිපත්ති ප්‍රකාශනය ලියා වසර දෙකකට පසු වයස අවුරුදු 42 දී ඔහු ඊජිප්තු රජුගේ අණ පරිදි විශේෂ පොලිසිය විසින් ඝාතනය කරනු ලැබීය.

ශ්‍රී ලංකා ජමාතේ ඉස්ලාම් (SLII)  මුස්ලිම් සහෝදරත්වය (ඉහ්වාන් මුස්ලිම්) හා සමාන මතවාදයක් මත කටයුතු කරන අතර ඊජිප්තුව, සෞදි අරාබිය, කුවේට්, කටාර්, ඉන්දියාව සහ පාකිස්තානය යන රටවල එකම මතවාදයක් ඇති පුද්ගලයන් හා සංවිධාන සමග සමීප සම්බන්ධතා පවත්වයි. SLII  හි අවසාන ඉලක්කය වන්නේ ශ්‍රී ලංකාවේ ඉස්ලාමීය රාජ්‍යයක් ස්ථාපිත කිරීම සහ ජාත්‍යන්තරව ඉස්ලාමීය රාජ්‍යයක් ඇති කිරීමයි.. එය දිගුකාලීන අරමුණකි.
1994 සිට හෙබ වූ 2018 දක්වා SLII හි නායක ධුරය හොබවා ඇත්තේ හජ්ජුල් අක්බාර්ය.

එස්එල්ජේඅයි විසින් මාදම්පේ ඉස්ලාහියා අරාබි පාසල, මාවනැල්ලෙහි අයිෂා සයිඩ්කා අරාබි පාසල සහ කල්කුඩාහි ෆාතිමා සහරා අරාබි විද්‍යාලය පිහිටුවන ලදී. 1992 අංක 7 දරන පනත මගින් පිහිටුවන ලද හිස්බුල් ඉස්ලාම් අරමුදල මෙම සංවිධානයේ කොටසකි.

නවුෆර් මාදම්පේ ඉස්ලාහියා අරාබි විද්‍යාලයේ වසර තුනක් ගත කළේය. සාදික් සහ ෂාහිඩ් ද එයට ඇතුළත් වී සිටියහ. ඉස්ලාහියා අරාබි විද්‍යාලයේ ඉස්ලාමීය රාජ්‍යයක් පිහිටුවීම පිළිබඳව සිසුන්ට ඉගැන් වූ බවටත් ආයුධ සමඟ සටන් කිරීමට ඉගෙනීම අනිවාර්යය බවටත් සාක්ෂි තිබේ. ඇෆ්ගනිස්ථානය, බොස්නියාව සහ චෙච්නියාවේ මුස්ලිම්වරුන් මුහුණ දෙන දුෂ්කරතා නිරූපණය කරන වීඩියෝ දර්ශන ද ඔවුන්ට පෙන්වීය. සෑම වසරකම සිසුන් වනාන්තරයට ගෙන ගොස් ඉදිකළ කඳවුරු භාවිත කරමින් ශාරීරික හා මානසික ව්‍යායාම පුහුණුව ලබා ඇත.

SLII සිය ක්‍රියාකාරකම් සඳහා සෞදි අරාබියේ සහ ඉන්දියාවේ ප්‍රකාශයට පත් කෙරුණ ශුද්ධ වූ අල් කුර්ආනය භාවිත කරයි. සවුදි අරාබිය, මැලේසියාව, තුර්කිය, පාකිස්තානය සහ ඉන්දියාව වැනි රටවල ඉස්ලාම් දහම පිළිබඳ වැඩිදුර හැදෑරීමට SLII  හි සාමාජිකයන්ට අවස්ථාව ලැබේ.

SLII විසින් ජමාඅත්-ඉ-ඉස්ලාම් පවුල් සෑදීම ආරම්භ කරන ලද අතර ඔවුන් උස්රා ක්‍රමය ලෙස හැඳින්වූ අතර එය පවුල් එකිනෙකා සමඟ සම්බන්ධ කර ජමාඅත් ඉස්ලාම් පවුලේ කොටසක් බවට පත් වූ අතර ඔවුන් එකම සමාජයක් බවට පත්විය. ඔවුන්ට ඔවුන්ගේම රැස්වීම් සහ උත්සව තිබේ. මෙය තවත් පවුල් එක්රැස් වීමට හේතු වේ.
2015 දී පමණ SLII  මහනුවර, පුත්තලම, මාවනැල්ල සහ කෑගල්ල යන දිස්ත්‍රික්කවල ක්‍රියාකාරී විය.

