කතුවැකිය

විගණන වාර්තාවෙන් කියැවෙන පණිවිඩය

ජාතික විගණන කාර්යාලයේ නවතම වාර්තාව ඉකුත් දා ප්‍රකාශයට පත්විය. එම වාර්තාවේ කාගෙත් ඇස් ඇරෙන පුවතක් සඳහන්ව තිබේ. එම පුවත නම් නීතිපති දෙපාර්තමේන්තුවේ රුපියල් කෝටි 30කට අධික හිඟ ආදායමක් (2022 වසරේ දෙසැම්බර් 31 වනවිට) අයකර ගැනීම පැහැර ඇති බවය.

28 December 2023

කුඩු මර්දන සටනට ජනතා සහායත් ඕනෑ

පාතාලයට සහ කුඩු ජාවාරම්කරුවන්ට එරෙහි යුක්තිය මෙහෙයුම මේ වනවිට දින ගණනාවක් තිස්සේ ක්‍රියාත්මකව පවතී. අපගේ ලංකාදීප ප්‍රවෘත්තියකට අනුව පළමු දින හත තුළ දී පාතාලයන් සහ කුඩු ජාවාරමුන් 13,666කට අධික පිරිසක් අත්අඩංගුවට ගෙන ඇත. එසේම පාතාලයන් සතු රුපියල් කෝටි ගණනාවක සුඛෝපභෝගී නිවාස සහ වාහන ඇතුළු දේපළ විශාල ප්‍රමාණයක් ද වැටලීම්වල දී සොයාගෙන තිබේ. ඒ සම්බන්ධයෙන් අධිකරණ ක්‍රියාවලිය ඉදිරියට ක්‍රියාත්මක වෙමින් තිබේ.

27 December 2023

භූත ඇදහිලි විශ්වාස පසුපස ගොස් අමාරුවේ වැටෙන්නෝ

ප්‍රාග් ඓතිහාසික යුගයේදී මිනිසා ගස්, ගල් පර්වත නමස්කාර කළේය. එම මිනිසාට ඉර මෙන්ම හඳද දෙවියන් විය. ක්‍රිස්තු පූර්ව 6 වැනි සියවසේ භාරතයේ විද්‍යාත්මක පදනමක් නොමැති ඇදහිලි හා විශ්වාස 62ක් විය. ඒවායේ ඇතැම් ඉතිරි බිතුරු තවමත් ඉන්දියාවේ පවතී. 21 වැනි සියවස වුවද අදටත් ඉන්දියාවේ “නිඝන්ටනාථ පුත්තලා” සිටිති. ඉන්දියාවේ පමණක් නොව මේ රටේ තත්ත්වය ද එයින් වෙනස් නොවන්නකි.

26 December 2023

නත්තලේ අසිරිය සැමට උදාවේවා!

අසිරිමත් නත්තල අදින් උදා වේ. ලොව පුරා වෙසෙන කෝටි සංඛ්‍යාත ජනතාව ඉමහත් බැතියෙන් මෙන්ම අපමණ ප්‍රීතියෙන් නත්තල සමරති. ඒ, තමන්ගේ මනුෂ්‍ය ආත්මභාවයේ ගැලවුම්කරුවා බෙත්ලෙහෙමේ ගවලෙනක ඉපදුණු සතුටය. නත්තල අප රටේ එක් විචිත්‍රවත් සංස්කෘතිකාංගයකි. එහෙයින්, කිතුනු ජනයා පමණක් නොව සෑම ආගමකටම අයත් ජනයා උත්සවශ්‍රීයෙන් නත්තල සමරති. ජේසුස් වහන්සේගේ උප්පත්තිය සම්බන්ධ ශුභාරංචියෙන් ඉපිලෙමින් නත්තල සමරන ඒ ජනී ජනයා සමග ලංකාදීපය ද මෙසේ සාදරයෙන් එක්වේ.