එස්.එල්.ජේ.අයි. හි ප්‍රකාශන කාලයාගේ ඇවෑමෙන් අන්තවාදී අන්තර්ගතයන් පළකර ඇත. අල් හසනාත් යනු ශ්‍රී ලංකා ජමාතේ ඉස්ලාමියා SLII  හි නිල ප්‍රකාශනයයි. ජිහාඩ් සෘජුව හෝ වක්‍රව උත්කර්ෂයට නැංවූ අල් හසනාත්හි විවිධ කලාපවල පළ වූ ලිපි කිහිපයක සාක්ෂි ජනාධිපති පරීක්ෂණ කොමිෂන් සභාව වෙත ඉදිරිපත් කරන ලදී. එක් ලිපියක ඇෆ්ගනිස්ථානයේ අබ්දුල්ලා හසාම්ගේ ජිහාඩ් ඉස්මතු කර දැක්වෙන්නේ ඔහුගේ පස් හැවිරිදි පුතා සමග සම්මුඛ සාකච්ඡාවක් ද ඇතුළුවය. එහිදී ඔහු පවසන්නේ තම පියා මෙන් ජිහාඩ් කර ඔහු හා එක්වීමට තමාට අවශ්‍ය බවය. 2008 ජූනි මාසයේ තවත් ලිපියක් මගින් අල් හසානාත් ජිහාඩ් උත්කර්ෂයට නැංවීය.

1990 පෙබරවාරි මාසයේ අල් හසානාත් ප්‍රකාශනයේ ජිහාඩ් නොකර ඉස්ලාමීය රාජ්‍යයක් පිහිටුවීම කළ නොහැකි බව සඳහන් කර ඇත. 1994 දී අල් හසනාත්හි මුල් පිටුවේ ඇෆ්ගනිස්ථානයේ ජිහාඩ් සටන්කරුවකු වූ කූල්බුටින් හික්මාතියාර්ගේ ඒකේ 47 රයිෆලයක් සහිත වර්ණ පින්තූරයක් පළ කළේය.

ප්‍රතිමා වන්දනා කිරීම විවේචනය කරමින් සහ ඒවා විනාශ කරන අයට ප්‍රශංසා කිරීම පිළිබඳව 1999 නොවැම්බර් අල් හසනාත් කතුවැකියක් පළ කළේය. හසන් අල්-ඛන්නා පැහැදිලි කළ පරිදි ඉස්ලාමීය රාජ්‍යයක් පිහිටුවීම විළිබඳව ද එම සංස්කරණයේම සඳහන් වේ. 2001 පෙබරවාරියේ අල් හසනාත් සංස්කරණයේ ලිපියක් ඉස්ලාමය වෙනුවෙන් තම ජීවිතය පූජා කළ අය ගැන ප්‍රශංසා කරන අතර ස්වර්ගයේ සිටින කන්‍යාවන් 72 දෙනකු ඔවුන් වෙත ලබා දෙන බව ප්‍රකාශ කරයි.

2008 ජූනි මාසයේ දී අල් හසනාත් සංස්කරණයේ යුසුෆ් අල් කර්ද‌ාවි සඳහන් කළේ මරාගෙන මැරෙන ප්‍රහාරයක් යනු ජිහාඩ්හි ශ්‍රේෂ්ඨ ක්‍රියාවක් බවයි.

අල් කුර්ආනය පිළිබඳ පාසල් සිසුන් සඳහා ශ්‍රී ලංකා ජමාතේ ඉස්ලාමියා (එස්එල්ජේඅයි) විසින් 1992 වසරේදී බ්‍රහස්ප්‍රතින්ද‌ා සහ සති අන්තවල වැල්ලවත්ත සහ මාවනැල්ලෙහි පන්ති පැවැත්විණි. ආගමික ප්‍රතිමා විනාශ කිරීම නිවැරදි දෙය බව එහිදී දරුවන්ට ඉගැන්වීය. පලස්තීන, බොස්නියානු සහ කාශ්මීර යුද්ධ පිළිබඳව ද පාඩම් උගන්වා තිබේ.