25 December 2023

තනතුරු හිස්ව තැබීමේ පාඩුව රටේ ජනතාවටයි

සෞඛ්‍ය අමාත්‍යංශයේ ඉහළම පරිපාලන තනතුරු 100කට වැඩි ගණනක පුරප්පාඩු පුරවා නැති බවත් එම තනතුරුවලට වැඩබලන නිලධාරීන් පත්කර ඇති බවත් අපගේ ලංකාදීපය පත්‍රයේ පළ කෙරුණු වාර්තාවක සඳහන් විය. එසේම දේශීය ආදායම් දෙපාර්තමේන්තුවේ කොමසාරිස් ජනරාල් ධුරය ඇතුළු මහ පුටු 251ක් මාස ගණනාවක් තිස්සේ හිස්ව පවතින බව අපගේ සහෝදර පුවත්පතක් වන ‘අද’ පසුගියදා වාර්තා කළේය.

23 December 2023

සරසවි ඇදුරාගේ නිහීන ක්‍රියාව

ධර්මද්වීපය යැයි විරුදාවලි ලත් රට බොහෝ වේගයෙන් සංස්කෘතික කාන්තාරයක් බවට පත්වෙමින් තිබේ. අසන්නට, දකින්නට ලැබෙන සිදුවීම් හද කම්පා කරවයි. මිනිසුන්ට මෙහෙම හැසිරිය හැකිදැයි’ සිතෙන තරමට එම සිදුවීම් ජුගුප්සාජනකය. එමෙන්ම කුරිරුය. මෙම සිදුවීම් වාර්තා වන්නේ නූගත් අඥාන පුරවැසියන්ගෙන් පමණක් නොව දැන උගත්කමින් පිරිපුන් සමාජයේ වගකිවයුතු යැයි සැලකෙන පුරවැසියන්ගෙන් වීම ද විශේෂිතය. මේ බව පසක් කරවන සිදුවීමක් අප පුවත්පත ඉකුත්දා වාර්තා කළේය.

22 December 2023

පාප්තුමාගේ හිටපු උපදේශකට එරෙහි නඩුවෙන් අපටත් පාඩමක්

මූල්‍ය අපරාධ චෝදනාවකට වරදකරු වීම හේතුවෙන් වතිකානයේ හිටපු කාදිනල්වරයකු මෙන්ම පාප්තුමාගේ හිටපු උපදේශකවරයකු වූ ඇන්ජලෝ බෙවුට වතිකානු අපරාධ අධිකරණය වසර පහයි මාස 6ක සිර දඬුවමක් හා යුරෝ 8000ක දඩයක් නියම කළ බව අප පුවත්පත ඉකුත් දා වාර්තා කළේය. මෙම ඇන්ජලෝ බෙවු වරක් පාප් ධුරය සඳහා ද සුදුස්සකු ලෙස සැලකිණි.

21 December 2023

ඖෂධ ජාවාරමුන් දඬුකඳේ ගැසීම

බාල ඖෂධ නැතහොත් සරලව ප්‍රකාශ කළොත් හොර බෙහෙත් මේ රටේ ගෙදර දොර පොදු මාතෘකාවක් බවට පත්ව තිබේ. මේ හොර බෙහෙත් ජාවාරම බිලියන පතියන් බිහි කරන හොඳ යන්ත්‍රයකි. මේ යන්ත්‍රයේ ඇති රෝද කර කවන පිරිස අතරේ බොහොම බලවත් දේශපාලකයන් සිටින බවද පොදු රහසකි. එහෙත් මේ බලවත් විෂම චක්‍රයට දඬුවම් පමුණුවන නැතහොත් නියම බෙහෙත දීමක් ගැන කතා කරන පිරිස සංඛ්‍යාත්මකව අඩුය.

20 December 2023

වැට් බදු ඉහළ දැමීමෙන් පොඩ්ඩාට තවත් අමාරුකම්

අප රට රටක් වශයෙන් හැඳින් විය හැකි සියලු නිර්ණායක රටට අහිමි වෙමින් තිබෙන සෙයකි. ඒ බවට ඉඟිදෙන පුවතක් අප පුවත්පත ඉකුත්දා වාර්තා කළේය. ප්‍රවෘත්තියේ සිරස්තලයෙන් එම ඉඟිය මනාව උළුප්පා තිබිණි. එම සිරස්තලය නම් ‘වැට් එකෙන් ජනවාරියේ සිට බස් ගාස්තුව ඉහළට’ යන්නය.