ශ්‍රී ලංකා ජමාතේ ඉස්ලාමියා SLII  දින පහක නේවාසික වැඩසටහන් ද පැවැත්වීය. මේවායින් සමහරක් 1995 සහ 1996 දී මාදම්පේ ඉස්ලාහියා අරාබි පාසලේ හා මුස්ලිම් පල්ලියේදී පැවැත්විණි. මෙම වැඩසටහන් සඳහා සිසුන් 40 ත් 120 ත් අතර පිරිසක් සහභාගි වූහ. ඔවුන්ගෙන් එක් අයෙකු පාස්කු බෝම්බ ප්‍රහාර සම්බන්ධයෙන් දැනට අත්අඩංගුවේ පසුවන රිස්වි ය. මෙම වැඩසටහන් අතරතුර සහභාගි වූවන්ට ශ්‍රී ලංකා පාර්ලිමේන්තුව විසින් නීති සම්පාදනය කිරීම වැරදියි. නීති නිර්මාණය කිරීම දෙවියන්ගේ අයිතියක් බවත් වෙනත් කිසිවෙකුට නීති සම්පාදනය කිරීමට නොහැකි බවත් ඔවුන්ට පවසා තිබේ. මුස්ලිම්වරයකුට අල්ලාහ් හැර වෙනත් කිසිවෙකුගෙන් උපකාර ලබා ගත නොහැකි බවත්, ඔවුන් නීති සම්පාදනය කිරීමට අනුබල නොදිය යුතු බවත් ඉගැන්වීය. වඩාත් අර්බුදකාරී ලෙස ජාතික ධජයට හා ගීයට ගරු කිරීම වැරදි බව ද ඔවුන් උගන්වා තිබේ.

ඉස්ලාමීය රාජ්‍යයක් පිහිටුවීම පිළිබඳව සාකච්ඡා කිරීමේ එවැනි එක් වැඩමුළුවක දී, මුස්ලිම්වරු සුළුතරයේ සිටිය දී ශ්‍රී ලංකාවේ ඉස්ලාමීය රාජ්‍යයක් පිහිටුවන්නේ කෙසේ ද යන්න පිළිබඳව හජ්ජුවාල් අක්බරා නම් සිසුවෙක් ප්‍රශ්නයක් මතු කළේය. මුස්ලිම්වරුන් බහුතරයක් නොවුණත් ඉන්දියාවේ මෞගල් අධිරාජ්‍යය වසර 800 ක් රජකම් කළ බවත්, මුස්ලිම්වරුන් බහුතරය විය යුතු නැති බවත්, එය කළ හැකි බවත් සිසුන්ට ඒත්තු ගැන්වෙන පරිදි සම්පත් ද‌ායකයන්ගෙන් කෙනකු වූ හජ්ජුල් අක්බාර් පිළිතුරු දුන්නේය. බලය අල්ලා ගත හැකි නම් ඉස්ලාමීය රාජ්‍යයක් පිහිටුවන්න ලෙස ඔහු පවසා තිබේ. ඔහු ජිහාඩ් ඉටුකිරීම සඳහා ඇෆ්ගනිස්ථානයට ගොස් ඇති බව වාර්තා වේ. 2019.06.19 වැනිද‌ා විකාශය වූ නෙත් එෆ්.එම්. ඔස්සේ විකාශය වූ ශ්‍රී ලංකා ජමාතේ ඉස්ලාමියා (SLII)  හිටපු ක්‍රියාකාරිකයකු වූ ඒ.ජී.එම්. නතීර්ගේ සම්මුඛ සාකච්ඡාවකදී ශ්‍රී ලංකාවේ ඉස්ලාමීය රාජ්‍යයක් පිහිටුවීම ශ්‍රී ලංකා ජමාතේ ඉස්ලාමියා (SLII)  හි දිගුකාලීන ඉලක්කය බවට තවත් සාක්ෂි අඩංගු වේ.

හජ්ජුල් අක්බාර් කියා සිටියේ සහරාන් තමාට වරක් දුරකතන ඇමැතුමක් ලබා දී විවාදයකට ආරාධනා කළ බවත් තමන් එය ප්‍රතික්ෂේප කර බවයි. මෙම සංවාදයේ දී එක් පාර්ශ්වයක් ලෙස සහබාගි වූයේ දැයි දැන ගැනීමට සහරාන්ගේ කටහඬ බව හඳුනා ගැනීමටම රජයේ රස පරීක්ෂකවරයාට නොහැකි විය.

ඔහුගේ සහෝදර රෂීඩ් මොහොමඩ් ඉබ්‍රාහිම් අයිසිස්හි දෘෂ්ටිවාදය විවෘතව ඉදිරිපත් කිරීමට පටන් ගත් කාලය තුළ ශ්‍රී ලංකා ජමාතේ ඉස්ලාමියා SLII  හි නායකත්වය හජ්ජුල් අක්බරා විසින් අතහැර දමා ඇති බව පෙනේ.
ශ්‍රී ලංකා ජමාතේ ඉස්ලාමියා SLII  තුර්කි ප්‍රභවයන්ගෙන් අරමුදල් සහ අවස්ථා ලැබුණි.

ශ්‍රී ලංකා ජමාතේ ඉස්ලාමියා එස්.එල්.ජේ.අයි. සඳහා ප්‍රධාන වශයෙන් අරමුදල් සපයනු ලැබුවේ කුවේටයේ අර්ධ රාජ්‍ය සංවිධානයක් වන බයිතුස් සාකාත්, ඇමරිකා එක්සත් ජනපදයේ හෙල්ප් හෑන්ඩ් සහ කැනඩාවේ අයි.සී.එන්.ඒ. සංවිධානය විසින් බව හජ්ජුල් අක්බාර් සාක්ෂි ලබා දෙමින් කියා සිටියේය. කෙසේ වෙතත් එය 2015 සිට අවසන් කරන ලදි. එබැවින් තවදුරටත් විදේශ අරමුදල් නොලැබේ. එවැනි සුබසාධන ව්‍යාපෘති සඳහා ප්‍රතිලාභීන් තෝරා ගැනීමේ දී පක්ෂග්‍රාහීත්වය සම්බන්ධයෙන් විවිධ අංශවලින් ලැබී ඇති චෝදනා සේවය අවසන් කිරීමට හේතුව ලෙස පැහැදිලි කෙරිණි. ශ්‍රී ලංකා ජමාතේ ඉස්ලාමියා SLII  හි සමාජිකයන් සඳහා එකතු කරන ලද සාමාජික ගාස්තුවක් ලෙස (සාමාජිකයාගේ ආද‌ායම අනුව රුපියල් 200 සිට 2000 දක්වා) සහ රාමසාන් සමයේ සුබ පතන්නන් ලයිස්තුවක් මත පදනම්ව ආධාර ඉල්ලීම් ලිපි යොමු කිරීමෙන් ලැබෙන පරිත්‍යාග එකතු කරන බවට ඔහු සාක්ෂි දුන්නේය. තවද මැදපෙරදිග රටවල සිටින සුබ පතන්නන් ද ඊට ද‌ායක වන බව ප්‍රකාශ විය.

ශ්‍රී ලංකා ජමාතේ ඉස්ලාමියා SLII  තබ්ලිජමාඅත් සහ තවුහිද් ජමාඅත් සූෆි මුස්ලිම්වරුන් ඔවුන්ගේ අනුගාමිකයන් බවට පත් කිරීම ඔවුන්ගේ මූලධර්ම හා ඉගැන්වීම් ප්‍රචාරය කිරීම අරමුණු කරගත් බවට හජ්ජුල් අක්බාර් වැඩිදුරටත් සාක්ෂි ලබා දුන්නේය.


ජමාතේ-ඉස්ලාමි ශිෂ්‍ය ව්‍යාපාරය (SLISM) 


ශ්‍රී ලංකා ජමාතේ ඉස්ලාමියා SLII  හි ශිෂ්‍ය ශාඛාව මෙයයි. සාමාන්‍ය පෙළ විභාගය සම්පූර්ණ කිරීමෙන් පසු එය මුස්ලිම්වරුන් සඳහා විවෘත වන අතර වයස අවුරුදු 26 දක්වා කෙනෙකුට සාමාජිකයකු ලෙස රැඳී සිටිය හැකිය. ඉන් අනතුරුව කෙනකුට ශ්‍රී ලංකා ජමාතේ ඉස්ලාමියා SLII  බැඳීමට අවස්ථාව තිබේ.

 ඉහළම සාමාජිකත්වය ‘රුකුන්’ ලෙස නම් කර ඇති අතර එය සාමාජිකයන් 60 – 70 කට සීමා වේ. මීළඟ මට්ටමේ සාමාජිකත්වය ‘සහකාර සාමාජිකත්වය’ ලෙස නම්කර ඇති අතර එයට 250 – 300 ක් ඇතුළත් වෙති. පහළම මට්ටම සේවකයන් ලෙස නම් කර ඇත. සාමාජික පිරිස නිශ්චිත වශයෙන් නොමැති නමුත් 1200 – 1300 පමණ මෙහි සාමාජිකත්වය දරති. මැලේසියාව, සවුදි අරාබිය, ඉන්දියාව, පාකිස්තානය සහ තුර්කිය වැනි රටවලට නිතර විදේශ සංචාර ඉහළ මණ්ඩලයේ සාමාජිකයන්ට අවස්ථාව ලැබේ.
 