19 December 2023

ගුරු ගෞරවය නොරැක්කොත් සමාජයෙනුත් පිළිගැනීමක් නෑ

අවුරුදු 15 ක බාලවයස්කාර දරුවකුගේ භාරකාරත්වය හෝ ආරක්ෂාව දරා සිටිමින් එම දරුවාට වේවැලකින් පහරදීම අඩන්තේට්ටම් කිරීම හිංසාකිරීම හා නොසලකා හැරීම යන චෝදනාවලට වරද පිළිගත් විදුහල්පතිනියකට කළුතර මහාධිකරණ විනිසුරු ප්‍රදීප් එස්. අබේරත්න මහතා රුපියල් ලක්ෂ 10ක වන්දි මුදලක් එම දරුවාට ගෙවන ලෙස නියම කළ බවත් විදුහල්පතිනිය විනිසුරුවරයා ඉදිරියේ එම වන්දි මුදල ගෙවා දැමූ බවත් අප පුවත්පත ඉකුත්දා වාර්තා කළේය.

18 December 2023

ගොවි - පාරිභෝගික දෙපිරිසම රකිමු

එළැඹෙන්නේ උත්සව සමය වේ. වේලක් හැර වේලක් කමින් යාම්තමට ජීවිතය ගැටගසාගෙන සිටින ජනයාට උත්සව සමය යනු දවල්තරු පෙනෙන මාතෘකාවකි. ආර්ථික අර්බුදයට අමතරව සියලු ආකාරයේ ජාවාරම්කරුවන්ගේ, අතරමැදි මාෆියාකරුවන්ගේ, මංපහරන්නන්ගේ නින්දිත සූරා කෑමට ජනයා ලක්වන්නේද උත්සව කාලවලය. ‘‘කල දුටු කල වළ ඉහගන්නා’’ නරුමයන්ගේ නිර්දය ප්‍රහාරයට මෙම උත්සව සමයේදී ද ජනයා ලක්වනු නොඅනුමානය.

16 December 2023

පරිසරයට හානිවන පොලිතින් භාවිතය

‘‘ලන්ච් ෂීට් තහනම්, විකල්ප සොයන්න හය මසක්”‍ යනුවෙන් පුවතක් පසුගිය දිනෙක අප පුවත්පතේ පළ වූයේය. මීට පෙර කී වතාවක් ලන්ච් ෂීට් තහනම් කළේ දැයි අසන්නට අයකුට සිත් දේ නම් එය අරුමයක් නොවේ. එසේ විමසීම අතිශය සාධාරණය. මීට පෙර ලන්ච් ෂීට් වලට යොදාගන්නා පොලිතීන් වර්ගය තහනම් කළ අවස්ථා හතරක් පිළිබඳ තොරතුරු වැඩි ආයාසයකින් තොරව සොයාගත හැකිවේ.

15 December 2023

අල්ලස–දූෂණය පිටුදැකීමේ ක්‍රියාදාමය තවත් දැඩිකරමු

අල්ලස් ගැනීම්, දූෂණ සහ අයථා ලෙස වත්කම් ඉපැයීම සම්බන්ධ පැමිණිලි 3255 ක් මෙම වසරේ ජනවාරි මස 1 වැනිදා සිට නොවැම්බර් මස 21 වැනිදා දක්වා කාලය තුළ අල්ලස් කොමිසමට ලැබී ඇතැයි එම කොමිෂම් සභා ආරංචි මාර්ග පවසන බව අප පුවත්පත ඉකුත්දා වාර්තා කළේය.

13 December 2023

පැය පහක් අඳුරේ වැටීමේ අභාග්‍යය

මුළු රටටම එකවර පැය පහක කාලයක් අඳුරේ ගිලි සිටීමට සිදුවිය. ඒ ඉකුත් 9 වැනිදා පස්වරු 5 සිට රාත්‍රී 10 දක්වා කාලය තුළදීය. මාස කිහිපයක් පුරා පැය 12කට ආසන්න කාලයක් විදුලිය නොමැතිව කල් ගෙවූ ජනයාට පැය 5ක කාලයක් අඳුරේ සිටීමට සිදුවීම එතරම්ම බරපතළ අර්බුදක් නොවේ.