ශිෂ්‍ය අංශය 1980 දී පිහිටුවන ලදී. අහමඩ් තාලිබ් ලූක්මන් තාලිබ්, යුසුෆ් ඉසදීන් මොහොමඩ් හනීස්, එම්.එස්.එම්. ෆාරිස්, ජේ.එම්. අෂ්රොෆ්, ඉසෙඩ් ඒ.එම්. නවුසියා සහ ජේ.එම්. නිවාස් මෙය පිහිටුවීමෙහිලා කැපවී ක්‍රියා කළ අයවලුන්ය.

අහමඩ් තාලිබ් ලූක්මන් තාලිබ් සහ පවුලේ අය 1995 දී ඕස්ට්‍රේලියාවට සංක්‍රමනය වුවත් ඔවුන් ශ්‍රී ලංකාව සමග සමීප සබඳතා පවත්වන බව පෙනේ. අහමඩ් තාලිබ් ලුක්මන් තාලිබ්ට් පුතුන් දෙදෙනෙක් සිටිති. ඔවුන් නම් ලූක්මන් තාලිබ් ඉස්මයිල් සහ ලූක්මන් තාලිබ් අහමඩ් නොහොත් අබු අබ්දුල්ලාය.

ලූක්මන් තාලිබ් අහමඩ් නොහොත් අබු අබ්දුල්ලා ඕස්ට්‍රේලියාන් පුරවැසියකු වන අතර 2014 සිට අවස්ථා කිහිපයකදී ශ්‍රී ලංකාවට පැමිණ ඇත. අවසන් වරට ඔහු ශ්‍රී ලංකාවට පැමිණියේ 2017 දෙසැම්බර් 20 වැනිද‌ා වන අතර 2018 ජනවාරි 10 වැනිද‌ා පිටත්ව ගියේය. පාස්කු ප්‍රහාරය සම්බන්ධයෙන් අත්අඩංගුවේ පසුවන එක් සැකකරුවකු වන මාවනැල්ලෙහි බුද්ධ ප්‍රතිමා කඩා බිඳ දැමීම සහ පාස්තු ප්‍රහාරය සම්බන්ධයෙන් ප්‍රධාන සැකකරුවකු වන මොහොමඩ් ඉබ්‍රාහිම් සාදික් අබ්දුල්ලා හෙවත් අබු උමාර් සමඟ 2014 සිට ඔහු සමීපව සම්බන්ධතා පවත්වා ඇත.

අහමඩ් තාලිබ් ලූක්මන් තාලිබ් සහ ලූක්මන් අහමඩ් හෝ අබු අබ්දුල්ලා මොහොමඩ් ඉබ්‍රාහිම් සදීක් අබ්දුල්ලා නොහොත් අබු උමර්ට 2014 දී තුර්කියට සහ පසුව සිරියාවට ගොස් දින 40 ක් පමණ ආයුධ පුහුණුව සඳහා පහුසුකම් සැපයූහ. මොහොමඩ් ඉබ්‍රාහිම් සාදික් අබ්දුල්ලා නැමැති ශ්‍රී ලංකා ජමාතේ ඉස්ලාමියා ශිෂ්‍ය ව්‍යාපාරයේ නායකයකු වූ බැවින් තුර්කිය හරහා සිරියාවට යාම සඳහා ඔහුට අහමඩ් තාලිබ් ලූක්මන් තාලිබ් සහ ලූක්මන් තාලිබ් අහමඩ් හෝ අබු අබ්දුල්ලා පහසුකම් සැලසුවේය. මෙහිදී දින 40 හමුද‌ා පුහුණුවක් ලබා ඇත.

 තුර්කියට යෑමට ඇති අවස්ථාව පිළිබඳව ශ්‍රී ලංකා සංවිධානයේ මොහොමඩ් නිස්තාර් අහමඩ් මුන්ෂිෆ් මොහොමඩ් ඉබ්‍රාහිම් සාදික් අබ්දුල්ලා නොහොත් අබු උමර්ට දන්වා තිබේ. මුන්ෂිෆ් 2001 දී S.L.I.S.M හි සභාපති ලෙස කටයුතු කර ඇත. තුර්කියට යාමට අවස්ථාව ගැන සඳහන් කිරීමට පෙර සාදික් මුන්ෂිෆ් මරද‌ානේ මුස්ලිම් දේවස්ථානයක දී මුණගැසී තිබේ. බුරුමයේ සහ ශ්‍රී ලංකාවේ උද‌ාහරණ උපුටා දක්වමින් අබු අබ්දුල්ලා ප්‍රකාශ කර තිබුණේ ‘ඒකට අපි තමා නැගිලා සිටින්න ඕනෑ’ කියාය.

(මතු සම්බන්ධයි)