13 December 2023

දුප්පත්කමින් යුතුකම් අයුතුකම් අමතකවීම

දින හතේ වයසැති පිරිමි නිවුන් දරුවන් දෙදෙනකු මුදලට විකිණු සිද්ධියක් පසුගියදා අපගේ ලංකාදීපය සිය මුල් පිටුවේ ප්‍රධාන සිරස්තලයක් මගින් අනාවරණය කර තිබිණි. එක් දරුවකු රුපියල් විසිපන්දහකට මිල නියම කර තිබූ බවද මේ සිද්ධියට සම්බන්ධ කාන්තාවන් දෙදෙනකු අත්අඩංගුවට ගෙන ඇති බවද එම ප්‍රවෘත්තියේ සඳහන් විය.

11 December 2023

හැදියාව කියාපෑවාට ක්‍රියාව අන්ත බාලය

රටේ ජනතාවගේ හැදියාව කියාපාන කතාවක් අපි ඉස්සර අසා ඇත්තෙමු. ඒ තුළ මෙරට ජනයාගේ ගරුත්වය පිළිබඳ දෘෂ්ටියත්, හැදියාව යොමු විය යුතු දිශාවත් පිළිබඳ අදහසකුත් මතු වී තිබිණි. ඒ කාලයේ “රටේ ඉන්නා සුන්දරතම කන්‍යාවිය රන් ආභරණයෙන් සරසා, ඈට පේදුරු තුඩුවේ සිට දෙවුන්දර තුඩුව දක්වා පා ගමනින් රට මැදින් යන්නට සැලැස්සුව පසුත් ඇගේ සිරුරේ පැළඳි ආභරණවලටවත්, ඇයටවත් යම් තරමින් හෝ හානියක් සිදු වෙන්නේ නැත”‍ යන්න ඒ කතාවයි.

11 December 2023

ක්ෂුද්‍ර මූල්‍ය ආයතනවලට නියාමනයක් ඕනෑ ඇයි?

මෙරට ක්‍රියාත්මක ක්ෂුද්‍ර මූල්‍ය ආයතන නියාමනය කිරීමට නව පනතක් පාර්ලිමේන්තුවට ඉදිරිපත් කිරීමට නියමිත බව ‘ලංකාදීප’ යේ පසුගියදා පළවූ වාර්තාවක සඳහන් විය. අධිකරණ අමාත්‍ය විජයදාස රාජපක්ෂ මහතා ඒ බව හෙළිකරමින් ප්‍රකාශ කර තිබුණේ ඇතැම් ක්ෂුද්‍ර මූල්‍ය ආයතන රටට පිළිකාවක් බවට පත්ව තිබෙන බව ය. එම ආයතන නියාමනය කිරීමට මහ බැංකුව නොවන වෙනම ආයතනයක් පිහිටුවීමේ අවශ්‍යතාව ද ඔහු පෙන්වා දී තිබිණි.

09 December 2023

මිථ්‍යාව වපුරා ජනතාව සූරාකන බඩගෝස්තරවාදියෝ

විද්‍යාව කෙතරම් ඉහළට දියුණු වුවද මිථ්‍යාවට තවමත් වැඩි ඉඩකඩක් තිබේ. යම් අයකු අසනීප වූ විට වෛද්‍ය ප්‍රතිකාර සඳහා යොමු නොවී විවිධ ගුරුකම්, තොවිල් නැටීම් ආදියෙන් ලෙඩ රෝග සුවපත් කර ගැනීමට යොමුවන නොදියුණු ජන කොටස් අප අතර තවමත් සිටිති. යකැදුරන්ගේ ලිංගික අතවරවලට ලක්වීම් පමණක් නොව විවිධ හේතු මත ජීවිත අහිමිවීමේ අනුවේදනීය සිදුවීම් කොතෙක් වාර්තා වුවද ඒවාට යොමුවන්නෝ හිඟ නොවෙති. නිදන් පිළිබඳ මිථ්‍යා විශ්වාසය ද එසේමය.

08 December 2023

සමාජය මේ තරමටම පිරිහෙන්නේ ඇයි?

ශුද්ධ වූ සියල්ල කෙලෙසෙමින් තිබෙන්නේ ද යන සැකය තීව්‍රවන සිදුවීම් බහුලවෙමින් තිබේ. නීතියේ ආධිපත්‍ය පොදු සමාජ අපේක්ෂාව වුවද එය යථාර්ථයක් බවට පරිවර්තනය කර ගැනීම අතිශයින්ම දුෂ්කර අභියෝගයක් බවට පත්ව ඇති සෙයකි. ඒ බව පසක් කරන පුවතක් අප පුවත්පත ඉකුත්දා වාර්තා කළේය.

06 December 2023

ග්‍රාමීය රෝහල් වැසී යන්න දෙනු එපා

දිවයින පුරා ග්‍රාමීය රෝහල් හතළිහක් මේ වනවිට වැසීගොස් තිබෙන අතර තවත් රෝහල් සියයකට ආසන්න ගණනක් වැසී යාමේ අවදානමක් පවතින බව සෞඛ්‍ය අමාත්‍යාංශයේ ඉකුත්දා පැවති රැස්වීමකදී සඳහන් වූ බව නොබෝදා අප පුවත්පතේ පළ වූයේය.

06 December 2023

සංචාරකයන්ගේ අගය නොදන්නා මිනිස්සු

ඇල්ල සංචාරකයන්ට පාරාදීසයක් වනවිට එම ප්‍රදේශයේ වටිනාකම පිළිබඳ ඉහළම අවබෝධයක් සංචාරක ව්‍යාපාරය ඇසුරින් තම ජීවනෝපාය සලසා ගන්නා ප්‍රදේශවාසීන් තුළ තිබිය යුතුය. ඔවුන්ගේ ආදායම සරුවෙන්නේ කරදරයකින් හිරිහැරයකින් තොරව සංචාරකයන් එහි පැමිණීම නිසාය.

05 December 2023

ඖෂධ ජාවාරමුන්ගෙන් ජනතාව බේරාගන්න ක්‍රමයක් නැද්ද?

අප රටේ ජනතාවට වැඩි වශයෙන් කෑමට බීමට තිබෙන්නේ වස මුසු ආහාරපානය. එමෙන් ම ඉතා අපිරිසුදු ලෙස ඇසුරුම් කරන ලද ආහාරපාන ය. ලෙඩට දුකට ගැනීමට තිබෙන්නේ ප්‍රමිතියෙන් තොර බාල ඖෂධ ය. මෙම බාල ඖෂධ භාවිතයෙන් සුසාන භූමියෙන් මෙපිට විසඳුමක් නැත. එහෙත් මෙම ශාපලත් ඉරණම වෙනස්වන ආකාරයක් පෙනෙන්නට නැත. අප පුවත්පත ඉකුත් දා වාර්තා කළ එක් ප්‍රවෘත්තියක් එයට කදිම නිදසුනකි.

04 December 2023

ඖෂධ සමග සෙල්ලම් දාන අපේම ද්‍රෝහියෝ

රෝහල් ඉදිරිපිට මල්ශාලා තිබෙන බව හිටපු සෞඛ්‍ය අමාත්‍යවරයා පාර්ලිමේන්තුවේ දී ප්‍රකාශ කළේය. කුමන අදහසක් හිස දරා එම ප්‍රකාශය කළේදැයි පැහැදිලි නැතත් දැන් දැන් එම හේතුව වුවමනාවටත් වඩා වැඩියෙන් අනාවරණය වෙමින් තිබේ.

02 December 2023

වැට් බද්ද නැංවීමෙන් ජනතාවට තවත් බරක්

ජනවාරි මස 1 වැනි දින සිට දැනට බලපවත්වන වැට් බද්ද ඉහළ දමන බව රජය විසින් ප්‍රකාශයට පත් කර තිබේ. 2024 අයවැය කතාව මගින්ද මේ බව අවධාරණය කෙරුණි. මේ වනවිට ක්‍රියාත්මක වන වැට් බදු අනුපාතය සියයට 15 කි. එය තවත් සියයට 3කින් ඉහළ දමා සියයට 18 ක් දක්වා වැඩිකරන බව අයවැය යෝජනාවෙහි සඳහන්ය. මේ ආකාරයට වැට් බද්ද ඇතුළු බදු ඉහළ දමන්නේ ජාත්‍යන්තර මූල්‍ය අරමුදල විසින් කරන ලද නිර්දේශ අනුව බව ප්‍රසිද්ධ රහසකි.

01 December 2023

ධර්මද්වීපයේ සාරධර්ම පිරිහෙන්නේ ඇයිදැයි බලමු

ධර්මද්වීපය, ධර්ම භාණ්ඩාගාරය ලෙස විරුදාවලිලත් නයන පිනවන මේ රන් දිවයින අන්තර්ජාලයෙන් කාමුක දර්ශන නරඹන්නන්ගෙන් ලොව අංක එකට පත්වීමේ පුවත මෙයට දෙතුන් වසරකට එපිටදී වාර්තා වූවකි. එහෙත් එබඳු පුවත් එයට හිමි මාත්‍රාවෙන් නොගැනීමේ ප්‍රතිඵල වාර්තා වන්නේ දැන්ය. ඒ බවට නිදසුන් සපයන පුවතක් අප පුවත්පත ඉකුත් දා වාර්තා කළේය.

29 November 2023

කෝටි අනූදාහක බදු අහිමි කරගත් රටක්

අපේ රටේ ජාතික ආදායම අඩුවීම රට බංකොළොත් තත්ත්වයට ඇද දැමූ එක් ප්‍රධාන සාධකයකි. ජාතික ආදායම එකතු කර ගැනීම නිසි ලෙස කළමනාකරණය කර ගැනීමට අසමත් වීම කොතරම් බරපතළ තත්ත්වයක් දක්වා වර්ධනය වී දැයි පසුගියදා නිකුත් කර තිබූ රාජ්‍ය මූල්‍ය ප්‍රකාශන විගණන වාර්තාවකින් අනාවරණය විය. එම වාර්තාවට අනුව රජයට ආදායම් රැස්කරන ප්‍රධාන ආයතන හතරෙන් රැස් කළ යුතු වූ ආදායමෙන් කෝටි 97,133ක් රැස්කර ගැනීමට 2022 වසරේදී අසමත්ව ඇතැයි සඳහන් වෙයි.

25 November 2023

මහත්වරුන්ගෙන් ගිලිහුණු අපේ ක්‍රිකට් ක්‍රීඩාව

ක්‍රිකට් වසන්තය එක්වරම රුදුරු ගිම්හානයකට යටත් වී තිබේ. ඉතිහාසයේ පළමුවරට ජාත්‍යන්තර ක්‍රිකට් කවුන්සිලය මෙරට ක්‍රිකට් තහනම් කර තිබේ. එක්වරක් ක්‍රිකට් ලෝක කුසලානය දිනාගත් රටක් හා දෙවරක් ක්‍රිකට් ලෝක අනුශූරයන් වූ රටක් මෙන්ම විස්සයි - 20 ලෝක කුසලානය දිනූ රටක් වන ශ්‍රී ලංකාවට මෙම තහනම නින්දනීය කැළලකි. දැවැන්තම අවමානයකි. මෙම තහනම තව දුරටත් තහවුරු කිරීමට ජාත්‍යන්තර ක්‍රිකට් කවුන්සිලය ඉකුත් 21 වැනිදා තීරණය කළේය.

23 November 2023

රට අගාධයට ගෙනයන නිලධාරි පැළැන්තිය

‘මේ රට හදන්න බැරිද?’ යන ප්‍රශ්නය ආර්ථික අර්බුදය උග්‍රව ජනයා කබලෙන් වැටීමත් සමඟ සමාජයේ පතුළ බිඳගෙන ප්‍රකාශයට පත්වූ ප්‍රශ්නයකි. මන්දයත් මේ රට යනු සාපිපාසිතව ජනයාට අකාලයේ මියයාමට සිදු නොවන රටක් වන හෙයිනි. එහෙත් නිර්මාණය වූයේ එබඳු රටකි. එබඳු රටක් නීර්මාණය වූයේ අතීතයේ සිටම මේ රට පාලනය කළ සෑම වර්ණයකටම අයත් දේශපාලනඥයන් නිසා බව පොදුවේ නැගුණ චෝදනාව විය.

22 November 2023